|
13-07-2007, 02:07 AM | #1 |
مراقب الضحك والفرفشة
|
☼°ميدو مشاكل يوميات حياة شاب فرعونى كووول( الجزء الثاني) ☼°
لمشاهده الجزء الأول اضغط هنا 7 7 http://vb.7laa.com/showthread.php?t=56488 الجزء الثاني يدخل ميدو مشاكل الى منزله فى حذر شديد على أطراف أصابعه......وفجأة يسمع صوت غاضب من الداخل: ما لسه بدرى يا صا-يع ده انا قلبت الساعة الرملية ييجى ست مرات بعد الغروب ميدو مشاكل: لأ اسمحلى بقه يا ابو الفراعنة ده النهاردة الناس كلها غيرت الساعة الرملية _يعنى ايه؟؟؟ ميدو مشاكل: يعنى انت المفروض كنت تقلبها 5 مرات بس _ اهو انت مش فالح غير فى الكلام وبس انت عندك معبد بكره؟؟؟؟؟؟؟ ميدو مشاكل يفكر قليلآ ثم يرد : لأ الأب يبتسم فى اننتصار :حلوووو.....يبقى تيجى معايا بكرة عشان نروح نزور الموميا بتاعت جدك ميدو مشاكل: بس......... _مافيش بس ..انت قلت بعضمة لسانك ان مافيش معبد بكرة ولا كنت بتكدب ميدو مشاكل: عيب عليك ..اكدب عليك؟؟ ده انت اجدع اب فى الأسرة الخامسة ومرحلة ما بعد الهكسوس. شوف البكش اللى ماباكلش منه... اكيد ليك طلب ميدو مشاكل: يا با_شا طلب ايه بس هوه انت حارمنا من حاجة؟؟ انا بس كنت عايز اقولك ان المعبد مطلع رحلة لمتحف الديناصورات وبعدها رمسيس بارك وكنت بعد اذنك عايز احجز فيها الأب : همممم ودى اشتراكها كام ؟؟؟؟؟ ميدو مشاكل: 3بيضات بصفارين .... الأب:كااااااااااااااام؟؟ ميدو مشاكل (بسرعة شديدة على اساس _اطرق الحديد وهو ساخن)وسنبلتين قمح الأب: طب روح نام وبكرة نكمل كلامنا ميدو مشاكل: ماهووووووو... الأب : ناااااااااااااااااااااااااااااااام ************************** المشهد الثانى ميدو مشاكل يبدو فى ملابس فخمة مشتريها مكتوب عليها (صنع فى اطلانطس)وقاعد حاطط رجل على رجل امام مجموعة رهيبة من العجلات الحربية وفوق رأسه يافطة: (اجانس ميدو مشاكل) وبجواره ري هام وقد ازداد وزنها قليلآ وعلى حجرها ميدو مشاكل الصغير ري هام:مش ناوى بقة تشترى الياميش بتاع شهر امشير؟؟؟؟ ميدو مشاكل: يووووه هوه انتى ماتبطليش طلبات أبدآ ؟؟ انا هلاقيها منك ولا من مصلحة الجزية ولا من فاتورة الجعران اللى كل 30 نهار و ليل ري هام: معلش انت برده الخير والبركة وان ماكنتش اطلب منك هاطلب من مين؟ ميدو مشاكل بعد ما عجبه البقين تلين ملامحه ويقترب من نو-سا ري هام: لا اعقل يا ميدواحنا فى الشارع حد يشوفنا ميدو مشاكل: حد مين؟ داحنا سنة 2000 قبل الميلاد ملحوظة: ميدو مشاكل كان سابق عصره وعارف انه مولود قبل الميلاد ب 2000 سنة يعنى مصر كلها 7 انفار حبكت يعنى حد من ال 7 دول يعدى دلوقتى ؟؟؟؟ ري هام (فى دلال): لأ ياميدو مشاكل....... ميدو مشاكل ميدو مشاكل... ميدومشاكل اصحى يا ميدوهانتأخر يفيق ميدو مشاكل من الحلم فيجد الخادمه ايه ياست؟ مش قلت مافيش معبد النهاردة؟ يابنى هانروح نزور جدك....أبوك سايبلك 3بيضات و سنبلتين قمح ميدو مشاكل: بجد؟؟ طب هوه فين ابوسه؟؟ _راح يصطاد حاجة نفطر بيها ميدو مشاكل:قشطة عليه انا هاروح عند رأ-فت اقعد معاه شوية واجى _طب اوعى تتاخر علينا ميدو مشاكل:عييييييييييييييييييييييييييب |
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
☼°ميدو مشاكل يوميات حياة شاب فرعونى كووول ☼° | كنافهcinema | مجلس حلا للضحك والفرفشة | 18 | 04-07-2007 09:49 PM |