|
|
|
|
31-03-2005, 02:54 AM
|
#1 |
|
(حلا متميز)
 
|
مجمـوعـة رائعـــه مـن الأشعـــار المتنــوعـه ..
حـلم المدينة
سعد بن سعود منادي تـرعي الغـنـم وتعــيـش حلم المـدينة في روض عــز .. وكل شىِ خــذلهـا حــرّه تعــيش وفي زمنهــا سـجـينه عن زخــرف الدنيـا زمنها عــزلهـا حــرّة تعــيش وللمـتــاهة رهـيـنـه نام الأسى بـعـيونهــا مـا سـألـهـا طمـوحــات البــاكي يـعـاتب سنـينه رغم الأمل عــاجـز يحـقق أملهـــا تـلـوم .. لـكن ..مـن تلــوم وتديـنـه الـوقـت و الا الظرف و الا أهـلـهــــا من حـــزنهــا كل الليــالي حــزينه إحـسـاسـهـا بالظلم يسكن خـجلهـا في الـبـادية وأحـلامـهـا في المـدينـة ولـهـا الفـخـر .. لو كل شي خـذلهـا ~~~~~~~~~~~~~~~~~~~ فـرصـة طلال العبد الله الرشيد العطيب فـرصـة سـعيدة بالـعيـون الفـريـدة أهلا هلا يا مرحـبـا يا أجـمل عيـون من يـمـلكك يبشـر غدا الـكــون بـيـده خـلاص وش يبـغي ملك أجـمل الكون ما فـيـه مـثـلك في جـمـالك وحـيـده طـول الرمـوش الموت والوسع واللون صـحـيـح كنتي يـوم اشـوفـك بعيــده بس الجـمـال يبـان للي يشـوفــون ياحــظ من نـفــسك تـبـيه وتـريـده وان قـال أفكر صـدق بيكون مجنون تـستـاهلين الشـعـر يا أجـمـل قصيـده ياللي بك قلب الخـلي صــار مـفـتون وفـرصـة سـعـيـده جـد فرصه سعيـده لكن عســاها تـعـود يا أجـمـل عيون ~~~~~~~~~~~~~~~~~~~~ خيوط العنكبوت طلال بن العبد الله الرشيد العطيب انـسـجـت حـولي خيــوط العنـكبـوت مثــلت لـين اقـنعـتنيي بحـبـهـا حـسـسـتـني بأنـهـا فـيـني تمــوت ومــا تـريـد إنسان غـيـري جنبها وصــورت لي نفـسـهــا بنت البنـوت ومــا تـعـرف إلا السـجـود لربهـا وإنها أعـقل من سكن وسط البـيـوت وانـه أطيب قـلب ينبض قلبــهــا واوهمـتـني بأنـهــا يمكن تـفـــوت وان غــيــري كل حلمه قـربـهـا ويش ذنـبي يوم صــدّقت البــهــوت القلوب الطـيـبـه وش ذنـبـهـــا كن عـشـرتـهـا سـراب في خـبــوت الـلـه اللي زاحــني عن دربــهـا ~~~~~~~~~~~~~~~~~~~~ مـا دريـت عـبـد الله حـجـاب ما دريت إن الهوى مـثل الشجر تثـمــر أوراقــه وتسـقط بالخـريف من يشوف الورد يغريه النظـر لين يمسك شــوكـهـا كـنـَه كـفيف كنت أحسب الحب موجِ في بحر يرتمي مــوجه على الساحل خـفـيـف ويل قلبك له سواحل مـن حجر ترتطم به مـــوجة الحب الـعـنـيـف أجمع أمواجي ولا عندي مفـر غـيـر أهدابه على شـاطئ مـخـيــف ولا حـسبت العمر به مدَ وجزر أو نســيم الليل يصــبح ريح صــيف لو أعيش الوقت في هم وسهر مـارجيتـك لا وأنا مــاني ضـعـيـف ~~~~~~~~~~~~~~~~~~~~ أغلى الـدقايق فـهد المبـدل إن جـيت .. جـيت همــوم ليل وتبـاريح وإن رحت رحت دموع ياصعب رجعتـك ســريتني مــســرا قلوب المجـاريـح تحـرث ثرى قلـبي مخـالـيب فجعتك وكـفـّن شـفـاك الملـح وجروحك تصيح ماقـول في ملـح البـحر غيـر دمعتك وهذي دمـــوعك في ثـرى قلبي تطـيـح وأخـاف تاصل دمـعـتك راس شمعتك لا يا بعـد من جــرجــروه