زايد الخير

[الريـــــــــــــــــــم]

زايد الخير

--------------------------------------------------------------------------------

بسم الله الرحمن الرحيم


قصيده في رثاء زايد الخير

اتمنى ان تصل لمستوى ذائقتكم




قالو الشجعان واللي عندهم نظره وحنكه
............ ما تعيش إلا الرخوم ولا يموت إلا الشجاع


وشيخنا زايد شجاعٍ ما بها ريبٍ وشكه
............. كاسبٍ مدحه بفعله ما يطيع إلا مطاع


زايدٍ يمشي بسكه والردى يمشي بسكه
.............كاملٍ والكامل الله لا نفاق ولا خداع


لا نطق كله شموخ ولا وقف ما فيه ربكه
.............رابيٍ بين الذيابه والنموره والسباع


من مسح دموع العجوز وبدّل الدمعه بضحكه
............. من تكفّل باليتيم اللي على درب الضياع


من سعى لجل السجين وسدّد الداين وفكه
.............. غيث مزنٍ ساقه الله للضعوف وللجياع


والذي فضّل وشرّف أشرف الأوطان مكه
............. ما تقبلت الفراق .. ولا تقبلت الوداع


لكن إن الموت حقٍ ما بها ريبٍ وشكه
............. وما تعيش إلا الرخوم ولا يموت إلا الشجاع