|
مشاركة: عمق القلوب....قصة واقعية
رندا:امجـد تعال شويه
امجد وهوا يوقف:خيـر رندا:تعال انتا بس امجد:طيب..والتفت يشوف لمـى..ولمـى كانت تطالع فيه ماتبااااه يروووح وبرضووو في نفس الوقت ماتباااه يجلــس لانه هالشي يجرح قلبها اللي يحبـه ويموت فيه ولانه مايقدر يهمس له بحبه ولا بمقدار الشوق اللي يكنه.. امجد بصوت عذب يجنن لمـى:يلا حمدلله على سلامتك يالمـى..وسكت حس انه مجرد مايلفظ اسمها قلبه يوقف.. لمى طالعت فيه بحزن وقالت بصوت واطي:الله يـ..يسلمـ..ك امجد بتردد:ووو كلي كويس لاتسوي في نفسك كدا مافي شي يستاهل اللي بتسويه في نفسـك..وكان يطالع فيها ويحاول يقلها حتى لو كان هالشي انـا.. ولمـى طالعت فيه بإستغراب ليه مهتم لهدرجه وليه يقولها كدا؟؟؟!!... امجد طالع في عيونها لأخر مره واتنهد..وطلع مع رندا.. امجد كان مقهور من رندا:خيـر نعم ايش تبغي؟؟ رندا:ههههههههههه كل دا لاني طلعتك من عند حبيبة القلـب امجد:اقول اسكتي واخلصي ايش عندك؟ رندا:بابا يباك من اول وهوا يدور عليك شكله في موضوع مهم لانه كل شويه يسأل عنك امجد انقبض قلبه من يوم ماعرف انه ابوه يباه..ابوه مدري ايش فيه من يوم مارجع من السفر لاسلم عليه وماكلمه..وحتى لمن يكلمه مايرد عليـه.. امجد بقلق:وهوا فينه؟ رندا:راح المسجد يصلي العشا وقال الحقه على البيت امجد:طيـب خلاص شكـرا رندا:العفوو باي..وراحت عنه..وامجد قعد واقف محله محتـار يفكـر ايش اللي سواه وزعـل ابوه منه لهدرجه.. بعد ماراحو الكل على السـاعه 11.0... لمـى جلست في المستشفى والدكتور قال انها لازم تجلس يومين لانه صحتها شويه متدهوره... ومحمد جلـسو معاه منال وخالـد..منال هيا اللي حتبات اما خالد فهو جالس شويه وبعدين حيروح.. كانت منـال جالسه محمـد وبتأكله وتعتني فيه.. وخالد كان في الغرفه التانيه جالس متحقرص يبا يروح لولده بس يخاف يزعج منـال..لكن في الاخر ماقدر وقام اتحرك وقال كلها كم دقيقه وبخـرج ححاول ما اضايقها ولا اكلمها.. وقف عند الباب وشافها وهيا بتأكلـه وتغنـي لـه عشان يرضا ياكل..كانت تغني بكل دلال ودلـع..كان شكلها مرره حنـون واللي يشوفها يحس بالراحه والاطمئنان..سرح خالد وهوا يشوفها ويشوف جمالها الهادئ الغريب كان حاسس انه بيشوف نهال كان بيقول في نفسه..آآه لو كنتي انتي نهال آآآه لو كانت نهال اللي واقفه هنا...كان خالد يحس انه روح نهال تتجسد في منال..كان يحس فيها شموخ نهال..كان يحس فيها طيبة وحنان نهال..كان يشوف اغلب طباع نهال فيها...منال بتسوي كل الاشياء المفروض نهال تسويها..وبتعطي محمد حنان وعطف حتى نهال نفسها لو كانت موجوده محا تعطيه هوا..بإختصار خالد كان يحس انه منـال هيـا نهـال بس الفرق انه نهال حبيبته ومنـال...؟؟!!..لسه خالد مايدري مين هيا منال هادي..اللي اقتحمت |
مشاركة: عمق القلوب....قصة واقعية
حياته وحياة ولده..
