|
|
|
|
28-01-2007, 12:32 AM
|
#1 |
|
(حلا جديد )
|
قصة قصيمــــيات مهسترات بلبنان .. << قصه جنااان
السلام عليكم ورحمة الله
صباح الخيرر.... مساااء الخير كيفكووون ان شاء الله كويسين <<<خلصيهم هذي قصه قريتها واعجبتني وقلت ما فيه لازم اخلي اعضاء احلى زماني يستمتعون معي ندخل في القصه................................. حصة وهيلة ومنيرة...ثلاثي بنووتي في بيت واحد هذولي خوات ساكنين في بيت ابوهم بعد ما توفي ومالهم في الدنيا غير هالبيت وراتب ابوهم التقاعدي ومقطوعين من شجره حصة الاخت الكبيره..ويلقبونها وزارة الداخليه ..موظفه في احد البنوك راتبها على قد وظيفتها ..عمرها في حدود الاربعين..تعتبر سنعه وشخصيتها قوويه هيله:الاخت الوسطى (الوسطى والا الشرقيه)<<بدا التميلح خخخخخ متخرجه من معهد كمبيوتر وجالسه في البيت..تلقب بام لسانين .. عربجيه بقووه..تكره التناانير وتموت على سراويل السنه وفنايل العلاقي عادي تستهبل مع جيرانهم وتنسم كفرات سياراتهم كانت تلبس مريوله وتلبس تحته ترنق ابو خطين على جنب غير الزبيريه(وانتم بكرامه) تمووت على شي اسمه مقالب..ما تصدق تلقى خنفسان او صوارير تاخذهم وتحطهم بدرج اخته باختصار كانت ولد الا حبتين!! منيره: الاخت الصغرى (اجل وين العظمى صاروا درجات حراره ) المهم انها تدرس في الثانوي..شايفه عمرها على خواتها لانها الصغيره.. تلقب نفسه بـ ميمي <<ياي منيره وحصه وهيله جالسين بالصاله عند التلفزيووون يشربون شاهي مع كرااث وفصفص والجلسه عسسسسل وسواليف على كيف كيفكم المهم ندخل في بدايه القصه ::: حصه::مناير وش بتس ياقلبي؟؟وراتس تقل ضايقن صدرتس اليووم؟؟ منيره::الحين ورانا حنا كذا ؟؟كل زميلاتي يسافرون بالصيف برا وينبسطون وانا ماعمري تعديت حدود بيتنا ودي اسافر مثلهم لا تحسسونن بالنقص<<تستعطف خواته حصه::وين تبينا نروح طيب؟ومع مين؟. من يسنعنا ومن وين لنا مصروف يكفي؟ انتي تحسبين المسئله سهله هيله::هع هع جيبي مدرس رياضيات يحل لك المساله!! منيره::بدال ما تستخفين دمتس دوري لنا حل!! الله يخليكم ودي اسافر حصه هيلهمتى تتطورون؟؟ الناس وصلوا المريخ وحنا سوريا ماوصلناه!! حصه::حنا ما علينا من غيرنا..السفر ماهوب سهل!! هيله ::اذا على الفلوس راتب ابوي مع راتبس يكفون..واذا على المحرم ارقدي وامني انا عن الف محرم!! صدز ليش حارمين انفسنا مادام اننا قادرين ؟؟ منيره::ايه خلاص ياحبيلتس خلينا نروح !! حصة::طيب وين؟؟ هيله ::قوه لالمانيا تكفوون عشان اتابع كاس العالم!! منيره:: اقول اص انتي.. انا اقول قوه للبنان عشان مانتعب انفسنا انجليزي ولا شي اخوانا عرب ومنه نروح نلعب باشكالنا شووي انا اصير زي اليسا وحصه زي باسكال وانتي مثل نانسي!! هيله::مالقيتي الا ذولي من زينهن انا ازين منهن حصه:: اقول اهجدي انتي واياه فرضا بنروح لبنان من بيحجز لنا ومن بيستقبلنا ووش عرفنا بالاماكن والسكن وووو منيره::خلو كل شي علي انا بسئل زميلاتي بس انتم قرروا!! حصه:: والله اني خايفه خلوون افكر منيره::ياحبيلتس الحصي تكفييييييييييييين ودي لو مره بحياتي استاانس(وكان لهذه الكلمه وقع شديد في نفس الحصي) بعد اسبوووع نزلت الحصي على البنات بالصاله حصه ومعها ورقه تقرا منها ::بسم الله الرحمن الرحيم..اما بعد بعد مناوشات ونقاشات وتكتيكااات وتفكيراات متلازمه قررنا نحن (حصة العلي )السفر خارج المملكه ولكن بشروط سنسردها كالتالي:: 1|الميزانيه تكون بيدي وسوق لا تفكرون ترووحون 2|مساله الكشف شيلوها من راسكم لو تعضين الارض ماخليتس تطلعين خشتس لاحد 3|السفر لمده اسبوع فقط 4|الاقتصاد بالاكل والشرب 5|ان هيله تترك عن اللقافه وطوله اللسان 6|ان كلمتي هي اللي تمشي واي قرار اتخذه هناك ينفذ بلا نقاش هذ1 ولو تم تجديد في الشرووط السابقه فيلزم الاطراف التقيد بها والا اقعدوا وانثبروا هيله ومنيره بصووت واحد::لا لا لا خلاص اللي تبينه يصييير!!! وبدأت هيله ومنيره والحصي بتجهيز اغراض السفر هيله::اقول مناير وش رايتس اخذ لبس كشخه ولا كله ترنقات وقمصان؟؟ منيره (بغت تجيه سكته قلبيه)::وش قمصانه انتي ووش ترنقاته تبينهم ينزلوننا من الطياره؟ الله يفشل العدو خووذي احسن لبس نبي نروح نكشخ هناك حنا مووب اقل من غيرنا!! هيله::اندري انا اقول محد يعرفنا يعني احس اني باخذ راحتي هناك حصه::وش دعوه عاد انتي مقصره هنا اقوول ترى شارطه عليكم والا ترى بهوون!! هيله::لا لا خلااص وه بس وانتي حبحب محد يقولتس شي كنت امززح معتس ياختي حصه::خلي مزحتس ذا بوقت ثاني وخلصي ترى بكره الساعه 8 لازم نصير بالمطار منيره ::اقول هلوو تكفين عطين الكاميرا حقتس ودي اخذه معي!! هيله::اقول طسي بذاك ما بقى الا هي ما عندي غيره من ريحه المرحووم منيره::من زينه الحين ابيض واسوود ولا بعد متكسره ما بقى به سنتيمتر الا ملصق بشطرطون هيله::ما عليتس يكفي انه من ابوي حصه::وبعدين انتي واياه يالله خلصوا اخمدوا بفرشكم بروح اكمل المطبخ الساعه 2 بالليل..... هيله ::يمااااااااااااه منيره ::بسم الله الرحمن الرحيم وش بتس وجع هبلتين هيله::ما ادري يماااه حلمت حلم يخوووف منيره::خيرر اللهم اجعله خيرر وشوو؟؟ هيله::حلمت ان معنا بالطياره اندرتيكر واني تهاوشت معه وجدعن من الطياره!! حصه::يووووووووووووووووه وانتم ما تخلون احد ينام براحه!! منيره::اغديتس نايمه بس وه ياشين الشهاابه من كثر ماتهوجسين بالطياره تحلمين به خخخخخخخخ وهذ1 اللي يشووف مصارعه قبل ينااام!! هيله::وه بس توووبه (ورجع الهدووووء يعم ارجاء المكان) الساعه 8......... حصه جايه من المطبخ تنافخ وبيده مغرفه::وقسم بالله ان ما قمتوا اني لااهون عن السفر انتم كفوكم تروحون الخرخير وترجعون بنفس اليوم بعدقومي انتي واياه يالله تقووم هلوو وميمي بشين نفس ويتسحبون للحمام (وانتم بكرامه )بعد اقل من نص ساعه الكل كان واقف عند باب البيت منيره::الحييييييييييييين بنروح للبنان وتبيني اروح للمطار بليموزين؟؟انا مناير اخر عمري اركب ليموزين؟؟ هيله::اي والله صادقه مناير المفروض استاجرنا دينا 2005 عشان تودينا منيره::تطنزين انتي ووجهتس اصلا هذ1 مستواكم حدكم بيجو82 حصه::اقوول رجعوا الشناط خلاص سفر ومانبيب مساافره هيله ومنيره ::خلاص خلاص اي والله نسكت ركبوا الليموزين وراحوا للمطار ...