|
|
|
|
|
|
18-08-2005, 07:51 PM
|
#1 |
|
][§¤حلا ذهبي ¤§][
 
|
مشاركة: عمق القلوب....قصة واقعية
مسكينه يا امي والله من جد ظلمتك معايا تناسيت وجودك وجود قلبك وكيانك انتي ام لها قلب قبل ماتكوني انسانه تضمني بحنانها ورعايتها انتي انسانه شعورك مرهف وحساسه اذكر انك تزعلي وتبكي لمن كنت اتعور جرح بسيط وتزعلي عمرك عشان بس جرح بسيط اجل دحين كيف حالك وناسك واهلك ضايعين آآآآآه يا امي والله ما اقصد كان كل همي افرغ حزني والمي وافكاري على اي انسان القاه وكنتي انتي الوحيده الي قدااامه آآآآآه يا غاااليه آآآآآآه......
منى وهيا تحضن امها وتبوس راسها:اسفه يا ماما والله اسفه ماكنت اقصد بس انتي الي بقيلي في هالحياه انتي الصدر الحنون الي ادور عليه من بين كل الناس انتي الي مالي غيرك انتي الوحيده الي تقويني واستمد القوه منك انتي امي انتي اغلى انسانه عندي ارجووك اعذريني ام خالد تسمع دموعها وتقول:خلاص يابنتي انسي كل هالكلام ويلا قومي انتي نسيتي شي مهم وانا كمان نسيته منى:شووو ام خالد:ولد خالد الي جا ولا أحد يدري عنه ولا حتى سألنا عن صحته قومي خلنا نروح نشوفه منى:اي والله صح نسيييت آآآآه يا خالد نسيتني كل شي بسبك الله يعينك يا اخويه بس ليه يامام ما فرح لمن سمع الخبر ولا بان على وجه اي شعور بالفرح او الاهتمام ام خالد:والله مدري يابنتي دحين قوومي يلااا ساعديني اوقف مافيني قووه منى:يلا تعالي معي وتحط يد امها على كتفها ويروحو عشان يشوفو المولود الي تركته نهال في هالحياه تركته وحيد بلا ام ويمكن بلا اب ويمكن بلا سعاااده ولا قلب تركته ورااااااااحت...... منى:شووووفيي ياماما كيف شكله والله يجنن ام خالد:اي والله بيعقد هالصغنون بيشبه الغاليه منى:ايه والله بس مرررره لزوز يااارب يحفظه ويخليه لخالد ام خالد زعلت وحزنت لمن سمعت اسم خالد مدري ليه حاسه انه خالد ما بيرجع الأولي وان حياتهم بتتغير...بتتحطم...بتتحول...وخالد الي تعرفه ويعرفه الكل بيرووووووووووووح.... الدكتوره اتفضلي يا ام خالد شووفيه من جوا ادخلي معايا ام خالد:طيب وتدخل ام خالد مع الدكتوره للغرفه وتشيل النونو ومنى تقعد برا تشوفهم من القزاز امجد: منــــىىى منى:هلا امجد تعال شووف هالقمر... امجد جا بسرعه لمن سمع الخبر من رندا وكان مررره حزييين وزعلاااان على اخووه والي بيصير فيه فجا بسرعة البررررق وهوا مايدري انه خالد جاه ولد..... امجد:مين دا منى:يؤ شو مابتعرف هايدا ولد خالد امجد:من جد محد قلي ان نهال ولدت قبل ماتموت منى بدت ملامح الحزن على وجهها ووطت راسها لمن سمعة تموت وقالت:ولا احنا عرفنا الا لمن خالد جا والدكتوره بلغته امجد:وطييب فين خالد دحين منى.....:في العنايه المركزه امجد انفجع:ليييييييييييه شووووووو فيييييييييه منى:ولا شي بس زاد ضغطه ومدري شو صارله وداخ واغمي عليه ودخلوه العنايه المركزه بس دحين صحته احسن الحمدلله روووح شوفه الله يخليك تراه مررررره تعباااااااان وخايفه يصير فيه شي تدري مو بعيده عن هاليوم النحس امجد وهوا بيطالع على النونو:بس الفرح الوحيد الي في هاليوم هوا هالقمــــر<<يأشر عليه منى تبتسم لانه فعلاً قمر ومره شكله حلووو... امجد يلااا انا بروح اشوف خالد وانتي ارجعي البيت مع امي شوفي السواق جبته معايا تحت.. منى:لا انا ما بدي اروح بدي اقعد مع خالد امجد:منىىىىىى اسمعي الكلام وامشي ماتشوفي امي كيف شكلها تعبانه امشي روحي البيت هلاء وارتاحو وتعالو بكره ماتشوفي الساعه دحين كم بيأذن الفجر وانتو هنا يلا روحو وبعدين رندا لحالها في البيت كمان... منى:طيب اوكي بس انت دحين روح لخالد اهم شي خالد:طيب وخدي جوالك جبتلك هوا قلت يمكن احتاج اكلمكم ولا حاجه ومو حضرتك ناسيته في البيت منى وهيا بتاخده:طيب شكرا وايوه مو عشان خالد كان يكلم فيه وانا نسيته على الطاوله خالد:طيب مو مهم يلا بااي منى:باي تاخد منى الجوال منه وتشووف فيه مكالمات لم يرد عليها كتيــر وتنصدم لمن تشوف بينها كذا مكالمه ورساله من اسم((مراهقه)) عصببببت مررررره كيف يتجرئ و يتصل عليها ويرسلها كمان...يبغا يكرر الي سواه زمان والله لأوريه شغله هالوقح...وهيااااا بتفكر وتتوعد ومقهوره تلاقي الجوال يدق ترفع السماعه بسرعه وبعصبيه..... منى:نعمممممم مازن:سلام عليكم منى:خييرررر مين معي مازن:اممم انا واحد ماتعرفيه بسس... تقاطعه منى:انت واحد قليل الادب وماعندك ذرة دم وياويلك تتصل مره تانيه انت فاهم مازن:بس انا يامنـ.... منى:قلتلك قليل ادب كمان تبغا تنطق اسمي وتكلمني هيا شوف يلي ماعندك ذرة اخلاق والله لو تتصل مره تانيه لأقول لاختك وابهدلك يا وقح ....