|
|
|
|
02-11-2004, 11:39 AM
|
#1 |
|
(حلا متميز)
 
|
عروس المصـ الطايف ــــايف
قالـو تجهـز للسفـر دون تـرديـــــد ناوين روما يـا عزوتي ومدريــــد (( )) وباريس ولندن بعدهـا علـى جنيـف ومن عقب واشنطـن ولايـة فلوريــــد (( )) ونويورك ولوس إنجلس ثم تكســــاس وعلى إنقره والشام ثم الوطـن سيــد (( )) قلت الوطـن عنـدي بحـره وبــــرده يسـوى جنيـف وما ذكرتـوه ياعيـد (( )) مالي ومـال جنيـف وإلا نيويـورك ديـار كفـر ودارنـا دار توحـيــــــــد (( )) دار الامــان وقبـلـةٍ للمصلـيــــــــــن مكه وطيبه افضل ابقـاع فـي البيـد (( )) مهبـط كتـاب الله وسنـة رسـولـه ومعاقـل رجـالٍ قـروم وصناديــــــد (( )) مصياف فيها خصٍ {الطايـف} بـزود يشفي جروحٍ فـي فـؤادي مواقيـد (( )) ريحة هواه يزيد في الروح نشــــــــوات ويكشف عن الوجه الحزين التجاعيـد (( )) مجلاس ساعه في {الشفا} يشرح البال وإلا {الهدا} والغيـــــــــم صوبـك موافيــــــد (( )) من البحـر ينشـئ ويقبـل مراويـح يسوقـه الغربـي جمـوع ومفاريـد (( )) وعقب الظهر تبرق وترعـد مزونـــــه وتهل ربانـه علـى السهـل والحيـد (( )) وتسيـل وديانـه وأعالـي شعـابـــه وتروى بساتينـه وخضـر العناقيـد (( )) وتلبس بعدها الارض خير الهدومـي في كل فصل تجـدد اللّبـس تجديـد (( )) واليا تجلـت عنـك غـر السحـــــايـب جاك الضباب اللـي سدولـه ملابيـد (( )) يضفي على {الطايف }جنوب وشمالي تقـول لـه معـه إرتبـاط ومواعيـــــــــــــــد (( )) رذاذ وقعه فـوق الاغصـان ياعيـد يشـدي لنافـوره بهـا مـي تبريـد (( )) وإلا ندى في الصبح عنـد الشروقـي وقت الشتاء لاذاب من عقـب تجميـد (( )) جو جميـل ومـن جمـال الطبيعــــــــه محسود مصطافه ومن بـه محاسيـد (( )) صحيح{ يالطايف عروس المصايـف} إسمٍ علـى مسمـى وأكتـدك تأكيـد (( )) مالك شبيه وقمـة الحسـن تزهـاك تشرف على مكه وجـده مـن إبعيـد (( )) وقت النهـار تصافـح الغيـم بيديـــــك وترقص لك الغيمه على كيف متريـد (( )) وفي الليل لك موعد مع الجدي وسهيل ومع البدر لك كـل ماغبـت ترديــــــــــــد (( )) فيك {التلفريك}الموصـل الـى الكـر ينزل بناس وناس لأجلـك صواعيـد (( )) متعه لمرتاديـه مـن كـل الاقطــــــــــــــار مشهد رهيب ومن عجيـب المشاهيـد (( )) و{النقبه الحمـراء}دوٍ لأكثـر النـــــاس بهجه لمن حاسـس بضيـق وتناكيـد (( )) مـن زارهـا ودع همـوم تخاويــــــــــــه ولقى من أفراحه على الوصل تأييـد (( )) ومنتزه{جباجـب}الـكـل يـهــــــواه وطد علاقاتـه مـع النـاس توطيـد (( )) منهـو يـزوره مايحـاول يفـارقـــــــه تقـيـده مشـاعـر الــود تقيـيــــــد (( )) وإلا {الغمير}يحير في وصفه الشعـر يخلـي المبـدع بـه يقـول ويعيـــــــد (( )) جوه لطيف وموقعـه يفتـح النفـس أموت فـي جـوه وأمجـده تمجيــــد (( )) {والـردف الردف}مجمـع للاحبـاب كـل بمافيهـا مـن المتعـه يشـيـد (( )) فيهـا الحصـن والهضبـه المستقلـــــه والتبّه اللي شرق عن مشهـد العيـد (( )) مع الحدايـق والملاهـي والالعـاب اللي بوقت الصيـف بأحبابهـا تزيـد (( )) هذا هو{الطايف}عـروس المصايـــــــف شعاره احلى وأحلى من غيـر تنكيـد (( )) اهلاً بمصطافيه مـن قلـب واللسـان ترحيـب مايوجـد برومـــــــــــا ومدريـد (( )) أخـــــــــــــــوكم نهــــــــــر ^ الشـــــــــــوق |
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| إلى كل عروس تبحث عن السعادة | البنت المصرية | مجلس حلا للأسرة والطفل | 3 | 09-04-2006 12:43 PM |
| أنـــــــــا الأسف... | عالي مستواي | مجلس حلا لعذب الكلام | 8 | 30-01-2006 11:18 PM |
| تجرح وتتأسف 00 بس الأسف مايداويني 000 | اسيرة الصمت | مجلس حلا العام | 6 | 18-05-2005 05:47 PM |
| عروس عالهوا سوا | مسألة وقـت | مجلس حلا للقصص والروايات | 1 | 08-01-2005 05:05 AM |
| الي كل عروس تبحث عن السعادة | الريـــــــــــــــــــم | مجلس حلا للأسرة والطفل | 0 | 26-11-2004 05:35 AM |
العرض الشجري