عند البوابه .. الهندي هدا كمسين ريال عطي حصه::وشو خمسين لاكثير نزل شوويه الله يعافيك!! هيله لا احسن حبي راسه وخري وخري افتح بوجهه خط سريع واحد به نخل بعد حصه::اقووول طسي ادخلي وخلين اتفاهم معه هيله ومنيره في صاله الانتظار.... منيره::ياااااااي شوفي الاشكال الصح وااااااو واااااو شوووفي شنطه هذي اللي قدامنا هذي فندي.. هيله::منهو الافندي؟؟ منيره اسكتي تكفين لاتحومين تسبدي.. وهيله ومنيره استلموا الناس ضحك وتطنزززز... حصه خلصت التذاكر وحملت الشناط وضبطت كل شي.. حصه::يالله خلونا نركب خلاص نادى علينا.. منيره ::شلون نادى؟ ماسمعت اسمي !! هيله::هههههههههههههههههااااااااااي ياربي يالمتطوره تبينه يقوول يالله يا منيره تعالي اركبي حصه ميته ضحكومناير تمشي قدامهم من الفشيله.... وعند البوابه وقبل ما يركبون نادى المنادى::الرجاء من الاخت حصه العلي التوجه الى اداره المطار للضروره وشكراً حصه::يمااااااااه وش السااالفه؟؟ هيله::اقول اعترفي وش انتي مسووويه ؟؟؟ منيره::ياربي فشلتوووني روحوا لا تاقفون جنبي ما اعرفكم هيله::انطمي اويلاااااه حنا وين وانتي وين؟؟ حصه::الله يستر مدير الامن::من فيكم حصه؟؟ هيله::اختار انت وش رايك من اللي تصلح تصير حصه؟؟ المدير::تستهبلين انتي؟؟والا مانتي صاحيه؟؟ هيله::الا اصحى من امك بعد حصه وبعد قبصه محترمه لهيله::لا انا حصه سم اخووي وش السالفه؟؟ المدير ::ممكن اعرف ميولك السيااسيه؟؟ حصه بعد ان طاحت خشتها من هول الصدمه ::وشو؟؟ وشلوون يعني؟؟ هيله::يعني وش تشجعين؟؟هلاليه ياحضره الزابط. المدير ::ترى لو ما سكتي انتي عيوونك ماراح تشووف النوور!! هيله::صدز؟؟ههههههههههه احسب مير عندك سالفه. منيره تسحب هيله برا الغرفه بامر من حصه.. حصه::والله اخووي مدري وش تقووول وما فهمت قصدك!! المدير ::ممكن تفهميني عن سبب وجود سكااكين بمختلف الاحجام حاطتها بشنتطك؟؟ حصه::هاااو وش فيها يعني؟؟انا خفت ناخذ شقه مابه مواعين قلت اخذ احتياطااتي من هنا المدير::شايفتن بالروضه تلعبين علي؟؟اعترفي وش وراك؟؟ حصه ::والله العظيم هذ1 السبب حتى شف الاغراض ما خليت شي بالمطبخ ما جبته.. وبعد تمطيع حلووف وايمااان .. المدير::شووفي سكااكينك بتتصادر وبتوقعين على تعهد والله يساعدكم ولا تعودين له مره ثانيه!! حصه::سم وابشر حصه وهيلة ومنيره ركبوا الطياره ... الضيفه::مرحبااا اهلين وسهلين ..شرفتوووا ..ممكن تعطينيب تزكرتك بليز؟؟!ايه اختي هون الكرسي تبعك تفضلي.. حصه ومنيره صاروا جنب بعض ..اما هيله طلع مكانها جنب رجال هيله::وش تبين انتي؟؟ وربي ما اقعد هنا لو اتعلق بالجناح!! الرجال::هههههههههههههههههههههههههههههههههههههههههه هههههههههههههههههههههههههههه هيله::وش تضحك عليه انت وجهك استح على دمك وجع!! الرجال::انا اسف!! هيله::اقول اووص بس!!<<<اسلوووب ههههههههههههههههههههه المضيفه::ماعليه اختي هيدا هو محلك مو بايدي انت اجلسي هوون وبعد ما ياخذوا الركاب اماكنهوون فيكي تغيريه!! هيله::اقوول لو يجي ابوي اللي بقبره يقولي اقعدي ما قعدت ما علي دبري عمرتس الرجال::هههههههههههههههههههههههههههههههههههههههههه هههههههههههههههههههههههه هيله::ضحكت من سرك بلا ..خيييييييييير وش تناظر ؟؟ تبي اسوي بوجهك عزيمه؟؟ الرجال طاح من الكرسي من الضحك هيله:: وتبين اقعد بعد؟؟ اقوول والله لو اركب مكاان الطيار ما قعدت هنا!! والرجال ما زال مستمر في الضحك المتوااصل حصه ومنيرخ لاهييين بتقليب القنوووات... سمع المضيف صووت هيله الرناان وجاء يشووف المشكله. المضيف::خلاص اختي تفضلي اجلسي هناك فيه بالدرجه الاولى مقعد فاضي هيله (تقل وده تستحي)::شكرا الله يعافيك.. وجلس كل واحد مكانه بانتظار اقلاع الطياره الى بيروت... بدأت الطياره بالاقلاع..استقر كل من حصه ومنيره باماكنهن..اما هيله فقد اخذت لها مقعد في الدرجه الاولى... بدأت هيله تتحدث مع السيده التي كانت قابعه في القرب منها.. هيله::مرحبا ياام الشباب<<<ماهيب عربجيه ابدن ابدن السيده ::اهلين وسهلين هيله::وش اسمتس؟؟؟ السيده::كاروول!! هيله ::كارول سمااحه خخخخخخخخخخخخخخخخخ السيده ::لأ شو كارول سماحه انا وحده تانيه هيله ::ايه ادري ..انتي لبناانيه؟؟ كاروول::اي لبنانيه اصل وفصل هيله::فصل والا مقصف خخخخخخخخخخخخخخخخخخخخخخ كارول::باردوووووون؟؟ هيله::لا حروووووووون هههههههههههههههااااااااي كارول:عفواً ماعم بفهم عليكي هيله::لا ولاشي المهم ..انتي موظفه والا مثلي حاطزه بالدار؟؟ كارول::شو يعني حاظزه؟؟لا انا سيده اعمال هيله ::احلىىىىىىىىىىىىىىىىىى ياسيده اعمال كارول تبتسم ما تدري وش السالفه هيله::وش تشتغلين؟؟تبيعين غنم ودبش وحركات؟؟ كارول ::والله ما عم بفهم شو اصدك لكن انا بشتغل بالاسهم وهيك شي حافظات هيله::اييييييييييييه يعني تطبخين وتبيعين؟؟ كارول::اطبخ شوووو لا حبيبتي انا عم بشتغل بالاسهم هيله يعني وشو انا ما اعرف؟؟ كارول ::انا بفهمك لكن ما التيلي شوو اسمك؟؟ هيله::انا اسمي هيله .. تقدرين تنادينن الهلي<<ام العربجه كارول:: لا بدي الك هلوو اذا ممكن؟؟ هيله::ايه عادي لوبغيتي نادين سحليه ام الخلاقين كارول::ايه حلوو نادين؟؟ هيله::لااااااااااااااااا والله انتس تنكه!! كارول::شوو تنكه؟؟ هيله::ماتعرفين التنكه؟؟<<بريئه ياعالم كارول ::لاما بعرف هيله::انا اعلمتس بس انتي علمين وشو شغلتس؟؟ حصه ومنيره لاهييييييييين مع الشاشه اللي قدامهم وكل وحده حاطه السماعه باذنه ومطوله على الاخر حصه::منيره شووفي المحطه هذي ازين! منيره::وشووووووووووووووووووووووووووو؟؟ حصه::اقوول اليوم حرررر منيره::وشوووووووووووووو نطلع للبر؟ والناس يضحكون عليهم لان اصواتهم واصله للكابتن.. المضيفه بدت تدور بالقهوه تضيف ركاب الدرجه الاولى .. هيله::تكرررررم النعمه وش ذا القهوه وعععععععععععع.. المضيفه::شوفيها ما حلووه؟؟ هيله::وخري وخري بس انا اوريتس القهوه الصح ! وطلعت هيله من شنطتها الصغيره <<<(لاحظوا انها صغيرره) غلايه صغيره هيله::وين المطبخ؟؟ ودخلت العمه وصلحت قهوه وبدت تصب للركاب..والجميع يشيد بمهاراتها في تصليح القهوه.. عينتها كارول سفيره الكليجا الحسنه. هبطت الطياره في مطار بيروووت الدووولي................ حصه::هاااااو هيله منهي ذي اللي متعنقطه بيدتس؟؟ هيله::هذي صديقتي اللولي تعرفت عليها بالدرجه الاولى .. منيره::هاااو ماشاء الله وش موديتس للدرجه الاولى؟؟ هيله::اوووووووف لا تحتكين يالله انزلي وانتي ساكته نزلوا البنات ومعهم كارول .. كارول ::لا مابيصير هيك تروحوا من غير ماضيفكووون عندي.. هيله::معليش خليه مرتن ثااانيه رقمتس وعندي اذا بغينا دقينا.. كارول::اوكي حبيبتي بس هااه لا تنسي بدي تنكتين كليجا منك <<<خربت الحرمه ههههههههههههه حصه ومنيره::هههههههههههههههههههههههههههههههههههههههههه ههه والله يا انتي ما قصرتي مع الحرمه وصلوووا للاوتيل وكل وحده اخذت لها سرير وناااموا وكل وحده تحلم ببكره وين بتروح ووش راح تسووي.... في اول صباح بيرووتي .... قامت حصه كالعاده وصحت الاميرتين الصغيرتين.. ودقت هيله على الريسبشن::الوووووو لو سمحت نبي فطووور الله لايهينك هو::ايه من عيووني مدام شو مابدك اولي.. هيله::لا مهوب من عيوونك من المطبخ هههههههههههااااااااااي((حصه تناظر هيله بنص عين)) هو::والله دمك عسل. هيله::ادري المهم نبي فطوور هو::شو بدك تفطري؟؟ هيله::وش عندكم؟! هو::عنا بوفيه مفتوووح انتي اختاري مابدا لك ونحنا نضمن لك الجوده والطعم الحلوو هيله::نبي تسان عندك فوول وخبز حار وشاهي هو::باردووون؟؟ هيله::هههههههههههههههههههه لا حرووووووووووون حتى انت؟ هو ::سوري مس هيله بس ما بقدر افهم شو اصدك؟ هيله::مس والا مغرفه اقوول مسك جني عطنا احد يعرف عربي هو::انا عم بحكي عربي بس انتي الي عم تحكي برتغالي!! هيله::برتغالي يلوون جلدك قل امييين هو::سوري مس ازا بدك انزلي واختاري الك فطوورك عنا بوفيه مفتووح هيله::ومتى يصك خخخخخخخخخخخخخخخخخخخخخخخخخخ هو::ثانكس ((طرااااااااخ)<<بعد ما ارتفع ضغطه المسكين منيره::هااااه هيله وش صار على الفطور ؟؟ هيله::يقول انزلوا تحت اختاروا اللي تبووون فطووور.... حصه::ازين بعد عشااان ناكل اللي نبي... ونزلت السندريلا هيله وخواتها للوبي تحت.... هيله بعد ان فرغت فاها::طاعوووشته شووفي الاكل اذا قالوا اكل ..اجل حنا فوول وخبز حار لا وبصحوون بلاستك بعد حصه::ايييييييييه هذا العز يالله بس خلونا نفطر وناخذ لنا طاوله.. منيره::وه بس كلن يناظرنا لو مخليتنا نشيل عباياتنا كان احسن حصه::اقوول انثبري من زين وجيهكن الحين عشان تكشفن!! هيله:: اقووول اوووص ابختار انا هذيك الطاوله تهبل على الشارع ناكل ونقزقز هع هع وراحت مناير واخذت لها فطوور محترم ونعووم ..وهيله بيده صحنين وماخلت شي ماحطت منه!! منيره::هيه انتي وش ذا بتاكلين كل هذا؟؟ هيله::لا موب لازم اكله كله يختي دافعين فيه فلوووس لو احطه بالزباله ماخليتهم يتهنوون به! منيره::الحصي وش لاتس وراه ما اخذتي فطوور ؟! حصه::ما ابي شي بي مر بتسبدي مدري وش انا ماكله!! هيله::لاوالله حنيتي للكراث ههههههههههههههههههههههههههههههههههههههه بعد الفطووور ............. هيله::وعمى الحين عجوووز قاضيه وجهه لاعبن به الزمن بلنتيااات ومفحطن به لين قال بس لابستن برمودا وبوودي!! حصه::ايه تشب منيره::لااااا وشووفي هاللي متعلق بيده هذولا الرجال تقوولين شنطه!! هيله::ايييييييييه هذا الوفاء والاخلاص والتضحيه من اجل الوطن!! منيره ::اي وطن انتي ؟؟ هيله::المرأه وطن والمرأه دووله والمرأه عالم!! حصه::هههههههههههههههه وينك يانزار قباني تجي تشوووف هلووو وش تقووول!! هيله::على طاري نزار تدري انه كتب نص قصايده بي منيره::ان شاء الله... هيله::انا كنت ملهمته بس هو عجز يلقان هع هع هع حصه::قوموا بس نطلع نتمشى طفشت... منيره::لا انا ما ودي بروح اكمل نوومتي حصه وهيله يتمشووون..... حصه::سبحان الله ماكأنهم عرب ناس مختلفين تماما هيله::هاااا..ايه..يمكن.. حصه::وشو اللي يمكن وش بتس انتي؟؟ هيله::تشوووفين اللي انا اشووفه؟؟ حصه::وشووووووووووووو؟؟ هيله::شوووفي شعووور شقراء وعيووون زرقاء وتأبريني وتسلملي عويناااتك وجسم وطوول ورزه ووووووو وه بس!! حصه::من تقصدين انتي؟؟ هيله::تهالي ناخذ ايسكريم من هنا ونجلس على هذيك الطاوله وانا اعلمتس بعد ما جلسووا على الطااوله..... هيله::شووفي هذاك الي واقف عالكشك اللي يبيع ورد وه بس ياربيييييييه شو مهضوووم بالحيل مره!! حصه::اللي لابس تي شيرتاحمر؟؟ هيله::احمممممممر مووولع زي قلبي محترق.. حصه::هاااااو هاااااو وش ذا الهرج؟؟ هيله::اوووووص انا خلااااص مش حقدر اعيش من غيره!! حصه::استغفر الله العظيم هيه انتي وش جاتس وجع اصحي وش ذا الخرابيط؟؟ هيله::اووووص صه صه ولا كلمه.. وقامت هيله للرجال وحصه تلحقه... الشاااب::ورد لاحلى ورد جوري لاحلى صبيه جمال الدنيا كلوو في الورد اشتري ورد يا وررررد هيله::امووووت على الورد قسم بالله احبه!! الشااااب::هههههههههههههه مرحبا بدك ورده؟؟ هيله::لا بدي ايااااك الشاااب::شوووو؟؟!! هيله::هههههههههههههههههههههههههههههههههههههههههههه هه امززززح وراك خفت؟؟ الشاااب::بدك ورده؟؟ <<<يصرف هيله (بعد مالقطت )::يؤ لا خلاص ما ابي وراحت تركض ودموعها اربع اربع على خدوودها حصه::هلووو تعااالي.... هيله::لأ لأ وش اسوووي بعمري عشان يحبن ودخلت هيله للاوتيل والى الناس متجمعه وحالتهم حاله وصراااخ وكن فيه احد طايح بالارض!! هيله::وش بكم وش صااار؟؟ وتدف العااالم لين دخلت ... هيله::مناااااااااااااااااااااااااااااااااااااااااا ااااير اختي وش بتس؟؟ واحد من الموجودين::مافيا شي ما تخافي اتصلنا عا حكيم هو بالطريق اتطمني!! هيله::حكيم؟؟ وش نبي به يجي يغني على اختي آه ياألبي<<حتى في اللحظات الصعبه تنكت!!خخخخخخخخخخ هيله::مناااير قوومي تكفيييييين ياربييييييه اختي وش سوويتووا به؟؟؟؟ _ يا اختي ما فيا شي انا بعتئد انو عنداا انخفاض بالضغط هيله::وااااااااااااااااااااااااااااااااع<<<تصيح حصه::يابنت الحلال خلاااااااااااصان شاء الله خيررر وشووله تصيحين فضحتينا هيله::وااااااااااااااع بلاتس ماتدرين قوومي منااااير تكفييييييييين حصه::وشووووووووو اللي ما اعرفه؟؟ هيله::منااااير قوومي تكفييين عشان اكسر راستس وانظف بوجهتس ارض المطعم.. يابنت اللذين مالقيتي تدووخين الا وانتي تشربين عصيير وااااااااااااااع حصه::وش تقووولين انتي؟؟ هيله::واااااااااااااع لابستن بلوووزتي حصه::احسب الصياح على اختس مير... هيله::اكبر همي عاد انا شيليه بس خلينا نرقيه فوووووق!! الدكتووور::ما تخافوا ما فيا شي مجرد انخفااض بالسكر هيله::ايه دكتوور انا ماخذه الحلا من خواااتي هع هع هع الدكتووور::؟؟؟ حصه::شكرا دكتووور وراحت كل وحده ترتاح بسريره... هيله تتسحب لباب الغرفه ... هيله::اشششششش اسمع شفت راعي الورد اللي تحت رووح لعندووووواديه دي الوأه<<<يقاله تتكلم لبناني السيرفنت::يا مزموزيل بس شوو بدى االووو؟؟ هيله::لاتقوول له شي عطه الورقه وهو بدوو يفهم اوكي؟؟ السيرفنت::اوكي.. بياع الورد::شو هيدي؟؟ السيرفنت::ما بعرف هااي الورأه من مزموزيل ساكنه عنا بالاوتيل آلتلي لوصلها الك بياع الورد::اهاااا اوكي ثانكس.. فتح الورقه.. وعرف انها من هيله اللي كانت كاتبه :: بسم الله وعلى بركه الله <<<بتقص شريط الافتتاح ههههههههههههههههههههه اما بعد| عرفت ان اسمك جووزيف لا تقوولي كيف عرفت وبس صرااحه يا جووجوو انا حبيتك من اول نظره حسيت انك مكعت قلبي مكع <<وش دعووه بيفهم!! وانا مدري وش ازين انت وش رايك؟؟ شو بدنا نسااوي؟؟ عاد الحب وحبيتك يعني لا توون ولا تشكه العشق مامنه فكه!! ياخي عشاااني اتحروول ان تسااني ما احبك..عسااي للحوله اللي اشووف الواحد سبعه ان تسااني ما غرقت ببحر حبك وه بس ياخي والله احببببببك <<<ياعمري عالاسلووب تصدق صررت اشووفك بكل مكان حتى احيانا اشووف وجهك باختي الحصي مدري شلوون!! وه بس يا جعل يوومي قبل يوومك..يا شيخ عساااي تحت التريله ان تسااني اتسذب عليك ي ... ت ... ب ... ع !!! إذا إعجبتكم القصة ردوا علشان أكملها.......... |
|
28-01-2007, 02:36 AM
|
#2 |
|
(حلا متميز)
 
|
رد: قصة قصيمــــيات مهسترات بلبنان .. << قصه جنااان
يسلمو غلا
يعطيج الله الصحة والعافية تقبلي مروري دمعة احزان |
|
|
|
|
28-01-2007, 12:34 PM
|
#3 |
|
(حلا جديد )
|
مشاركة: قصة قصيمــــيات مهسترات بلبنان .. << قصه جنااان
يسلموووووووووووووووووووو
الله يعطيك العافية |
|
|
|
|
28-01-2007, 03:30 PM
|
#4 |
|
(حلا جديد )
|
رد: قصة قصيمــــيات مهسترات بلبنان .. << قصه جنااان
الله يعافيكم .....
وشكرا على مروركم |
|
29-01-2007, 03:33 AM
|
#5 |
|
(حلا فعّال)
 
|
مشاركة: قصة قصيمــــيات مهسترات بلبنان .. << قصه جنااان
  تحياتي الرتاج |
|
|
|
|
30-01-2007, 01:09 AM
|
#6 |
|
(حلا جديد )
|
رد: قصة قصيمــــيات مهسترات بلبنان .. << قصه جنااان
|
|
03-02-2007, 07:34 PM
|
#7 |
|
(حلا جديد )
|
رد: قصة قصيمــــيات مهسترات بلبنان .. << قصه جنااان
مشكككككككككككوووووووووره على القصه وتكفين كمليها
وممكن نتعرف على بعض ღ♥ღآحـــــــســـــآآآآآآآآس قــــــــلـــــــ ب ღ♥ღღ♥ღ ღ♥ღ |
|
01-03-2007, 01:20 AM
|
#8 |
|
(حلا جديد )
|
رد: قصة قصيمــــيات مهسترات بلبنان .. << قصه جنااان
|
|
|
|
|
01-03-2007, 01:37 AM
|
#9 |
|
(حلا جديد )
|
رد: قصة قصيمــــيات مهسترات بلبنان .. << قصه جنااان
السلام عليكم ورحمة الله وبركاته .
وبعطيكم القصه بس ابي ردودكم بعد القصه مب لا قضت حاجتكم رحتوا <-- تهزر اشكر كل من رد على موضوعي .. . . . . . . . . . . . . القصه فتح الورقه .. وعرف انها من هيله ,, الي كانت كاتبه: بسم الله وعلىبركة الله << بتقص شريط الافتتاح هههههههه امابعد/ ......... عرفت ان اسمك جوزيف لاتقولي كيييف .. عرفت وبس بصراحه ياجوجو انا حبيتك من اول نظره .. حسيت انك مكعت قلبي مكع..!! << وش دعوووه بيفهم ؟؟؟ وانا مدري وش ازين .. انت وش رايك؟ شو بدنا نساوي ؟! عاد الحب وحبيتك . يعني لاتووون ولاتشكه .. العشق مامنه فكه..!! يااخي عساي اتحرول ان تساني مااحبك !! عساااي للحوله اللي اشوف الواحد سبعه ان تساني ماغرقت ببحر حبك...وه بس يااخي والله احببببببببك!!!<< ياعمررررري عالاسلووووب !! تصدق صرت اشوفك بكل مكان حتى احيانا اشوفك بوجه اختي الحصي ..مدري شلوون !! وه بس ياجعل يومي قبل يومك ياشيخ عساااي تحت الريله ان تساني اتسذب عليك!! اهديلك هالابيات ؟؟:: الحب عذااااب.. ياورد من علمك تجرح ..<< يابعد قلبي هي هههههههه وشكرا......... << خطاب لمدير مدرسه !!! حبيتك غصبن عليك / هلوووووو جو الاوتيل ... حصه: أنتي وش فيك ..؟ هيله الووووو. من صحيتي وانتي موب طبيعيه..!! هيله: هاااااه مافيني شي ؟؟ منيره: وه بس لايكون بس وقعتي في شباك الحب .. هيله: شبكوتس مع غنم قولي آمين... حصه: ايييييييه هذا وهي ماتدري عن راعي الورد... هيله : من تقصدين جووزيف... منيره: وشششششششو؟؟ وش جوزيف ذا؟ هيله: ماعليتس ... حصه : ههههههه هذا رجال يبيع ورد.... بياع ..؟ هيله: مااسمح لتس تقولين بياع .. هذا سمه business man... مناير:هههههههههه ياحبيلتس ياهلووو والله وبدا قلبتس يحس .. هيله : وجع وجع ..وانا وش ناقصه عنكم؟ كلي انوثه ماتشوفينه طافحه من كثره!! << وااااااااااضح!!! حصه : هههههه ايه طيب... مناير: هلووووو قولي لي وشلون شكله... حلو؟! هيله: حلو وبس...!إلا يشق القلب شق ....... << كله انوثه ههههههه حصه: اقووووول اهاااا بس وش ذا الخرابيط!! هيله: خرابيط؟! اصلا انا قررررررت !! حصه ومناير: وششششششششو؟؟! هيله: قررت يصير جوزيف ابو عيالي ..وانا اصير ام غابرييل ...! مناير: وش غابرييل ذا؟ غابرييل ولا دريل ؟ خخخخخخخخخ هيله: يامل الدريل اللي يخرم اذانتس هذا اسم ابوه الله يرحمه .. مناير: والله يااانتي جايبه برنت كامل عنه !! غديتس تلقين لتس وظيفه بالمباحث..!!!خخخخخخخ حصه: مانتب صاحيه ,, اقول اوص بس لااحد يسمعتس!! هيله : ماعلي من احد .. والمثل يقول.. اللي مايعرف الصقر يلحسه كله!! منيره: ايه خلي البنت على راحته تدبر عمره وتستانس وتتزوج لو من لبناني وش فيها يعني ؟! إلا من يحصله!! حصه: اللي يسمعتس انتي وياه يقول خلاااص الولد خاااق عند هيله .. واثقين انه يبيه؟؟ هيله: (( دموووع )) ..صدقتي !! مناير::طيب خلونا ننزل نفطر ونطلع نتمشى ودي اشوفه !! هيله: هيه هيه انتي .. وش اللي تشوفينه .. اعقلي هذا قدامي !! اجل من وراي وش بتقولين ؟! مناير: وه تخليلي يارررب عاللي يغارون !! حصه: استغفر الله العظيم .. الظاهر جااايه دقتكم .. من زمان مالفعتكن!! قومي بس انتي وياه بدلوا ملابسكم خلونا ننزل .... _ _ _ _ * _ _ _ _* _ _ _ _ * _ _ _ _ *_ _ _ _ "تحت بالوبي " هيله : الحمد الله .. انا بطلع اسبقكم .. الوعد عن البوفيه اللي بأخر الشارع تشااااو.. حصه : وييييين؟؟ مناير: اتركيه..( وهي تغمز) هيله: وه ياملغتس .. حصه: لا امشي كلنا نطلع سوا.. هيله : سوا ولا عااام هع هع هع مناير : هلوووو اثقلي هااااااو!!! هيله: ايه صح ... بعد ذلك بدا الثلاثي المرح يتمشى في الشارع المحاذي للفندق .. وعندما مرت هلوو من جوزيف كان جو (اختصار جوزيف)يقزقزها ويبتسم وهيله قد ااحمررت وجنتيها من الخجل .. وهي تبتسم تلك الابسامة الساحرة التي لم يرها جو لوجود الغطاء الذي يخفي جمال هيله.. مرت هيله من جو وجدعت !! عليه قطعت قماش ملفوفه ( ساعه) وبما انها طافحه انوثه عل قولتها ماعرفت تحط القطعه عل العربه بل فلقت جو مع خشته ..( وجهه) هيله:اووووه آآآآسفه قققققسم بالله ماقصدت .. أي والله !! تعورت ؟؟ جوزيف: لا لا مافي شي ماتخافي على البي مثل العسل .. هيله : ابتسمت وطست وحصه ومناير ( تشقلبوا من الضحك عليها ))... هيله: ضحكتوا من الهباااااااال .. وش تضحكون عليه ؟؟! حصه: لا ابد .. بس تقل جدوزيف بغى ينعمي .. مناير: ينعمي!! إلا بغى يفقد الذاكره !! هيله: نسين .. قصدي ماانتبهت .. قصدي .. وه امشوا (( << يابعد الدنيا كسرت خاطري... وفي أثناء الدوران في الاسواق ,,,,, في احد المحلات .... مناير: هييييييييييي!!!! حصه: وشو؟؟ وش بتس وجع روعتين !! مناير: ناظري .. عايشه هيله: ايه مابعد مت هع هع هع مناير: لاااااا هذي عايشه!! هيله: وانتي حاضره عزاه قبل البارح؟! مناير: لاااااااااا هذي صديقتي عايشه!!! حصه : عايشه ماغيره؟! مناير: ايه ايه هي وش جابه هنا هماااه بتروح للارجنتين!! هيله: هذي اللي دايم تهاوشين معه؟! مناير: ايه هذي هي .. شايفتن روحه علينا تقل مافي غيره بالدنيا هيله:جااااك الموووووت ياااتارك الصلاة .. اتركيه علي والله ياانا غاثتن هالبنت .. الحين اوريتس وش ازين به؟!! صديقه عايشه: شو شو شوفي التيير هيدا كتير حلوووا!! هيله: هع هع شوشو؟! عايشه ومسميه روحه شوشو؟!! عايشه( بعدما سمعت صوت هلووو):عفوا من انتي ..!! هيله: ماعليتس .. ياقليلة الحياء وكاشفه !! وين العبايه وجع؟! عايشه :أي عبايه ؟! هذا التطور حبيبتي .. تحسبيني زيك ..؟؟!! هيله: عمر التطور ماصار باللبس يال !! عايشه : من انتي!! وفي هذه الاثناء يدخل شاب كله ملح وقبله اشقرااني واتكيت وياااااي... الشاب : شو شوشو ؟ ماعجبك شي؟ عايشه: هااااااه معليش نادييل اطلع الحين بعد شوي اجي ؟! ناديل: شاديه شوبك..؟! عايشه: خلاص نيدووو اطلع بليزز!! هيله: نيدووووو ولا سيريلاك... هع هع هع ناديل: شاديه.. الست هاي عاملتكconfusion؟! هيله: هع هع شاديه؟؟ تسان قلتيله ام كلثوم ألبق لتس..!! عايشه: نيدووو اطلع لو سمحت !! ناديل : o.kلا تزعلي .... هيله : اقووول نيدو لاتنسى شيك على مدتك قبل تنتهي..هع هع عايشه: من انتي الحين ؟ ووش تبين من ؟؟ هيله: من هو ذا ؟؟ عايشه : ماعليتس هيله: لاااااه ؟ اطلع واقوله ان اسمتس عيووووش منتب ورده الجزائريه!! عايشه: لا تكفييييين لا تخربين علي !! هيله : اسكت بس يااام الشباب بس بشرط؟! عايشه: امري تدللي وش تبين بس؟؟ هيله: ابيتس تدفعين حساب اللي بنشتريه من المحل هذا...!! عايشه: تهي تهي تهي طيب لا تكثرووووون تراه غالي !! مناير: هههههههههههههههه الله يحلل ابليس عندتس!! هيله: هع هع وش رايتس عااد؟!! حصه: لا تاخذون كثير حرام البنت ماراح تتحمل.. هيله: ولا يهمتس .. لاتنسين ان قلبي طيب وحنوووون .. من عيوني يالحصي .. اذا ماصفيت بضاعة المحل مااصير انا الهلي حبيبة جوجو ... هههههههههههههههههههههههههههههههههههههههههههههههههه ههه بعد مارجعوا للاوتيل وهم بالطريق .. حصه: اسمعوا يابنات الله يوفقكم خلونا من المشاكل ..مووووب ناقصين !! هيله: وانتي وش جاتس من المشاكل؟؟ اشتريتي ببلاش اللي تبين.. حصه: حتى ولو خلاص يكفي خلونا نستانس بس من دون هواش!! مناير: طيب اسمعوا خلونا نروح للبحر اليوم وشرايكم ؟! حصه : وشوله نروح؟ لا تفكرين انتس بتسبحين !! والله لو تخيسين ماخليك تسبحين بالبحر! مناير: اووووه لاتقعدين تعقديني .. اصلا وشلون بسبح وانا لابسه عبايه !! هيله: عااادي طبي وانتي لابسه العبايه وش فيها؟ تحدين اطب؟!؟ مناير: لا لا لا .. تسوينه اعرفتس ؟؟ حصه: خلاص نروح بس نتقهوى ونبسط ونرجع .. هيله : خلاص .. انا علي القهوه وانتي الحصي عليتس الحلى... مناير: وانا؟؟ هيله وحصه :انتي الي بتشيلين الاغراض !! مناير: ايه رجع الاضطهاد اوووف!!! ومع أخر حرف طلع من مناير .. مروا شلة شباب سمعوا كلامهم...... واحد منهم : وقلبوووووووووو والله شوفوا هذي مضطهده .. نجي نحرر؟! حصه: حرر نفسك أول من اللقافه؟؟ هو: ياااااااااي نبرة سعوديااات .. لاحقينا حتى هنا!! مناير: مالحقكم احد .. انتم اللي وين مانروح نلقاكم طاعوووووشته بكل مكان تدهرون!! هو: اقووول احترمي نفسك واذكري الله علينا قبل يجيك شي ماشفتيه!! ((((( هيله واقفه ساكته))))) مناير: وش بتسوي يعني؟؟؟ بتمد يدك؟؟ يالله جرب وشوف وش بيصير!! حصه: والله لاألم عليك خلق الله ياقليل الحياء فشلتونا بكل مكان أي وحده تمر تتحرشون فيها تقل ماعمركم شفتوا بنات!!! هو: ايه ماعمرنا شفنا بنات .. مانشوف الا اكياس زباله تمشي... مناير: منهم اللي اكياس زباله؟؟؟؟ ياحقير؟؟!!! حصه: لاتنسى انك تتكلم عن امك واختك وخالتك وعمتك !!! مناير : اشوووفكم ماتلاحقوننا تقل مهبل .. بعدين انتم ماشفتوا وش اللي تحت هالزباله على قولتك .. والله انكم ماتعرفون عننا ؟إليسا ونانسي وهيفاء وبسكااال وووووووو وربي عندنا واحلى بعد بس انتم ماتطيحون الا بشينات !!! هو: وش فيها اللي معكم ساكته؟؟ ولا طرما؟؟ هااااع هااااااع .... هيله: اقول اقصر الشر وكل تبن.... هو: هيه هيه احترمي نفستس...... هيله: انت اللي بديت!!!!! هو: اقووول طسي بلا تنك !!! هيله: تنكه تفتح راسك قل آمين ...!!! هو: الظاهر انتي يبيلك كفخه يالخايسه!! هيله: اقووول الدحمي اقصر الشر يالدووووب قبل مااكب عفشك!!! هو((( مصروووووووووع))): نعععععععععم؟؟؟؟ من انتي ؟؟؟ هيله: خلني ساكته احسن لك!يالله ظف وجهك انت والسلنتح اللي معك قبل أعلم أمك!!!لاااا وقايلها انك رايح لمكه تعتمر! المسكينه مصدقتك!! تشوف ان ماقلت لاهلك والله لاخلي ابوك يلعب xoبظهرك....!! هو:********<< مشفر ايقالي خخخخخ هيله: هههههههههههااااااااااي تكفووون شوفوا وجهه شلوون صار خخخ.. لما وصلو للاوتيل ..