السلام عليكم و رحمة الله و بركاته ازيكم يا اعضاء منتدايا الغالي ؟؟ اتمنى ان الكل يكون بخير و اتم صحة ..
أقول و لا مقلش ؟!
بصراحة أنا فكرت كتير قبل ما أكتب الموضوع ده و كنت محتارة
بس قلت لازم أقول لأني كنت واثقة انكم حتفهموني
مش حطول عليكم ..
الموضوع بإختصار ..
إن في مجلس الضحك و الفرفشة مواضيع روعة و دمها خفيف و هي المواضيع اللي بيعملوها الاعضاء للإستهزاء و المزح مع بعض وده بيبقى لذيذ فعلا و فعلا الاعضاء مبيزعلوش لان مخهم كبير و بيعرفو يفرقو بين الهزار و الجد
لكن الا يوجد طريقة اخرى للمزح غير التشبيه ببعض خلق الله الذين ليس لهم اي دخل بمزحكم مع بعضكم البعض ؟؟
سواء من الافارقة او المسنين او ..او ..الخ
الموضوع كان حيبقى فعلا لذيذ لو مكنش في طرف ثالث في الموضوع و الطرف الثالث هو صاحب الصورة الموضوعة في الموضوع.. يعني يبقى الموضوع بين الكاتب و المكتوب عنه الموضوع فقط ..
لاني بحس ان ده فيه و الله اعلم استهزاء بأصحاب الصور حتى لو بدون قصد و من المحتمل ان يكون عليها ذنب و الله اعلم ايضا
فلنضع انفسنا مكان اصحاب الصور ونشوف احساسنا حيكون ايه ؟؟
انا زي ما قلت قبل كده مكنتش عايزة افتح الموضوع بس لقيت ان الساكت عن الحق شيطان اخرس
و احنا هنا في منتدانا ده كلنا اخوة و محدش بيزعل من حد و لا ايه ؟؟
يا جماعة انا عارفة بل متأكدة ان كتاب المواضيع دي من احسن شخصيات المنتدى و متأكدة برضه ان نيتهم حسنة و ميقصدوش حاجة وحشة
فبجد مش عايزة حد يزعل مني
ولو حد عنده وجهة نظر أخرى ياريت يقول و أنا حتقبلها بصدر رحب ..
بس قبل اي تعليق حقول لكم تاني حطو نفسكم مكان اصحاب الصور .. وبعدين علقو
ماشي ..
بس خلاص مفيش حاجة تانية انا عارفة اني صدعتكم و قرفتكم
بس انا متأكدة من أخلاقكم الفوق عالية .. كفاية لك كده بقى
سلاااااام
10-05-2007, 10:40 PM
أقول ..لأ مقلش !! أقول .. لأ مقلش !! لأ لأ خلاص حقول ..!!
العرض الشجري