لو أنت فى مصر الحبيبه...تحب تموت أزاى؟ ارجو التثبيت

[s.p.y]

عاوز تموت شهيد................. ياتركب طياره............... ياتركب عباره عاوز تموت م الجوع.............. ياتشترى شقه................ياتشترى عربيه بالقسط عاوز تموت م الحسره.............. ياتتفرج ع الفاترينات فى ستى ستارز...........ياتروح زياره لمارينا عاوز تموت م الغيظ ............ ياتتفرج ع القنوات المحليه.............. ياتتفرج ع النشره الجويه عاوز تموت م الزهق............. ياتستنى الأشاره لما تفتح .......... ياتستنى دورك فى الطابور فى التأمين الصحى عاوز تموت م الهبل........... يا تخش ع النت..........ياتسمع نجوم الأف أم عاوز تموت مخنوق........... ياتروح مصلحه حكوميه..........ياتقرا الجريده اليوميه عاوز تموت مفروووس.......... ياتركب تاكسى.............ياتركب دش عاوز تموت مرعوووووب.......... ياتستنى نتيجه الثانويه العامه.......ياتستنى نتيجه التحاليل عند الدكتور عاوز تموت مشهور......... ياتتجوز رقاصه............ياتنصب على بنك عاوز تموت مليونير............ ياتعمل فيديو كليب.............ياتلعب كوره عاوز تموت ورا الشمس ياتشغل مخك............ياتفتح بؤك.... عاوز تموت منكاد.......... ياترشح نفسك فى الأنتخابات.......ياتخش ف أتفاقيه الجات عاوز تموت م الحزن.......... ياتفكر دايما ف أحوالك..........ياتحط الحكومه ف بالك عاوز تموت م الضحك.......... ياتتجوز أتنين.........ياتشتغل مع المجانين.... عاوز تموت ف حالك............. أعمل نفسك دايما....مش واخد بالك هذا غيظ من فيض .. بالبلدى الكيل طفح وزاد..... بالشعبى جابت جاز.... وانت وفهمك ولا اقللك موووووووووت فى حالك

[slightbeauty]

اخى الكريم
مشكور اسلوبك الساخر جدا
بس انا فى مصر
بتمنى اموت وانا بحضن تراب البلد دى
يعنى حاجة ماذكرتهاش بتمنى اموت شهيدة الدفاع
عنها وللاسف ضد حكامها مش اعدائها
اخى الكريم نحن من يخلق الاشارات ومن يتكلب عليها
ونحن من يشجع الصناعات الرخيصة امثال الفيديو كليب
ونحن ونحن ونحن
مال لبلادنا بذنب
نعيب زماننا والعيب فينا .....وما لزماننا عيب سوانا
اخى بدل من افكر كيف سنموت فلنفكر كيف نحيى تللك البلد
المكلوم الذى اعطانا ولم يبخل علينا

اليك تحياتى
ولك كل الود

[شموع هادئه]

[move=right] spy[/move]

[rock]

اخى الفاضل
والله معها حق الاخت بيوتى فيما قالت انت طلبت تثبيت الموضوع مع انه لا يستحق هذا

انا ايضاا مصرى ويشرفنى ان انتمى لهذا البلد ولو كنت شاب فى مثل عمرك لفعلت الكثير من اجل هذا البلد
بدل من ان اقوم بهانتها على صفحات المنتديات هكذا لولا حريه الراى لحذفت هذا الموضوع لاكن ساتركه
على امل ان تعيد حسابتك مع نفسك لانك اخطئت فى حق اعظم بلد فى تاريخ البشريه وعذرك انك شاب

دمت فى رعايه الله وامنه

الروك

[ghadeir]

ليه كده يا اخي مصر حلوة وكلها خير وبعدين ده وطنك لازم تفتخر بيه مش تكتب عنو كده لو دقت طعم الغربة هتعرف ان مفيش احلى واجمل من ان الانسان يعيش في البلد الي اتربى فيها وضمتو في حضنها ارجو منك ترجع تفكر في بلدك احسن من كده شويا

[black]

ههههههههههههههههههههه

ليه الفضايح دى بس ... لازم يعنى

على العموم انا معجب براى سليت بيوتى جدا ... لان الفساد اللى احنا فيه دخ نتيجه اهمال

الشعب واستهتاره ... وفى شعوب كتير اوى كانوا تحت حكم ظالم بس عملوا ثورات ونجحوا

فيها ... فين احنا من الناس دى ...؟

شكرا اخى على الطرح

بلاك

[s.p.y]

السلام عليكوم الاول
اول شى مش دى الحقيقه
وهو ده الصح
انت لو عايز تعيش فى مصر صح فى بلاد كتيره بس لللاسف اتقفلت الغردقه وكل المدن السياحيه مفيش غير التعب و القرف فى كول المجافظات والى عندو شى كويس يقول يخوالنا انا ليه 10 بخلص ورقه واحده فى مصلحه حكوميه انا مجبتش سيرت اى حاجه فى دى انا من الغلب كتبت الموضوع ده ونا عايز اموت فى حالى



ومشكورين على الرد واذا كنت غلاطان انا اسف






او انت فى مصر تحب تعيش ازاى الموضوع القادم

[s.p.y]

مشكورين على المرور