وتقفل السماعه في وجهه وهيا ترتجف والشرر طاير من عيونها وتقول من جد ناس قليلة ادب..... مازن اتحطمممممممممممممم بقوووووووه ليه عاملته كدا وليه قالت كل هالكلام هوا ما سوا لها شي ومالحق يقول لها حرف واحد بس........ مازن في نفسه لييييييييييييه كدا يامنى لييييييه تحطميني من قبل ما انبني ليه تعامليني بي هالطريق والله قصدي شرريف وبريئ لييييييييييه يامنى لييييييييييييييييه خساارة حبي فيكي واخلاصي لك كل هالسنين...اول ماشفتك دخلتي قلبي ومارضيتي تخرجي منه حاربت الكل عشانك قطعت جميع انواع البنات عشانك انتي بس كنتي حبي العذري والاول والاخير ضعتي مني مره وبعدين لمن الاقيكي مره تانيه تسوي فيني كدا والله حرااااااااااااااااااااام.....وحس نفسه مخنووووق ونفسه يبكي بس غروره ما سمح له يبكي عشان وحده عاملته بي هالطريقه...... منى وهيا في السياره مع امها قعدت تحوس بأفكارها وتقول في نفسها...ليه قلتله كدا والله حرام ما سوا شي...يمكن رهف قالتله يقولي شي...لالا شو تقوله هيا عندها جوال وتقدر تكلمني...بس معقوله حفظ رقمي عنده...يووووووه اخاف اكون زعلته اكثر من اللزوم والله ما اقصد بس هادي والله مو ظروف يقدر يتصل فيها......افففففففف خلاص تعبت من التفكييير خليه يولي الي سوته هوا الصح والي مو عاجبه يدق راسه في الجدر...حست في راحه لانها خلصت ضميرها من هم كبير وكملت طريقها وهيا تتسأل عن مصيرها ومصير اخوها ومصير عيلتها من بعد اليووووم........ وبعد اكثر من شهرين.... ام خالد:منـــى يلا يابنتي قومي اكلي محمد<<<<<ولد خالد منى:ماما ما اقدر ابغا اروح اذاكر الاختبار بعد يومين نسيتي الاختبارات النهائيه ما اقدر اسوي شي والله انا من اليوم الى مدة اكثر من اسبوعين اانا نت هييرررر اعتبرووني مسافره ماني موجوده مت ماني حيه اي شي اوكي يلااااااااا انا طالعه غرفتي لحد يزعجني..باااااااااااي ام خالد:الله يوفقك يابنتي خلاص انا بأكله.... ومنى وهيا طالعه الدرج تشوف في جوالها رهوووفه يتصل بك تبتسم منى:هلاااا والله بحيبية قلبي هلاااا وغلااا رهف:ياوحشه فيييييينك عني كدا ماتستحي اربعه ايام ماتكلميني<<<المدرسه اعطتهم اسبوع اجازه عشان يذاكرو واربعه ايام بنبسى لصديقتين زي منى ورهف كتيييييير منى:والله ياحبيبتي الناس يقولو السلام عليكم او كيف حالكم او هاي ولا حتى الاحباب يقولو وحشتيني ولا احبك ولا شي زي كدا ههههههههههههه مو كدا خبط لزق زيك وحشه ومدري شووو رهف:ههههههههههههههههه خلاص ولاتزعلي والله انك وحشتيني اسمعي انا جيتك اليوم منى:لا والله عزيمه مدفوعة التكاليف عشان تقولي كدا قولي ممكن ياحلوه طيب رهف انقهرت منها:خلاص بطلت ماني جيتكم منى:ياهبله لاتسوي غباء تدري اني امزح يلا الساعه كم بتجي رهف:لا خلاص ماني جيه<<<تدلع تباها تراضيها منى فاهمه رهف مظبووط..... منى:طيب براحتك ما ابغا اغصبك انتي حره رهف:ادري فيكي قليلة ادب وماتستحي على وجهك ماتصدقي تجيكي من ربنا لا ياحبيبتي جيه جيه ابغا اراجع معاكي الفيزيا وجع مررره صعبه وماني فاهمه شي منها<<<كدااابه هيا جيه عشان شي تاني...اكيد عرفتو ايش...جيه عشان ماجد قلها انه بيجي اليوم عند خالد فحبت تجي تشوفه لها اكثر من شهرين ما شافته... منى:خلاص طيب تعالي وقت ماتبي انا دحين ابغا اخد لي شاور تبي شي رهف:اوووفف طيب خلاص روحي الله معاكي |
|
18-08-2005, 07:53 PM
|
#2 |
|
][§¤حلا ذهبي ¤§][
|
مشاركة: عمق القلوب....قصة واقعية
*&*الجزء السادس*&*
.............. وبعد ماتقفل رهف المكالمه تشوف رساله تقراها وتبتسم كانت من ماجد خلااص هيا اتعودت على الوضع كل يوم يرسلها اكثر من الف رساله ويقلها ايش يصير معاها بالدقيقه وزي كدا وهيا في البدايه ماكانت ترسله ببس اتغير الوضع في الفتره المؤخره وصارت عااايدي مررره ترسله وتستقبل منه... رسالة ماجد ---------مجووودي------- هاي حبيبتي وحشتيني ادري بتقولي امس مرسلك بس انا في كل ثانيه اشتقلك المهم كنت بأكد عليكي اني بروح بيت خالد اليوم فاذا تسمحي تتشرفي وتجي انتي كمان بس نفسي املي الشوق الي فيا من نظره من عيونك ارجوووكي...باااااي المرسل: مجووودي **********966+ استحت رهف وماتدري ليه هيا متعوده على كلام ماجد الي دايماً يقوله بس هيا من زمان ما شفته من يوم السوق وماسمعت صوته من بعد ديك المكالمه وبعدين عندها احساس ان اليوم بيكون يوم مو طبيعي بنسبى لخالد وماجد لان العلاقات بينهم شبه منقطعه وكم مره خالد طرد ماجد وصارت مشاكل...