انا مين انا ليه انا ايه يازمن عملت فيك انا ايه؟ جنيت عليا ليه؟ حلتنى من غير ثمن لو عنيا تشوف النور بس مرة واحدة وتبتسم والبسمة الى على شفايفى بتترسم لو على الدموع انا شربتها لو على الاهات انا عشتها لو على العذاب الى تملى فى عمرى من غير حساب لو على الشمس الى بتنور نهارى لو على الليل الى فيه بتزيد نارى لو على الناس الى مالهمش مكان فى افكارى والحب راح والعشق والامان وكل حاجة فيك يازمان جوايا بتتهدم حرمتنى من اغلى حاجة فى دنيتى علمتنى انى مبكيش على شىء بعد اسرتى وجرحتنى بسكين متين وعلمتنى ان الدنيا مجرد يومين يوم عليك ويوم عليا افرح فيك وتفرح فيا اجنى عليك وتجنى عليا يوم عليك ويوم عليا هى دى الحاجة الى هيه لو تقول فين اليوم الى عليك ارتاح انا لو تقولى انا من امته عشت فيك الهنا امته يازمن لو عليا انا كان عليا سنين مش سنا عشت فيك جسد من غير امل روح من غير خجل عود من غير وتر حلم مليان شجن انا مين انا ليه انا ايه يازمن؟ نفسى لحظة واحدة فيها اشوف لحظة فرح تزور قلبى نفسى اشوف حاجة حلوة تملى عمرى كان نفسى اشوف نفسى احسن من كدا كان نفسى اداوى جرحى بايدى انا لكن غصب عنى هدمنى ضعفى من خلانى انكسر وامشى فى دنيا غريبه ملقتش فيها ناس قريبه والطيبه فيك يازمن بيقوله عليها عيبه طب مين يازمن يعيش معايا دنيتى ؟ مين يازمن يكون معايا فى وحدتى؟ طب انسانى يازمن لا روح ولا جسد وهنسى انى فى يوم جسدى اتولد خلاص يازمن انا هندفن هنا انا مين انا ليه انا ايه يازمن؟؟؟؟؟؟؟