هذه وصاتي لك يا رفيقي...

[الطير الباكى]

وصاتي لك من بعدي تموت فيها على شاني...
أبيها تعيش وتحيا بك وأظل بالذاكرة مفقود...
وصاتي لك تنسيها ملامح وجهي وتنساني...
وتعزف لها قصيدة حب عكس اللي عزفته بعود...
تراها مغرمة بالحيل ويشهد لي عدد الردود...
وصاتي لك تسايرها تراضيها من أحزاني...
طلبتك لا يضيق بالك طلبتك والطلب مردود...
وصاتي لك تناديها عمري حياتي وأزماني...
أنا عودتها دايم أدلعها وأنا موجود ...
وصاتي لك تعاملها بطيبة قلب وإحساني...
تراها تذرف الدمعة ودمعتها بدون حدود...
وصاتي لك تحفظها سور وآيات قراني...
وتخبرها عن الميت رحل لا يمكن يعود...
وصاتي لك ترسمها على قبري وأكفاني...
أبيها لوحة تبقى على طول الزمن محدود...
وصاتي لك تمازحها وتشوف الضحكة على أسناني...
نخيتك ياشمعة الكون لا تكون جلمود...
وصاتي لك تقهويها من دلالي وفنجالي...
تراها تعشق السمرا ويكفيها دخون العود...
وصاتي لك تركبها على خيلي وحصاني...
وربي فارسة من قلب شهادة يشهد بها شهود...
وصاتي لك تسفرها بلاد الشام ولبناني...
ترى حلمها تقطف وردة من بلاد الورود...
وصاتي لك ترقصها على ألحان الرحباني..
ترى فيها عرق الخالة وجنون السود...
وصاتي لك تحببها في أبو نورة بعد هاني..
وتنسيها ندم غلطة أنا فيها ترى مقصود...
وصاتي لك تكرها في تاريخي وعنواني...
أبيها تلعن اللحظة وتلعن كل فرح كنت فيه موجود...
وصاتي لك تكلمها عن المجني وعن الجاني...
وتخليني أنا الظالم وأنا من حرق الأخدود...
وصاتي لك تشبهني بدم أحمر قاني...
وأنا القاتل السفاح مجرم من عصر النمرود...
وصاتي لك تحلفها تتوب تحبني ثاني...
ترى يكفيها ما عانت ويكفي حيلها مهدود...
وصاتي لك تنسيها قصيدة قالها لساني...
أنا أخبرك رجل موقف وأنت قدها وقدود...
صديقي مالقيت غيرك يعرف وشلون تنساني...
أمانة ضمها بقلبك..ترى مخاوي..رحل مايعود...
تحياااااااااااااااااااااااتى

الباكى
@طنطا@

[براءه]

هذا الشعر كل ماقريته ادخل
جو ثااااااااااااااني
تسلم ايدك ..