![]() |
|
![]() |
![]() |
#1 |
(حلا متميز)
![]() ![]() |
![]()
عزيزي الشاب، جربت تعاكس بنت قبل كدا ؟
أكيد مش حأقول عزيزتي الفتاة هل اتعاكستي قبل كده؟ لأن مفيش واحدة في مصر متعاكستش ! عامة .. خلونا نبعد عن البنات شوية ونشوف الشباب المقهور لما يحب يعاكس بيقول إيه ؟ وبيعمل إيه ؟! تهريج .. بتباتة ! شعب مصر شعب حميمي بطبعه، بيحب الألفة والانسجام والضحك، لدرجة إن في أحيان كتير بتتحول عنده المعاكسة لمجرد نكتة .. طبعا طرق المعاكسة ومستوياتها كتيرة .. منها المعاكسة التبتة اللي بيفضل الواحد لازق زى الدبان بعد المطر بالظبط ! ودا إما لجمال البنية الباهر – في نظر الدبان طبعاـ أو لأنه حاسس إنه حيطلع من اللزقة دي بفايده ! وفيه معاكسة التهريج، شباب مرمي على النواصي مش لاقي حاجه يعملها غير إنه يعاكس ويهرج على الماشيين ، والمعاكسة هنا بتبقى تهريج في الأول وفي الآخر، حاجه لتضييع الوقت، وأهوه .. يمكن تطلع بفايدة برضه .. بس الأهم .. التهريج .. مثلا تلاقي بنتين ماشيين ووراهم تلات ولاد، واحد بس اللي بيتكلم من الولاد ومركز مع واحدة ( تتجوزيني والعصمة تبقى في إيدك ؟؟ ... تتجوزيني وأغسلك الصحون؟؟ .. طب تتجوزيني وأرضع العيال ؟!! ) وتلاقي التلاتة ماتوا على نفسهم من الضحك .. طبعا هو لا حيتجوزها ولا حيرضع العيال ولا حيشوف خلقتها بعد كدا .. بس بيضيع وقت وبيسلي نفسه .. أو برضه تلاقي بنتين ماشيين وواحد بيكلم صاحبه ( أحلى واحدة فيهم اللي لابسه جزمة سودا ) .. ويا ويلهم لو لمحوهم بيبصوا على جزم بعض !! يأخذوهم تريأة للصبح! مامتك نحلة ؟ وفيه معاكسات مفتكسة، مثلا الشاب من دول يرمى كلمة يحاول يشد انتباه البنت، زى واحدة ماشي في حالها لا بيها ولا عليها تلاقي واحد متعرفوش بيبصلها وفجأة يقف قدامها ويقولها ( لازم ماما كانت نحلة !! ) طبعا البنت حتفكر ( هو بيجيب سيرة الأم إبن الــ .. ) أو مش حتفهم عاوز ايه .. فحترد بنعم .. أو أفندم ..أو بتقول إيه يا جدع إنت ... هنا الواد ينط ويقولها بسرعة ( عشان تجيب العسل دا كله !! ) وهو شطارته بقى بعد كدا.. بس مش دايما الشطارة بتنفع .. واحد جرب الموضوع دا وقال أول جملة .. راحت البنت بصاله بمنتهى الثقة وقالته له ( إشمعنى ؟ ) بعد ما خلص جملته راحت قايلاله ( تصدق .. وإنت لازم ماما كانت فرخة .. عشان تجيب البيض دا كله !! ) طبعا صاحبنا قعد تلات أسابيع بعدها في البيت .. لحد ما يفقس ! والمعاكسات برضه مقامات يعني معاكسة الماشيين غير معاكسة الواقفين، وأصحاب العربيات لهم طرقهم الخاصة تلاقي واحد بعربية واقف قدام واحدة وهات يا كلاكس وعمّا ل يشاور على تحت وعامل مجنون في العربية .. وبعدين يرجع مارشدير وهو باصص للبنت وبيقولها وهو مخضوض ( النمرة .. النمرة !! ).. طبعا البنت شافت نمرته وهو بيرجع أو مشافتهاش بس فهمت إنها نمرة العربية من إشارته لتحت فحتقوله مالها ؟ .. هنا بقى تلاقي وش جديد تماما بيقولها ( مبتجمعش ! ... متديهالي تاني ؟! ) صوت حريمي .. اقفش ! ومع عن المعاكسة في التليفون قدمت قوي إلا إنها لسه شغالة لحد دلوقتي ولان الدنيا اتطورت والتكنولوجيا دخلت البيوت وفي ظل نظام إظهار الرقم ظهرت خدمات المعاكسات من تليفونات ميناتل والنيل ورينجو، يعني الشاب من دول يشتري كارت بخمسة أو بعشرة وهاتك يا نمر وهو ونصيبه وأول ما يرد عليه صوت حريمي يقفش فيه .. كدا على طول من غير ما يعرف مين دي ولا سنها وشكل اللي جابتها عامل إزاى ( مش بأقولكوا شعب حميمي .. وشرقان كمان !! ) وطبعا كل عشرتلاف مكالمة ممكن واحدة تكمل معاه عشر دقايق على الخط،، وفي الأغلب حتبقى واحدة عندها 60 سنة فاضية هى كمان وبتشوف العيال المجانين دول بيعملوا إيه قبل ما تقفل ! وفيه معاكسة التليفونات المقصودة .. ودي عادة في المدارس .. واحد خد موبايل واحدة معاه في الفصل ميعرفهاش من واحد صاحبه وقعد يزاولها من أى كابينة تليفون .. أو يكون شافها مرة مع حد من صحابه وياخد تليفونها ويبتدي يظبط هو .. المهم .. التليفونات أثبتت إنها كانت ولازالت وسيلة مهمة للمعاكسة ! من حقهم برضه ! قلت في أول الموضوع خلونا نبعد عن البنات شوية ، بس مش معنى كدا إننا ننساهم ..لأنهم لب الموضوع يعني لو مفيش بنات الشباب هيعاكس مين؟ وفي ظل حكومة بابا حسني الرشيدة وتوجيهات ماما سوزان القوية بتمكين المرأة كان من ضمن الحاجات اللي تمكنت منها المعاكسة طبعا لازم المرأة تساوي الرجل في كل حاجة حتى المعاكسة ..! والجديد دلوقتي إنك تلاقي بنتين – عادة لابسين لبس المدارس الأبيض في كحلي – ماشيين ورا واد وبيعاكسوه، والأجدد بقى إنك تلاقي الولد خايف منهم وبيبعد – هما عادة بتبقى أشكالهم تخوف ! – وهما ماشيين وراه وبيقولوا ( القطة خايفة ولا إيه ؟! ) .. بس مش معنى كدا إن كل البنات اللي بيعاكسوا وحشين .. في بنات زى القمر وخبيرة معاكسة .. يمكن من كتر ما سمعوا ! بس الموضوع بقى بالنسبالهم وسيلة تهريج .. just having fun) ) وبمناسبة أخينا اللي كان طالع يجري فوق دا .. في ولاد كل مشكلتهم إنهم مبيعرفوش يعاكسوا ! وخصوصا لو كان صحابه خبراء في الموضوع دا .. ويا سلام بقى لو حصل تجاوب بين صاحبه والبنت اللي بيعاكسها ! حتلاقيه واقف بيضرب نفسه 100 جزمة ! عامتا .. وعلى رأى على بيه الدخاخني بعد أن شعشع الدخان في نافوخه ( متقلقوش يا رجاله .. البنات دلوقتي هى اللي بتعاكسنا .. كلها شوية وإحنا اللي حنبقى بنتشقط !! )... عايز اقول يا شباب مصر و يا شباب العالم كله العربى كله اننا نحاول نعمل الاتنين فى وقت واحد يعنى نخرج ونعيش حياتنا ونعد على كافيهات ونسافر ونروح ونييجى ونعمل كل حاجه فى نفسنا بس لازم هاييجى علينا وقت لازم نفكر ونعمل بل...... ونبدع يارب الموضوع يعجبكم ويكون دمه خفيف عليكو اخوكم فى الله Must |