لأن خالد اتغير وانعزل عن العالم من يوم ما ماتت حرمته وصار انسان تاني حتى عمله ما راحه واصحابه ما يدري عنهم حتى ولده الي هو ولده ما يدري عنه ولو شافه يسلم عليه عايدي ولا كأنه ضناه وحبيبه وقطع منه.... مسكت رهف الجوال وارسلت هلا مجوود اممم خلاص اوكي نشوفك على خير و حتى انا بروح عندهم انت لاتتاخر انا بروح على العصر بايوووو ----------------------------------- وثواني ووصلها هالمسج -----------مجووودي---------- وااااااااااو ميرسي يا احلى قمر خلاص موعدنا اليوم الله يسعدك زي مافرحتني يلا ابغا اتجهز من دحين عشان تشوفيني متشيك وزي القمر ههههههههه يلا باايووو حبيبتي المرسل: مجووودي **********966+ ----------------------------------- المهم جا العصر وراحت رهف عند منى رهف:امممم اقوول منووي ما جا عندكم اليوم احد... منى وهيا مو منتبه لها اصلاً؟؟:مين بيجي يعني... رهف:اممممم مثلا جيرانكم اممم اصحاب اخوكي منى:اووووه اووووه تعاااااالي هناااااا قوليلي بسررررعه شوو الي بينك وبينه رهف:بسم الله الرحمن الرحيم بيني وبين مين يا مجنونه؟؟؟؟؟؟؟؟ منى:بلا غباء انتي تدري وبعدين رندا الشطوره هيا اكدت لي رهف:اوووفف اوفففف ورندا كمان تعرف بالموضوع يالهوي بالي اجل عز الله رحنا فيها منى:هههههههههههههههههه انكشفتي ياحلووه وبعدين ماتدري رندووي اكبر ساحره على وجه الارض تقول من نظراتكم كشفتكم رهف:ياااااااربي ايش دا الهم وبعدين مين قلك اني احبه او اهتم فيه اصلاً منى:مو دوبنا نسأل عنه رهف:امممم لا بس هوا قلي بيجي قلت اسأل منى:واااااااااااااااااااه قلك كيف قلك يامجنونه اعترررررفييي بسررررعه انتي تكلميه؟؟؟ رهف:انتي تشوفي اني من دا النوع.. منى:امممم والله مافي شي بعيد عنك يارهوووفه يابنت حصه رهف تضربها على يدها:ماتستحي ما اتوقعتك تقولي عني كدا منى:شوف البنت يعني زعلت اقول دقي راسك في الجدر شوفي عندك اربعه جدران اختاري الي يعجبك ودقي راسك فيه رهف: طيب شكراً يلا مع السلااااااامه منى تجري وراها وتمسكها من يدها:يابنت ياهبله امشي اقعدي تدري اني امزح بلا غباء رهف:بس انا ما احب احد يقول عني كدا منى:ولاتزعلي ياقلبي اعتذر بس لازم تحكيني على الي صاير عشان اعرف رهف:طيب بقولك اسمعي.....وتقلها على الي صاير بينهم منى:تدري شكله يحبك من جد رهف.......... منى:طب انتي تحبيه رهف........ منى:ترى السكوت علامة الرضا رهف:لااااااااااااااا ما احبه بس احس تجاه بمجرد اهتمام لا اكثر منى:اهاااا قولتيلي ويقطع عليهم كلامهم صوت صراخ جي من الصاله وتطلع منى تجري وتلحقها رهف....ويطالعوو من فوق الدرج يشوفو شو الي صااير.... ماجد بصوت عااالي:والله هادي مو حاله عااد عازل نفسك عن الناس والعالم وكمان تعامل الي خايف عليك ويحب لك الخير اكثر من نفسه بي دي الطريقه ايش سوتلك انا ياخالد عشان تعاملني كدا قولي....دا بدال ماتشكرني لأني للحين ما فقدت الامل فيك ومازلت خايف عليك واسأل عنك خالد:انت ماتفهم ولا مافي في مخك ذرة فهم اقلك ياخي ما ابغا اكون صديقك ماتفهم انتا ما اطيقك ما ابغا اشوف وجهك ماجد:الله يسامحك ياخالد تضيع عشرة كل هالسنين في تفاهة عقلك خالد:كمان تفاهه اقوول انقلع من قدامي بسرعه اطلع بره البيت ماجد:تطردني ياخالد وصل فيك الحد انك تطردني خالد:ايوه طبعا اطردك واطرد ابو اهلك انت مو من حقك تكلمني كدا ابويه الي هوا ابويه ما كلمني بدي الطريقه جي انتا على اخر الزمن وتتحكم فيا وتنصحني وكمان تقولي تافه الا انت التافه محد غيرك اخرج بره بيتي ماجد.................طعععععععععععععععععععع لا شعوريا اعطاااااه دااااك الكففففففف الي يكسر الوجه وقاله له بصوووت يكسر الدنيا:اصحى يا خااااالد اصحىىىىىىى خالد ما استوعب الي سواه فيه ماجد.....وماجد اصلا ما اعطاه فرصه يستوعب وطلع من البيت يجري لانه ما قدر يستحمل الي صار له ولا الي هوا سواه فطلع من البيت يجري ودموعه في عينه......خالد صديق عمره وحبيبه يعامله كدا وبي هالطريقه مستحيييييييل...... رهف عورها قلبها على ماجد مسكين ما سوا شي يستاهل كل دا... رهف:والله مو من حقه اخوكي يسوي فيه كدا منى:اي والله ولا ماجد من حقه يعطيه كففف شو الدنيا بكيفه وبعدين شوو نسويله خالد اتغير يا رهف ما صار خالد الاولي دا انسان نحنا مانعرفه اخلاقه وطبعاه غير انتي شايفه بنفسك فين خالد الي دايما يضحك ويمزح ويتكلم ولا يهمه شي قدام هالادمي الحزين الكئيب المحطم الي دموعه على وجهه اربعه وعشرين ساعه قدام هالانسان الي كره كل هالعالم حتى اقرب الناس ليه ولده الي هوا الشي الوحيد الي طلع له من نهال مو سأل فيه ولا يدري عنه وماجد الي هوا صديق عمره شفتي انتي شو عمل فيه والله حراااام اخويا يضيع كدا.......