راجل قام من النوم علي صوت زعيق
سأل الجيران ايه اللي حصل
قالو له المياه مسمـّـمة ،
مراته صحيت وسألته : في ايه؟
قالها:مفيش حاجة .. اشربي ونامي
------------------
واحد مسطول اتصل بالشرطة وقال لهم يعني لو احنا مسألناش انتوا ما تسألوش
--------------------
واحد صعيدي شاف واحدة حلوة فى الاتوبيس عجبته ...
لما نزل خد رقم الأتوبيس ...
------------------
بخيل حلم إنه بيوزع فلوسه علي الفقراء،
لما صحي قال أبقي عيل لو نمت تاني ...
------------------
إتنين مساطيل .. واحد سأل التانى
إنت أقرع ليه !!
قال له : من الزمن ..
قال له : بلاش تحلق عنده تانى
------------------
غبي راح يخطب واحدة ..
أبوها قال له : البنت لسه في المدرسة ...
قال له : خلاص آجي بالليل ..
------------------
مسطول قاعد يمتحن جاله سؤال ضع (إنّ) في جملة ...
كتب: اشتريت موبايل "إنّ سبعين"
------------------
------------------
خروف بيقول لمعزة
باء.باء.باء.باء بحبك
فالمعزة قالت له
ماء.ماء.ماء مخطوبة
-------------------
اتنين حرامية دخلوا شقة واحد صعيدى علشان يسرقوها .. واحد دخل حجرة النوم ولما حسّ ان الصعيدى هيصحى راح داخل البلكونة .. شوية والصعيدى دخل البلكونة لاقاه .. سأله انت بتعمل ايه هنا .. قال له انا طيار مصري وكنت بحارب طيار إسرائيلي وانا راجع البنزين خلص منى فتحت البراشوت ونزلت على البلكونة بتاعتك (قال له هيا دي الرجالة مش التانى اللي قاعدلى فى البانيو وبيقول لى من الضفادع البشرية)
-------------------
اتنين صعايدة بيلعبوا شطرنج ، الملك طخ نفسه بالنار ..
-------------------
اتصل مندوب التعداد في أحد البيوت هاتفيا وقال ألو : هل أنت من أهل البيت ؟ .... رد عليه الرجل : لا أنا من عامة المسلمين ...
-------------------
اثنين خرجوا من الامتحان ، واحد بيقول للثانى : عملت ايه فى الامتحان؟ قاله : اسكت! أنا سبت الورقة فاضية .. قاله : الله يخرب بيتك ها يفتكرونا غاشين من بعض ..
-------------------
اتنين مساطيل حبوا يسرقوا عمارة فقالوا لبعض احنا ناخد العمارة بعيد ونسرقها براحتنا ، فقلعوا الهدوم وقعدوا يزقوا فى العمارة يزقوا ، جه واحد من وراهم وسرق الهدوم ، فواحد منهم بص ورا ملقاش الهدوم فقال له كفاية كدة احنا بعدنا اوى
-----------------------
تلاتة بلدياتنا راكبين قطار واحد طلع راسه من الشباك جا قطار فى الاتجاه المعاكس طيرها.
الثانى طلع ايده جا قطار وطيرها ، قعد يصرخ و يصوت
رد الثالث قال أخوك راسه طارت ماسمعناش صوته وانت اًُُُُلى ايدك طارت عامل لنا دوشة!!!!!!!
-------------------