|
|
|
|
09-10-2005, 04:35 PM
|
#1 |
|
(حلا فعّال)
 
|
>>>>>>>>الــشغـــاله الجـــديـــده <<<<<<<<<
قصة سعود مع الشغاله الجديده
أتركم مــع القصه ابو سعود : ام سعود ترى الشغالة وصلت مع ابو عبدالله ولازم واحد من العيال يروح يجيبها ام سعود : من يروح ؟ ابراهيم مسافر . وفيصل نايم . وعبدالله ما راح يروح . وسعود......... ابو سعود: مستحيل سعود اخليه يروح يجيبها وربي لا يجننها هذا مجنون يا بنت ام سعود : عاد انت كيفك ولا رح انت ابو سعود : لا انا ما ابي اروح وبعدين المسافه طويلة وانا تعبان ام سعود : خلاص ما في الا سعود ابو سعود : انا لله . وش نسوي ؟ مافي الا ها الحل . يا عمر رح شف وين اخوك سعود بعد فترة جا عمر وهو زعلان ابو سعود : وش فيك ؟ عمر : انا كم مره قلت لكم لا تخلوني انادي ها السعود هذا ابو سعود : ليه وش فيك ؟ وش سوى لك ؟ عمر : دخلت عليه لقيته فاك الفيديو والتلفزيون يصلحهم وانت عارف ولدك اذا كان يحوس ومشغول لا احد يكلمة ابو سعود : انا لله من ها الولد سوى في البيت سوق حراج من ها التصليحات والحوسات اللي عنده . ولا عمره اذا اخترب شي يصلحه الا يدمره مره وحده . لحظه ادق عليه علشان ينزل سعود : لحول ولا قوه الا بالله . سم يا يبه امر تدلل ابو سعود : بالله ونا بوك انزل ابيك شوي سعود : يا يبه يا يبه يا حبيبي انا مشغول مره . راجعني بعد يومين ابو سعود : حبيبي سعود تراني اكلمك وانا ماسك اعصابي لا تخليني ارقى عليك وادوس في رمتك الارض سعود : الله الحين عيونك صارت حمر صح . بس هذا اللي انت فالح فيه ابو سعود : اقول انزل بس المهم اني نزلت وقالي اروح اجيب الشغاله من المطار وبعد محاولات حثيثه منه ومن ام سعود وافقت بعد ما دفع حق البانزين ومصروف الطريق . ومصروف الكفرات لان يمكن ينفقع كفر ولا شي . ومصروف الزيت . ومشيت للمطار وبعد ساعتين وصلت . ولقيت صديق ابوي مع الشغاله قلت : هلا ابو عبدالله كيف الحال ؟ وش اخبارك ؟ وش فيك مريض ؟ ابو عبدالله : لا يا ولدي سلامتك بس ليه ابوك ارسلك انت بالذات ؟ قلت : ابد يا صديقي كل اخواني مشغولين وانا كنت فاضي وارسلني . ابو عبدالله : انا اللي مستغرب منه شي واحد بس . ما تغيب من العمل وملفك نظيف ومجتهد في شغلك . وليه شيطاني طيب قلت : الحياه الخاصه غير والحياه العملية غير يا ابو عبدالله . اذا ابي ان الله يوفقني لازم اخلص في عملي واحلل راتبي بالحلال ابو عبدالله : طيب يا شيخ اركد واعتبر الناس والبيت هم عملك قلت : اقول ..... تراك تاخرت على بنتك لا يحترق غداها من زينه عاد . وناظرت في الشغاله وقلت لها تركب السيارة واول ما جات بتركب راحت للباب اللي ورى وطبيت فيها قلت : نو نو نو نو ..... نوت ورى هز كم قدام ابو عبدالله : ليه ؟ زوجتك هي ؟ وبعدين ممنوع تركب الشغاله معك قدام قلت : يا خوي نام انت بس . ليه ؟ سواقها انا : ابو عبدالله : يا ولدي هذه مش حلال عليك وعيب تركبها قدام قلت : طيب طيب : وركبتها ورى . ومشينا . وحنا في الطريق سمعتها تبكي : . وقفت السيارة وسئلتها : قلت : وش فيك ؟ وت هبن ؟ قالت : انا ماما تعبان كتير . انا في يتزكر ماما قلت : انا لله بدينا في وجع الراس والصياح وبعدين انتي وش عرفك في الكلام العربي قالت : انا في مسلمة . وقبل تلاته سنة في شغل كويت قلت : كنتي تشتغلين في الكويت من ثلاث سنوات ؟ والله اللي رحتي فيها هنا : المهم جلست تبكي وحالتها حاله . وفكرت افرج عليها شوي واخذتها لداخل الدمام ورحت فيها الكورنيش قلت : عندكم في اندويسيا كورنيش ؟ شفتي كيف الجو هنا ؟ قالت : ايوه في بحر . اندويسيا كتير هلوا قلت : انتي كم عمرك ؟ قالت : 22 قلت : يا حليلك توك بزره قالت : ايش كلام ؟ قلت : يعني توك صغيره هنا عاد هي فرحت . بس انا استغربت . يعني حتى في اندويسيا يفرحون اذا احد صغر في عمرهم ولا احد قالهم انهم صغار قالت : انتا في انسان ممتاز : قلت : طيب يا حبيبه انتي . اقول شكلي دلعتك وعطيتك وجه اقول امشي بس قالت : وين روه ؟ : قلت : البيت يا خجمه المهم ركبت الاستاذه السياره . واول ما سمعتها تبكي طولت على اغنيه رابح زمان وطاف . رجيت مخها : . وعاد انا فيني شي مقدر اخليه اذا كنت مسافر او ماسك خط طويل . احب احب احب ادلع عمري يعني كثير من سفرياتي ما اخلي محطه بانزين ما اوقف فيها . واشتري كل شي ابيه . اكل ولا شرب ولا من هذولي حقين الديكورات والمخدات . المهم ما وصل المكان اللي بروح له الا والسياره مليانه اغراض وقراطيس حتى افكر ان اول مشروع اسوي افتح محطة بانزين فيها بقالة بس . وطبعا لازم اشتري لها معي لانه عيب اكل جالكسي وهي لا . ومن كثر من اشتري لها البنت فهمت غلط قالت : ساوود . انتا في انسان كويس كتير . انا يهب انتا قلت : اقول انطمي بس : قالت : وت : قلت : يعني هششششششش . سكري فمك : تحطمت البنت وزعلت . واتصل ابوي وسئلني عنها ابو سعود : هاه ونا ابوك الشغاله معك قلت : يا شيخ تلعب علي انت ؟ . لا في شغاله ولا شي : طلع ابو عبدالله مبدلها بسواق ابو سعود : وربي لا اتوطا في بطن ابو عبدالله انا قلت له شغاله ماقلت سواق قلت : انا مالي شغل فيكم . عطاني السواق وقالي هذا لكم <<< نصاب هي هي هي طرااااااااااااااااااااااااااااااااااااخ . سكر ابوي السماعه واتصل على ابو عبدالله وتفاهمو ورجع اتصل علي ابو سعود : اعوذ بالله منك يا ولد خليتني اهاوش الرجال . انت بس تعال وانا اوريك شغلك قلت : شف ترى الشغاله معي رهينة . وربي لو ما تهون عن اللي في راسك . ترى بذبحها بهبل فيها ابو سعود : خلاص خلاص خلاص . نسوي هدنه : قلت : ايوه نسوي صلح ونسميه (( صلح الاندونيسية )) ابو سعود : طيب طيب . خلاص اوعدك ما راح اقولك شي ولا اسوي شي قلت : واذا سويت شي ؟ ترى الشغاله وعيالك موجودين عندي في البيت وانت في الاخير راح تتحسف ابو سعود : يا ولد تعوذ من الشيطان ورجع لنا البنت سالمة غانمه قلت : طيب يا حبي يا لله سلام وبعد ساعه كامله وصلنا البيت ولقيت حياتي وعمري امي مسويه لها الاكل قلت : اقول هذه شغاله مش بنتك وش ها الحركات والزين لها ام سعود : ونا امك هذه مسلمة ومن يوم تدخل بيتنا فهي مننا وفينا ولازم نعاملها باحسان ونخاف الله فيها قلت : احد قايل لك انها من قريش اقول انتي يا حنونه يا خوفي بس يوم تحبينها وتطرديننا من البيت علشانها . من جد تسوينها شوي الا ويدخل ابو سعود وعيونه حمر . ومديت يدي له قلت : صلح الاندونيسية ابو سعود : صلح الاندونيسية |
|
|
|
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
|
|
العرض الشجري