وتنزل دمعه من عيون منى رهف تمسح دمعتها:بس لازم تسوو له شيي مايصير يسوي في نفسه كدا الحرمه وراحت في سبيل حالها وربنا قدر يصير لها وله كدا مايصير يموت نفسه قبل موعده ويهدم حياته بيده وفجئه....يسمعو صووت عااااالي صوت ارتطام صوت صراخ صوت ايش مايدرو بس ما اهتمو فيه وكملو كلامهم......... منى:الكل عجز والكل حاول الا ماجد الي شفتيه دوبك كل يوم يحاول يتصل يسأل يجي يحاول بكل الطرق بس خالد...والله ما اقول غير الله يهديه وبس رهف:ااامين الله يعينكم ياارب......ويرجعو الغرفه ويسمعو اسعافات وشرطه ودنيا مقلوبه... منى:بسم الله ايش صار في الدنيا تعالي نشوف من الطاقه رهف:ويييييي ياقلبي لايكون ماجد صار فيه شي شوفي مو كأنها هالسياره سيارته منى:اي والله هيا سيارته الله يستر تعالي ننزل نقول لخالد رهف ارتبكت وخافت على ماجد مررره ومره قلبها يعورها حاسه انه صار فيه شي منى:خالد خااااااااالد الللحقققققققققققق خالد............ منى:ماجد سوا حادث برا البيت والدنيا مقلوبه شرطه واسعافات وحاله خالد.......؟؟؟؟؟؟؟!!!!!!!!! ما استوعب الموقف وصار جامد في مكانه ما يتحرك منى تهزه:خالد خالد روح شوف صاحبك لا يكون ماااات رهف من فوق وهيا تجري:لاااااااااااا تقولي كدا يامنى امشي انا رايحه اشوف ايش صار له خالد ودوبه يستوعب الموقف ويصحى:وقفي محلك انتي وهيا ماعندنا بنات يطلعو في هالاشياء انا رايح اشوف ايش صار ويطلع خالد وهوا يجري ويمسح دمعه طلعت من عينه بدون محد يشوفها الحادث قررريب من البيت مررره تقريبا قدامه بكم متر..... خالد:ماااااااااجد مااااااااجد لو سمحت يا اخ انت ايش صار في الولد الي في دي السياره العسكري:والله مدري مانا قادرين نطلعه مره السياره مطبقه شكله اكيد مات خالد:لاااااااااااااااااااااااااااااااااااااااااااا ااا مااااااااااااااااااااااااااجد ويجري خالد على السياره زي المجنون ويحاول يطلع ماجد وبكل قوته ويكسر في السياره الين ما يطلع ماجد منها والدم يغطي كل شكله ويغطي ملابس خالد لانه شايله.. خالد:مااااااااااااااااااااجد حبيبي انا اسففففف والله اسف ما كنت اقصد لاتمووووووووت يامااااااااااااااااااااااجد انت الي باقيلي في هالدنيا ماجد لاترووووووووح ارجوووووووك حبيبي...... رهف تشوف كل شي من مكانها وتطيح على الارض:لااااااااااااااااااااااااااا ماااااااااااااااااااااجد لااااااااااااا يامنى ماجد لا يموت الله يخليكي ابغا اروح اشووفه منىىىى الله يخليكي منى وهيا تمسكها:اقعدي محلك يامجنونه فين رايحه ما ينفع تروحي في وسط كل هالرجال ان شاء الله يكون بخير رهف:لا شوفي خالد ايش بيقول اكيد ماجد ماااااات لا ياااااااربي ماجد حبيبي لا يموووووت<<<اول مره تعترف رهف انه ماجد حبيبها منى:اقعدي محلك يامجنونه دحين نشوف ايش يصير وفي الشارع خالد:يا هووووووو تعالوووو شيلووو الرجال ماتشوفوه كيف شكله تعاااااال يااخ انت ساعدني ادخله سيارة الاسعاف..... وفي المستشفى...... خالد:ها يادكتور طمني الدكتور:انت ايش تقرب له خالد:انا صاحبه وزي اخوه الدكتور:اهااا والله مدري ايش اقلك بس حالته جداً صعبه اصابته في العامود الفقري ولازم نسويله عمليه بأسرع وقت والعمليه نسبة نجاحها 10% بس ولكن اذا ما سواها بينشل شلل كااااامل.... خالد......انصدم لمن سمع كلمة ينشل اتردد صداها في باله اكثر من مره ينشل.....ينشل ماجد بينشل.....وعمليه....ونسبتها ضعيفه....شلل كااااامل....خالد في نفسه لاااااااااااا مستحييييل انا السبب لو كان ماعملته كدا كان ما طلع معصب وسوا الحادث لا ياربي ما ابغا اكون سبب تعاسة اعز انسان بعد اهلي بالشلل لا ياربي اشفيه ياااااارب الدكتور:اخ خالد فيك شي خالد والدموع تنزل من عينه:هاا ايوه لا مافيني شي اممم بس ممكن ادخل اشوفه الدكتور:اممم طيب بس دقيقه حالته ما تستحمل وترى لازم يجي احد من اهله عشان نسوي له العمليه بأسرع وقت خالد:ان شاء الله ببلغهم الدكتور:هيا اتفضل ويدخل خالد الغرفه ويشوفها مليانه بلأجهزه والاشياء الغريبه المحطوطه على ماجد خالد يقرب منه ويمسك يده ويقعد يبكي عليها ويقول له:اســف يا ماجد اسف يا اعز صديق عندي اعتذر يا اخويا ويا قلبي اعتذر والله مو بيدي بس انا فقدت انسانه ملت حياتي وكياني وصدمتي ماهي بهينه صحيح انت حاولت لكن ادري انا الغلطان ارجوووك تسااامحني الله يخليك لاتسيبني زي ماغيرك سابني مااااااجد ماااااااااااااجد ماااااااااااااجد لا تسيبني ارجووووووووووك<<<ويرتفع صوته في هاللحظه وفجئــه ارتفعت اصوات الاجهزه واطلقت انذارات غريبه انفجع خالد وزاد قلقه خالد:ماااااااجد مااااجد سااامعني وفجئــه