منتديات حــلا - البنت البيئة والبنت المؤدبة @@@@@

منتديات حــلا (http://vb.7laa.com/index.php)

- مجلس حلا للضحك والفرفشة (http://vb.7laa.com/forumdisplay.php?f=5)

- - البنت البيئة والبنت المؤدبة @@@@@ (http://vb.7laa.com/showthread.php?t=49645)

البنت البيئة والبنت المؤدبة @@@@@

***** البنت الرقيقة بتقوم كل يوم الصبح تفتح عيونها وتقوم تغسل وشها وسنانها.
***** البنت البيئة بتقوم تربط الأيشارب علي شعرها وتقول استعنا ع الشقا بالله وتبدأ تزغد
في أخواتها برجليها : قوم يااااه .. انتوا حتقرفونا ولا ايه.
***** البنت الرقيقة بتروح تصبح علي أهلها (( هاي مامي .. هاي بابي )) وبعدين تفطر وتشرب
النسكافيه بتاعها في البلكونة.
***** البنت البيئة تجيب أخوها الصغير مرزوق من شعره ( غور يالاه هاتلي بــخمسين قرش فول
وخمسين قرش طعمية واياك تاكل منهم في السكة واللهي اللي ياكل منهم غيري يطفحهم
ماتيالا ياروح أمك.
***** البنت الرقيقة اصحابها يعدوا عليها وتروح معاهم النادي يدخلوا الجيم وبعدين ينزلوا
يعوموا في البسين وآخر اليوم يروحوا يتعشوا في أوتيل خمس نجوم.
***** البنت البيئة تلبس هدمة مقطعة وتاخد أخوها الصغير اللي هو مرزوق برضه تنعكش له شعره
وتلطخ له خلقته بالهباب ، وتقف بيه في إشارة (( اللهي ما يعريلك جته يابيه ، إديني
حاجة ده أنا بقي لي يومين محطيتش لقمة في بوقي )) .. مرزوق في سره (( يا بنت
الكدابة )) وتطلع لها في اخر اليوم بقرشين تضيعهم علي السجاير.
مش صعبان علي في الموضوع ده كله غير مرزوق (( يا عيني عليك يا ضنايا )) .