|
|
|
|
29-08-2005, 03:22 AM
|
#121 |
|
][§¤حلا ذهبي ¤§][
 
|
مشاركة: عمق القلوب....قصة واقعية
*&*الجزء الواحد والثلاثون*&*
بعد المغرب الساعه 7.30... رندا كانت جالسه لوحدها عند قفص كبير للعصافير الكناري الي هيا تحب تربيها..كانت تفكر كيف حترد المقلب لمنى جا في بالها انها تتفق مع مي عشان تساعدها بس بعدين قالت مي مثاليه وماتحب هالاشياء...وفكرت في منال قالت منال رهيبه وتحب هالاشياء خليني اروح اقلها يمكن ترضا...مرت من عند المسبح الي ورا الفيلا ولقت منال عنده وماسكه دفتر تكتب فيه شي...كان شكلها باين انها سررحااانه وفي عالم غير العالم...رندا ابتسمت لمن شافت بنت خالها بالشكل الغريب هادا وقربت منها وقالت.. رندا بصوت عالي:بوووووووووووووووووو منال وهيا تمسك قلبها من الفجعه:اوووف الله يكافيكي والله من جد ماتستحي طيحتي قلبي الله يطيح قلبك شتسوين انتي مجنووونه رندا وهيا تضحك:ههههههههههه والله مو قصدي بس شفتك في عالم غير العالم قلت امزح معاكي منال:سخييييفه رندا:زييك منال:بنت احترميني انا اكبر منك رندا بإستهزاء:ادررري مايحتاج تقوليلي منال خصرتها وقعدت تطالع في السما وتكتب في دفترها...رندا من لقافتها مدة نظرها للدفتر وقريت ايش بتكتب منال... ..((تدريـن و ادري)).. تدرين وادري بنفترق تدرين قلبي بيحترق حنا اتفقنا في كل شي الا الزمن عيى الزمن لا نتفق ولاتزعلي لو نفترق قلبك خلي وقلبي انا اللي بيحترق .......................... ياوردة في كل الفصول يافرح عيّى لايطول قولي واقول ان كان عندك لي حلول يافرحة القلب الحزين الوقت يمر .. ومالك عذر كانك تبين ننسى العمر .. ننسى السنين وانذوب في حب وحنين تدرين وش سر الحكاية الوقت يمر .. ولكل شي لابد نهاية وحنا قربنا من النهاية ومالك عذر يابسمة الثغر الخجول ان كان عندك لي حلول وان كان ودك نتفق والا ترانا بنفترق ولاتزعلي لو نفترق قلبك خلي وقلبي انا اللي بيحترق .......................... ياحب .. يادنيا جديدة يا احلى ابيات القصيدة ان كان جرحي ما كفى انزفلك جروح ٍ جديدة وان كان شعري ماوفى انسى الحكي وانسى القصيدة يا احلى ايام العمر كثر الحكي وش بيفيد ومابقى عندي صبر والجرح في قلبي يزيد مالك عذر يابسمة الثغر الخجول ما اظن عندك لي حلول وما اظن ودك نتفق واحنا ترانا بنفترق ولاتزعلي لو نفترق قلبك خلي وقلبي انا اللي بيحترق ........................ ((القصيده للشاعر الكبير الامير عبدالرحمن بن مساعد)) ....................... رندا اتفاجئت من الي تقراه غرييبه هالمنال هادئه ومرجوجه..شاعره ومجنونه كيف صارت هادي... منال لاحظت لقافة رندا فطالعت فيها بنص عين وقالت.. منال:احمممم احممم وش تبين انتي بعد؟ رندا بإرتباك:هااا لا ولاشي بس قلت اشوف شو تسوي منال:لا تتدخلي فلي مايعنيك رندا:طيب منال بتشكك:والله الطيبه هادي مو على الفاضي اكييد وراكي شي اعترفي وش تبغين بسرعه رندا:اممم مين قال لا مافي شي منال:رندا بلا هبل اعرفك بسررعه قولي وش تبغين ماني فاضيتلك رندا وهيا ناسيه موضوعها مره سألت منال.. رندا بهدووء:منال منال وهيا مستغربه:وشوو رندا:انتي تحبي؟؟؟ منال انصدمت من كلام رندا.. منال:ايش؟؟؟؟؟؟؟؟؟؟ رندا:والله من جد اتكلم منال:بلا هبل وبعدين انتي وش لك احب ولا ما احب مالك دخل فاهمه رندا بندم:طيب اسفه وي ماصارت سؤال وسألناه اكلتينا منال وهيا تدري انها زودتها شي:طيب خلاص سكي الموضوع منال...... رندا...... رندا وقتها سرحـت حست انه منال انسانه عاطفيه مرره ورقيقه..وبمقابل كل دا فكرت في رامي الانسان الي حبته ومن هيا صغيره..حست بكل انواع المشاعر والاحاسيس تجاهه..بس هيا تشوف انه ما اعطاها شي برغم انها مابخلت عليه بشي..!فكرت وحست انها بدأت تصرف مشاعرها لانسان "مايستاهلها"..وفجئه قطعت عليها تفكيرها منال.. منال:بنت ايش بك اليوم؟؟ رندا:ها..لالا مـ..ـافيني شي منال بتشكك:عليناااااااااا رندا بإرتباك واضح:هـاا.. منال:بنت اعترفي بسرعه رندا حست انه منال عاجبتها الحكايه:لا والله ماشاء الله عجبتك الحكايه قلتلك مافي شي يعني مافي شي وي منال:ههههههههههه والله شكلك حلوو وانتي مرتبكه هههههههههههه رندا بقهر:اسكتي بس منال:لالا اسفه والله مو قصدي ازعلك رندا وهيا تسوي نفسها زعلانه: خلاص مافي شي اسكتي بس منال حسبت انه رندا زعلت من جد:رندا حبيبتي والله مو قصدي ازعلك ولا اتتدخل في خصوصياتك بس لفت انتباهي انك سكتي بعدين شفتك مسرحه فأستغربت بس رندا:ولو مايحق لك تتدخلي بي هالشكل يعني انا لمن سألتك بس سؤال اكلتيني ولمن شفت انك انزعجتي سكت وما اتدخلت منال بأسف وندم:طيب قلت اسفه رندا:ههههههههههههه لا حبيبتي عادي امزح معاكي..بس تصدقي منال:ايش؟ رندا وهيا تقوم وتبوسها على خدها:والله انكككككك عسل منال بذهول:وي رندا وهيا تبي تموت من الضحك:هههههههههههههههههه بعدين حتفهمي منال وهيا ترجع لدفترها وكتاباتها:الحمدلله والشكر رندا تبغا تفاتح منال بالموضوع بس مو عارفه ايش تقلها اصلا ماهي عارفه ايش المقلب الي تبغا تسويه..وفجئه عيونها لمحت الشي الي قدامها وابتسمت... في نفس الوقت كانت منى قاعده في الصاله مع ام محمد وام رامي وام خالد وام جابر..