ظاهرة الحب و العشق في المنتديات!!!!!!!!

[ماكنزي]

سلاااااااااااااااااااااام

شبااااااااااااااااااااااااب

و الله أنا ما أحب أحد ينزل موضوعين بيوم واحد

عشان كل موضوع ياخد حقه في النقاش

لكن عندما رأيت هذا الموضوع شدني أطرحه

رغم إني منزلة قبله موضوع

المهم بدل الرغي الكثير

أسمعوني:

الموضوع شائك

و الله ما أدري بس أحس إنه الكل

بيدور في باله

يبي له صراحة و صدق و حذر

و بعد عن ذكر الأسماء

ياريت يكون في تجاوب منكم

أسيبكم مع كاتب الموضوع.....تشاااااااااااااااو:



موضوع يستحق نتكلم فيه ونناقشه مع بعض بجدية

ولازم نكسر حواجز الكلام والخجل حتى نوصل لحل ..

طبيعي إنه مجموعة من الناس تعيش مع بعض

فترة من الزمن بيحصل بين بعضهم تآلف وإعجاب

وربما يصير مع الوقت حب ..

فهذي البنت اعجبها اسلوب فلان

وهذي شد انتباهها رقة فلان

وهذي ماتت عند كلام فلان العاطفي والرقيق

وهذا ذاب قلبه لما ردت عليه فلانه بكلمات تسحر

وهذا تعلقت روحه بقصايد وخواطر فلانة

أو العكس ..

المهم اللي يصير انه يتطور الحال بين فلان وفلانه

وتبدأ صناديق الرسايل الخاصة تشتعل

من نار الرومانسية والحب والغزل ..

وتزيد حرارة الحب لتحرق الماسنجرات وغرف الشات

وربما ..

ربما تصير السالفة فيها جوالات وسهر آخر الليل ..

اللهم لا حسد

ههههههههه

عادي يصير والمحبة من الله مثل ما يقولون

بس شوفوا معي اللي قاعد يصير ..

بعد كم يوم رومانسية وحب

تدخل فلانة لقراءة مشاركة لفلان الذي يبادلها مشاعر الحب

وتشوف ردوده على البنات حلوة ولسانه ينقط عسل

مع هذي البنت وذيك البنت ..

فيبدأ عندها الضغط يرتفع وتزيد نسبة الملح في الدم

وتروح تجري على الماسنجر تفتحه عساه يكون متصل بس

ولو ما كان متصل ترسل له رسالة خاصة

أو تكلمه بالجوال و تقول له فيها

احضر الآن عاجلا أم أنا انتظرك ..

ويدخل صاحبنا بعد ما يقطع أشغاله يبي يعرف شالسالفة

وتبدأ صاحبة الحسن والجمال في استجواب فلان

مين فلانة .. ؟؟

ايش بينك وبين فلانة ؟؟

ليش تكلم فلانة بهذي الطريقة الناعمة ؟؟

معجب مرة يعني برد فلانة ؟؟

فيحاول يفهمها انه ما قصده شي .. بس مجرد ردود

ولا أكثر ويحلف لها ..

والبنت مو مصدقة وتصرخ فيه والله انت كذاب لعاب

قاعد تتسلى في مشاعري وبس

ويحلف لها الولد مليون مرة وما في فايدة مو مصدقة أبد

أو العكس طبعاً قد يحصل الاستجواب من فلان ،،

ومن هنا .. تبدأ خيوط المشكلة ..

اللي يصير بعدين يتحول الحب إلى كراهية عمياء

وتصير المواضيع أرض لمعارك ضروس وفتاكة

والردود مثل السهام والنبال

كل واحد يدق في الثاني ويجرح فيه

ويطعن في مشاركاته وينتقص أسلوبه

وهات يا ردح ويا سب وتترصد فلانة لفلانة

الثانية اللي أخذت منها حبيبها00

ويقعد فلان مثل الشوكة في حلق فلان

عشان كتب كلمتين حلوة في حبيبته فلانه

مما يعني انه استهوى قلبها وسرقها منه ..

وهذا يحذر من هذا ويتكلم فيه من وراء ظهره

وهذي تاكل في عرض فلانة وتقول فيها أخس الكلام

وعلى عينك يا تاجر000

اقول موجودة هذي المشكلة

وعلى مستوى ظاهرة بعد مو مشكلة صغيرة

وفي بعض أهل الحب والعشق تركوا المنتدى

بسبب هالشي لأن مشاعرهم انجرحت

وتكلم عنهم ناس بكلام شين00

هالحين أنا بس حبيت أثير السالفة

وأفتح صناديق قلوبكم المقفلة

بدون ذكر أسماء اشخاص وبدون تلميحات وغمز ولمز،،

نبي نشوف مجموعة أشياء :

- وش كثر أخذت هذي المشكلة في أرض الواقع ؟؟

- هل هي ظاهرة فعلاً ولا أنا غلطان في ظني

والسالفة كم شخص بس لا أكثر ولا أقل ؟؟

- قول رأيك من منطلق وجودك في المنتديات

وما سمعته من الآخرين حول هذا الموضوع .

- هل هناك مواقف حصلت لك شخصياً

أو حصلت بين أشخاص هنا وسمعت عنها ؟؟

ياليت لو تذكرها بدون ذكر اسماء الأشخاص .

- هل هو مجرد إعجاب ولا السالفة أكبر من ذلك ؟؟

- هل هناك فعلاً أشخاص يسجلون في المنتديات

لأجل أشخاص آخرين ؟؟

- الانعكاسات السلبية لهذه الظاهرة على المنتدى بالذات ؟؟

- هل لهذه الظاهرة إيجابيات ؟؟

يالله أبغى الكل هنا دون استثناء ،،

مو اللي يحبون بس يدخلون والباقي لا ..


ولكم مني كل الاحترااام

م

ن

ق

و

ل