وبدلوا ملابسهم وكل وحده انجطلت على سريرها .. منيره: هيله.. من وين تعرفين الدحمي ذا..؟! حصه: ايه صح نسيت اسألتس ..منهو ذا؟؟ هيله: هع هع هع هذا ولد ام دحيم جارتنا .. اعرفه من ايام الصرقعه بالشارع!!! منيره: عااد انتي مايحتاج ماكنتي 24ساعه مع عيال الحاره !! هيله: اييييه .. عهد مضى زماااان .. لاتذكريني!! حصه: هههههه حنيتي للايام الخوالي..!! هيله: لا لأيام عمااااني هع هع هههههههههه حصه: هيله.. نسيت اسألك وشو اللي جدعتيه على جوزيف..؟ هيله: ولا شي منيره: وش دعووووه؟؟ تخبين علينا؟؟ يالله عاااد... وششششششو؟؟؟ هيله: كتبت له رساله .. وعطيته كسرة كليجا .. بس حصه ومنيره:هههههههههه الله يرجتس !! كليجا!! طيب وش بعد مومعقوله بس هذا اللي عطيتيه لانه كان ثقيل !! هيله: بس!!ماعطيته شي.. حصه: طيب وش كتبتي له؟؟ هيله: كتبت له : دبرررر عمرررك ماعاد فيني صبر بقى اسبوووع ونرجع للسعوديه .. مانيب رايحه الا رجلي على رجلك<< واااثقه يابعد الدنيا هي!ههههههههههه حصه: ههههههه ماعندك وقت...... مناير: أما كليجااا الله يرجتسسسسسس ياشيخه ههههههههههه _ _ _ _ * _ _ _ _* _ _ _ _ * _ _ _ _ _ • داخل احد المقاهي .. جلس جوزيف ومعه حرمه وقاعد يسولف معها,,,* • جو: انا مابعرف شو بدي ساوي معها .. هاااي مسكينه مفكره اني ممكن حبه!! • الحرمه: ماتشغل بالك تأبرني انا بروح واتفاهم معها!! • جو: أي .. الله يوفقك خالتووو.. بتعرفي .. هيدي عطتني هديه ساعه بتقول انا ساعه امها وانو ماعندها غيرا هديه.. وهي اغلى شي عندا بدي منك تفهميا وضعي انا مابدي اجرحها ومابدي اخدعها بدي اياكي تخبريا بكل شي ..!! • هي: ولا يهمك حبيبي .. ياعيووون خالتوو انتا ماتتدايا خلاص .. خدلي معها dateهوون وانا بنهي الموضوع!! • جو: يسلمووو خالتو .. ماألتيلي كيف سفرتك للسعوديه .. توفأتي فيها ؟! • هي: الحمدلله ..كتير فرحت حتى بالطياره تعرفت على صبايا .. كتير مهضومين .. هني جايين هوون.. • جو: اهااا..cool..شو رايك تتغدى عنا كيفووو لسمير؟؟ شو عامل ؟؟ يخزي العين .. البيبي هيد طجبموووووو فيه مابعرف شو عامل لي !! كتيرررر مشتاءة(مشتاقه) له؟؟ • جو: هو كمان مشتاء ) _ _ _ _*_ _ _ _ *_ _ _ _ *_ _ _ _ _ ((((( في الاوتيل)))))) يالله هلوووو ميمي ... قوموااا.. هيله وين اللي بتصلح القهوه.. قووومي يالله يابنات خلونا نطلع للبحر .. يالله يمدينا نستانس قبل تغرب الشمس!! هيله: اييييييييه خلااااص ذليتي امنا عشاان القهوه.. مناير: طيب قمت خلاااص .. حصه: ايه يالله انا اللي سويت القهوه والحلى .. الباقي عليكم .. يالله بدلوا وغسلوا عشان نطلع!!! راحت البنوتات العسولات للبحر... حصه: مناير .. افرشي الفرشه هنا.. خلااص لاتقربين للمويه اكثر من كذا... هيله: لا خلينا نقرب .. جيبيه هنا يالله.. حصه: هيــــــــــــــــــــله لا تعاندين ..... هيله : خلاااص وه افرشوه باللي تبوون.. انشالله فوق كبوت السياره ذي.. مناير: الحصي .. صبي لي قهوه بليززز.. هيله: يامحلا الفنجال مع سيحه البااااال في فرشه مافيها نفس ثقيله .. الله الله هع هع .......... حصه: هههههههههه..... مناير: الله يفشلتس اقصري صوتس وجع!! هيله: يابنت الحلال خلينا نستانس بديره ماتعرفه .. خذ راحتك به هع هع جت كوره وصبخت مناير مع علباته)........ مناير:وجججججع ماتشوفون عمى...!!! هيله(التفتت عليهم): يامل الساحق الماحق والمرض المتلاحق اللي يسحقكم ويمحقكم وين ماطسيتو يلحقكم <<<<من قللللللللللللب هيله: وش بكم؟ حصه: وششششش قلتي انتي ؟!! مناير: وش ذا الطلاسم؟!! هيله: ماعليكم هذي من بركات جدتي شما... حصه: من متى صارت لك جده اسمها شما؟!؟ هيله: جدتي شما .. هذي جدة سليطين ولد ام محمد اللي بأخر الشارع اعتبره جدتي من الرضاعه ... حصه : والله انتس قاضيه ... كل الناس أهلتس!! هيله: الشعب السعودي كله اهلي..هع هع هع مناير: ههههه وصلني رساله بلوتوث .. هيله واحد يحسبه جوالتس!! هيله: وراه يحسبه جوال؟! مناير: يقول بالرساله ... اموت على الساحق الماحق خخخخخخ هيله: وشو نكه؟؟ مناير: نكه( كيف نعيش بلا ددسن) هيله: والله لا احلف انه من عيال حارتنا .. اشووووه اوريتس وش ابرسل له .. حصه:اقوول اعقلوا بلا هبال .. هيله: اصبري عندي مسج اذا شغله بيطلع صوت عااالي وبعرف منهو هع هع .. مناير: هاه وش صار؟ ارسلتي ؟ هيله: ايه ارسلتها .. دووري مكانه هع هع.. مناير: هههههههههههههههه شوفيه ذاااك ...!! هيله: أي والله .. اخس يالشويب!! حصه: ههههههههه طلع شايب يالله العقل والدين ... هيله: الحمد الله والشكر .. ارسلت له رساله .. مناير: وش قلتي ؟! هيله: قلت استح على دمك ياشايب عراره قبل لا اعلم ذا المسكينه اللي معك .. حصه: حتى الشيبان ماسلموا من ذا البلوتوث .. مناير: تدرين انهم يرسلون اكثر مننا..وهم اللي يستهبلون.. هيله: اجل اباخذ شايب يوسع صدري هع هع ... مناير: وجوزيف؟؟؟؟!!!! هيله: لا هين ذاك عين السيح << مسويه حكيمه اللي بلحياله... حصه: هااااو بتاخذين اثنين ..!! هيله: لاااااااااااااااا.... بس واحد بخليه بكراسي الاحتياط هع هع هع هيله: شوفي هاللي .. متسدحاات على البحر .. مانيب قايله عساهن يتسدحن بالمستشفى!!!!!!! مناير: قوموااااا بروح اغطس رجولي .. بالبحر........ هيله:روحوا انتم .. انا بتقعد لها الشايب .. والله لا خليه يقوم من الفرشه ويروح بيتهم ....!! حصه: يالله انا وياتس ميمي ..نروح ×راحت حصه وميمي يلعبون بالمويه ..وهيله جلست تتقهوا وتحبرش بالجوال .× وفي تلك اللحزه .. جت هيله ضربه من وراها .. والتفتت على بالها اللبزران اللي قبل شوي.... هيله: يامااااااااااااااااااال الوجع اللــــــــــــي .....جوزيف؟؟؟!!!!!!! جو: باااي هلووووو هيله: يماااااه يماااااه ..جو وشو ذا وش تبي ,,, يااربيييييه وش اسوي يمااااااه. وفتحت الورقه ...... ××× عزيزتي هلوووووو بتمنى انك ماتتدايئي من الرساله بس حبيت إلك ان فيه ست راح تنتزرك في مطعم( هيفين) اللي بآخر الشارع .. بدا تحكي معك شوي .. الساعه 9 ونص بكره×××باااااااااي هيله: يمااااااااااااااااااااااااااااااااااااه وش اسوي .. هااااه اكيد انه امه تبي تخطبن!! ياربييييه يابعد حيي ياجو وه بس وش بسوي !!.... وصلنا ان هلوووو اخذت الرساله من جوزيف وشافتها .. البنت احتارت وش تسوي !!!!!! هيله: ياربييييه وش اسوي ..