يفك ماااجد عيونه بطريقه غريبه ويبتسم بشحووب لمن يشوف خالد:خالد انت هنا خالد:ايه يا بعد قلب خالد سااااامحني مااااااجد ساااااامحني ارجوووووووك ماجد:مسامحك يا صاحبي مسامحك يالغالي انت الي سامحني خالد:انا الغلطان وربي ياماجد ماكنت اقصد الي قلته بس انا كنت معصب وانت ادرى بحالي ووو.... ويقطاعه ماجد وهوا يحط يده على فم خالد...... ويقول له وهوا بيمسح دمعه بأصباعه طلعت من عيون خالد:خلاص ياخالد انسى الي فات وخلنا نبدى بلي جي خالد ماصدق الي يقوله له هالانسان العظيم الي قلبه كبير ونزلت دمعه من عينه وحضنه وجلسو الاتنين يبكووو...... ماجد حس بالتعب فحب يلطف الجو فبعده عنه شويه وقال:خلاااااص يا الحبيب ترى اعطيناك وجه زياده عن اللزوم |
|
18-08-2005, 07:54 PM
|
#3 |
|
][§¤حلا ذهبي ¤§][
|
مشاركة: عمق القلوب....قصة واقعية
خالد يضرب ضربه خفيفه على يده:وانت ماتتوب من هالحركات هههههههههه
ماجد يبتسم:لا ياحبيب قلبي مدام في عندي قلب ما اقدر اتوووب آآآه خالد؟؟؟:فيك شي ماجد ازهم لك الدكتور ماجد:آآه لا مايحتاج بس ابغا ارتاح خالد يغطيه:ارتاح وانا طالع واعتذر مره تانيه يالغالي ماجد يبتسم له ويسك عيونه بطريقه كأنه اغمي عليه ويروح خالد ويزهم الدكتور.... وتزداد الانذارات والاضواء الحمره في الغرفه فيجيو الدكاتره الدكتور:يا دكتور مهند يادكتور فهد انقلوه على غرفة العمليات بسرررررعه الدكتور مهند:طيب طيب يلا بسرررعه فهد ويطيرو الدكاتره على غرفة العماليات وخالد مو مستوعب الوضع ايش الي بيصير ويوصل في هاللحظه اخو ماجد... نواف:خاااالد فين ماااجد خالد........... نواف:خاااالد فيييييين مااااااااجد خالد:ها ايوه هلا....هوا في غرفة العماليات نواف:ليييه مو قلتلي لسه لازم احنا نجي وبعدين يسوو له خالد:والله مدري يانواف فجاءه الدكاتره اخدوه على الغرفه طيران بدون ما يقولولي شي نواف:الله يستر بس وبعد اكثر من تلات ساعات في بيت ابو خالد........ رهف:منىىىىىىىىىىىىى ماااااااااااااجد يامنى ابغا ارووووووح له منى:يامجنونه فين تروحي ايش الموضوع هوا لعبه ماتقدري تلاقي الدنيا هناك مقلوبه انتي شو يوديكي بين الرجاجيل والهيلمان الي هناك ومالك اي صفه تروح تسألي عنه فيها........ رهف حست انها بتفقد ماجد وانها ماتقدر تكلمه ولاتشوفه تاني وفرصة انها تتطمن عليه مستحيييله فبدت تبكي لاشعورياً ودموعها تنزل على عينها..... منى:رهفففففففف شووووو فيكي حبيبتي رهف........ منى:شفتي قلتلك تحبيه وتموتي فيه كمان مو بس تحبيه رهف...... منى:اعترفي بسرعه يلاااااا رهف بصراااخ:ايوه احببببببه وامووووووت فيه كماااااان خلااااااااص ارتحتي وتحط رهف يدها على وجهها وتبكي وتشهق من كتر البكا.... منى انصدمت من الطريقه الي قالتها منى بس ماحبت تعلق لان رهف من جد معصبه ومنهاره...... منى:طيب يارهف هدي وقومي روحي بيتك احسلك ترتاحي شكلك مره تعبااانه واي شي جديد بيصير ببلغك رهف تمسح دموعها:طيب خلاص بروح بس بلغيني اول بأول الله يخليكي واذا ممكن تخلي سواقكم يوصلني منى:طيب ان شاء الله ويلا امشي انا بوصلك معاه وفي المستشفى.... خالد:نوااااااف مو كأنهم طولو ليهم تلات ساعات واكتر ما طلعووه لايكون صار فيه شي نواف:لا سمي بالله لاتفاول عليه ان شاء الله خير خالد:امييييين يااااااارب ويقطع عليهم كلامهم الدكتور بخروجه المفاجئ..... الدكتور وبشكل حزين ووجه شااااااحب:ماااااااجد........................... |
|
18-08-2005, 07:57 PM
|
#4 |
|
][§¤حلا ذهبي ¤§][
|
مشاركة: عمق القلوب....قصة واقعية
*&*الجزء السابع*&*
مـــــــــــــــــــــاجد بخيــــــــــــــــــــر بـــــــــس نواف:بس ايش الدكتور:ماقدرنا ننقذه بالشكل الملطوب خالد:ايش يعني؟؟ الدكتور:يعني حاولنا مانخليه ينشل الشلل الكامل ونجحنا الحمدلله بس اصيب بشلل في رجوله يعني ما يقدر يمشي خالد:لااااااااااااااااااااااااااا ياربي انا السبب نواف:انت متأكد من الي بتقوله يادكتور مافي علاج مافي امل يمشي اخويه ولا كيف الدكتور يهز راسه:للاسف لا في الوقت الحاضر الا اذا حبيوتو تسفروه الخارج يمكن يكون في امل 10% ويمكن مافي امل نواف:لاحول ولا قوة الا بالله خالد وهوا يمسك نواف من ملابسه:لاااااا حرااااام ماجد ماله ذنب انا السبب يانواف انا السبب انااااا السبب نواف يبعد عنه:هدي ياخالد انت مالك ذنب هادا قضاء الله وقدره خالد يقعد على الارض:بس انا الي زعقت عليه وسبيته وخليته يعصب ويخرج يسوي الحادث انا المفروض الي انشل مو هوا....