|
|
|
|
02-12-2005, 11:22 PM
|
#1 |
|
][§¤حلا ذهبي ¤§][
 
|
يوم من أيام صيف عام 2085
حفيدة في سن المراهقة (12 سنة) تجلس مع جدتها (70 سنة) ويدور بينهما هذا الحوار الحفيدة : تيته ميرو إزيك..بقى لي زمان ما قعدتش معاكي الجدة : وهو أنا عارفة أتلم عليكي خالص.. ده أنا قاعدة زهقانة قوي ومش لاقية حاجة تسليني الحفيدة : ومابتفتحيش الدش ليه يا تيته الجدة : التليفزيون بقى ممل خالص مافيهوش غير سبعتلاف وخمسميت محطة بس!.وأنا كمان ما بعرفش أغير المحطات ! الحفيدة : وإيه الحلاوة دي؟ حلو البادي اللي انتي لابساه ده..بس ده موضة قديمة قوي ياتيته الجدة : يا بنتي أنا ست دقة قديمة وبالبس زي ما جيلنا الصاعد اتعود وحسب التقاليد القديمة بتاعتنا الحفيدة : أيوه بس مش حاسة إنك مخنوقة وانتي لابساه؟ الجدة : أبداً ده هو ده اللبس المحتشم اللي مفروض الكل يلبسه ويحافظ عليه..فين أيام زمان لما كنا نلبس البادي اللي مبين البطن والظهر بس، مع البنطلون السترتش الجلد …كانت حاجة آخر روشنة الحفيدة : ياه يا تيته.. ده انتوا كان ليكم تقاليد غريبة خالص ! الجدة : وهو انتي فاكرة إن أيامكم دي أيام؟ يا بنتي أيامكم دي ما يعلم بيها إلا ربنا .. فين أيام سنة 2005 هي الواحدة فينا كانت تستجري تشرب سيجارة البانجو ولا تسحب لها سطر بودرة قدام أبوها؟ طب ده الدنيا كانت تتقلب ساعتها وما تتعدلش .. أمال إيه .. كان فيه حاجة اسمها أخلاق الحفيدة : معقول يا تيته؟ للدرجة الفظيعة دي!!؟ الجدة : أمال انتي فاكرة إيه .. وبعدين كانت الست من دول ما تلبسش اللبس الخليع بتاع اليومين دول..يعني الجيبة كان ما يقلش طولها عن شبر ربع .. وكانوا الستات يلبسوا فوقيها بلوزة باستمرار ..مش زي دلوقتي! الحفيدة : يا خبر .. وإيه كمان ياتيته الجدة : ح أقول لك إيه ولا إيه يعني خدي عندك مثلاً .. زمان كنا نسمع الطرب الأصيل لمطربين حقيقيين :مصطفى قمر وعمرو دياب وطبعاً كانت سيدة الغناء شاكيرا، وكانت الأغنية مدتها أكثر من دقيقتين متواصلين من الطرب الأصيل والموسيقى الهادية الراسية اللي تعمر النافوخ بصحيح كانوا مطربين روشين وآخر طحن، الحفيدة : وبعدين ياتيته؟ الجدة : وبعدين كنا نسمع على حاجة اسمها اسطوانات ليزر،ودي صحيح انقرضت، بس كان ليها طعم عن دلوقتي، يا سلام لما كنا نحطها في الووكمان ونعلقها في حزام البنطلون كده ونمشي في الشارع كده، كانت أيام جميلة. الحفيدة : حكاويكى ممتعة قوي يا تيته .. ثانية واحدة بس لما أصحي سمسم صاحبي فى المدرسة لأنه بايت معايا في الأودة من امبارح ..أصل الإنسان الآلي بتاع الصحيان بايظ ولازم نصلحه النهاردة الجدة : طيب ياحبيبتي روحي (بعد عدة دقائق) الحفيدة : هيه يا تيته.. وبعدين؟ الجدة : أحلى أيام بقى كانت أيام الدراسة، الفصل كان على أيامنا رايق وعدد التلاميذ فيه ما يزيدش عن ستين سبعين تلميذة، وكنا ساعتها بنعرف نفهم الدرس كويس مش زى دلوقتي وكانت الشوارع أيامها فاضية يعني كانت إشارة المرور تقعد ساعة إلا ربع بس لأن مصر كلها كان تعدادها 70 مليون مش أكثر، تخيلي بقى الروقان اللي كنا فيه؟ الحفيدة : 70 مليون بس؟ الجدة : أمال إيه .. عشان كده كانت كل حاجة رخيصة ، يعني مثلاً كيلو اللحمة يوم ما يضربه الدم كان يبقى بخمسة وعشرين جنيه أو بتلاتين جنيه، وكان أتخن جوز جزمة بـ 250 جنيه، وكان الواحد يقدر يشتري شقة تمليك بـ150 ألف جنيه بس..وكان الدولار بخمسة جنيه بس.. تخيلي بقى؟ الحفيدة : ما هو علشان كده الجواز على أيامكم كان سهل خالص، إحنا بقى خلصنا من العُقد دي الجدة : أُمال إيه .. ده احنا الواحدة مننا كانت بمجرد ما توصل سن 17 سنة تبتدي تفكر في الجواز العرفى على طول، وما كانش عندنا الأفكار الغريبة اللي بتعملوها دلوقتي، أنا شخصياً شايفة إن ده أوفر شوية، ده احنا يا بنتي على أيامنا كان لا يمكن البنت تتأخر بره البيت عن الساعة أربعة الصبح، طب ده باباها كان ممكن ساعتها يخاصمها ! الحفيدة : ياي! ده انتوا كنتوا متزمتين خالص ياتيته !!! الجدة : يا بنتي إحنا اتربينا على الأخلاق والفضيلة والعادات والتقاليد . يعنى كان أهل الفن محتشمين جداً وكانوا دايماً يطلعوا بالمايوهات البيكيني، والمذيعات كانوا يقعدوا جنب الضيف مش على ركبته زي دلوقتي .. هيـ يـ يـ يـ ـه الله يرحم دي أيام.. فكرتيني بالذي مضى (تمسك الجدة بتليفون محمول في حجم علبة الكبريت) الحفيدة : ح تكلمي مين يا تيته؟ الجدة : الحقيقة أنا كنت موصية الجزار على اتنين كيلو لحمة و اديته 600 دولار عربون وعايزة أطلبه أشوف إذا كانت اللحمة وصلت ولا لأ .. الحفيدة : (تنهض من مكانها) تشاو سي يو تيته ! الجدة : سي يو وبعد مرور عدة ساعات انتابت الجدة خلالها غيبوبة بسبب الشيخوخة و في المساء دار هذا الحوار : الجدة : إنتي كنتي فين يا فتفت؟ الحفيدة : أصل إحنا أخدنا الولد من الحضانة الجدة : ولد !! ولد إيه اللي أخدتوه من الحضانة؟ الحفيدة : آه صحيح أنا نسيت أقول لك .. أصل أنا جبت ولد من سمسم صاحبي الجدة : يا بنتي مستعجلين على إيه مش لما تتجوزوا ؟ الحفيدة : يا سلام عليكي يا تيته.. إنتي عليك تحكيمات غريبة..طيب إيه اللي يمنع نخلف من غير جواز ؟ أنا شخصياً عملتها ونفعت الجدة : مشكلتي إني ما باعرفش أزعل منك يا فتفت ياعكروتة ..وسميتوا المحروس إيه بقى الحفيدة : سميناه : دوت كوم الجدة : نعم .. دوت كوم؟ نظام هاي تك بقى؟ يعني لما تعوزي تنادي له تدوسي (إنتر) ولا إيه بالضبط ؟ الحفيدة : ها ها ها ها .. إيه الخفة دي يا تيته والله فكرة .. لما أعوز أنده له أدوس إنتر .. ولما أحب أقول له روح أودتك أدوس ( ألت و إف 4 ) الجدة : وأخدتوه من الحضانة وديتوه فين بقى؟ الحفيدة : وديناه النادي الصهيوني بتاع الحي الجدة : النادي الصهيوني بتاع الحي؟ الحفيدة : أيوه .. ده نادي جميل معمول برعاية كبار رجال الأعمال .. وتحت رعاية وزارة الزراعة وده بيعلم الأطفال حاجات ظريفة خالص ومصاريفه رخيصة جداً وبعدين الولد الكويس ممكن يبعتوه يكمل تعليمه في إسرائيل على نفقة وزارة الزراعة أصل (ميدو يوسف والي) وزير الزراعة ده راجل متفتح قوي هه..أفتح لك التليفزيون يا تيته عشان تشوفي نشرة الأخبار؟ الحفيدة تضغط الريموت كنترول لنرى شاشة كبيرة بطول وعرض حائط الغرفة، وتظهر صوت مذيعة مصحوباً بلقطات للأنباء تقول : المذيعة : هاي شلة ! إليكم عناوين الأخبار - أمريكا ترصد 25 مليار دولار لرأس تامر بن محمد بن أسامة بن لادن المتهم الأول في تفجير قصر السفير الأمريكي في أفغانستان - واشنطن تتهم ليبيا بتفجير سفينة فضاء فوق كوكب المريخ - وزير الاقتصاد د. فريد يوسف بطرس غالي يصرّح : إعدام الفقراء هو الحل لخروجنا من عنق الزجاجة - موافقة مجلس الشعب أخيرا على خصخصة معبد الكرنك أخبار عربية: - زهوة ياسر عرفات تطالب بانسحاب إسرائيل حتى حدود عام 2030، وإعلان الدولة الفلسطينية في مايو المقبل - إسرائيل ترفض الإنسحاب من البصرة إلا بعد ضمان أمن مستوطناتها في بغداد - اشتباكات على الحدود الإسرائيلية المغربية أخبار الفن - زفاف المطربة صباح على حفيد الفنان الراحل راغب علامة - رئيسة قطاع الإنتاج لم يستقر بعد على بطلة فوازير رمضان ويعقد إجتماع مع السيدة توتي محمد صفوت الشريف وزيرة الإعلام الجديدة لمناقشة هذه القضية - الفنان محمد هنيدي يهاجم نجوم الكوميديا الجدد المذيعة : فينيش باي :D :D :D ----------------- وأنا كمان بقولكم فينيش باي |
|
التعديل الأخير تم بواسطة ~القيصر~ ; 03-12-2005 الساعة 01:42 AM. |
|
|
03-12-2005, 01:09 AM
|
#2 |
|
موقوف
|
مشاركة: يوم من أيام صيف عام 2085
القيصر شكرا اخوي على هذا الحوار المتميز . الذي يرمز الى الاصالة والمعاصرة . وتقبل مني اجمل تحية .