اقول لخواتي ؟؟لا صعبه اتركه؟؟ لا اصعب ..وه بس ياربييييييه وش اسوي ...!! حصه: تعااالي هلوووو والله المويه تجنن !! هيله: لا ماااابي ابتقهوى!!! مناير: حصه تعالي عندي لكم سالفه مهمه جدا جدا جدا جدا جدا جدا حصه : اوووص صجيتينا .. خلاص روحي انتي للفرشه وانا الحقتس... مناير: هلوووو عندي فكره رهييييبه تكفين ساعديني وافزعي معي قبل تجي الحصي.. هيله: وش عندتس يالهدره والله ماوراتس الا الدجه ادري بس هاتي وش عندتس؟؟ مناير: اسمعي انا شفت فلم ثلاث خوات زينا عايشين ببيت واحد المهم اتفقوا انهم يبعدون عن بعض لمدة شهرين وكل وحده تشوف نفسه وبعد الشهرين يتجمعون وتشوف كل وحده وش سوت الثانيه خلال الشهرين هيله: طيب؟ وش قصدتس؟! مناير: انا اقولتس بس انتي ركزي معي .. الحين كم باقي لنا نجلس هنا قبل نرجع السعوديه ؟؟ هيله: اسبوع تقريبا... مناير: حلوووو خلال الاسبوع هذا نفترق وبدل مانصير بغرفه وحده كل وحده بغرفه ومانشوف بعض ابد وكل وحده تسوي اللي تبي وبعد اسبوع نلتقي ونشوف كل وحده وش سوت .. ونرجع للسعوديه وش رايتس؟! هيله: اقووووول طسسسسي هناك ..وش تبين انتي؟ اييييه عشان تستهبلين على كيفتس لا يااختي انتي مراهقه ويبي لتس رقابه؟! مناير: لا والله ؟؟؟ وش قالوا لتس ماتربيت انا ؟؟ بعدين انا مانيب راعية حب وخرابيط مثل بعض الناس <<وهنا جت على الوتر الحساس بتاع هيله<< يرحم ام اللغه.....ههههه هيله ( بينها وبين نفسها): والله انها فكره.. على الاقل اقابل هالحرمه واشوف وش سالفتها من دون مااحرج نفسي مع البنات ...!!! هيله: اسمعي انا مااادري انتي فكري وقولي للحصي وشوفي وش تقول.. حصه: وشووووو وشووووو سمعت طاري اسمي .. وش تقولووون حشيتوا ترا مااسامحكم ليوم الدين !! هيله: هيه انتي اعصابتس من زينتس نحش بتس اكلتينا بقشورنا!! حصه: انا من زيني ؟!! طااايب مشكووووره... هيله: امزززح .. يالمملوحه ... مناير: حصه ابقولتس شي... حصه: ايه ادري قلتي لي ان عندتس موضوع وشوو هاتي ماعندك يافتاة... مناير: انتي الحصي .. اختي الكبيره.. وقدوتي بالدنيا وانتي امي وابوي واختي واهلي .. وانا مااقدر استغني عنتس و......... حصه: خلصينا .. اكيد عندتس شي تسايد) مناير: اسمعي انا اقولتس ... شخشخشخشخشخشخش<< تقولها القصه بس تم حذفه لعدم الاطاله ,,, حصه: نعم نعم نعم ؟؟؟ وش قلتي حبيبتي؟؟ ماسمعت!! لاياشيخه هذا اللي تبينه ماعاد الاهي لاحبيبتي الاهذي انا ماعندي هالخرابيط اللي تقولين يالله هنااااااك .. هيله وش رايتس انتي قووولي شي !! حنا متفقين اننا ناخذ رأي الاغلبية !! وعندنا ديمقراطيه نمشي عليها...... هيله:انا اقول خلينا نجرب وش ورانا كلنا متربيات ونعرف حدودنا وماراح نخربط ولا نروح من هناااا ولا من هناااااك... حصه: لااااا؟؟ اجل كذااا اتفقتوا علي... هيله: انتي خلينا نجرب وكل وحده تاخذ مصروفها وتصرفه على كيفها والوعد اخر الاسبوع,,,, مناير: تكفين الحصي..لاتخربين السفره علينا متى عمرنا سافرنا كذا؟ تكفين الله يخليييييتس ... حصه: كيفكم .. بس عندي شرط؟؟ هيله: وشووووو؟ حصه: كل وحده تتحمل مسؤولية نفسها موتجوون تقولوون ضاعت فلوووسي ولا محتاجه فلوووس ولا هذي لعبت علي وسرقتني وووو مناير: لو يقطعوني اربا اربا ماقلت لتس شي !! هيله: اخسسسسسس يااربا حلوووه والله من وين جبتيها؟؟ مناير: هههه مدري هي طلعت من الحماس هاه الحصي وافقتي ؟! حصه: وامري لله..!!!!!!!! كل وحده من الثلاثي المرح اخذت لها غرفه بالاوتيل وبدت تشوف وش وراها ووش تتمنى ووش بتسوي.. ×× غرفة مناير×× مناير: الووو لو سمحت ممكن ترسلي السيرفنت ابغاه يجيب لي منيو حقت المطعم اللي تحت ... هو: ايه بتكرم عينك مدموزيل .. بس بعتئد انو فيه منيو للمطعم عندك شوفيا عالشافونيرا اللي بجنب الtv.... مناير: اهااااا معليش اسفه ماانتبهت لها<< ياشين السرج على ههه خلاص بااي طراااااااااااااااااااااااااااااااااااااااااااااااا خ... واخزياه واخزياه دقيت اتميلح فشلني .. ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ×× غرفة الحصي ×× طوووووووووووووووووووووط طوووووووووووووووووووووووط الحصي غير موجوده في الخدمه مؤقتا ( طالعه براااا) ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ×× غرفة الهلي ×× هيله : ياربيييه وش بقول للحرمه .. لااا وش بلبس الحين لااااا وشلووون بتكلم معه .. لاااا وشلوون بطلع... ياربيييه بس معقوله تكون امه ؟؟ طيب اذا تبي تخطبن تجي هي للاوتيل وشلون انا اروح .. طيب لو خطبتني وش بقول ؟؟ بوافق؟؟ اخاف خالي عبيد يذبحن لو درى .. طيب شلون وين احط العرس هنا ولا بالسعوديه .. ودي اعزم صديقااتي وافرح .. << يابعد الدنيا هي كسرة خاطري والله!!! ومازالت الهلي تفكـــــــر حتى جاءت الساعة 9 بالليل ,,,,, _ _ _ _ _ _ _ _ _ _ _ _ _ _ _ _ _ _ _ _ _ دخلت الهلي المطعم.. وكانت تدور حرمه جالسه لوحده..... هيله: ايه هذااااه.. مرحباااا .. انتي ام جو؟؟ هي : باردوووون؟؟ هيله:حتى انتي باردووون وش عندكم انتم وهالبرد لا حروووون!!! هي : عفوا انتي بدك ياني ؟؟ هيله:لا بدي جو وش ابي بياني خليه لتس!! هي: شوبدك مني ماعم بفهم عليكي ... هيله: انتي من تنتظرين هنا؟ هي: مابنتزر حدا .. انا جايي لوحدي هوون هيله: اهااا اجل غلطانه يابعدي .. تشاوووو باردووون..... هيله: وين طسسسسست خالتي << ياعمررررري انتي ... لوسمحت .. فيه طاوله محجوزه باسم جوزيف هنا؟؟ هو: أي في خيتوو الطاوله رأم سبعه... هيله : شكرا .. يازين السنع وراي ماسألت من قبل .. بدل مااهارج هالباردووون والحروووون ... ووجلست على الطاوله تنتظر خالتها تجي .. وماهي الا هنيهاااات <<<< متعوب عليها ترى الا وتجي خاله وتسلم عليها من وراها .. الخاله: هااااي .. انتي اللي إلك الموعد معي انا خالــــ هلوووووووو؟؟؟؟؟ هيله: كارووووول!!! اهلييييييييييين وش اخبارتس وشلونتس يامحاسن الاصداف.. مدري القواقع .. وربي صدفة خير من الف ميل تبدأ بخطووووه ههههههه كارول : هلوووو انتي ...إلي............؟!! هيله: انا الي وشوووو ؟؟ وش بتس تقل شايفتن جنيه؟؟؟ كارول: هلووو انتي بتعرفي حدا باسم جوزيف ؟ هيله وهي مستحيه: ايه اعرفه ليشش ؟؟ وش عرفتس؟؟ كارول: الأأأأ مومعأوووووول ... هيله: وش السالفه وش بتس؟؟ كارول: عندي إلاك.. (( وجلست كارول خالة جو تقص لهلووو القصه كلهااااااا.... وقالت لها ان جوزيف متزوج بنتها وعنده ولد وانه مافكر فيهاا بس انه رحمها يخاف تتعلق فيه اكثر...)) وصف الحديث: هلووو مسكينه انصدمت صدمه ماقبلها ولا بعدها .. مانطقت بحرف واحد وكارول تواسيها وقالت انه يقول عنها مهضومه وحبوبه وطيبه ورجعت لها الساعه حقت امها .. هيله: حصل خير .. اصلا انا كنت حاسه ومازعلت عاادي الوضع كارول: بتمنى انك ماتزعلي مني ياحبيبتي انتي ولا يهمك بكرا الله بيعوضك وتتجوزي سيد سيده كمان ... هيله: ههه لاعادي ماصار شي عن اذنك انا بطلع وراي مشوار مهم .. سلمي على جو وزوجته مع السلامه.. كارول:استني هلوو بدي احكي معك استني... وراحت المسكينه وهي تترنح في مشيتها من هول الصدمه التي صعقتها قبل لحظات وكأن قصرها الذي بنته في قلبها قد تحطم بأكمله وانهار على حبها الوحيد وقتله قبل ان يرى النور (( الله يرحمك ياسيبويه )) _ _ _ _ _ *_ _ _ _ *_ _ _ _ _ *_ _ _ _ _ بعد اسبوووووووووووووووووووووووووووووووووع وبالتحديد قبل الذهاب الى المطار للعوده الى بيتهم ... اجتمعوا البنات بغرفة الحصي وبدأ السلام بالقبلات والاحضان وكل وحده بدت تقول وش صار لها الحصي: اسمعوا يابنات انا بقولكم باختصار انا تعرفت على وحده لبنانيه تشتغل طباخه هي وزوجها بمطعم حلووووو راقي .. وبعد ماعلمتهم بعض الاكلات الشعبيه عرضت علي اني اسكن بشقه قريبه منهم واشتغل معهم ولي نسبه من ارباح المطعم وانا بصراحه فكرت ولقيت انها فرصتي وماراح تتعوض الراتب اللي اخذه هنا يعادل ضعفين الراتب بالبنك هنااااك... مناير: هاااااه؟؟ تجلسين هنااا؟؟يامحاسن الاصداف على قولة هلوووولتنا اجل انا رحت بجوله على جامعاتهم ولقيت عندهم تخصص الانجليزي حلووو وسهل نوعا ما .. ومافيه تعقيد زي جامعاتنا فأنا قررت اكمل دراستي هنا وبشوف مستقبلي بالجامعه... هيله:............................<<ساكته... حصه: هلووو وانتي وش سويتي ؟؟وين رحتي؟؟ ووش شفتي ؟؟ وش بتس؟؟ مناير: هلووو وش صار على جوزيفتس؟؟ وماشفتيه؟؟ وش بتس ساكته تكلمي؟؟!! هيله: خلصتوا؟؟ وقررتوا خلاص اجلسوا الله يوفقكم انا ابرجع للسعوديه بعد شوي .... الحصي: هيله وش صار لتس طيب؟؟ تكلمي ضيعتي فلوستس؟ مناير: لااا يمكن سوت شي ندمت عليه... هيله: وجعععع موووب انا اللي اسوي كذا يالتعبانه ..انا مافيني شي ابرجع وبسس.. مناير : طيب لاتنافخين بالطقاااااق طسسسسي... هيله: مانفخت ياقليله الادب مناير: انا قليلة الادب ؟؟ اششش انا اللي كنت الاحق رجل واحبه ووو هيله: اووووص خلااااص انا تعبت انتم ماتحسون انتم ماتفكرون الا بمصلحتكم اابي شي منكم.. الحصي: خلااص انتي وياااه كل واحد يسوي اللي يريحه ... وتزاعلوا الخوات .. وظفت هيله شناطها وراحت تلحق على موعد الطياره .. والحصي ومناير راحت كل وحده غرفتها ... ×× في صالة المغـــــــــــادرووون×× هيله جالسه تنتظر يعلنون عن موعد الصعود على الطائرة وهي تمسح دموعها للي ماوقفت من اول ماطلعت من الاوتيل .. هيله: الله لايعيدها من سفره الله لا يعيدهاااا بسفره وحده انقلب حالنا كذا؟ خواتي راحوا ومادروا عن .. كل وحده همها مصلحتها وبس.. وانا الغبيه حسبت اني اقدر احب وحبيت وتوهقت وانجرح قلبي وماظنتي بيلتئم جرحه ياااربي سامحني انا غلطت ... استغفر الله العظيم ياربي ابي خواتي من لي بالدنيا الاهم .. من اجلس عنده؟؟ خالي عبيد من زين ذا الخال اللي ماعمري شفته الابالعيد وزين اذا جاء ياررربي وش اسوي وشلون بعيش؟؟وحيده؟؟ لا وظيفه ولا طلعه ولا دخله ولا احد اتكلم معه شلووووووووون بعيش شلوووووووووووووووووون!!! الرجاء من الركاب المسافرين على الرحله رقم 346المتجهه إلى الرياض التوجه إلى البوابه رقم73وشكرا.... وجلست الهلي على المقعد وربطت الحزام ( عشان ما يبلشونها ) وكملت صياحها وبعد لحظات جت وحده وسألتها.........؟ هي: لو سمحتي اختي .. ممكن تبادلين بالمقعد؟؟ هلوو: لا.... هي: حتى لو قلت لك يامحلا الفنجاااال مع سيحة الباااال في طياره مافيها مقعد ثقيل...؟!! هيله: هيييييييييييييي... مناااااااااااااااير.. وشلوووووووووون جيتي .. وراتس؟؟ شلون غيرتي رايتس؟؟ مناير: وانا اقدر استغني عنكم .. ولا اعيش من غيركم ؟؟ حصه: وفلووووس الدنيا كلهااااا ماتغنيني عنكم ..!!!!!!!! هيله: الحصصصصصصصصصي بعد!!! + ملاحظه : المشهد متسلفته من فيلم هندي+.... صياااااااااااح وخمخمه وبوسااااات وحالتهم حااااااله..... مناير: هلوووووووووو فقدتينا؟؟ هيله: يعني ..عاادي عندي .. يمكن ضاق صدري شوي ..بس مومره.. حصه: ايييييه واااضح ماكاننا جالسين ورااتس بصالة الانتظار هههههههههههه هيله: هاااااااااه ... ايه كنت ادري .. عشان كذا استهبلت عليكم .... << لأخر لحظه تتلكع!! مناير: ايه هييييييييييين اهم شي لما قلتي من بسولف معه!! مت من الضحك.. هههههههههههههههههههههههه هيله: هههههههههههههههه الله يرجكم .. تصدقون اكتشفت اني احبكم !! حصه ومناير: لاااااااااااا؟؟ هههههههههههههههههههه ههههههههههه ورجعوا الاخوات الكريمات للسعوديه... يقولون ان الحصي تقلدت منصب كبير وصارت مديرة البنك.... وان الهلي تزوجت وعندها درازن بزارين... وان مناير صارت معيده بالجامعه ... وهم يقولووووووووووون ....... والله....اعلم.......................؟ THE END هذي القصة وخلصت..... .... ســـوري اذا تأخرت عليــكم << احلفي تدروون دراسه ومادراسه والخ ... هـــااااااااااه عااااااااااد ابي اشووف ردودكم .. !! يالله عاد مااطول عليكم اكثر من كذا ,, تحيـــــــــــاتي .. |
|
|
|
|
01-03-2007, 03:06 AM
|
#10 |
|
(حلا فعّال)
|
مشاركة: قصة قصيمــــيات مهسترات بلبنان .. << قصه جنااان
مشكوره يا قلبي على التكمله والله يعطيج العافيه .................
تحياتي : الرتاج |
|
|
|
 |
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| $$$ ديكوووور شقة جنااان $$$ | دينا احمد | مجلس حلا للديكور والأشغال اليدوية | 35 | 13-07-2007 03:28 PM |
| صور متحركة جنااان | نهر النيل | مجلس حلا للصور | 42 | 18-02-2007 10:53 PM |
| ديكورات جنااان | ***القيصر*** | مجلس حلا للأسرة والطفل | 6 | 11-12-2004 10:31 PM |
العرض العادي
