قصة لايفوتكم (حقيقيى)

[لؤلؤة البحرين]

اليوم عندي لكم قةة :)
فيه صور من تصويري .. اللي لا بأس فيه ..

عندي اخت اكبر مني .. متزوجه وعندها 3 بنات .. وولد وحيد .. عمره كان سنه ونص

ماكو الا اهو بين 3 بنات .. يعني نوعا ما مدلع ..

في يوم من الايام .. يتجهزون عشان بيروحون بيتهم ..

زوج اختي اخذ عباس وخلاه في السياره ..

رجع زوج اختي عشان شغله .. وصار الولد لحاله داخل السياره ..

لم خلصوا راحوا يبغون يركبون السياره ..

السياره مقفله والنوافذ مسكره .. وعباس داخل :eek:

الحين شلون .. كل واحد راح وقف هناك .. يا عباس بطل الباب ..

يا عباس روح عند الباب .. بطل الباب .. << صغير عمره سنه ونص مايفهم ومايعرف شلون ..

اهو كان كل مره يقفله ويفتحه عادي .. بس الظاهر هالمره من الربكه ماعرف ..

وتمينا تقريبا ربع ساعه نحاول وياه واهو مو فاهمنا ..

فزوج اختي قال مالنا الا نتصل بالدفاع المدني ..

اتصلنا بالدفاع المدني .. بعد 5 دقايق بالضبط مانشوف الا سياره بيضه يايه وموقفه قدام السياره .. وجها لوجه ..

انا اتخبلت .. بسم الله منو ذلين ..

طلعوا المباحث يوا يتحققون ..

اتصلوا للدفاع المدني (( سيارة الاطفاء )) عشان يدلونهم البيت ..

ووصلت سيارة الاطفاء ..

والناس كلها تجمعت عشان تشوف شنو صاير ههههههه :021:

كان تقريبا الساعه 12.30 ... أو 1 نص الليل بتوقيت البحرين ..





بس بعد محاولة الدفاع المدني عشان يفتحون السياره ..

ماقدروا يسوون اي شي .. ليش ؟؟

لأن السياره كانت مو دايره ..

في هالوقت ولد اختي يلس يصيح .. وذبح روحه من الصياح ..

مره رايح جدام .. ومره رايح ورا ..

تعب ويأس من الصياح قرر انه ينام ورا ..

أبوه شافه جذي قال مالي إلا أكسر الجامه ..

قالوا له رجال الدفاع المدني لا .. أصبر شوي ..

بس كل ماشاف ولده جذي .. يتعذب اهو ..

فأخذ حصى كبيره شوي من الشارع .. وبدأ بالطق على الجامه ..

فقالوا له الناس .. اكسر الصغيره احسن ..

وكسروا الجامه وفتحوا الباب .. وطلعوا عباس ..

[





ودخلنا داخل عشان يشرب ماي عن التخرع اللي صاده ..

وتم اخذ البيانات اللازمة .. من قبل رجال الاطفاء ..

هذي زوج اختي .. مع الدفاع المدني ..

سيارة الاطفاء .. بتتيسر هع

وهذي صورة عباس >>>



وفي الاخير .. اتمنى ان الموضوع كان قليل الدسم عليكم ..

وادري ان الصور مو واضحه فمن جذي ما خليتهم