وطفشااانه مو عاجبتها الجلسه مافي احد معبرها ونفسها تقوم وكل ماتبغا تقوم تمسكها وحده فيهم تقلها اجلسي...فجئه لقت جوالها يدق شافت الرقم وابتسمت...وقالت اخيرا اقدر اروح... منى وهيا ترد على الجوال:عن اذنكم صحبتي اتصلت الووووو...وطلعت من الصاله قبل لا احد يمسكها.. ام رامي:هههههههههههههههه مسكينه منى من اول تبغا تروح وانتو ماسكينها<<<ام رامي تحب منى مرره وفاهمتها مظبوط عشان كدا قالت هالكلام.. ام محمد:هههههههههههههه جات المحاميه الكبرى ام جابر بإستغراب:مين المحاميه؟؟؟ ام محمد: هههههههههههههههههه ماتعرفي ايووه صحح نسيت منتي معانا دايما هادا الله يسلمك باختصار انه..وتقاطعها ام رامي.. ام رامي:انه انا اعز منى وما احب احد يزعلها وفاهمتها مظبوط صح يانهى ام خالد:هههههههههههههههههههههه تصدقوو لمن تحكو احسكم لسه صغاار بالله شو خليتو للبنات الصغار اعقلوو ام رامي بروح مرحه وتأشر على قلبها:والله ياحبيبتي هادا لسه ماشاخ خلينا نتمتع الكل:هههههههههههههههههههههههههه ام محمد:الا قولي انكم كلكم عجزتوو الا انا لسه بشبابي احم احممم ههههههههههههه ام رامي بتريقه:هه هه مرررره صح صدقتك ام خالد وهيا حاسه نفسها بتموت من الضحك:هههههههههههههههههههههه عن جد هادولا الاتنين ناقر وناقير ام جابر:ههههههههههههههه ايه والله انا اول مره اشوفهم كدا ام محمد وام رامي استحوو وسكتوو...وام جابر وام خالد زاد ضحكهم على اشكالهم الخجوله... ودخلت لمى عليهم الي كانت مختفيه من العصر:سلام الكل:وعليكم السلااام ام محمد:فينك يابنتي ماشفتك من العصر لمى:والله يا امي مرره كنت نعسانه ورجعت كملت نومي ام محمد:ليه ايشبه نومك مخربط كدا ليه مانمتي امس زي الناس؟؟ لمى بإرتباك:هاا لا ولاشي..بس كان عندي صداع ام محمد:طيب مو مشكله ام خالد:اقوول لموو البي اتصلي على امجد خلييه يجيني مسود الوجه هايدا ما بشووفه مرره ولا يعبرني ولاكأني امه ام محمد:خليه يا ام خالد كل الاولاد الي في عمره كدا اكيد انشغل مع الشباب ولا شي ام خالد بعصبيه لانها ماتقدر على بعد امجد وتتضايق مرره اذا ماسلم عليها وقعد معاها شويه:المفروض انه مافي شي يشغله عن امه حبيبة البه ام رامي:ههههههههههههههههه ياعيني على الحب فينك يا ابو خالد تعال شوووف ام خالد بخجل:وشو دخل بو خالد بالموضوع هلأ؟ ام رامي بنص عيين:عشااان يشوف الحب كله رايح لفين ياحرام يحزني هالرجال مسكين محد معبره ام محمد وام جابر :ههههههههههههههههههههههههههههههههههه لمى كانت تطالع فيهم بإستغراب وسعاده في نفس الوقت من زماااان ما شافتهم مبسوطين قد اليوم... ام خالد وهيا تتجاهلهم:يلا لمى تؤبريني اتصلي عليه وقوليله يجيني هلأ اوكي لمى وهيا تبتسم:تاامري امرر خالتي وراحت لمى لوحده من الغرف عشان تكلم امجد وكانت شويه مرتبكه ومتردده تتصل ولالا...المهم في الاخير سمت بالله واتصلت.. لمى بدلالها المعتاد:الووووووو امجد:هلا والله بناعم الصوت هلا والله بالغلا كله هلاااا ميه هلا الف هلا مليون هلا مليااار لمى استحت من الترحيب القوي وقالت بحيا:يسلموووووو امجد بفرح:مو مصدق القمر يتصل عليا بنفسه لالا اكيد انا بحلم لمى والي ماهي عارفه ايش تقول سكتت.... امجد:هههههههههههههه اكيد صرتي طماطم لمى:هيهيهي لا ماصرت..المهم امجد:شووو؟؟! لمى وهيا تكتم ضحكتها:اممم خالتي تقولك يامسود الوجه فينك ماجيت سلمت عليها اليوم امجد:وه انا دحين مسود الوجه يخسس بس يخسس لمى:هههههههههههههههههههه والله انا مالي دخل هيا الي قالتلي اقولك كدا امجد:وانتي ماصدقتي طبعا لمى:ههههههههههههههه انا عليا اوصل الرساله وبس امجد والي يذوب من ضحكة لمى يحاول يخلي نفسه عادي:اهااا قلتيلي يعني منتي متصله عشاني متصله عشان توصلي الرساله بس لمى:اممممم يعني امجد:ايش يعني؟ لمى:اقصد في سبب تاني كمان امجد:ايش هوا؟ لمى:....عشان ابغا اقولك شكراً امجد بإستغراب:شكراً على ايش؟! لمى:على الي سويته اليوم امجد:اليوووووم شو سويت اليوم؟؟ لمى:ادري انك اتعمدت اليوم انه بابا يفوز عليك امجد وهوا يبتسم:لا عادي ولوو ماله داعي الشكر لمى والي اول مره تنتبه لي ال (ولو) حقت امجد قالت بإستغراب:وي انتا كمان تقول ولوو زيي امجد:ههههههه والله انتي الي تقوليها زيي مو انا الي زيك لمى:لا انتا امجد:انتي لمى:انتاااا امجد:انتــي لمى:يوووه خلاص طيب انا المهم لاتتأخر على امك يلا باي امجد:فين فين بسرعه دي طفشتي مني لمى:لا بس امجد:ايش؟؟ لمى:خلاص اكلمك وقت تاني دحين ابغا اروح للبنات اليوم مره ماقعدت معاهم امجد:اهااااا البنات اهم مني لمى:يوووه انتا ليه تفهم الكلام على كيفك انا ماقلت كدا امجد وهوا يبغا يحرجها:اجل ايش قلتي؟؟ لمى بدلع:مجوووودي امجد والي شوي وبيمووت من دلعها:عيووون وحياة مجووودك انتي لمى:هههههههههههههههههه تسلملي والله امجد:ههههههههه المهم خلاص مدام تبي تقفلي براحتك يالغاليه الله معاكي لمى والي ما اتوقعت انه يرضا يقفل الخط قالت بإستغراب:يعني تباني اقفل؟ امجد:ههههههههههههههههههههههههه والله مو حاله معاكي يالمى قلتلك لاء تقوليلي الا تبي تقفلي..قلتلك طيب تقولي اني ابغاكي تقفلي وبعدين احترت معاكي والله اهئ اهئ لمى:هههههههههههههههه امزح معاك خلاص بجد باي امجد:ههههههههههه بايات قفلت لمى من امجد وهيا مبسوطه وقررت تروح تدور على البنات الي كل وحده فيهم في جهه... وعند الشباب الي كانو جالسيين عند الزرع وفارشين فرشه وجالسين يلعبو بلوت ويتسلو... رامي:ايش بك رحت يا امجد؟؟