الممـــاليح مـا هيب هذي يا حـبـيـبـي قناعتك أدري وتدري والســـوالف مــشــافيح ان شـافـتك ظميتك وان رحت جاعتك مـــا قلت لك لا تشـتـكي النار للـريـح مــا قلت لك لا يــدري أحد بلوعتك البـارحـه ســولف بك الغـيم للشــيخ وطارت لك أسراب القـصايد وسمعتك ولـلـه درك قلـب لـومت تجـــريـح طوعت مــا طاوعت وأمليت طاعـتك ان جـاء لمجنون الدقايق ســوامــيح هذا انا أغلى الدقـايق بســاعـــتك وتقـول في وافي قــصــايـدك ترويح ودافي قـصـيدي من بعض جمر لوعتك ~~~~~~~~~~~~~~~~~~~~ لا تـخليـني مـاجد العبيد لاتـخلـيـنـي مـكـان الانــتـظـار لا يموت الحب في مـهـده صـغـيـر ليـه نتــرك حبنا للاحـتـضار الهــوى اللي وردته أجــمل عـبـير الهــوى يرجــوك لا تأخذ قــرار تذبل الـورده على جــال الغــديــر في ظلام اليــاس حــبك لي نهــار يا شــروق الشـمـس في ليل النظيـر جـنـتـي وصـلك وهــجــرك لي نار في رجــا وصـلك ترى عـمري ضـرير إني انسـى حـبكم مــا لي خـيـار جـرحي اللي بالـحـشـا جـرحِ خطيـر انتظر ردك ولوجـا باختصار وكـان ردك قــاسيِ فـكـر كــثـيـر بين دمــعي وابتـسـامــاتي جدار ان هدمـتـه يكتب الـلـه مـا يـصيـر ~~~~~~~~~~~~~~~~~~~~ اللـوحـة عبد اللطيف الغصن قــالت امـسك ريشــتك خل الشــعـر ارسم اللي شــوقـهـا مـوج البحـر حَــرك الريشــه على شــوف النظـر وبوقف قـبـالك على طول الـنـهـار قـلت أبرسم لوحــة فيـهـــا بحــر وفـيـهـا ليل وفـيـهـا نور بلون نار وشـاطي ودي مـاوطي فـوقــه بشـر والف حارس يذبحـون اللي اسـتـجـار وفـيـهــا وردِ إســتـحي منه الزهـر وفـيـهـا سـيفَ مـايبي ريح الغـبـار وفـيـهـا ثلج بجوف شـمسِ اسـتـقـر مـــا لقي له دون قلب الشـــمس دار قــالت ارفض كــل أنواع الـفــكر مـا طلبـتك شـمس وحــراس وبحـار ابـغي ترســـمني آنا دون الصـــور مطلــبي واضح و لا عـنـدك خــيــار قلـت عـنـدك يا أجـمل أحلامي خـبـر انك انـتي مـن خــــيــالات المـدار وانـتي كــذبـه بـعـت لك كل العـمــر فـيك حلمي جــاوز أحلام الصـغـار انـتي رسمِ شــــدلـه فـكـر النـظـر قـمت أهـوجس واتـخـيل باخـتـصـار كـنتي لوحـــه ثم نزلتــيلي حـــدر ثــم حـكـينا ثم رجــعــتي للــجـــدار ~~~~~~~~~~~~~~~~~~~~ يسعــــد أيـامكــم be loved |
|
|
|
|
31-03-2005, 09:12 PM
|
#2 |
|
(حلا فعّال)
|
الله يعطيك الف عافية
|
|
|
|
|
31-03-2005, 09:26 PM
|
#3 |
|
(حلا متميز)
|
سلمت اناملك على الموضوع الحلــــــــــو... موفق... |
|
31-03-2005, 10:58 PM
|
#4 |
|
شخصية هامة
|
اخى مسالة وقت
الله على روووعه نقلك سلمت يمناك اللى خطت هالابداع قلم متميز يخط اجمل الحروف واروعها تقبل تحياتي |
|
|
|
|
01-04-2005, 04:01 AM
|
#5 |
|
(حلا متميز)
|
سلاااااااااااااااااااااااااام
هاجر العدواني توته البدور كل الشكر والتقدير لكــم لمروركم على صفحتي be loved |
|
|
|
 |
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
العرض العادي
