|
|
|
|
07-12-2004, 12:03 PM
|
#1 |
|
(حلا فعّال)
 
|
اشكال بنات الجامعه
اشكال بنات الجامعه
وتراها نقلا عن وحده ( انا عارف ان المفهين كثر ) وخاصة مع البرد اترككم مع ابداعاتها امممممممم انا صراحه اكتشفت صفه حلوه فيني الا وهي((الفراسه)) ولكن ماهي الفراسه اللي تخليني اعرف من اثار قدم البعير اذا هي مريضه والا لا؟ ههههههههه لا اللي اقصده بتفهمونه من خلال هالمذكره وهي ترى فراسه من نوع اخر اول شي: انا ياحليلي ماني اجتماعيه ولا احب الاختلاط كثير بالناس وتكوين صداقات وهذي صفه شينه بالمره يعني حدي زماله وتخب علي خخخخخ لكن عوضته في شي ثاني اللي هو صفة ((التأمل)) اوبمصطلح العاميه القزز في خلق الله يمكن تشوفون هالشي ماله داعي او فيه مضيعه للوقت لكنها ميزه وصراحه صرت اعرف نوع البنت من نظره وحده بلا هالفلسفه الزايده ويالله مشينا اوريكم وش موضوعي . فئات الطالبات بالجامعه الهاي كلاس او على قولتكم المطنطخين ونسبتهم في الجامعه لايستهان بها واكثر تجمعاتهم عند بوابة خمسه..مرتزين عند الكراسي وداقين النظارات الشمسيه 24ساعه من اول ماتنزل من السياره حتى وقت المحاضره الين ماتنقلع بيتهم <<<اموت واعرف لييييش؟؟ وهذي الفئه ماتجي الجامعه الا وشغالتها معها عشان تمسك لها العبايه وهالشغاله مسيكينه من صباح الله خير الين وقت القايله وهي جالستن فيذا الكرسي تناظر الرايح والجاي هذا طبعا في البدايه لكن تطور هالشي وللاسف الى ان اصبحت بوابات الجامعه (مكاتب استقدام) واقول لو هالشغاله تدرس في الجامعه ابرك لها على الاقل تاخذ راتب ثاني فوق راتبها خخخخخخخ اقصد المكافاه نرجع لهذه الفئه: مثل ماقلت لكم هم هاي كلاس يعني كل خلاجينها اللي لابستها من تنوره وبلوزه وجزمه( الله يكرمنا ويكرمكم) وسنتيان ...الخ ماركات وحركات وتقليعات غريبه وخاصة في هالشوشه<<<صدقوني مره شفت وحده حاطه مشابك غسيل ملونه في شعرها خخخخخ<<الظاهر قلّت الشباصات في المحلات وهالفئه قليل ماتلاقي بنت ماتعمل في كشتها هاي لايت سواء عبده ,حلوه,بيضاء,شينه الكل ماشي على نفس الدرب هذا غير عن الميك اب والعطورات والجوالات والكحل إلي عجزت اضبطه على عيوني<<< لاتخافون تراني مزيونه من غير هالخرابيط هع وصدقوني وصلت الى مرحله من الــيـأس والاحباط وانا احاول فيذا الكحل لدرجه اني اقنعت نفسي في النهايه انهم ياخذون الطفو(غبار اسود) يطلع بالقدر ويشخطون فيه خششهم لوووووووول وهالفئه شايفه نفسها بالمره وماتماشي الا من نفس فصيلتها<<شدعوه فصيله صارو نياق مو بنات خخخخخ وانا بدوري اقول لهم: مالت عليكم وعلى جزمكم الفسفوريه الفئه الثانيه وتسمى بفئة الهاف آند هاف مو إلي في بالكم يادلوخ قصديHalf يعني فئه النص ونص هععع مره قالتها الهاف هذي استاذتنا الحساويه بحصة العنقريزي وانا ياشيني مع وجهي اضحك على الريحه..