|
11-12-2005, 05:06 AM | #1 |
][§¤حلا ذهبي ¤§][
|
ساندريلا .... بس بالفلسطيني ... !!!!
لبست الفسطان و راحت جري عالكصر ، و شافها الامير و حبها و ركصو سوا و فجأة دكت الساعة طنعش و جراي صارت ترمح و ترمح و وكعت ب بابوجها عالدرج ....
سندريلا راحت عالبيت و اتمنت لو انو الساعة ما دكتش على الطنعش ، بس شو تسوي بحظها المشحر مثل حظ هاظا الشعب . الأمير حط فردة البابوج على مخدة يمكن لونها زركة أو نهدي ، المهم صار ينادي بالصوت على كل البنات عشان يكيسن البابوج ... كاسن كل البنات الا ساندريلا ... سندريلا نزلت على الساحة و معها فردة البابوج ، و حطتها على المخدة اللي عليها الفردة الثانية ، و لما كربت عشان تكيسها ، ضربها الأمير كف ، و حكالها : وين جايي ياما ؟! حكتلو : يقطع وجهك ما أزنخك ، مش شايفني بدي أكيس البابوج ؟ حكالها : وحدة مثلك كيف بدها تكون فلكة الكمر هذيك ؟ حكتلو : هسا بفرجيك و أحط على عينك . و لما أجت تكيسها ما طلعت كد اجرها ، لأنها كانت ورمانة من كثر الشغل ، و يا حرام ما حدا صدكها ، و انجنت المشحرة و دارت في الشوارع ، و الأمير اتزوج غيرها و حكى : لوينتا بدي أظل أدور عليها ، الله لا يردها هيي الخسرانة . المعاني !!! الكصر : القصر . ركصو : رقصوا . طنعش : 12 جراي : يعني تجري بسرعة . وكعت : وقعت . بابوجها أو البابوج : الشبشب " الحذاء " المشحر : يعني اللي حظو زي الزفت ههههههههه أو المنيل على رأي اخواننا المصريين !!! زركة : زرقاء يكيسن : يقيسن يعني كاستها معناها قاستها ... ما أزنخك : ما أثقل دمك . فلكة الكمر : فلقة القمر . هسا : هلحين " حالا " كد اجرها : قد رجلها . لوينتا : الى متى . بتمنى تكون عجبتكو ساندريلا بس باللهجة الفلسطينية ... تحياتي لكم ... وخاااسه الفلسطينيين البريئة |
|
|
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|