هوا الانسان العظيم الطيب الي ما يأس مني وحاول يخرجني من همي وحزني وانا قابلته بالكره والصد والحقد آآآآه ياماجد والله اني غبي ما قدرة قيمتك اااسف يالغالي اااااااسف يامااااجد نواف:خالد ايش دا الله يهديك انا اخوه ماسويت زيك هدي اعصابك يابن الحلال وكل شي بيتصلح ان شاء الله بنسفره ونعالجه ونرجعه صاخ سليم يلا هدي الله يخليك ماني ناقص مشاكل خالد استسلم للقدر وقررفي نفسه انه هوا الي يسفر ماجد لأنه هوا السبب ولازم يروح معاه بس قرر ما يعلمهم بي هالخبرالا بعدين.......... في الجهه التانيه وفي بيت رهف وتحديداً في غرفتها وعلى السرير رهف مرميه هيا وجوالها على السرير تبكــــــــي وتتألم وتحزن..... رهف بتمووت من الخوف والرعب على ماجد نفسها تكلمه تعرف عنه اي حاجه بس ماهي قادره اتصلت كم مره على جواله تقول يمكن احد يرد عليا بس مافي فايده الجوال مغلق لانه اتكسر وراح مع السياره الي اتكسرت وراحت صارت رهف..... تايهه....ضايعه...عايمه بين دموعها واحزانها والالمها بس تبي احد تشكي له وتقوله انها قد ايش تحب ماجد قد ايش تعزه وماتقدر تعيش بدونه ومستعده ترجع الزمن لي ورا وتقول لماجد كلمة احبــــــــك بس.....ترجع الزمن وتقوله لا لاتروح عند خالد..... ترجع الزمن بس عشان تروح تمسك ماجد من يده وتقوله لاتطلع من هالبيت لا تسوق السياره لا تبتعد عن عيني لاتروح من كياني وحياتي ياماجد.....آآآآآآآآه يامااااجد كيف دخلت حياتي وانا ما ادري كيف اقتحمت قلبي دون ما ادري كيف صرت جزء مني وانا ما ادري آآآآآآآآآه يا ماجد آآآآآآآآه يا اغلى حبيب آآآآآآه ريتني جنبك اشوفك واعرف ايش صار لك ريتني آآآآآآآه وآآآآآآآآآه وكم آآآه اقولها من صدري الحزين آآآه يا ماجد آآآه.....قررت تتصل للمره الاخيـره وتحاول تنقذ نفسها من هالشعور وتدق الرقم بيد ترتجف وبعيون تذرف دمووع وبقلب مضطرب....لكن الشي الوحيد الي سمعته...ان الهاتف التي طلبته غير موجود بالخدمه حاليا...رمت الجوال من القهر وكسرته وحطت راسها في مخدتها وبدت تبكي وتبكي بصوت عالي ومسموع تحاول تكتم صوتها وبكوتها لكن ماهي قادره تشهق وتحس ان روحها بتطلع من جسمها.....بس كل دا ما ينفع لان ماجد بعيد عنها ومستحيل تقدر تكلمه....وفجئه طق...طق<<<مازن يدق الباب مازن:رهف حبيبتي ايش فيكي ليه بتبكي رهف فكي الباب رهف خافت وماعرفت ايش تسوي مسحت دموعها وحاولت تستجمع حبال صوتها الي باقيه لها من بعد هالبكا عشان تنطق كلمه وحده بس ماهي قادره حاولت بكل قوتها تشد على نفسها عشان تحرك لسانها بس ماهي قادره حاسه نفسها مشلوله..عاجزه...ماهي قادره تسوي شي...في الاخيــر استجمعت كل قوى في جسمها وحطت يدها على حلقها وضغطت بس عشان يطلع صوووت فنطقت بصوت واطي ومبحوح:انااا نـ...اايمه يام...ازن مازن ما سمعها طبعاً الصوت مرره مو واضح ولا واضح انها اتكلمت من اساسه مازن:رهففففف فيكي شي رهفففف فكي الباب رهف ماعرفت ايش تسوي ماتقدر تقوم ماتقدر تتحرك حاسه نفسها تعبانه مشلوله ماعندها صوت ماعندها قدره على الحركه... مازن نفذ صبره وخاف على اخته وقرر يكسر الباب مازن:رهف لو مافتحتي الباب حأكسره رهف ردي علياااااااا في الاخيـــــر كسر مازن الباب ودخل وشافها مسدوحه في السرير ووجهها احمرررر وعيونها متورمه من كتر البكاااا وشكلها ما يطمن....... مازن يجري عليها:رهففففففففف حبيبتي ايش فيكي ليه كدا شكلك مامااااااااا ياماماااا تعااااااالي بسررررررعه ام مازن:خير ياولدي ليه كاسر الباب ويييييي بنتي شو فيها رهفففففف حبيبتي شو فيها اختك يامازن مازن:مادري ياماما من ساعه وانا ادق عليها الباب ماترد في الاخر كسرته وشفت هادي حالتها ام مازن مره خافت على بنتها وحسة انه فيها شي مازن يحط يده على راسها:الحقييييي ياماما حرارتها مرتفعه مررررررره امشي نوديها المستشفى ام مازن:اي والله بنيتي حبيبتي هات العبايه يا مازن وامشي نوديها رهف الدنيا تدووووور فيها ماهي قادره تقلهم لاء انا بخير ما ابغا شي بس ابغا ماجد الله يخليكم جيبو لي ماجد ارجوووووووكم ياناااااس ياعالم اسمعوووووووني ماني قادره اتكللللمممم وفجئه تدوووخ وتفقد الوعي.... ولاحــق في المستشفى.... مازن:رهف رهف سامعتني رهف تفك عينها وتشوف نفسها في المستشفى وحولينها اجهزه غريبه وشياء مدري كيف شكلها وتطالع على يمينها تشوف اخوها حبيبها يطالعها بخوف وبنظرة قلقل وترجي رهف حاولت تستجمع صوتها عشان تتكلم وتقوله انا بخير يامازن بس ماهي قادره حاولت وحاولت وفجئـــه طلع منها الصوت بس بكلمه وحده:مــــــاجد استغربت هيا من نفسها كانت تبغا تقول غير هالكلمه بس طلعت لا شعوريا وافتكرت ماجد وحالته فرجعت تبكي بس هالمره بصمت لانه ماعاد فيها قوه لا على الصراخ ولا البكااا العالي... مازن؟؟؟؟؟؟!!!!!!!!........