|
06-11-2004, 04:20 PM | #1 |
(حلا جديد )
|
وقفــات ضـــدي
وقفــات ضدي ودي وانا ادري مابها فود ودي = لاكن ودي عابره كــنها ليت عايشت ودي في زمــان التحدي = واخذت في طاروقها لين مليت من وقتي اللي فيه وقفات ضدي = عيا يطيع ومنه مـهزوم قفيت ياما لبست من الـغرابيل قدي = وياما شربت الهم حــتى ترويت وياما وطيت بـنار صلوه يهدي = وياما خذيت من الشقا لين كفيت عيت سنيني فـــي بطاها تعدي = كنه ورا تمشي وانا به تهقويت خانتني الايام مــــالي تردي = لو ازهمه ماكن له يوم ناديت اول خطامه ماســـكه وسط يدي = على مرامي ماشيه وين ما انويت واليوم في وجـهي بوجهه تصدي = وتضحك لناس قدرهم عود كبريت عطت ظـهرها لـــي وكنه تحدي = وبرماحها هدت علـي لـين فـريت تطعن برمح العز وهو صار ندي = وانا اشهد انه ذللـــتني وذليت هذا الصحيح واعــترافي بيدي = شفت القهر والضيم توي مـنه جيت ياليت فيها فــود واقول ودي = لاشـك ودي حطمــتني وملــيت |
06-11-2004, 04:56 PM | #2 |
ღصاحبة الورده السوداءღ
|
السلام عليكم
يسلمووووووووووو الانامل يا رب حلو كثيييييير سلاااام |
06-11-2004, 08:21 PM | #3 |
(حلا جديد )
|
عليكم السلام .
الله يسلمك ويخليك ويعطيك العافيــة على مرورك بالموضوع ... تقبلو تحياتي ... اخوكم .... ¶¨¶بــوه°¨¶‰«ميــر»‰¶¨°نيــم¶¨¶ |
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|