|
|
![]() |
#2 |
(حلا متميز)
![]() ![]() |
![]()
هههههههههههههههه
ايه يا مست دة اشمعنا شعب مصر يعنى عموما يا عم تسلم ايدك موضوع يجنن ومن الواقع فعلا تقبل مروري |
|
|
![]() |
#3 |
(حلا متميز)
![]() ![]() |
![]()
مشكور يا دموع فى كأس على مرورك المنور ويارب افضل واحسن :)
|
|
|
![]() |
#4 |
مراقب قسم الكمبيوتر والموبايل
![]() ![]() |
![]()
مست
الله يسعدك كما اسعدنى واضحكتنى عموما عرفت منك احدث اساليب المعاكسه هههههههههههههههههههههههه اعتقد ان المعاكسه لاتليق بنا ومفيش اى شب او رجل يقبل ان اخته تتعاكس او بنته تتعاكس مشكور لموضوعك الطريف ونعتبر الموضوع ده just having fun تقبل مرورى اخى الكريم |
|
|
![]() |
#5 |
عضو مميز
![]() ![]() |
![]()
مــــــــــــــــــــــــاست
تسلم ايدك على الموضوع الجميل والهادف ربنا يهدي جميع الشباب والفتايات لما يحبه ويرضاه دمت في رعاية الرحمن |
|
|
![]() |
#6 |
(حلا متميز)
![]() ![]() |
![]()
مشكور يا ماست على الموضوع الاجميل
![]() |
|
|
![]() |
#7 |
(حلا متميز)
![]() ![]() |
![]()
اخي
كلامك صادق بالمئه للمئه ولكن من فضل الله علي لم اجرب ولا طريقه لان في اعتقادي البنات اخوات لنا حتى الزوج نـــ الغضب ــار |
|
|
![]() |
#8 |
(فراشة المنتدى)
![]() ![]() |
![]()
مــــــــــــــــــــــــاست
موضوع رائع جدا ومضحك بنفس الوقت فقد كشفت خفايا ومعاكسات الشباب شكرا لك على الطرح الرائع |
|
|
![]() |
#9 |
شخصية هامة
![]() ![]() |
![]()
اكتفي بقول شكرا
لانك خصصت الموضوع لجهة معينة وليس عاما * * * نزيف الفكر |
|
|
![]() |
#10 |
عضو مميز
![]() ![]() |
![]()
ههههههههههههههههههه
ربنا يهدي الجميع ياماست بس شكلك خبره واخد دكتوراه في المعاكسة ![]() ![]() تسلم ايدك على طرحك الجميل دمت للمنتدى بكل جديد |
![]() |
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
![]() |
||||
الموضوع | كاتب الموضوع | المنتدى | مشاركات | آخر مشاركة |
هل جربت يوما ؟؟؟ | لطفي | مجلس حلا العام | 6 | 01-05-2006 01:17 PM |
للعاشقات..و كل من جربت الحب... | اسيرة الصمت | مجلس حلا العام | 16 | 10-02-2006 12:02 PM |
هل جربت يوما ؟!! أنا فعلت ذلك | البريئة | مجلس حلا لعذب الكلام | 18 | 29-09-2005 01:01 AM |
][§¤°هل جربت يوماً^°¤§][ | ღاوراق الوردღ | ۞ مجلس حــلا الاسلامي ۞ | 8 | 16-04-2005 01:13 PM |
هل جربت | ღاوراق الوردღ | مجلس حلا لعذب الكلام | 11 | 17-11-2004 12:00 PM |