|
|
|
|
30-12-2006, 04:22 AM
|
#1 |
|
مراقبة قسم بنات حلا
 
|
كلام من القلب بجد
اول الكلام نقول سلام
((السلام عليكم ورحمة الله وبركاته)) الموضوع طويل بس حاول تكمله وندخل في الموضوع الحياة صفحات كل منا حياته مليانة صفحات منها صفحة فرح وحزن ومنها عشق وهجر و خيانة ووفاء والصفحات دى مش لينا لوحدنا لا دى اكيد بيشاركنا فيها ابطال كتير ابطال اثروا فينا وهما بيكتبوها معانا وجايز يكون التاثير دة لسة مستمر اومعلم فينا او يكون انتهى بقى ماضي وعدى بس اذا كان التأثير دة بالسلب ازاى نخلص منه ازاي ميفضلش معلم فينا في خطوينا في مشوارنا اللي جاية لازم من سنة تفاؤل لازم نبص لنصف الكوب المليان مش الفاضي انا معاكم ان الجرح في اوله بيكون صعب ومميت بس عن تجربة المقولة اللي بتقول الجرح اللي مش بيموت بيقوى مقولة صحيحة مية في المية لاننا لما بننجرح من اقرب الناس واخر ناس متوقعين ان ممكن يكون الغدر منهم صحيح بنتالم واكيد بنتعلم والاكيد اكتر اننا عمرنا ما بننسى الدرس انما بعد ما بتفوت الازمة وتعدى الايام وتمر ونشوف ناس تانية اكيد بنبقى اقوى بيبقى عندنا زى مناعة اصل طالما الجرح جه من اقرب الناس واستحملنا وكملنا يبقى اذا حصل من اي حد حاجة تانية مش هتاثر خلاص زى ما بيقولوا جسمنا نحس ( بالشدة مش بالسكون ) بس عارفين اهم حاجة ايه مش بس اننا نتعلم من الدرس لأ مش بس كدة الاهم اننا منسبش الغدر يعلم في ايامنا الجاية نتعلم بس نعدى نتعلم بس نبقى متأكدين ان مش كل الناس غدارين جايز يكونوا قليلين بس موجودين وجايز يكونوا قدامنا بس مش شايفنهم لازم نبقى متأكدين اننا الصح اننا الاقوى ان الغلط مش فينا لاننا اخلصنا ان الايام دوارة ومسير اللي جرح ينجرح وساعتها يدوق من الكاس واحنا مش شامتنين لا طبعا احنا بس متفرجين ومسير الايام تصالحنا والدنيا تبتسم لينا مش هتفضل مكشرة لا اكيد في يوم هتضحك ونلاقي الشخص الصح اللي يقدر وفائنا واخلاصنا وقلبنا فيا كل ما تألم من جرح حبيب او غدر صديق مش هاقولك لا تحزن بالعكس احزن وابكي من قلبك بس عدى لا تقف عند جرح قلبك عند ناس لا يستاهلوا وليكن بكاءك وحزنك مش عليهم مش على خاين ملوش امان ولا على ايام ضاعت لان كل دة مكتوب عليك وتفاءل خيرا فكلما ضاقت حلقاتها فرجت ولابد ان تكون مطمئن لعدل الله لانه هيديك ضيق وحزن على قد ما تقدر تستحمل مش اكتر من احتمالك ولان الله عادل فاكيد كاتب ليك الفرح والهنا بس لسة شوية لسة بيمتحن ايمانك وقدرتك على التحمل اطمئن فكلما زاد الضيق هان وقرب الفرج ابتسم يا صديقي واحمد الله على انه كشف لك ما كنت تجهله او كنت حاسه بس كنت بتكدب نفسك فوقك من كدبة كبيرة كنت عايش فيها وانت مستمتع قالك قوم فوق لسة نصيبك مجاش ابتسم يا صديقي وثق في قدرة خالقك وعدله وانتظر ضحكة الدنيا لانها اتية قريبا باذن الله قبل ما امشي لي همسة في اذن كل محتار من تغير رفيقه اذا حسيت باي تغيير واجهه ناقشه لا تجعل الاسوار تبنى بينكم وتعلو اذا كانت مشكلة واجهتموها سويا اما اذا كان تغيير في المشاعر فسيكون الافضل لك البعد الان قبل الثانية اللي جاية طولت عليكم ....! اقولكم سلام ((السلام عليكم ورحمة الله وبركاته)) اختكم جروح صامتة |
|
|
|
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| ؛¤ّ,¸¸,ّ¤؛°`°؛¤ كلام من القلب ( تب أخي الحبيب )¤؛°`°؛¤ّ,¸¸,ّ¤؛ | أمير الاحساس | ۞ مجلس حــلا الاسلامي ۞ | 10 | 22-12-2006 09:50 PM |
| كلام الرحمن افضل من كلام الشيطان | الازهرى | ۞ مجلس حــلا الاسلامي ۞ | 4 | 16-10-2005 11:46 PM |
| كلام طالع من القلب | عاصفه من الهاكرز | مجلس حلا لعذب الكلام | 4 | 01-10-2005 08:15 PM |
| كلام من القلب,, | صمت الوداااع | مجلس حلا لعذب الكلام | 3 | 19-02-2005 06:36 PM |
العرض الشجري