عساك بس بخير

[مخاوي سهيل]

وينــك دمــوع العين جفت.. مـن بكــــاي
وسال السواد اللـي.. في مقــلــة العـــيــن
راجــي وصـالك لي.. وكـم طال رجواي
عســاك بـس بخير ... وبصــحة أتــّـهنين
وينــك تشـوفي حالتي .. وعظــم بـــلواي
واللي حـصل بعــدك .. من يوم رحتـــين
عايــش أنــا بـــدنــيا .. ما هـي بــدنــياي
دنيا بها يرخـــص .. كل غــالي وثمــيــن
تكدر صفـــــا نفــسي .. وغيــّم سمـــــاي
وذقـــت العــنــا أشكــال .. بكل التـلاوين
أمــشي وأنــا بـــدربــي .. أتعثر بممشاي
تــايـــه بــأرض الله مــثــل ... المجــانين
أسأل عليك الناس ... كل رايــح وجــــاي
ويــاريــت لــو إنــك .... بحالي تعرفيــن
تخنــقــني العبــرة ... ويفضحــني أبكـاي
كل ما طرى زولك ... وفبالي تحضريـن
فــارقتــها البســمة ... ولا حلــت شفـــاي
وصــدري غــزاه الهــم ... تمكن تمكــّين
تحرقني الحسرة ... في صبحي ومســاي
تمر الدقيقة علي ... يـــاعمــري يــوميـن
من هو أنا أشكيله ... ويشاركني الــــراي
مــا غيــر عـــذالــي ... وقــولــة الـبــيـن
وينك شفى جروحي ... ياسعـدي وهنــاي
دخـيلــك أنــا تعــبان ... أرجــوك رديــن
أطــلــب الــه الكــون ... يجيــب دعـواي
بحــق كل حـــرف ... فــي ســـورة التين
تعيشي العمر جنبي... يا روحـــي ويــاي
ونقضي بقايا العمر .... وحن أسعــد ثنين
أشيلك بوسط العين ... وداخــل حشــــاي
والقلب لــك مــورد ... وكــل الشـــرايين