هااا ومين ناعم الصوت؟؟ امجد:ههههههههههههه مالك دخل رامي:اااه ياويل حالي على الحب متى تخطبولي انا كمان ويصير عندي ناعم الصوت الشباب:هههههههههههههههههههههه خالد:ومستعجل على ايش خلص دراستك بعدين اتكلم رامي:واشمعنى مجود هادا لسه ماخلص دراسته وخطبتوله امجد بغرور:انا حاله استثنائيه رامي:لا والله امجد:هههههههههه ايوه طبعا واصلاً انا محا اتزوج دحين لسه حخلص دراستي واشتغل بعدين اتزوج رامي:اجل الله يعينك يالمى حتعنسي امجد:وليه ان شاء الله؟؟ رامي:ياخي مشووار الطب طوووويل وماله نهايه وكل ماتخلص من شي ينبتلك غيره امجد:الله يعين ان شاء الله رامي والي يتوجه في الحوار لخالد:وانتا يا خالد مو ناوي ترجع لعملك خالد وهوا يبتسم بسعاده:الا ان شاء الله من الاسبوع الجي حارجع كلمتهم وقالولي بس في شوية اجراءات اخلصها وارجع لمكاني زي ماكان امجد بإستغراب:ليه ياخالد مستعجل كدا دحين بالله لو رجعت لعملك متى حنشوفك طول الوقت حتكون في سفر |
|
29-08-2005, 03:23 AM
|
#122 |
|
][§¤حلا ذهبي ¤§][
|
مشاركة: عمق القلوب....قصة واقعية
وبعدين لسه مالحقنا نشبع منك اصبر شويه كم اسبوع كمان
خالد:والله وحشتني البدله ووحشني الطيران ابغا ارجع يا خي خليني براحتي امجد:هوا اكيد براحتك بس خالد:بس ايش؟ امجد:ولدك محمد ياحرام يحزنني خليك معاه شويه ماصدق الولد تحن عليه وفجئه تروح وتتركه تاني خالد:انا عامل احتياطاتي في هالموضوع رائد والي يدخل في نص الحوار:اي احتياطات هادي؟ خالد:كلمت الخطوط قلتلهم ما ابغا رحلات خارج السعوديه خليني لمدة كم شهر في داخل السعوديه وبعد كدا ممكن توسعو نطاق الرحلات جابر والي حب يشاركهم في الحوار:ورضيو؟ خالد بغرور:شووور بيرضوو انا خــالد منصــور احسن طيار في السعوديه مايقدرو يرفضولي طلب اصلاً رامي:ياعيني على الثقه خالد:ههههههههههههه رائد:اقووول فكوونا من هالكلام وكملووو لعب تراكم طفشتونا امجد:اوووف وانا متى حيجي دوري ان شاء الله جابر:اصبر نخلص هاللعبه ويجي دورك امجد بإستسلام:طيب امرنا لله وكانو الرجال الكبار قاعدين قريب من الشباب ويتكلمو عن الشركه وهالاشياء.. ابوخالد:ها يافهد مابتترك عنك الدلع وترجع للشركه ابو محمد:والله الود ودي بس الصحه ماتساعد يامنصور ابوخالد:الله يشفيك ويشفي كل مريض الكل:اااميين منى بعد ماطلعت من عند الحريم راحت تمشي في المزرعه وتكلم بالجوال... منى:هلاااا حياتي كيفك ياقلبي رهف:اهلين بخيرر تولهت عليج يادبه منى:وانا كمان تولهت عليكي موووت ههههههههههههه رهف:ههههههه تتريقي منى:لا ابد والله رهف:المهم شحالج؟ منى:بخير ياقلبي رهف:فينكم ماتردو اتصلت الف مره على البيت محد يرد منى:ههههههههههه تستاهلي عشان تتعلمي الادب وماتعانديني رهف:وشنو دخل دا في دا منى:ههههههههههه مو انا لمن كنت ابغاكي تتصلي كنت ابغا اقولك احنا فين رايحين بس انتي عاندتيني وتستاهلي خدي على راسك رهف:ههههههههههههههه اوكي موب مشكله انا الغلطانه سووري ماما منـى منى:هههههههههههههههه ايوه كدا خليكي شطوره يابنتي رهف وهيا تصتنع البرأه:تيب هههههههههههههههههههههه منى:ههههههههههههههههههه رهف:ههتين ياختي ايه وينج انتي الحين؟ منى:بالمزررعه رهف:والله منى:ايوه شفتي كيف رهف:ان شاء الله مبسوطين منى:مرررره اشتهيناكي معانا رهف:مره تانيه ان شاء الله منى:ليه مره تانيه؟؟تعالي اليوم ايش فيها!! رهف:امممم لا استحي وعاد كل اهلج في لالا ما اقدر منى:بلا بياخه مو انا داك اليوم جيتك الكباين مافيها شي تعاليلي بليييز رهف:اممم اوكي اسأل امي وارد لج خبر منى:طيب شو عندك جديد؟ رهف:اوهووو كثيررر منى:والله طب حلووو اجل لمن تجيني نتفاهم رهف:اوووكي منى:دحين اخليكي روحي اسألي امك ورديلي خبر رهف:ان شاء الله يلا عيل اترخص منج منى:الله معاكي رهف:الله يسلمج باي ارتاحت منى بعد هالاتصال لانها مره كانت متشوشه على رهف الي مو متعوده انها ماتسمع صوتها اكثر من كم مره في اليوم.. مي كانت قاعده مع احمد ومحمد بالدور التاني تلعبهم ومستغربه اختفاء البنات عنها وقررت تنزل ترحلهم... رندا ومنال لساتهم عند المسبح.... منال وهيا تبتسم:خلاص اتفقنا رندا وهيا مبسوووطه:تسلميلي ياقمررر منال:هههههههه ياعيني على المصلحه وفجئه جاتهم لمى وهيا مستغربه... لمى:بناااات ايش قاعدين تسوو لوحدكم هناا رندا:قااعدين نتكلم ايش فيها؟! لمى:وفين الباقيين عنكم؟؟ منال:علمنا علمك وفجئه نطت عليهم منى... رندا لمن شافت منى ابتسمت ومنال كمان... منى استغربت اول مره رندا تبتسم من بعد المقلب الله يستر لا يكون ورا هالابتسامه شي... منى:هاااي قيرلز البنات ماعادا رندا:هايات منى وهيا تطالع في رندا بإستغراب:خلااص رندووي شو دا زودتيها مقلب وصار بلا بياخه رندا...... لمى:ايه والله رندا بلا بياخه مشيها مافيها شي طول عمرها منى تسوي فيكي مقالب وانتي تسوي فيها ولا مره وصلتيها لي هالدرجه من الدلع والزعل بلا بياخه رندا:خلاص حصل خير انسوو الموضوع منى:والله يعني خلاص نسيتي رندا وهيا تبتسم بخبث:ايووه طبعا كم منووي عندي انا منى وهيا تروح وتحضن رندا:فديتهاااا اختي والله منال:ههههههههههههه من وين متعلمتلي فديتها هادي لمى:اكيييد من افضل صديقه في العالم منال:ميين افضل صديقه ياختي؟؟ منى:هههههههه تقصد رهووف منال:اهااا رهف ايه اتذكرتها وشخبارها؟ منى:بخيرر وصح نسيت اقلكم حتجينا اليوم البنات:والله منى:ايوه من جد رندا تقول في نفسها ياسلااااام وراح تظبط الحكايه اكترر... رندا:خلاص اجل نظبط المكان ونعشيها هنا بالغرفه دي الي جمب المسبح ونعمل حركاات<<<وتأشر على غرفه كبيره مطله على المسبح بباب زجاجي كبير يسمح للي جوة وبرة الغرفه بأنهم يشوفو بعض.. مي وهيا تجيهم فجئه برضو:مين هيا الي تبو تعشوها؟؟ منال والي تتجاهل كلام مي تفتح يدينها على الاخر وتقول:هلاا حموودي حبيبي تعااال محمد وهوا يجري على منال:ماماااا مناااال الكل انصدم وسكت من الكلمه الي سمعوها........ماما نهال.....!! منال ما انصدمت لانها اتعودت الفتره الاخيره على محمد وهوا يقلها هيا... ابتسمت منال من ردة فعل الجميع وماهمها شي اخدت محمد في حضنها... منال وهيا تبوس راس محمد وتمرر يدها في شعره وتقول بطريقه غامضه عشان لا يفهمها محمد وعشان توضح للجميع كمان:يمكن ربنا احياناً يحرمنا من شي لكن في اوقات تانيه ممكن ينسينا هالشي بشي تاني يعوضنا عنه وممكن يدخل السعاده لقلوبنا مهما كانت قلوبنا صغيره فبي هالحب وهالشي حتكون كبيرره..واذا انا كنت هالشي التاني فانا لي الفخر والشرف وكل السعاده لاني اكتسبت محبة واحد حلو وامور زي محمد هادا وانا الي حكون اسعد انسانه بالكون دام قلبه هالصغير انولدت فيه لو ذرة سعاده..وتبوسه مره تانيه على راسه..وهوا بدوره ابتسم لها ابتسامة سعاده وفرح..وباسها على خدها..برغم انه مافهم شي من كلامها بس حس بالطمئنينه منه... الكل دمعت عيونهم من كلام منال وحسو بالشفقه والحنان على محمد وبالحب والفخر تجاه منال... مي من قلبها:الله يسعدك يامنال زي ما انتي مسعده قلب هالولد الضعيف محمد والي يشارك في وسط الحوار:مين الدعيف؟؟ مي:هههههههههههههههههه هادا<<<وتأشر على احمد الي واقف ساكت مستغرب من الي بيصير قدامه.. احمد:لاااء مين قال انا مو ضعيف محمد هوا الضعيف والزباان محمد وهوا يخصره ويحط راسه على صدر منال:ماما منال شوفي احمد احمد منصدم من كلام محمد استغرب انه منال ام محمد وهوا الي يعرف كل هالسنين انه محمد ماعنده ام... منال وهيا تبتسم بكل حنان:خلاص حموودي سيبه هوا يحبك بس يحب يمزح معاك محمد يبتسم بسعاده ويسكت..لانه اخيراً لقا القلب الحنون والصدر الدافئ الي يقدر يشكيله همومه ويحن عليه زي اي طفل يحتاج احد يحن عليه ويعطيه الحب والحنان.. منى بكيت من الموقف الي بيصير قدامها..حست بإحتياج محمد لأمه حست بشوقه لها برغم انه ماقد شافها..حست منى بشوقها اهي لي نهال..وحشتها نهال وتفتقدها مرررره...منى راحت تجري للفيلا والدموع تخذلها وتنزل على خدها..وتقول في نفسها وطيف نهال يمشي قدام عينها..فييييينك يانهال فيييييييييينك يا الغاليه فيييييينك عننا وعن ولدك رحتي وتركتينا.. رندا اتأثرت بس سكتت وما بان عليها لانها تقدر تسيطر على مشاعرها.. لمى نزلت دمعتها بس مسحتها بسرعه وقالت بمحاوله انها تغير الموضوع:ايووه صح رندا ليه ماتكلمي مها؟ من زمان ماشفناها خليها تجي هيا كمان<<<مها كمان تصير صحبة لمى لانها درست معاه سنه.. رندا وهيا تتذكر صحبتها الغاليه:واااااي مهووها حبيبتي نسيتها مسكينه نساها الموت ياارب خلاص دحين بقوم اتصل عليها اخليها تجي...وراحت رندا تتصل عليها.. مي بإستغراب:ليه مين حيجي كمان.؟؟ منال:رهف صاحبة منى مي:اهاا حلوو والله كويس يعني اليوم سهره صباحي لمى:ياااي اكيد اليوم حيكون روعه منال وهيا تمسد على شعر محمد الي لساته في حضنها:يلا حمودي قوم روح اللعب مع احمد محمد:ما ابا منال:ليييه؟ محمد:ابا اقعد معاكي احمد طفش من الوقفه وراح يدور على فهد الي قاعد يلعب بدبابه الي جابله هوا ابوه.. احمد:فهد ابغا اركب فهد:لاء دا مو للصغار احمد:بث انا مو صعيل فهد:ههههههههههه عدل كلامك بعدين تعالي يالنونو احمد بقهر:احثن اثلاً انا ما احبك ورجع احمد لمحمد صاحبه الوحيد بعد فهد صحيح انهم دايما يتضاربو بس هما يحبو بعض مرره واكثر من الاخوان لكن شقاوة الاطفال ماتخلص... احمد وهوا يجر محمد من يده:ياااااللله محمد هلينا نلوح نلعب محمد:ما ابعااا احمد وهوا يستنجد بأمه:ماما ثوفي محمد مي وهيا تضحك:ههههههههه يالله محمد حبيبي اللعب شويه مع احمد بعدين تعال اقعد مع ماما منال..وتبتسم لمنال.. محمد والي يحترم عمته مره ويعتبرها زي امه لانها اعتنت فيه طول الفتره الي ابوه كان فيها مسافر..قام وراح يلعب مع احمد الي انبسط مره لانه كان طفشان... |
|
29-08-2005, 04:26 AM
|
#123 |
|
(حلا متميز)
 
|
مشاركة: عمق القلوب....قصة واقعية
شكرا أختي البريئة لأنك أشبعتي فضولي بمعرفة بعض أجزاء القصة
مشكورة أخوك الجني |
|
30-08-2005, 02:27 AM
|
#124 |
|
(حلا متميز)
 
|
مشاركة: عمق القلوب....قصة واقعية
يسلمووووووووووو اختي البريئه وننتظر التكمله
اختج بنوتةا بوها |
|
|
|
|
30-08-2005, 04:07 AM
|
#125 |
|
][§¤حلا ذهبي ¤§][
|
مشاركة: عمق القلوب....قصة واقعية
تسلم اخوي الجني على المتابعة
