يـــــا كبير العقل ؟؟؟

[يفوق الوصف]

لكل ( مهايطي ) با العـــــــــاميه ;)

انتمنى ان تنال على اعجابكم ،،،،،،،،،،،




ياكبير العقل والعمر في عقل البصير" && "استمع يمكن مع الشعر تركد وتعقل

يوم شفت الفرق بالعمر صار الوضع غير؟" && "واختلفت وقل قدري بقلبك وانتقل؟

كانها بالعمر والزّول قول اني صغير" && "كم كبير بـ زول عاقل ولا عنده عقل

وكانها بالعقل عقلي وتفكيري كبير" && "وانت شاهدلي شايفني و بعقل وثقل

والصداقه ماتساوى بتحديد المصير" && "ماتبيني؟ قول بعّد وقدري مايقل

كم طويل يشوف حاله ويلعب به قصير" && "وكم ضعيف بـ حزّة الهوش يغلب له هقل

وانت قبل تعرف عمري عرفت شلون أسير" && "وانت وافي ما انت ناقص وأنا ماني بـ أقل

لا تكابر حالك ويا غني ماني فقير" && "كان عمرك يجعلك حر ماني معتقل

لو تشوف الطير والله ماتقدر تطير" && "والبعير ان قام يهدر عقال وينعقل

مابغيتك عطف منّك وانا ماني كسير" && "ولا طلبت القرب منّك على حذف العقل

وانت لا حاشك وجع ضرس ماترقد بخير" && "بس ما يحرمك نومك سوى ضرس العقل

لا تساومني بهذي وهذي ماتصير" && "تدري ان السنّ ماعاد ينفع لا رقل

وأدري ان الردّ يزعل وماقلته خطير" && "بس هرجك زوّد الهم بالقلب وثقل

لين جدّدت الجروح وكتبت : الله يجير" && "عادتي بالضيقه أكتب ومن ودّا عقل

شاعر وماني بـ الأول ولاني بـ الأخير" && "وان كتبت أحاول يكون دربي مستقل

وأكبر استقلال دربي من جروح الضمير" && "وانت ماقصّرت فيني وجرحي قال: قل

عارف(ن) نفسي واعرف البصير من الضرير" && " وأعرف ان الدمع ينزل من اهداب المقل

لاتزوّد جرحي جروح في كلمة (صغير)" && "ما اتحمّل غلطة اللي لـ همّي مانقل

وان بغيت اتصير غالي فهمت وصار خير" && " وان بغيت أرحل وأفارق ولا قدري يقل

وســـــــــــــلامتكم ،،،،،،،،،،،،،،،،،،، يفووووق الوصف