مازن في نفسه ميييين ماجد لايكون خرفت البنت او صار فيها شي وسمتني ماجد امممم بس مافي احد في عيلتنا اسمه ماجد غريبه من فين جابت هلاسم وليه كل هالدمووع ليــــــــــه آآآآه لو اعرف بس ايش سبب كل دا يارهف ايش مازن:رهف حبيبتي ماتبي تقوليلي ايش بك ايش فيكي رهف حاولت تتكلم بس كالعاده ماهي قادره فتعبت من المحاوله وقررت تنام حاسه جفونها تقيله وماهي قادره تفتحهم فراااااحت في نوووومه عمييييقه مازن في البدايه خاف عليها من طريقة نووومها بس لمن شاف الممرضه الي جنبه ساكته وما اتكلمت اطمئن وقعد جنب اخته نايم هوا كمان وبعد فتــره طووويله تقريباً قبل صلاة الفجر يسمع صووت رهف وهيا تقول وتزعق:مااااااااجد مااااااجد فينك ياماااااااجد لا لا تموت يامااااجد الله يخليك لاتتركني ياماااااجد آآآآآه ياماجد آآآآآآآه ساعدوه ماجد جيبولي ماجد جيبووه ابغا اشووفه الله يخليكم ....وترجع تسكت تاني مره؟؟ مازن استغرب!!من حالها واتاكد انه ماجد دا شخصيه حقيقه مو شخصيه خرافيه نتجت عن تعبها فجاته الشكوك والافكار من فين تعرف رهف واحد اسمه ماجد ومين يطلع دا الماجد وقعد ساعه يفكر الين مامل لأنه ما قدر يوصل لنتيجه وقرر يروح يصلي ويرجع يطمئن عليها....... في الجهه الاخره...بغرفة العنايه المركزه يصحى ماجد من البنج ويطالع في الغرفه ويشوف خالد قاعد نايم جنبه وهوا في غرفه غريبه وكلها مليااانه بالاجهزه والانوار خافته والغرفه شكلها يخووف كان مره عطشان بس ما حب يصحي خالد شكله تعبان قعد يتفرج على الدنيا ويشوف الغرفه ويتأملها وفجئه لمع اسم في باله رهــــــــف وماجد في نفسه آآآآآآه يارهف وحشتيني ياحبيبتي آآآآآه فينك عني دحين اكيد مبسوطه وناسيتني ولا تدري عني والله نسيت انها المسكينه راحت تقابلني عند بيت خالد اكيد شااافت الحادث واكيد ماهمها لانها ماعمرها اهتمت لموضوعي بس عن جد وحشتنيييييييييييي نفسي اصرخ واقول لكل هالعااااااالم وحشتنييييييييييي ياناااااااااس وحشتني....وقعد يفكر كيف ممكن يكلمها نفسه يرسلها رساله نفسه يسمع صوتها نفسه يعرف عنها اي شي المهم يبغا يوصلها فكر وفكر وفجئه شاف جوال خالد على الطاوله الي جنبه وحاول يقوم عشان يجيبه بس ماقدر حاول يحرك رجله ماقدر انصدم؟؟؟؟؟؟؟؟؟؟!!!!!!!!!!!!في نفسه ليه ماني قادر احرك رجلي آآآآه احسهااا تقليه ماتتحرك ليه رجلي لايكون صار فيا شي وانا مادري والله اخر شي افتكره لمن اتصالحت انا وخالد ايش صار بعدها والساعه كم دحين يووووووه ابغا اكلم احد....اصحي خالد لالا بلاش خليها بكره احسن مسكينه هوا تعبان والي فيه مكفيه خليني انام احسلي........ |
|
18-08-2005, 07:59 PM
|
#5 |
|
][§¤حلا ذهبي ¤§][
|
مشاركة: عمق القلوب....قصة واقعية
وفي بيت ابو خالد....
رندا: منـــى منـــــى منى:هاااا نعم شو تبغي انتي كمان رندا:شو فيكي معصبه هيك منى:ولا شي انتي شو مسهرك للحين رندا:انا قمت اصلي الصبح ماني سهرانه زيك انتي شو الي مسهرك منى تتنهد:والله خايفه على رهف مررره رندا:ليه شو فيها منى:اليوم لمن انتي كنتي في السوق جا ماجد واضارب مع خالد كالعاده وخالد طرد ماجد وطلع ماجد معصب وسوا حادث فظيع قدام البيت ورهف تعرفي انتي عنها وعن ماجد حالتها صارت حاله وصارت تبكي ومدري شو وطلعت من هنا مررره تعبااانه ومن المغرب للحين وانا احاول اتصل على جوالها اول ماترد دحين مقفل مره وحده رندا:طيب اتصلي على بيتها منى:اتصلت والله كم مره ولا احد يرد مدري ايش صار عندهم رندا:اممممم ماعندكم جوال امها اخوها اي احد منى.........اخوها لمع هالاسم في بالها فعلاً ليه مافكرت في تتصل عليه مدام رقمه عندها رندا:هييييي انتي فين رحتتي منى:هناااا بس بفتكر انه زمان رهف ارسلتلي رساله من جوال اخوها يمكن الرساله موجوده للحين ولالا مادري المهم انا محا اتصل دحين الدنيا ليل بكره يحلها الف حلال رندا:طيب اوكي قومي صلي معايا منى:يلااا بس استني اتوضا.... في المستشفى وعند رهف ومازن... مازن رجع المستشفى...وراح يشوف اخته ولاقها نايمه بسلام وكان شكلها مرره طفولي وبريئ....بس حس بخوف عليها لمن افتكر اسم ماجد داك..نفسه مررره يعرف ايش موضوعه.... وتدخل عليه امه الي كانت نايمه في غرفه جنبهم ام مازن:مازن رهف فيها شي مازن:ايه يمه ايش فيكي كدا خايفه مافيها شي الحمدلله طيبه اهيه قدامك ام مازن:الحمدلله طيب ادن الصبح ولالا مازن:من زمااان روحي الحقي صلي قبل ماتطلع الشمس ام مازن:طيب ياولدي مع السلامه مازن مارد عليها قد يتأمل في وجه اخته وحالها...