تحياتي لك : البريئة :cool: |
|
30-08-2005, 04:08 AM
|
#126 |
|
][§¤حلا ذهبي ¤§][
|
مشاركة: عمق القلوب....قصة واقعية
ولاااااااااا يهمك بنوتة ابوها كل يوم راح انزل اجزاء
تحياتي لك : البريئة :cool: |
|
30-08-2005, 04:32 AM
|
#127 |
|
][§¤حلا ذهبي ¤§][
|
مشاركة: عمق القلوب....قصة واقعية
*&*الجزء الثاني والثلاثون*&*
كان قاعد يطالع الــــدم بخوف وتشكك..برغم انه اتعود الفتره الاخيره انه يشوفه كتيرر..بس هالمره كمية الـدم كبيـــره وصار خايف مررره على نفسه... طق طق ... <<<احد يدق الباب... رامي:يلا امجد كل دا في الحمام اخرج ياخي ترى لو ماطلعت بروح واسيبك امجد وهوا يغسل الدم الي في الحوض بسررعه:طيب طيب دحين اجي ويطلع امجد لرامي وكان وجهه شاحب ولونه متغير... رامي بخوف:امجد فيك شي امجد بتصنع:لالا مافيا شي يالله مشينا رامي:متأكد امجد وهوا يخرج من الغرفه:ايوه يالله امشي بس ويروحو رامي وامجد للدور الاول الي كان الكل مجتمع فيه.. ويدخلو عليهم في المجلس الكبير...الي كان فيه ابو خالد وابو رامي وابو محمد وام خالد وام رامي وام محمد والبنات والشباب..والمجلس كان مقسم بشكل حلو مناسب كان الحريم والبنات قاعدين في جهه والشباب والرجال في الجهه التانيه..وتقريباً الكل موجودين ماعدا ام جابر وابو جابر وجابر لانه ابو جابر مايكشف على الحريم وجابر يستحي وام جابر برضو ماتكشف على الرجال فخلوو العيله تقعد براحتهم وراحو يزورو ناس يعرفوهم في جده..منال هيا الوحيده من عيلة ابو جابر الي رضيت تقعد معاهم.. رامي وامجد:سلام عليكم الكل:وعليكم السلام.... ام خالد وهيا تشوف شكل امجد:امجد حبيبي شو فيكي تؤبرني؟؟ امجد وهوا يبتسم ابتسامه شاحبه تدل على تعبه:مافيا شي يا امي ام خالد بخوف على ولدها:مجوود تعال لعندي هنا امجد يقوم من مكانه ويروح يجلس جمب امه.. ام خالد:شوف كيف وجهك اصفر وتقولي مافيك شي لمى انقبض قلبها لمن شافت شكل امجد وصارت تتطالع فيه بخوف... امجد وهوا يبتسم من نظرات لمى:مافيااا شي ياهوو ايش بكم عليا؟ الكل كان يطالع في امجد بخوف وقلق لانه شكله ابدا مايطمن بس مشوها له عشان ماينكدو على نفسهم ولاعليه.. رامي بصوت عالي:احم احمم اليوووم راح يقوم الفنان الكبير رامي باداء اغنيه بصوته العذب لهذا الجمع الغفير فارجو من الجميع الصمت....والكل ضحك على طريقة رامي في الكلام.. وقامو خالد ورائد وجابو العود والأورق((aloorg)) والطبال من الغرفه التانيه واعطو العود لرامي وخالد طبعا الأورق ورائد الطبال لانه فنان فيها...اما امجد لانه تعبان ما سوا شي... وبدأ رامي يغني اغنية نبيل شعيل مولاي((http://gulf.*******.net/songs/nabeel....ram))...ورائد وخالد يرددو معاه.. رامي:مولاي يامولاي مولاي تحت امرك عطشان وانتا الماي واسقيني من جمرك.. مولاي يامولاي مولاي تحت امرك عطشان وانتا الماي واسقيني من جمرك.. ماض العمر والجاي كله فدا عمرك.. ماض العمر والجاي كله فدا عمرك.. ياسيدي شوفك حيرتني بأمرك... مولاي يامولاي مولاي تحت امرك عطشان وانتا الماي واسقيني من جمرك.. اسمعك كيف اسمعك وانتا ماتسمعني.. بالحب كيف اقنعك والهجر يمنعني.. اسمعك كيف اسمعك وانتا ماتسمعني.. بالحب كيف اقنعك والهجر يمنعني.. لاتعذب مولع لالاتضيعني.. لاتعذب مولع لالاتضيعني.. حاير حاير تراني معك حيرتني بأمرك.. مولاي يامولاي مولاي تحت امرك عطشان وانتا الماي اسقيني من جمرك.. ياريم دار الزين امرك على عيني.. بأمرك مشية سنين وبالصد تجزيني.. ياريم دار الزين امرك على عيني.. بأمرك مشية سنين وبالصد تجزيني.. تلعب على الحبلين بين الهوى وبيني.. مولاي مولاي حقي وين احترت في امرك.. مولاي يامولاي مولاي تحت امرك عطشان وانتا الماي اسقيني من جمرك.. وبعد ماخلص رامي وانشغلو الكل بالسواليف والضحك دق جوال رامي... رامي شاف الرقم غريب وقام عشان يرد عليه.. رامي:عن اذنكم ارد على الجوال واجييكم.. رامي بعد ماطلع برة الغرفه:الووووو .......:هلا والله كيفك رامي:الحمدلله مين معايا؟؟؟ ........:وي ايش بك ماعرفتني ياواد؟؟ رامي بإستغراب:مين انتا؟؟ ........:ههههههه انا باسم ياخي رامي بذهول:اوه اوه باسم القاطع ماغيره هلا والله هلا وغلا باسم:ههههههههههه هلا فيك بس مين فينا القاطع بالله انا ولا انتا رامي:انتا ههههههههههه باسم:هههههههههه كيفك يا بوالشباب وايش اخبارك؟ رامي:بخير دامك بخير انت شخبارك؟ باسم:نحمده ونشكره اقولك انتا فينك دحين؟ رامي:في المزرعه باسم:بالله رامي:ايوه باسم:طيب والله وان شاء الله مبسوط رامي:الحمدلله باسم:هههههه اوكي ما اعطلك بس حبيت اسلم عليك وخلينا نشوفك رامي:لالا ياحبيبي ايش تعطلني بالعكس اسعدتني باتصالك باسم:الله يسلمك يارب رامي:اقوول انتا فاضي دحين باسم:ايوه ليش؟؟ رامي:تعلي والله هنا الجلسه مره فلله مع الشباب طرب وبلوت وحركاات تعال تتسلى باسم: لالا اخاف اثقل عليكم رامي:ياخي اقوولك تعال بلا بياخه ايش تثقل وماتثقل هادي تعال وانتا ساكت بس باسم:اماا على الاسلوب ههههههههههه دفش رامي:هههههههههههه تعال يالله عاد باسم:اممم خلاص اوكي ان شاء الله بس فين العنوان رامي:العنوان.........