|
|
03-12-2005, 06:59 AM
|
#3 |
|
][§¤حلا لامِـــع¤§][
|
مشاركة: يوم من أيام صيف عام 2085
ههههههههههههههههههه
القيصر تيب و نقولك احنا ببعد c'est fini هههههههههههههههههه يسلمو على طرحك الجميل يعطيك الف عافية و ما ننحرم من جديدك تحياتي و احترامي ~*¤ô§ô¤*~*¤ô§ô¤*~وردة الحب المدللة~*¤ô§ô¤*~*¤ô§ô¤*~ |
|
|
|
|
06-12-2005, 03:20 AM
|
#4 |
|
شخصية هامة
|
مشاركة: يوم من أيام صيف عام 2085
هههههههههههههههههههههههههه
ههههههههههههههههههههههههههه حلوة يا القيصر يعطيك الف عافية سي يووو |
|
|
|
|
08-12-2005, 03:21 AM
|
#5 |
|
][§¤حلا ذهبي ¤§][
|
مشاركة: يوم من أيام صيف عام 2085
عائد الى الوجود
وردة الحب دموع فلسطين تسلمووووا يااارب على تواجدكم العطر واتمني اشوف اسمائكم دائما منور في مشاركاتي وان شاء الله تكون الضحكة مالية حياتكم تحياتي |
|
08-12-2005, 08:22 PM
|
#6 |
|
موقوف
 
|
مشاركة: يوم من أيام صيف عام 2085
هههههههههههههههههههههههههههههههههههههههه
الله يرجك منين لاطش الموضوع بس بصراحه روووووووووووووعه وهيك حالنا اذا استمرينا بالتفاهات المنتشره بالبلاد العربيه والبعد عن الدين والاسلام مشكووور اخي سي يوووو على قولتهن |
|
08-12-2005, 08:33 PM
|
#7 |
|
مراقبة قسم المال والاقتصاد
|
مشاركة: يوم من أيام صيف عام 2085
ههههههههههههههههههههههههههههه
حلوة كتير والله يا القيصر والله لا يحرمنا من مشاركتك 
|
|
09-12-2005, 01:50 AM
|
#8 |
|
-+[¨¤ نائبة الإدارة ¤¨]+- 
|
مشاركة: يوم من أيام صيف عام 2085
هههههههههههههههههههه ~القيصر~ الــله يـــعطيك العــــافيه عســــــاك علـــــى الــــــقوه ننتظـــر جـــديدك تحيـــاتي لــك مــ الحزن ــــلاك |
|
|
|
|
09-12-2005, 02:54 AM
|
#9 |
|
][§¤حلا ذهبي ¤§][
|
مشاركة: يوم من أيام صيف عام 2085
ههههههههههه
حلووه منك ولا تحرمنا من كتاباتك طبعي |
|
|
|
|
09-12-2005, 04:30 PM
|
#10 |
|
][§¤حلا ذهبي ¤§][
|
مشاركة: يوم من أيام صيف عام 2085
فارس الرومانسية
خخخخخخخخخخخخخخ لطشته وخلاااص المهم يكون عجبك تسلمي يارب على المروووووور الاكثر من رااااائع أتمنى اشوف اسمك دوووم في مشاركاتي احتراااااااااامي وعلى قولتك وقولتهن سي يوووووووو 
|
 |
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| كيف تقلع عن التدخين في 5 أيام؟؟؟؟ | ماكنزي | مجلس حلا للطب والصحة | 8 | 29-04-2006 06:59 PM |
| أيام الحارة | جرح الليل | مجلس حلا للشعر وهمس القوافي | 6 | 08-12-2005 08:47 PM |
| لم يتبقى إلا ستة أيام !!ـ | دموع فلسطين | ۞ مجلس حــلا الاسلامي ۞ | 8 | 11-11-2005 03:39 PM |
| رجيم السبع أيام! | ღاوراق الوردღ | مجلس بنات حلا | 4 | 05-02-2005 11:34 PM |
العرض العادي
