آخـــر نكتــة ( الفرق بين الزواج والمـــوت )

[قشطه]

** الموت عادة بيبقى نهاية الآلام، والجواز بيبقى بدايتها

** الموت حق، والجواز كدبة كبيـــرة

** الجواز قضاء يمكن تأجيــله، الموت ما بيتأجلش

** النــاس الطيبين بيسعدوا بعد المــوت والأشــرار بيتبهدلوا ، لكن بعد الجـواز الطيبين والاشرار كلهم بيتنيلوا على عينهم

** بعد الموت حتكون وسط الملايكة، بعد الجواز حتكـون وسط .... ولا بــلاش

** بعد المــوت بتضمن إنك حاتثاب على حسناتك وحا تتعاقب على أخطاءك، بعد الجــواز إنت بتتعاقب على الإتنين

** بعد المــــــوت ممكن تلاقي نفســــك في الجنــة، بعد الجــواز بتلاقي نفســك في الجنـــان ( المجانين في نعيم )

** بعد المــوت ما بيفضلش معــاك غير عمـلك الطيب ، بعد الجواز بيفضل معاك عملك الأسود وبس

** لمـا الراجـل يمـوت الستـات بيلبسوا عليه اسود وهم بيودعـوه، لما يتجـوز الرجــالة هما اللي بيلبسوا إسـود وهم جايين يودعـوه

** الدنيـا غـرورة ومالهـاش أمــان ، علشان كـده لما الواحـد بتجـوز ، ..... بيخش دنيا، لكن لما يموت بيخرج منهــا !!

** لما الراجـل يمـوت بيبقى سبـع أو على الاقل جمل، لما يتجـوز بيبقـى حمــــار !!!

** لما تمـوت ما حدش حيرجعلك أجـرة الحانــوتي وتمن الكفن ويخلعــك !!




(((( صدق اللي قـــال: إمشي في جنـــازة ولا تمشيش في جــوازة ))))

مــــلــــطـــــوـوـوـوـوش

تــحــيــأتـــي لــكــم