|
10-10-2005, 04:14 AM | #1 |
(حلا جديد )
|
الله يكملني بعقلي قول امين
$
مـ ع السـلام عليكم كيفكم بنات و شباب انشاءالله بخير عاد هذا اول مشاركه تفاعليه لي بهالمنتدى <== الا صدق تفاعليه وش اتكون خخخخ مانيب مطولة ندخل سيده بالموضووووووع بيوم من الايام يااخواني وياخواتي عورتني سنوني وراسي يعورني تقول مسامير تدق فيه وابلع من ذا البنادول على الفيفادول على الهلال دول خخخخخخخخخ المهم ماش مازال الالم مستمرا بل ويزداد كل سويعه ( ادلع كلمة ساعه خخخ ) ويوم بلغ السيل ذاك مدري وشو وبلغ مني الالم كل مبلغ طمرت لاميمتي قلت يمه تكفين راسي يعورني وسنوني بعد وجلست اصيح <=== امحق خخخخخخخخخخخخخخخ وتاخذ أمي عبيتها وقالت يالله مشينا وانا امشي وراها وانا امشش دموعي اللي تبطبط يوم جيت بركب السياره الا السواق يكركر وكل شوي يلتفت علي ثم ينزل راسه ويكركر وانا اللي اعصب واحط الحره فيه قلت ضحكت بلا سنون جعل ذا الوجع براسك جعل سنونك كلها للهدد وجعل وجعل سيل طويل عريض من ذا الدعاوي اللي الله لايوريكم الا يوم انتبهت امي وهي تلتفت علي قالت وجع وجع وجع بنت انتي ليه كذا وانا اللي تخنقني العبره قلت بعد بتهاوشني علشاني دعيت على السواق ولاهيب مهاوشته انه يضحك علي قلت هو يضحك علي قالت يضحك عليك من هبالتك عبايتك وينها ؟؟؟؟؟؟؟؟؟؟؟؟؟؟؟؟؟؟؟؟ يؤ يؤ يؤ اثرني طالعه من غير عبايه وانا تخنقني العبرة نوبنت اوخرى وانا والله ادقها هاشميه وابكي من قلب المهم مالكم بطوالة الحكي ذلفت لغريفتي وجبت عبيتي وركبت وطسينا للمستشفى ويوم دخلنا عند الدختوره وناظرت بخشتي ومطمطتها شوي ابتسمت وقالت هيدا ضرس العئل حبيبتي بدو يطلع لك بس اللسه ( اللثه ) مغطيه عليه والتهب من شان هيك بدي هلأ اعطيكي ابره ومضاد حيوي و بعد كم يوم بدو يطلع لحالو ويصير عندك ضرس عئل وامي تنقز من الفرحه وهي تقعد تبوس الدختوره وهي تلفت لي وتاخذني بالاحضان وانا اللي تطير بوهتي قلت يمه وش السالفه مافهمت شي <====== يحلفون ماهيب دلخه قالت امي ابشرك يابنيتي اخيرا بتعقلين بيطلع لك ضرس يعقلك <== مااذكى منها الا امها وانا اطمر من الفرحه وانسى وجع راسي قلت يعني هالحين بعقل الف حمد وشكر ليك يارب <== قلبت مصريه من الفرحه ونرجع للبيت انا وامي كل وحده فرحانه من جهه واجلس قبال المرايه كل ابو يوم امطمط بذا الخشه اشوف الضرس طلع والا لا مير ماش ماعندكم احد وتستمر المأساة لمدة شهر واخر شي وبينما انا اناظر بوسط حلقي الا والله اشوف طرف الضرس يوم طلع راسه يناظر ويوم شافني وهو يدخل مره ثانيه قلت اطلع اطلع تكفى الله يرحم والدينك اطلع قال مهبوله انتي تبين اطلع تبين تخربين سمعتي قلت افا وش ذا الحكي وراه اخرب سمعتك ياكافي قال تبين يقولون ضرس العقل طلع لنجديه ونجديه ماعقلت قلت افا ياذا العلم ومن قال اني ماراح اعقل ؟؟؟؟؟؟؟؟؟؟؟؟؟؟؟؟؟؟ قال على مناحي يامحماس اما انتي تعقلين والله لو تصير كل سنونك ضروس عقل ماتعقلين احلمي اني اطلع لك ماابي اخرب سمعتي ووالله لاجننك لين تقولين ماابي ضرس عقل خلاص شيلوه وهو يختفي الخبل بوسط اللثه وعقب كم من يوم الا الوجع يوم رجع لي لا واشد من اللي قبل واتصبر واحاول لاماش قمت اطمر لاميمتي ونعيد نفس السيناريو السابق خخخخخخ يوم جيت عند الدختوره قالت لا هيك بدنا نعمل عمليه تنفتح اللسه ويئدر الضرس يطلع قلت انا هو معيي يطلع النذل يقول بتخربين سمعتي ( خشه خانقتها العبره وحاسه بالظلم ) امي والدختوره خششهم كانت تقول لاتعليق خخخخخخخخخخ قالت الدختوره خلاص بدي اشيلوه لألك قالت امي لا يادختوره تكفين اصبرو شوي غديه يهون ويطلع لها وتعقل بنيتي قلت لا مممممممابا خلاص شيلووووووووووووووه قالت الدختوره خلص بدنا نشيلوه يوم قربت الا معها ابرتن محطوطه بحديده يمه قلت وشو ذا قالت بدنا نحط لك بنج حتى نشيل الضرس قلت ياهملالي بنج والابره بحديده خير يالاخت شايفتني الرجل الحديدي على ذا الابره قلت هونت اشيله دام بها ذا الابره واعود للبيت مير ماش ماخلان الضرس انام والله واعود الصبح واروح لها قلت شيلي كل سنوني وخلي ذا الضرس لحاله مثل الكلب <=== ماهيب نكته ملطوشه خخخخخخخخخخ عاد تمت اليوم عملية القلع وانقلع ضرس العقل بلى رجعه مير والله يابغيت اموت تقول يسحبون مسمار من مخي ( ودها تبكي يوم تذكرت ) ويقولون لاتاكلين بس اشربي شي بارد ومن اليوم وانا ابلع بذا العسكريم والحمضيات البارده وهذا ازين شي خخخخخخخخخخخخخخخخخخخخخخخخخ يالله طولت عليكم <=== بدري ياشيخه :) صي يوووووو ليطرررررررررررررررررر $ $ |
10-10-2005, 05:03 AM | #2 |
(حلا جديد )
|
مشاركة: الله يكملني بعقلي قول امين
ههههههههههههههههههههههههههههههههههههههههههههه الله يقطع ا بليسك نجديه
واحلى زحفه لاحلى نجديه على المغامره الخنفشاريه مع ضرس ابو العقل هذا .. تحياتي لك : حبة سكر ^ ــــ ^ |
12-10-2005, 05:23 AM | #3 |
(حلا جديد )
|
مشاركة: الله يكملني بعقلي قول امين
يصلمووووووووووووووووووووووووووووووووووووو ياحبة سكر على المرور
جهل الضحكه دووووووووووووووووووووم صي يو ليطر |
12-10-2005, 08:16 AM | #4 |
(حلا نشِـط )
|
مشاركة: الله يكملني بعقلي قول امين
هههههههههههههههههههههههههههههههههههههههههههههههه حلوة مغامرة انتي وضرسك
|
|
|
17-10-2005, 03:51 AM | #5 |
(حلا جديد )
|
مشاركة: الله يكملني بعقلي قول امين
يثلموووووووووووووووووووووووووووووووو اختي
دلوعه على المرور صي يو |
17-10-2005, 04:00 AM | #6 |
(حلا جديد )
|
مشاركة: الله يكملني بعقلي قول امين
يثلموووووووووووووووووووووووووووووووو اختي
دلوعه على المرور صي يو |
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
السحر وعوالم الجن ..!! | mada200661 | ۞ مجلس حــلا الاسلامي ۞ | 9 | 28-01-2006 11:12 PM |
الجن والعاده السريه؟؟؟... | *عابر سبيل* | مجلس حلا العام | 7 | 07-10-2005 06:06 PM |
الجن....!! | (*ولد النجار*) | ۞ مجلس حــلا الاسلامي ۞ | 0 | 29-05-2005 07:31 PM |
الجن (بين)الحقيقه والخيال | بحر التولّه | مجلس حلا العام | 4 | 30-04-2005 11:06 PM |