اول ماسمعتها تعجبت وضحكت هاوشتني وقالت: آنا آدري ليش تضحكين,, ولاتعودينها مره ثونيه انتي شوطره ولاتخربين على نفسج))) الزززبده: فئه النص ونص هذي ياتلاقيها كاشخه مره ومحدن قدها او ياعمري عليها مالها خلق تكشخ اليوم من السرير الى السياره على طول واقول لفئه الهاف آاند هاف<<<عاجبني اللقب ترى خخخخ اقول لهم: مهما حاولتم ماراح توصلون لفئة الهاي كلاس الا اذا خاويتي لتس واحد منهم ورزتس ورفعتس فوق السحاب والا فانثبري مكانتس خخخخخ فئة القرويات باختصار.. الوجه كله بودره والشنب اخضر والحواجب مشقره والعيون كلها كحل والروج وردي فاقع والشوشه نصها سيشوار اضافه الى ذلك التنوره لونها بني والقميص ابيض<<ياروحي على التنسيق وقلة منهن من يلبسن جزم ابد داقين الزنوبه والا نعال ابو خطين واذا مره كشخت لبست كعب الله واكبر انها مدري وشلون تمشي عليه وماهي بعيده يلبسن زبيري بعد هع واكثر مايتواجدن عند الثيل (العشب الاخضر) مبسطين مع ترامس الشاهي والقهوه,, واذا انتم جنط وماتعرفونهم لمحه سريعه الى لهجتهم(اهل القصيم والنعم) وبتعرفهم على طول بس تراهم طيبات وحبوبات وقلبهن ابيض . واقول للقرويات ترى بلوزه من MANGOوتنوره من Promod<<<ياناس ماني سهله خخخخخ وجزمه من عبد الغفور ماراح تنقص من مكافأتك شي وصدقيني بتصيرين كشخه والكل يناظرك وبيخطبونتس على طول<<<الله يستر ياأنهم الحين بيركضون للسوق ركض دام السالفه فيها عرس خخخخخخخخخخ يالله اهم شي اقضي على ظاهرة العنوسه هههههههااااي فئة المسترجلات هالفئه تخرعني بالحيل .. عليهم نظرات شرسه وموطبيعيه ثقل والوجه مكشر على طول .. اما عن اللبس فحدث ولاحرج ناظر الولد ثمن ناظرها ماراح تلاقي اختلاف ابد ويمكن تلاقيها اكثر رجوله وخشونه منه بعد بس الفرق الوحيد إن هالبنت لابستن تنوره والا فكل هدومها ابتداء من البلوزه إلي تاصل للركب انتهاء الى الضحكه الرجوليه اللي من اسمعها انتفض واحس نفسي تسني بديوانية عزاب.. واهمس في أذن كل مسترجله: انصحكي ياأختي قصدي ياخوي انصحك بالتقديم على وظيفة سكرتي اوبدي قارد لان مكانكم من جد غلط في الجامعه والا اقتراح ثاني انسب لكم خطو لكم شنب وسكسوكه وقدمو في كليات الاولاد ههههههههه قويه فئة الشرقاويات يعني الهوى شرقي هالفئه تعجبني مره لانهن نظاميات وشطورات ولباسهم اكثره موحد ومتشابه عشان كذا اميزهم بسرعه وتحسهم شلتن وحده وهم طموحات بالمره والا ماتعنوا وجو عن اهاليهم وحتى ازواجهم وعيالهم وجو عشان يدرسون فيذا الجامعه. بس عندهن عيب مره شين قولوا وشو؟ هو ((التنكر)) يعني البنت تمشي من جنبك ولاتسنها تشوفك لاتسلم ولاتسئل عن الحال مع انها تشوفك كل يوم وبينكم عيش وملح اخسسس شفتوا شلون الحلو مايكملش ! والللي يميزهم بدرجه فظيعه السوالف إلي ماتنتهي والمغامرات والاحداث والانجازات اليوميه واللي يكبرونها وهي صغيره هذا غير عن الحش والفتن وصواريخ بوشلاخ بس ترى اكثرهن مملوحات يطيحن الطير من السماء ومن غير ميك اب بعد (جمال طبيعي يعني) اما ماتبقى منهم مو شيون وبس الا انصحكم لاتناظرون فيهن حتى ولو من بعيد اخاف عليكم من كوابيس الليل وترى منهن حسودات وعينهم حاره وخاصة منطقه تسمى بتاروت <<<عز الله بينتفوني اذا عرفوا اني احش فيهم خخخخ لذلك يااعزائي وعزيزاتي انصحكم بحمل اية الكرسي معكم للاحتياط عن العين.. ونصيحه لكل شرقاويه: اهنئكم على هذا الطموح والمثابره بس اتركو عنكم الهرج الفاضي وخفة العقل.. آآآآخ احولت عيوني صراحه .. اقووووول ترى هذي مو كل الفئات بس انا جبتلكم اكثر النسب المتواجده والا فيه غيرهن وياكثرهن .. منهن على سبيل المثال: الرسميات /العربجيات/المسبهات/الدلوعات وغيرهن كثير لايتسع المجال لذلك وانا ادري عنكم تبون تعرفون من أي فئه انا هعععع تراني وحدي فئه لحالي ماتتكرر <<<احم ياشين الغرور بس اخرشي ودي اقوله لكم: اذا تبون تنشرونها وترسلونها ماكو مشكله بس بشرط من بعد ماتخرج اخاف يتأمرون علي ويغتالوني خخخخخخ اخوكم |