وقال بصوت واطي بس مسموع: مهما يكون سبب المك ومرضك يارهف لازم امحيه من مذكرتك ووالله لا مااخليكي تبكي دمعه وحده مدام انا على وجه هالارض ومحا يصير الا الي انتي تبيه اوعدك يا رهف.... رهف كانت صاحيه بس ساكه عيونها وفرحت لمن سمعت هالكلام من اخوها وابتسمت....فحس مازن انها صاحيه بس ساكه عينها فابتسم هوا كمان وقرر ينام وما يزعجها....وفجئه على الساعه عشره الصبح يسمع جواله يدق انفجع فرد بسرعه بدون ما يشوف الرقم مازن:الوووو .....:السلام عليكم فز قلب مازن الصوت بناتي ومو غريب عليه... مازن:ياهلاااا والله مين معي .....:هلا فيك انا منى نزل الاسم على مازن زي الصاعقه منى الاسم والصوت والانسانه الي حاول ينساها على مدى شهرين بس ماقدر رجعت له تاني مازن:...... منى حست انه مصدوم وانه زعلان من اخر مره فحست بالذنب منى:انا اسفه على اخر مره كلمتني فيها بس كان عندي ظروف جداً صعبه وانت اتصلت في وقت ابداً مو مناسب... مازن افتكر لمن اخته رهف قالتله ان مرة خالد وامها اتوفو وحالتهم جداً صعبه وماجا ابدا في باله ان اليوم الي اتصل فيه هوا نفس اليوم الي صار فيه كل دا....فهوا حس بالذنب لانه ماقدر ظروفها....فقال بسرعه مازن:انا الي اسف ماكان من المفروض اتصل بسس... منى حست انه بيقول شي ما يعجبها فقالت بسرعه عشان تغير الموضوع:انا متصله عشان اسأل عن رهف امس كانت عندنا وكانت تعبانه واتصلت عليها كم مره ماترد واتصلت عليكم البيت محد يرد عليا انا قلقانه عليها اذا ممكن تعطيني اكلمها مازن قلبه عوره لمن افتكر اخته ونسي انه معاها في الغرفه فطالع على يساره عشان يشوفها فلقاها لساتها نايمه فابتسم بحزن.... مازن:مدري ايش اقلك يامنى بس رهف مررره تعبااانه منى:رهففف شو فيها صار لها شي مازن:لاتخافي مافي شي كبير بس امس مررره تعبت علينا واطرينا ننقلها المستشفى ونحنا الى الان بالمستشفى منى حست بالذنب تحس انها هيا السبب وماتدري ليه برغم انها مالها اي ذنب في الي حصل وبدت دموعها تنزل على صديقة عمرها ورفيقة دربها والي صاير فيها وكيف راح يكون حالها لو عرفت انه ماجد انشل وحالته صعبه....مازن حس انه فيها شي فلقاها فرصه عشان يستفسر عن الي صار عندهم..... مازن:الا هوا ايش صار عندكم ومين ماجد منى مغصتها بطنها لمن سمعت اسم ماجد من مازن خافت لو عرف يسوي لي رهف مشكله فحبت تغير الموضوع..... منى:ااااا هوا انتو في اي مستشفى لازم اجي لرهف دحين مازن حس بأنها تبي تغير الموضوع فخلاها على راحتها بس قال في نفسه انا وراكم يا رهف ومنى والزمن طويل لو ماعرفت حكاية ماجد دا ما اكون مازن....... مازن بسخريه:مستشفى سلمان فقيه منى:اها طيب شكرا انا دحين شويه واجيكم مازن:حيااك منى:مع السلامه مازن:مع السلامه وقفل مازن السماعه وهوا يحس بالراحه يصبح على هالصوت الحلو الللللللللله حس انه ممكن يحسن علاقته معاها هالبنت وقال بصوت عالي:انا وراكي يامنى انا وراكي والزمن طويل رهف:ايش تبغا من منى يافالح انفجع مازن من فين طلعت هادي.. رهف ضحكت عليه وعلى وجهه الي قلب اصفر واخضر:ههههههههههههههههههههه سمعت كل حاجه مازن:ايش سمعتي.؟؟؟؟<<خاف انها تكون سمعت انه اتصل عليها رهف فهمت انه مازن يحب منى وانه اتصل عليها في يوم وانها هزئته فضحك على صحبتها وحركااتهااا فحبت تقهر اخوها رهف:الا ماتدري رهف خطبتها الاسبوع الجي مازن؟؟؟؟؟؟!!!!!!!!!!!:نعممممممممممممممم ايش بتقووولي رهف زاد ضحكها على شكل اخوها:ههههههههههههههههههههههههههههه امزح معاك مازن انقهررر منهاااا بس في نفس الوقت فرح انه اخته قدرت تتكلم واتحسنت حالتها عن امس...ورهف كمان حست بنشوه اليوم وحست نفسها احسن من امس وماتدري ليه حست ان البكره يبتسم لهااااا وانه في اشياء كتيــر بتتغيررر........ |
|
18-08-2005, 08:06 PM
|
#6 |
|
][§¤حلا ذهبي ¤§][
|
مشاركة: عمق القلوب....قصة واقعية
مرحباااااااااااااااااااا
شفتو كيف انا كريمة نزلت لكم كثييييييييييييير اليوم :D انتظر الردوود ولاا هااااااااا ماراح انزل :D تحياتي لكم احلى بريئة :cool: |
 |
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| قصة واقعية | حزينه^وحيده | مجلس حلا للقصص والروايات | 4 | 15-11-2005 10:42 PM |
| قصة واقعية | smaaelhaq | مجلس حلا للقصص والروايات | 3 | 24-08-2005 11:03 AM |
| قصة واقعية | SARAH539 | مجلس حلا للقصص والروايات | 7 | 09-07-2005 10:08 AM |
| قصه واقعية | الريـــــــــــــــــــم | مجلس حلا للقصص والروايات | 2 | 19-04-2005 11:18 AM |
| معاناه واقعية | هاجر العدواني | مجلس حلا للشعر وهمس القوافي | 3 | 30-03-2005 03:29 PM |
العرض المتطور
