اسمك سبب عذابي ( .... )
دق بابي اليوم , دقت مستحي
صوت خجلان يقول , يا نور افتحي
في الك بجعبتي مرسال
من حبيب , بيسأل خاطرك والحال ...
اخدت المكتوب , بأيد عم ترجف
ومن لهفة حنيني , صارت دمعتي تذرف
دموع ع فراقك , يا اغلى حبابي
وكلمة بحبِك ... شو خطرت ع بالي
حسيت بلهفه من حروفك , حنونه
تذكرت ايام الولدني ... وشو كنت مجنونه !!!
يومها ...
يومها ... كنت صغيره , بعمر الولدني
ما همني سر , من اسرار هالدني
وكان بييَ , كل يوم ياخدني
عالمدرسه بكير , و يردني
وامي , عند العصر تحفظني
دروسي , وبحنانها تكبرني ...
و كبرت مع حبك سنين
ما شفت منك , ولا كلمة حنين
وطالت الأيام وانت عني رحلت
وع اسم نور ... ما عدت سألت
لملمت اوجاعي عالسكيت ...
ورجعت بذكرياتي , ع هاك البيت
لكنت فيه طفله , من عشرين سنه
احتمي بحضن امي ... و شقى الولدني.
واليوم ...
واليوم .. باعتلي مكتوب , من كلمتين
بتقول ... انا راجع ... انطريني , يا نور العين
شو ذكرك فييَ ؟؟؟وين كنت من سنين؟؟؟
ما شتقت لحنيني ؟؟؟ وقلبي هالمسكين ...
داب عالبعد ... والهجر اضناني
وكلمة بحبَك , قلتها بحنان , لشخص تاني
زرع حبو بقلبي , و عاطفتو كمان
زهرت بسنين عمري .... بنات و صبيان ...
لكن ...
لكن ... بالرغم , من كل يلي صار
اسمك بقلبي يا ( اسمو ) ولع نار
و ت ضل اتذكر حبك ..
اول ولد سميتو , ع اسمك
و صرت حبو , اكتر من كل ولادي
وبقي اسم ابني (....) بقلبي , سبب عذابي
7ELEM noureee
اذكروني كلما شفتوا حروف اسمي ... نور
|