|
21-02-2006, 04:39 PM | #1 |
شخصية هامة
|
تتجـــوّزينـــي ؟؟
تتجـــوّزينـــي ؟؟
ـ أفندم ؟ ـ بقولك تتجوزيني ؟ ـ ؟؟؟ ـ تتجوزيني ؟ ـ لأ ـ ليه ؟ ـ بصراحة كدة شكلك مش عاجبني ـ إزاي يعني ؟ ـ يعني .. أصل أنا ليا مواصفات معينة لفارس أحلامي ـ مواصفات معينة ؟ .. هو انتي هتتجوزي عربية؟ ـ لأ ! .. بصراحة كده .. إنت مش فارس أحلامي اللي باتمناه *********************************** ـ تتجوزيني ؟ ـ إيه ده ؟ شكلك اتغير ـ إيه رأيك ؟ ـ واو .. شعرك بقة ناعم ! .. دي باروكة ؟ ـ أيوة ـ ودي عدسات خضراء ؟ ـ أيوة ـ واو ! .. بس بجد .. بقيت وسيم .. واو ! ده انت بقيت شبه نيكولاس كيج ـ مين عباس كيج ده ؟ ـ عباس ؟!! ياي .. إيه عباس دي ؟ اسمه نيكولاس ـ مين نيكولاس ده ؟ ـ بقة مالكشي في السيما وجاي تكلمني ؟ .. ياي *********************************** ـ تتجوزيني ؟ ـ انت لسه ليك عين تكلمني ؟ ـ أيوة .. أنا عرفت مين بنكرياس كيج ده ـ أولاً : اسمه نيكولاس كيج ـ أيوة أيوة .. كنت هاقول اسمه صح .. بس اختصرته .. ده ممثل ـ ممثل إيه ؟ ـ ممثل أمريكاوي ـ أمريكاوي ؟! .. إخّييي ! .. اسمه أميريكان يا بابا .. ما تبقاش دونكي ـ دونكي دي تبقى شتيمة ؟ ـ أوف كورس *********************************** ـ تتجوزيني ؟ ـ عندك عربية موديل كام ؟ ـ موديل دي تبقى شتيمة ؟ *********************************** ـ تتجوزيني ؟ ـ قوللي الأول .. حاطط أنهي نغمة في الموبايل بتاعك ؟ ـ نغمة دي تبقى شتيمة ؟ *********************************** ـ تتجوزيني ؟ ـ ما قلتليش .. إنت بتشتغل إيه ؟ ـ أنا -بلا فخر- عاطل ـ عاطل ؟ .. ياي ـ مش أحسن من اللي ما بيشتغلش ؟ ـ لا ـ يعني مش هتتجوزيني ؟ ـ لا ـ كدة أنا أزعل ـ ما تزعلش يا بابا .. خليك فريش ـ ماشي .. ماشي .. بس قوليلي ـ إيه ؟ ـ فريش دي تبقى شتيمة ؟ *********************************** ـ تتجوزيني ؟ ـ لقيت شغل ؟ ـ أيوة طبعًا .. سنتين وأنا بادور .. أخيرًا لقيت ـ وإيه هو ؟ ـ سواق تاكسي ـ ياي ! .. مش مكسوف وانت بتقولها ؟ ـ فيها إيه ؟ العمل شرف .. وكلها كام سنة وأجمع مبلغ كويس ـ شرف ؟ جتك القرف *********************************** ـ تتجوزيني ؟ ـ جمعت مبلغ كويس ؟ ـ طبعًا .. مبلغ كبير جداً ـ قد إيه يعني ؟ ـ ألف جنيه ـ نعم ؟!!! .. ألف جنيه دول تروح تسرح بيهم ببطاطا ـ يعني موافقة ؟ ـ روح اتنيّل *********************************** ـ تتجوزيني ؟ ـ عندك شقة ؟ ـ طبعًا .. أوضة على السطوح ـ نعم ؟ ـ إيه المشكلة ؟! .. أحسن ما ننام في الشارع ـ في الشارع ؟! .. إيه الألفاظ السوقية دي ؟ ياي ! .. لازم يا بابا تجيب شقة ـ طيب .. كلها كام سنة وأجيبلك أحسن شقة في الدنيا ـ وهتجيبها في جاردن سيتي ولا في الزمالك ؟ ـ لا .. في الأهلي .. هيهع هيهع هيهع *********************************** ( بعد سنوات) ـ تتجوزيني ؟ ـ جبت الشقة ؟ ـ أيوة .. الحكومة بتبني شقق للشباب وأنا خدت شقة .. صحيح إنها اتأخرت لسبع سنوات .. لكن المهم إنها جات ـ فانتاستيك ـ بس الشقة ناقصة حاجة ـ إيه هي ؟ ـ مفيهاش حمام ـ امشي من قدامي ! .. مش طايقاك *********************************** ـ تتجوزيني ؟ ـ إنت تاني ؟ ـ جبتلك حمّام إنما إيه ـ خليه ينفعك ـ ليه بس ؟ .. ده ينفع لينا احنا الاتنين ـ وأنا مالي ؟ ـ مش عاجبك .. مش مشكلة .. أكتبه باسمك *********************************** (بعد سنين) ـ هتتجوزيني ولا أولع فيكي ؟ ـ ومالك محروق كدة ؟ ـ حكايتنا طولت قوي .. طولت أكتر من اللازم ـ أوكي .. بس ممكن أعرف حاجة ؟ ـ إيه ؟ ـ إنت ليه متمسك بيا أوي كدة ؟ ـ أصل .. أصل ـ أصل إيه ؟ ـ أصل أنا بحُبك (بضم الحاء) ـ بحُبك ؟!! .. إيه بحُبك دي ؟! .. إسمها بحِبك (بكسر الحاء) بعدين خليك روش وقول I love you ـ ماشي .. بس قوليلي ـ نعم ؟ ـ روش دي تبقى شتيمة ؟ *********************************** ـ تتجوزيني ؟ ـ بصراحة .. في حاجة كنت عاوزة أقولهالك من زمااااااان ـ إيه ؟ ـ أنا بصراحة .. مش شايفة إن في حد في العالم يستاهلني ـ يا سلام ! .. ليه ؟ ـ عشان أنا جميلة .. خفيفة الدم .. رشيقة .. رقيقة ـ رقيقة ؟! .. ده انت بدأتي تقشفي ـ فشر ـ فوقي لنفسك .. العمر بيجري ـ أنا مصرة على رأيي ـ يعني إيه ؟ ـ يعني اقطع معايا ـ بعد كل السنين دي ؟! .. بعد كل الحب ده ؟ بلاش تراجيديا من فضلك - ـ ماشي .. بس قبل ما أمشي عاوز أسألك سؤال واحد بس ـ إيه هو ؟ ـ تراجيديا دي تبقى شتيمة ؟ *********************************** ( بعد سنوات ) ـ تتجوشيني ؟ ـ إيه ؟ ـ تتجوشييينييييييي ؟ ـ إنت مين ؟ ـ أنا حبيبك يا هبلة .. البشي النضارة عشان تشوفيني ـ طيب شاعدني عشان ألاقي النضارة ـ آهي على الترابيزة قدامك ـ فين ؟ ـ لا دي نظارتي أنا ـ أيوة لقيتها ـ البشيها بقة ـ ططييبب ـ عينيكي فوق شوية .. ده بقك ـ طيب لبشهالي إنت ـ عقبال ما البشك الدبلة ـ ما تكشفنيش .. كنت بتقول إيه بقى ؟ ـ كنت بقول تتجوشششيييينيييييي ؟ ـ أكوشك ؟ .. إزاي ؟ ـ يا ولية مش تكوشيني .. تـ .. تـ .. جـ .. و.. شـ .. يـ .. نـ .. ي؟ ـ دي شتيمة ؟ ـ لاااااء .. بقولك تتجوشيني ؟ ـ آه !! .. أجوشك ـ بالضااااابط .. هاه ؟ ـ شيبني أفكر ـ أشيبك تفكري ؟! .. ده انت هتموتي خلاش ـ لا .. شيبني أفكر بش ـ ربنا يوفقك ـ إيه ؟ ـ ربنا يوفقك ـ بتقول إيه ؟ ـ ربنا ياخدك *********************************** (على فراش الموت) ـ تـ … كوح .. كوح .. تتـ .. كوح كاح كيح .. تتكو .. كوح .. كوح تتكوشـ .. كوح كوح .. يني ؟ ـ مش شامعة ـ بـ .. قوللـ .. كوح .. كوح .. بقولك .. تـ .. تـ .. كوح .. كوح تتجوشيـ .. ؟ كوح .. كوح ـ أجوش مين ؟ ـ هـ .. و.. ه .. كووح كوح كاح .. هوه إنتي .. كوح كوح .. معرفتيـ ش .. كوح كوح كيح .. ميـ .. كوح .. مين ؟ ـ إيه ؟ ـ لا .. كوح .. أبدًا .. كوح .. كنت … كح كح .. بأكح ـ كنت بتكح ؟!!!! .. شلامتك .. ما قلتليش ليه ؟ ـ هو .. كوح .. إنتي .. لشة .. عارفـ .. ـة .. كوح كوح ـ بتقول إيه ؟ ـ يا .. ولية .. كوح كوح .. ردي .. كوح كوح .. عليا .. تـ .. تـ .. جو شيـ .. كوح كوح كوح كوح .. نـي ؟ ـ أجوشك ؟!! .. طب بش خد الدوا الأول ـ يا وليـ .. ـة .. كوح .. كوح .. أنا .. كوح .. كوح .. هتتجوشيـ .. كوح كوح كوح .. ـني ؟ ـ أيوة يا حاج .. موافقة موافقة إنك تتكوشني ..أخيـ….كوح كوح ..راااااً !! .. كوح كوح - كدة أموت .. كوح كوح .. وأنا .. كوح .. مطمئن ومرتاح .. الودااا .. كوح ..ع ع ع ع ـ يا حاج .. يا حاج لااااااااااااااااااااااااااااا |
|
|
21-02-2006, 05:00 PM | #2 |
(حلا متميز)
|
مشاركة: تتجـــوّزينـــي ؟؟
هههههههههههههههههههههههههههههه
والله هذي سالفه هههههههههههههههههههه يسلموووووووو دموع جد روووعه حلوووه كثير هههههههههههههه |
21-02-2006, 05:17 PM | #3 |
موقوف
|
مشاركة: تتجـــوّزينـــي ؟؟
السلام عليكم ورحمة الله وبركاته
دموع كان مفروض يطلبها للجواز وهو فى القبر خخخخخخخخخخخخخخخخخخخخ هههههههههههههههههههههههههههههههههههههههههههههههههه ههههها مكشورة يا الغاليه على الرجه دمتى بود وحب الروك |
23-02-2006, 04:49 AM | #4 |
شخصية هامة
|
مشاركة: تتجـــوّزينـــي ؟؟
ابدااع
عساها دووم الضحكة يا رب مشكور على تواجدك دمت و دام وصلك تحياتي |
|
|
23-02-2006, 04:50 AM | #5 |
شخصية هامة
|
مشاركة: تتجـــوّزينـــي ؟؟
الروك
ههههههههههههههههه و مشكور على الغبار الي عملته من كثر الضحك ههههههههههههههههههه يعطيك الف عافية دمت بكل الود تحياتي |
|
|
25-02-2006, 11:56 PM | #6 |
نائبة الإدارة |
مشاركة: تتجـــوّزينـــي ؟؟
ههههههههههههههههههههههههها
خخخخخخخخخخخخخخخخخخخخخخ قصة روعة جداااااااا واية رأيك تتجوشينى خخخخخخخخخخخخخخخ الف شكررررررررر دموعة وانتظر جديدك تقبلى تحياتى دينا احمد |
26-02-2006, 07:57 PM | #7 |
(حلا متميز)
|
مشاركة: تتجـــوّزينـــي ؟؟
ههههههههههههههههههههههههههههههههههههههههههههه ه
قصة روعة مشكورة اختي اسيرة الصمت على هذا الموضوع الجميل والقصة الي تهبل من الضحك تحياتي الاسم بالتوقيع |
|
|
26-02-2006, 09:16 PM | #8 |
(حلا متميز)
|
مشاركة: تتجـــوّزينـــي ؟؟
هههههههههههههههههههههههههههههه ههههههههههههههههههه ههههههههههههههههههههههههههههه ههههههههههه (( دموع فلسطين )) روووووعة ،، جبتيها منين دى ؟؟؟ هههههههههههههههههههههههه يسلمووووووووووووو |
|
|
27-02-2006, 02:51 PM | #9 |
شخصية هامة
|
مشاركة: تتجـــوّزينـــي ؟؟
هههههههههههههههه
خلاص دينااااااااااا انا موافقك اتجوشك مشكوورة غاليتي على المرور الله لا يحرمني منك ولا من تواصلك دمتي بكل الود |
|
|
27-02-2006, 02:52 PM | #10 |
شخصية هامة
|
مشاركة: تتجـــوّزينـــي ؟؟
قناص التماسيح
يسلموووووو على المرور العذب ودوم الضحكة يا رب بس البس نظارات لاني انا دموع مو اسيرة هههههههههههههه |
|
|
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|