وقال له على العنوان... باسم:خلاص اووكي ربع ساعه واجيك رامي:هه ربع ساعه فين يابويا المزرعه في اخر الدنيا باسم:ولو انا قدها رامي:ههههههههههه اتحداك ماتقدر توصل في ربع ساعه باسم:هههههه خلاص نشوف رامي:اوكي وجيب معاك اخوك وعمك مازن باسم:ان شاء الله يالله سلام رامي:مع الف سلامه ورجع رامي للمجلس...ورندا تتابعه بعيونها وتقول في نفسها..ليه طلع كلم بره ايش فيها لو كلم قدامنا اكيييد يكلم وحده من حبيباته الي متعرف عليهم بامريكا.. رامي وهوا يجلس:اقول شباب بيجوني اصحابي بعد شويه خالد:والله مين فيهم؟ رامي:باسم واخوه وعمه مازن منى لمن سمعت اسم مازن طالعت في رامي باهتمام... رائد:متى جيين؟ رامي:دحين نص ساعه بالكتير وهما عندنا منى افتكرت انه رهف حتجيها وماردت لها خبر فاتصلت عليها تكلمها.. منى:الووو رهووف رهف:هلا منى منى:فينك ماردتيلي خبر رهف:اممم والله استشرت امي ورضيت بس بقي مازن ودا الله يعنني عليه منى:ياهبله مازن جاي مع اولاد اخوكي رهف:بالله منى:ايوه دوبي سمعت الشباب هنا يقولو انهم جيين بعد شويه رهف:اجل بروح اللحق واكلم مازن ياخدني معاهم يلا باي وراحت رهف لمازن لقته يكلم باسم على الجوال.. مازن:خلاص اوكي ماعندي مانع اصلي طفشان باسم:بسرعه لاتتأخر مازن:اوكي اوكي يالله دحين اجييكم باي رهف:احم احم مازن:ههههههههههههه انتي من متى هنا رهف:من شوي مازن:ايه وشو تبي؟ رهف:ابي اسير وياك مازن بإستغراب:وين تسيرين؟ رهف:المزرعه عند منى مازن:شنو شنو؟؟وبأي صفه تروحين للناس وهما ماعزومج!! رهف:الا منى رمستني من اول وانا اترخصت من امايه ورضيت ومابقي الا انت بليييز مززون حبيبي ابي اسير وياك؟ مازن:مدام شذي موب مشكله تجهزي واللحقيني على السياره رهف وهيا تبوسه على خده:فديت اخويه انا مازن:ههههههههه بلا هالدلع الماصخ واللحقيني على السياره بسرعه ولا بسير واخليج رهف:اوووكي |
|
30-08-2005, 04:34 AM
|
#128 |
|
][§¤حلا ذهبي ¤§][
|
مشاركة: عمق القلوب....قصة واقعية
المهم وصل باسم ومعاه اخوه ناصر بعد ربع ساعه زي ما اتفق مع رامي..
رامي وهوا يسلم على باسم وناصر:هلا وغلا اسفرت وانورت باسم + ناصر:هلا فيك باسم:شفت كيف ربع ساعه بالتمام والكمال رامي:هههههههههههههه ايش دا ماشي على كم ؟ باسم:امممم 180 رامي:اووووووف بركه الحمدلله وصلت سليم وما صار فيك شي باسم:ههههههههههههه ايه افا عليك بس ناصر:ههههههههههه ماتعرفه دا باسم والاجر على الله رامي:هههههههههههههههههه يالله مابنجلس هنا تعالوو نروح للمجلس..وهما ماشيين في الطريق للفيلا كانت رندا واقفه قريب من الفيلا وبتدور على محمد واحمد الي مدري فين اختفو...وناصر اتصل عليه صاحبه فبطئ بالمشي وفجئه لقا نفسه لوحده وضاع عن باسم ورامي... وقف محتار يدور ويمشي..وفجئه لقا نفسه قدام وحده بنت ارتبك وماعرف ايش يسوي ودار ضهره عشان مايشوفها بس قيده شاف ملامحها وانسحر بجمالها... رندا اتجمدت مين هالغريب الي في مزرعتنا وكمان الكسفه انها ماهي لابسه طرحه ولا شي.. ناصر ارتبك وكان يبغا يروح اي محل بس لانه مايعرف فين يروح راح ورجع لسيارة باسم...واتصل عليه.. ناصر:الوووو باسم فينكم فين رحتوو باسم:هههههههههههههههه ليه ضعت ياغبي دحين اجيك ورجع باسم لناصر واخده وراح للمجلس وكان فيه خالد ورائد ورامي..وبعد ماسلمو الكل على بعض وسألو عن اخبار بعض..قال رامي.. رامي:ايه صح فين مازن ماجبته معاك؟؟ باسم:الا قلتله يجي ودحين هوا في الطريق رامي:والله طب كويس وفي هاللحظه دق جوال باسم.. باسم:الووو مازن:ايه باسم انا الحين قدام المزرعه تعالي باسم:يوووه اليوم شغال سواق عندك وعند ناصر مازن:شنو؟ باسم:ها لا ولاشي دحين اجيك وراح باسم لمازن... باسم:هلا عمي مازن:هلا فيك باسم:اووه هادي ايش جابها معاك رهف وهيا تخرج من السياره:هادي في عينك شو مو مليه عينك عسب تقولي هادي عمتك انا ياقليل العذاريب باسم:اووه السموحه يالشيخه رهف وهيا تبتسم:ايه خليك شذي ودخلوو كلهم للفيلا وكلمت رهف منى عشان تستقبلها عند الباب..ودخلوو مازن وباسم للشباب وراحت رهف لمنى.. منى:هلااا رهوف هلا وغلاا رهف بشوية حيا لانها اول مره تجي للمزرعه وفي اهل منى كلهم كمان:هلا فيج منى:هههههههههههههههههه ياعيني على الحيا رهف وهيا تقرصها في يدها:اسسس منى وهيا تعرف رهف على الموجودين:ايه رهف هادي الوالده طبعا تعرفيها رهف وهيا تسلم على ام خالد:هلا خالتي ايه طبعا غنيه عن التعريف ام خالد:ههههههههه تسلميلي حبيبتي وحشتينا يابنتي كيفك وكيف امك؟ رهف:وحشتج العافيه خالتي..بخير دامج بخير والوالده تسلم عليكي ام خالد:ايه الله يسلمها وردي لها السلام رهف:ان شاء الله منى:وهادي مرة عمي الغاليه غاده ام رامي وهيا تبتسم لرهف وتسلم عليها:هلا يابنتي كيفك؟ رهف:الحمدلله كيفك انتي ياخاله؟....وعرفت منى رهف على كل الموجودين..وبعد ماجلست معاهم شويه اخدت منى رهف وراحو للجهة المسبح حسب مو مرتبين البنات... منى كانت ماشيه جمب رهف تفرجها على المكان.. منى:شوفي هادا المسبح وهنـاك الــ....ومالحقت تكمل كلمتها الا وفجئـــــــــــــــــــــــــــــــه..... طشششششششششششششششششششششششششششش.......... منى:وااااااااااااااااااااااااااااااااااااااااااااا اااااااااااااااااااااااااااااااااه رندا:ههههههههههههههههههههههههههههههههههههههاااااي منى تصرخ:واااااااااااه ماتستحي يارندا ياحماره اووريكي والله لأوريكي يازفته منال وهيا تجي وكأنها ماتعرف شي:اوه وش صار؟؟؟ رندا وهيا تغمز لمنال:طيحت منى في المسبح من دون ما اقصد ههههههههههههههه رهف بصدمه:ههههههههههههههههههههههههههههه شو ذا؟؟؟؟ليش سويتي شذي رندا؟؟ رندا:هههههههههههههههههههههههه مو قصدي وي رهف:هههههههههههههههههه الا قصدج ونص واضحه ياختي منى وهيا شويه وتبكي:حراام عليكي رندا والله حرام رندا والي ترفع حاجب وترخي حاجب وتقول بإستهزاء:والي سوتيه فيا مو حرام هاا؟؟ منى:اهئ طيب دحين جيبولي منشفه عشان اطلع من المسبح ولا تبوني اطلع مبلبله كمان رندا وهيا تروح تمشي:انا مالي دخل منى:شوووووووو؟؟؟؟؟؟...وتتطالع في رهف عشان تساعدها... رهف وهيا تتطالع في منى بحيره:وانا كمان مالي دخل ما اعرف شي هنا منال وهيا تجر رهف من يدها:تعااالي بوريكي شي رهيييب....ويروحو الاتنين ويخصرو منى لحالها في المسبح تصرخ... منى:اهئ اهئ احد يسااااااااعدني خرجووووووووووني من المسبح ياهوووووووووووووو يانااااااااس ياعااااااااااااااالممممم والبنات راحو للغرفه الي تطل على المسبح..وشغلو الاغاني وقعدو يرقصو عشان يقهرو منى الي قاعده في المسبح وتشوفهم... منى بقهرر:يااااااااااااااااااااااااااااااااانااااااااا اااااااااااااااااااااااااااس لمى وهيا جيه مفجوعه من صوت صراخ منى:خيررر ايش صااار؟؟ منى:ولاشي بس ساعديني لمى بصدمه:هههههههههههههههههههه ايش دخلك المسبح يامجنونه؟ منى:اسألي بنت عمك المصونه لمى:ههههههههههههههه مين رندا منى:ايووه شفتي كيف لمى:هههههههههههههههههههههه منى وهيا ترتجف ومو عارفه تتكلم مظبوط:مو و..وقتك ياختي قوومي رو..حي..جيبيلي منشـ..ـفه..او اي ش..ـي عشـ..ـان اخرج انشف نفسـ..ســي. لمى:طيب دحين اروح ادورلك |
|
30-08-2005, 04:35 AM
|
#129 |
|
][§¤حلا ذهبي ¤§][
|
مشاركة: عمق القلوب....قصة واقعية
منى:بسررررررررررعه
وبعد دقيقه رجعت لمى لمنى بروب ومنشفه.. منى وهيا تطلع من المسبح وتترتجف من البرد:شـ..شـ..شكراً لمى وهيا تعطيها المنشفه والروب:هههههههههههههههههههههههه والله كنت عارفه انه رندا مابتسيبك كدا بدون ماتردلك هيا منى:دحين مو وقته شوفيلي الطريق بروح لغرفتي ابدل ملابسي لمى:طيب يلا ويروحو منى ولمى للدور التاني لغرفة منى...وتتفاجئ منى بأنه باب الغرفه مقفوول وماهي قادره تفتحه... منى وشويه وتبكي:وااااااااي ياربي ايش دا والله لأوريكي يارندا ياكلبه ياحماره والله لأوريكي يلي ماتستحي على وجهك لمى:هههههههههههههههههههههههههههااااي كمان قفلتلك غرفتك حلوووووووووووه يارندوي منى:والله انك ماتستحي دحين انا بموت من البرد وانتي تقولي حلوه والله لأوريكي انتي كمان شكلك متفقه معاهم لمى وهيا تحاول توقف ضحكها:لالا حرام عليكي والله لاتظلميني؟؟ منى واسنانه تصكك:اوووووف م..م..مـحا اظلمك..ولاتظلميني روو..وحي دبـ..ببريلي اي مصيبه عشان افتـ..ـح البـ..ـا..اب لمى والي حزنت على حال منى:طيب دحين اروح اشوف وراحت لمى لعند البنات...ولقت الغرفه مرره ضجه حاطين الاغاني على اعلى صووت..وقفلت الاستريو وقالت... لمى:بنااااااااااات مين فيكم اخدت مفتاح غرفة منى رندا وهيا تتصنع البرأه:انا ماااااااالي دخل لا شفت مفتاح ولا غيره لمى:هههههههه لالا ياحبيبتي مو عليا اكيد المفتاح عندك رندا:والله العظيم رب العرش الكريم انه المفتاح مو عندي لمى بحيره:اجل عند مين يعني؟ رهف وهيا تتطالع في منال بتشكك:منااااال منال وهيا تحاول انها ماتضحك:ها..هلا رهف:عندج المفتاح؟؟؟؟؟ منال وهيا تسوي نفسها بريئه:ها لالا ماعندي وليه اخده اصلاً انا مالي دخل في الموضوع كله لمى وهيا تتطالع في منال بنص عين:ايوه ايوه صح مررره واضح حرام عليكم البنت بتموت من البرد هاتو المفتاح منال وهيا تتطالع في رندا عشان تعرف رأيها:رندا؟؟؟؟ رندا:مالنا دخل خليها تموت من البرد شويه عشان تعرف مين رندا وماتلعب عليا تاني لمى:رندا والله حرام عليكي حتمرض البنت ماعندك رحمه رندا والي حزنت على اختها سوت حركه براسها لمنال انه طيب تعطيها المفتاح... منال وهيا تقوم توقف:تعالي انا اعطيكي هوا لمى:مو دوبك تقولي ماعندك!! منال:اوووف تبيه ولالا؟؟ لمى:الا الا...وراحو الاتنين وفتحو الباب لمنى الي كان نفسها تلطش منال ورندا مع بعض لانه عملو فيها هالمقلب الفظيع...وفي الوقت نفسه وصلت مها صحبت رندا ولمى للمزرعه...وبعد ما اجتمعو كل البنات..رندا..ومها..ولمى..ومنى..ورهف...ومنال..ومي الي تجي تقعد معاهم شويه بعدين تروح... رندا:كيفك مهوووي وحشتيني يالدبه مها:طيبه الحمدلله..وانتي الاكتر حبيبتي شخباركم بنات؟ الكل:بخير لمى:وفينك اختفيتي عننا فجئه هاا؟ مها:والله ظروف رندا والي تطالع في خدود مها المحمره بتشكك:مهااااا مها:ههههههههههههه هاا خيرر؟ رندا:اعترفي بسرعه مها وهيا حاسه انه رندا حتعرف حتعرف:هههههههه اعترف على ايش؟ رندا:والله شكلك يامصيبه انتي انك انخطبتي ولا شي مها:هههههههههههههههههههههه لا مين قال؟!! رندا:اعرفك انا ماتقدري تخبي عليا شي مها:اممممممممممم لمى والبنات:يعني صح مها بشوية حيا:ايوه صح البناات:مبرووووووووووك مها مها:ههههههههه لالالحظه لسه ماصار شي رندا:كيف يعني ماصار شي؟ مها:يعني بس كلمو الاهل لكن ماصار شي رسمي رندا:هههههههههههههه مو مشكله المهم اني عرفت مها:والله ماكدبو يوم قالو انك ساحره رندا:ههههههههههههه لا والله وهادي كنتي كمان تبغيني ما اعرفها مها:الا بس كنت ببلغكم يوم يصير شي رسمي لمى:والله وكبرتي وانخطبتي يامها مها:هههههههههههههههههه يعني من كبرك انتي ياختي لمى:انا ايوه طبعا |