|
|
|
|
07-12-2004, 07:33 PM
|
#2 |
|
عضو VIP
 
|
فئة القرويات
باختصار.. الوجه كله بودره والشنب اخضر والحواجب مشقره والعيون كلها كحل والروج وردي فاقع والشوشه نصها سيشوار اضافه الى ذلك التنوره لونها بني والقميص ابيض<<ياروحي على التنسيق وقلة منهن من يلبسن جزم ابد داقين الزنوبه والا نعال ابو خطين واذا مره كشخت لبست كعب الله واكبر انها مدري وشلون تمشي عليه وماهي بعيده يلبسن زبيري بعد هع واكثر مايتواجدن عند الثيل (العشب الاخضر) مبسطين مع ترامس الشاهي والقهوه,, واذا انتم جنط وماتعرفونهم لمحه سريعه الى لهجتهم(اهل القصيم والنعم) وبتعرفهم على طول بس تراهم طيبات وحبوبات وقلبهن ابيض . هههههههههههههههههههههههههههههههههههههههههههههه يسلمووووووووووووووووو سحر العيون |
|
|
|
|
08-12-2004, 01:42 AM
|
#3 |
|
(حلا جديد )
|
سحر العيون :
موضوعك جيد بس ودى اسألك وش اخبار دراستك انتى فالحه فيها والا مضيعة اليوم الدراسى بس قز فى بنات العالم يا قبصا ديرى بالك على دراستك علشان تتخرجين وتتعينين مدرسة بأحد القروى وتصيرين قرويه وتحطى روج احمر واخضر وعلى فكره اذا اشتريتى سيارة توصلك للمدرسة النائية لاتنسين احد سياراتى يعنى ماركة Toyota ويستحسن تختارين Vxr علشان اذا ابو هناد السواق غرز بك يدق الدبل ويطلع السيارة . بس لو سمحتى المره الجاية نبى موضوع قز يخصنا نحن الشباب وتصنيفنا بنظرك واتمنى ان اكون من فئة الدبل كلاس والفور ويل . شكرا الف مره وتحملى قسوتى يا الساحره مع تحياتنى Toyota |
|
08-12-2004, 03:39 PM
|
#4 |
|
(حلا جديد )
|
يسلمووووووووووووووووووو
|
|
19-12-2004, 10:13 AM
|
#5 |
|
(حلا فعّال)
|
يسلمو روان على مرورك الكريم ;)
ويسعدلي هالضحكه يارب وعساها دوم ;) |
|
|
|
|
19-12-2004, 10:15 AM
|
#6 |
|
(حلا فعّال)
|
اخوي تويوتا يسلمو على مرورك الكريم ;)
ويسعدلي هالضحكه يارب وياليت تشوف معلوماتي الشخصيه عشان لا تتعلق فيني ;) |
|
|
|
|
19-12-2004, 10:18 AM
|
#7 |
|
(حلا فعّال)
|
يسلمو سيف الحب على مرورك وتشجيعك ;)
|
|
|
|
 |
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| أشكال بنات الجامعه!!! | MARjo0o0oj | مجلس حلا للضحك والفرفشة | 12 | 12-01-2006 11:49 PM |
| اشكال متنوعه من البيتزا بالصور | NOOR ELHOODA | مجلس حلا للأسرة والطفل | 17 | 19-12-2005 03:49 PM |
| شاب يرقم عند الجامعه | *عابر سبيل* | مجلس حلا للصور | 6 | 25-11-2005 11:52 PM |
| اشكال مكياج العيون مع الشرح | الــيــز | مجلس بنات حلا | 3 | 22-07-2005 10:53 AM |
| اشكال ومعااني العيووون | سود العيون | مجلس بنات حلا | 7 | 07-07-2005 08:10 PM |
العرض العادي
