|
05-03-2008, 09:35 PM | #1 |
(حلا جديد )
|
ابوس ايدك يا ستى عايز اذااااااااااااااااكر
الله أكبر الله أكبر..أذان الظهر..
-يارب.. يارب بحق ده الآدان تنجح يا نون يابن ابنى وأشوفك دكتور أد الدنيا -ياستى بس أنا فى تجارة -وماله يابنى هو يكتر على ربنا...... ده ربنا قادر على كل شئ -ياستى ونعم بالله بس اللى بيطلع دكتور لازم يكون فى كلية الطب مش التجارة -ياللا تجارة تجارة ..ومالها التجارة ..دى حتى التجارة شطارة..ده الله يرحمه جدك كان تاجر فى الوكالة أد الدنيا -ياستى التجارة اللى فى الوكالة حاجة واللى فى الكلية حاجة تانية ع العموم شد حيلك أنته وانا أخلى جدك -ياخدك معاه الوكاله عشان تتدردح وتتودك فى السوق -جدى إيه اللى هايخدنى معاه .....ده جدى مات من زمان ياستى -يامصيبتى عبد الواحد مات..ياحبيبى ياأخويا..مكنش يومك ياسبعى -ياستى ده ميت من تلتين سنة -تلتين سنه..ده العمر بيجرى ياولاد تصدق ولا حسيت بيهم....ياللا أهو غار فى داهيه....قطع وقطعت سيرته..ده كان بخل الدنيا فيه..أن ما عمره دخل عليه ببطيخة ولاكيس جوافة- ياستى حرااام عليكى عايز أذاكر بقى -يوه..وأنا ماسكاك ياوله..ذاكر ...ذاكرعشان ربنا يكرمك وتنجح وتاخد الدبلون -ياستى دبلون إيه..أسمه البكالوريوس -أنته عتضحك عليه ياوله..أسمه الدبلون الواد ابن فايزة جدع زيك كده فى مدرسة التجارة وخد الدبلون -خلاص دبلوم دبلوم ياستى ..سيبينى بقى عشان أذاكر -ذاكر ..ذاكر ياأخويا ذاكر... تعرف ياواد ..ندرن عليا يوم ماتنجح لأكون رايحه خاطبالك عبير بت رئيسه....دىإيه ياواد.. أدب- وأخلاق..وعلام كمان ياستى عبير دى معاها أعدادية -وماله يابنى ...الراجل مايعبهوش إلا جيبه -راجل ...راجل مين ياستى...عبير دى بنت -عبير ...عبير مين ياوله..أنته بتعرف بنات من ورانا -لا إله إلا الله....أبوس رجلك ياستى أرحمينى بقه -طب ذاكر....ذاكر جتك نيله وأنته طالع براوى كده زى أمك....قطعت وقطعت سيرتها...أنامش عارفه أبوك كان أجوزها على إيه..حكم...قال لبس البوصة تبقى عروسة..بس واللى نبى النبى نبى لكون مبوظه الخطوبة دى ومجوزاه أنيسة بت أختى -ياستى خطوبة إيه..أبويا مجوز أمى من خمسة وعشرين سنة ..وبعدين أنيسة دى بنت أخوك مش بنت أختك ..وأساسا إنتى ملكيش إخوات بنات -صحيح ياوله ..أنته عندك حق أنا مليش إخوات بنات..أصلى أناأمى ماكنتش بتخلف صبيان -حراااااااااااااااااااااااااااااااااام ............ستى ماتطلعى البلكونة شويه ...ده الهوا حلو بره -لأياخويا....فى جدع كده حليوه وشعره مسبسب فى البلكونه اللى فى الوش بيقعد يعاكسنى -خلاص روحى المطبخ ...أهو زمان أمى خلصت الرز -رز...رزإيه يابنى....هوأنا ليه سنان للرز...أناهطلع البلكونه أحسن -طب أبقى خلى بالك م الهوى ياستى- هوى لما يلطشك الحمد لله أخيرا خرجت وقدرت أذاكر .. رحت الأمتحان تانى يوم وربنا كرمني وحليت كويس لكن للأسف المراقب سحب مني الورقة قبل ما أكتب أهم حاجة فيها ياترى أنا كان إسمى إيه؟؟ ياترى كان إسمى إيه؟؟ |
05-03-2008, 10:11 PM | #2 | |
(حلا جديد )
|
رد: ابوس ايدك يا ستى عايز اذااااااااااااااااكر
اقتباس:
حلوه القصه يا سيد والجده احلى بس ليش الولد ما عرف اسمه؟؟ |
|
05-03-2008, 11:01 PM | #3 |
نائبة الإدارة |
رد: ابوس ايدك يا ستى عايز اذااااااااااااااااكر
|
|
|
06-03-2008, 11:45 AM | #4 |
(حلا متميز)
|
رد: ابوس ايدك يا ستى عايز اذااااااااااااااااكر
|
06-03-2008, 02:51 PM | #5 |
(حلا جديد )
|
رد: ابوس ايدك يا ستى عايز اذااااااااااااااااكر
مشكووووووووووريم يا جماعه على المرور
وعلى فكره يا حموده لو تحي نتعرف انا اسمى حسن من مصر |
التعديل الأخير تم بواسطة شمس القوايل ; 06-03-2008 الساعة 08:35 PM. سبب آخر: تم حذف الايميل ممنوع وضع الايميلات لان ذلك مخالف للقوانين ارجو الانتباه |
|
13-03-2008, 04:55 PM | #6 |
(حلا متميز)
|
رد: ابوس ايدك يا ستى عايز اذااااااااااااااااكر
هيهيهيهيههيهيهيهيهيهيهيهيهيهيهيهيهيهيهيهيهيهيهيهيه يه
هيهيهيهيهيهيهيهيهيهيهيهيهيهيهيهيهيهيهيهيههييههيهيه هيهييههيهيهيهيهيهيهيهيههيهيهيهيههيه هيهيهيههيهيهيهيهيهيههييه جامده جدا يا شكمان وسيد ياسيد سيد جيت أحبه مكشور ع التوبك الجامد اووى اوووى اوووى وفى أنتظار المزيد .................... !! |
|
|
15-03-2008, 09:32 PM | #7 |
مراقبة مطبخ حلا
|
مشاركة: ابوس ايدك يا ستى عايز اذااااااااااااااااكر
ههههههههههههههههههههههههههه
يخرب عقلك قصه جامده ومن واقع حياتنا |
|
|
20-03-2008, 11:22 PM | #8 |
(حلا جديد )
|
رد: ابوس ايدك يا ستى عايز اذااااااااااااااااكر
ههههههههههههههههههههههه
شكرا على مروركم |
21-03-2008, 06:09 AM | #9 |
مراقبة قسم المال والاقتصاد
|
رد: ابوس ايدك يا ستى عايز اذااااااااااااااااكر
ههههههههههه
يسلموا يا حجتنا مع كل احترامي لكي |
|
|
24-03-2008, 06:42 PM | #10 |
(حلا متميز)
|
رد: ابوس ايدك يا ستى عايز اذااااااااااااااااكر
هههههههههههههههههههههههههه
الله يكون فى عونه جميله قوى القصه ياسيد |
|
|
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|