|
30-08-2005, 04:37 AM
|
#130 |
|
][§¤حلا ذهبي ¤§][
|
مشاركة: عمق القلوب....قصة واقعية
مها:طيب ياجدتي العجوزه
البنات:هههههههههههههههههه منال:الا اقول مها مين تعيس الحظ اووه اوه سوري قصدي مين سعيد الحظ ذا؟؟ مها بحيا كبير:ولد عمي رندا والي ابتسامتها اتوسعت وغمزة لمها:اهاااااااااااااااا قولتيلي طيب مبرووك والله يلا عقبالي يارب منى:ماني داريه مستعجله على ايش هالبنت!! رندا:وي كل بنت ومصيرها الزواج ليه تبو تحرموني يعني حلال عليكم وحرام عليا منال:هههههههههههههههههه اهجدي يابنت عيييب رندا وهيا تسوي نفسها بريئه :cool: :ماقلت شي غلط منى:الا المفروض البنات الصغار الي زيك مايتكلمو في هالاشياء رندا:افااااااااااا صرت من البنات الصغار طيب طيب تستقوو عليا لانكم كلكم في الجامعه وانا الوحيد بالمدرسه بس يلا هانت كلها شهر وشويه وافتك من الترم الاول وادخل بالتاني واللحقكم لمى:ايه صح انتي مارحتي المدرسه امس رندا:ايوه طبعا غبت عشان جيت المزرعه هادي رهف:طيب انتو حتطولو هنا ولا كيف؟ رندا:لالا محا نطول السبت عندي مدرسه لمى:وكمان الكل عنده دوامات وبكره الجمعه ان شاء الله بنمشي الكل:ان شاء الله المهم عدا الوقت على البنات واتسلووو وضحكوو...اغاني ورجه ورقص وسوالف وحركاات... وعند الشباب... رامي وباسم وناصر وامجد بيلعبو بلووت..ومازن قاعد مع خالد يسولف...ورائد قاعد يتفرج على مبارة كوره في التلفزيون.. مازن:ايه وشخبار صاحبك ماجد؟؟ خالد:بخير الحمدلله امس مكلمني مازن:والله طب كويس لاني اتعرفت عليه في شبكة اخوك واخدنا على بعض واتواعدنا اننا نكلم بعض بس شكله نسيني يالله موب مشكله خالد:ايه قلي انه اتعرف عليك ومره مبسوط لانه عرفك مازن:عيل وينه اختفا؟؟ خالد:والله مدري عنه حتى انا ماكلمني من يوم الشبكه الا امس اتصلت عليه ورد عليا بعد ما اتهلكت وانا اتصل عليه مازن:ااهاا يمكن مشغول خالد وهوا يفكر:يمكن لانه قلي اول انه بيرتيب اوراقه عشان يرجع الجامعه مازن:اهاا والله حلووو الله يوفقه خالد:امييين...ويقطع كلامهم صوت رامي العالي.. رامي:ياواااااااااااااااد اللعب امجد:امممم اصبر خليني افكر شويه رامي:ليك ساعه تفكر مايبغالها تفكير اول مره اشوف احد يفكر زيك امجد وهوا يلعب:اوووف طيب اهوه لعبنا باسم:والله انك تشبهو توم وجيري ناصر:هههههههههههههههههههههههه ايه صح صدقت رامي:وعاد ماشاء الله انتو العاقلين يعني مافيكم عيب ماشاء الله عليكم حبايبي ناصر:يابووووويه ترانا فلللله مو زيكم ماعندنا لعب البزروه هادا توم وجيري ومدري ايش هههههههههههههه باسم:اقووووووووووووووووول شباب تراكم زهقتونا اللعبو عدل...ويتفجعو كلهم بصووت رائد الي قاعد يصرخ..... رائد:هييييييييييييييييييييييييييي قووووووووووووووووول ياهووووووووووووووو فزنا فزنا قوووول خالد بفرحه:كم النتيجه؟ رائد:3 للاتحاااد 2 للهلال ناصر والي يشجع الهلال:يخس بس يخس مايستاهلو هالمتخلفين الفوز رامي الاتحادي:المتخلفين تاج راسك حبيبي ناصر:لا والله يخسو الا هما يكونو تاج راسي باسم والي مايشجع ولا واحد في الفريقين:شوفو تراكم بطلعولي روحي اليوم بتلعبو ولا نقوم انا وامجد نلعب لنا كيرم احسن رامي:اللعبووو انا قايم بروح اسوي مسيره مع الشباب اكيد دحين بيقلبو الدنيا بره رائد:خدني معاااك رمووي باسم:لا والله احنا جيين عشانكم وانتو تروحو وتخصرونا امجد:هههههههههههههههههه صح رامي اركد واقعد محلك خلينا نخلص اللعبه بعدين قوم سوي الي تبغاه رامي بأحباط:طيب يالله نكمل مازن والي يضحك عليهم:هههههههههههههه الله يرجهم من شباب ماعندهم الا الاتحاد والهلال والله النصر احسن منهم هالاتنين خالد:لالالالا الاتحاد سيد كل الفرق رائد والي يجي يقعد مع خالد ومازن:صدقت خلوووووود خالد:وبعدين معاك ياخي كم مره اقولك اسمي خااااااالد مو خلووود<<<ويقلد طريقة رائد في الكلام... رائد وهوا يحط يده على كتف خالد:مو مشكله كله سوا خالد والي يبعد يده:اقوول بعد يدك عني ماني اصغر عيالك حبيبي مازن:ههههههههههههههه اسميكم شقايل شو دا ماخليتو شي للصغار خالد و رائد مافهمو شي وبققو عيونهم ودا الشي خلا مازن يزيد من ضحكه... |
 |
| مواقع النشر (المفضلة) |
| الذين يشاهدون محتوى الموضوع الآن : 2 ( الأعضاء 0 والزوار 2) | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| قصة واقعية | حزينه^وحيده | مجلس حلا للقصص والروايات | 4 | 15-11-2005 10:42 PM |
| قصة واقعية | smaaelhaq | مجلس حلا للقصص والروايات | 3 | 24-08-2005 11:03 AM |
| قصة واقعية | SARAH539 | مجلس حلا للقصص والروايات | 7 | 09-07-2005 10:08 AM |
| قصه واقعية | الريـــــــــــــــــــم | مجلس حلا للقصص والروايات | 2 | 19-04-2005 11:18 AM |
| معاناه واقعية | هاجر العدواني | مجلس حلا للشعر وهمس القوافي | 3 | 30-03-2005 03:29 PM |
العرض العادي