قرر خالد يدخل...فقال.. خالد:احم احم منال كانت طرحتها طايحه على كتفهــا فعلـى طول من يوم ماسمعت صوت خالد ظبطتها بإحراج.. خالد:سلام عليكم منال بصوت واطي:وعليكم السلام محمد:بابااااااااا خالد وهوا يقرب من ولده:ها كيف حالك حبيبي؟ محمد:انا تيب ماما منـال بتأكلني همـا((الاكـل)) خالد وهوا يجلس جمبه ويتحاشى يطالع في منـال:شطووور بطـل محمد يلا خلص اكلك ونام عشان بكـره نرجع البيت احمد جالس في البيت زعلان يقول متى تجيبو محمد وحشني محمد وهوا يضحك ببرأه:هههههههههه اثلاً احمد مايهبني خالد:لا بالعكس هوا مره يحبك بس يحب يمزح معاك دايماً محمد بفرح:وانا كمان اهبه خالد رفع من مستوى نظره وطالع في منال..اللي بدورها كانت بتطالع فيه وتتأمله بكل حب..رخت عينها من يوم ماشافته وجه نظره لها.. خالد بأدب:لو تسمحي اعطيني الصحن انا ابا أأكله منال وهيا تمد له الصحن:اتفضل اخد خالد الصحن منها وبدأ يأكل محمد بكـل هدوء..شويه يكلمه وشويه يضحك معاه وشويه وشويه...ومنال كانت تطالع فيه شويه ومن يوم ماتحسه بيطالع فيها تغير وجهة نظرها لجهة محمد.. منال وهيا بتتأمل محمد وتطالع في ملامحه قالت في نفسها..حبيبي محمـد والله قمـــر..اجمل طفل ممكن اي شخص في الدنيا يقابله..الله يحفظه ويخليه لأبوه ولنا يااارب.. خالد شافها سرحانه كان نفسه يشكرها على اللي بتسويه معاه ومع ولده بس ماعرف كيف.. منال دمعت عينها وهيا بتشوف محمد وتلاحظ الشبه الكبير بينه وبين نهال وحست بمدى شوقها لها..ولمن شافت خالد يطالع فيها بإستغراب وحيره ابتسمت له.. خالد اتشجع لمن شاف ابتسامتها الحنونه:منـال منال.... خالد وهوا يحط الصحن على الطاوله اللي جمبه:انا اعرف انه كل حروف العالم محا تكفي عشان اشكرك على اللي بتسويه معايا ومع ولدي منال:.....ماله داعي الشكر انا ماسويت شي خالد بإمتنان:يكفي انك انقذتي ولدي في اللحظه اللي كنت انا فيها عاجز عن اي شي منال وهيا تطالع في محمد بحنان:انا لو افدي روحي لمحمد ماتغلى عليه خالد ابتسم:الله يخليك ويحفظك لأهلك يارب منال بحيا:ويخليلك محمد يارب محمد:بابااا خالد وهوا يمسك يد محمد:ها حبيبي؟ |
مشاركة: عمق القلوب....قصة واقعية
محمد:نام معايا لاتلوح
خالد وهوا يطالع في منال:ما اقدر حبيبي خلاص انتا بكره حتجي معايا البيت وتنام معايا في غرفتي كمان محمد وهوا شويه ويبكي:لاااا خليك معايا خالد ماعرف ايش يقوله... منال:وي محمد يعني ماتبا ماما منال محمد:الا اباكم انتو الاتنين منال وخالد سكتووو.. ومحمد بدأ يبكي... منال على طول مسكت يده:حبيبي لاتزعل خلاص بابا بيجلس معاك وانا حروح واجيك بكره محمد وهوا يمسك يد منال ويد خالد اللي كانو على يدينه..ويحطهم على بعض... محمد:لااااء انتو الاتنين ماتلوحوووو خالد ومنال انصدموو من لمسة اياديهم وعلى طول كل واحد فيهم سحب يده بسرعه... منال ارتبكت مرره وحست نفسها بتموت..وخالد اتقشعر جسمه من هاللمسه...وماعرف ايش يقول خالد وقف وقال بحزم:بابا محمد اسمع الكلام انا بكره في الصبح حجيك لاتتدلع وراح خالد بعد ما اتوتر مررره من لمسـة يد منـال.. ومنال جلست تهدي في محمد وبالها مو معاها..الين ماهدي ونـام..ومنال تحس اعصابها مره متوتره من هاللمسه..وقعدت تقول في نفسها وينك يانهال لو كنتي هنا كان ماكنت انا في هالموقف..ياربي ابعدني عنه وابعده عني ما ابا اقرب منه ما ابا احبه اكثــر ما ابااااا |
مشاركة: عمق القلوب....قصة واقعية
*&*الجزء الواحد والاربعون*&*
ناصر:رهـف والله مو قادر اباااها ياناااس رهف:هههههههههه طيب خلاص هانت اصبر كمان اسبوع ولا اتنين عقب نرمس الناس مانقدر نرمسهم دحين لسه امس كانت ملكة بنتهم على مازن نروح اليوم نرمسهم في موضوع بنتهم التانيه موو حلوووه صراحه ناصر:ولو طارت البنت من يدي رهف وهيا تبتسم:هههههه لاتخاف محا تطير ناصر:خلاص على مسؤليتك وكمان اباكي تكلمي امي وابويا انا مالي دخل الموضوع كله بين يدك دحين رهف:اوووكي ولاتزعل تااااامر امر كم ناصر عندي ناصر بفرحه:الله يخليكي ياشيخه وقام ناصر عنها وراح لبيته..وهوا في الطريق يفتكر شكل رنـدا وهيا تلفت له بكـل رقـه وتقوله نعـم خيــر..ويقول في نفسه يااااربي عليهاااااا بموووووووووووووت من حلاها هالبنت بتجنني غزاااااااااااااااااال قمـــر عســـل ايش اقول عنها ياربي...والله ما حيهدى لي بال الا لمن تكون دي البنت ملكي وحلالي..تعدمنــي هيا وكل هالدلال اللي فيها.. في مكـان تانــي.. ....نعــــــم... ابو خالد بصراخ:اللي سمعته ايش هيا سايبه محسب نفسك رجال انا ابوك مهما كبرت وكلمتي اللي اقولها هيا اللي تمشي ولازم تنفذها فاهم ولالا؟؟ امجد:طيب اعطيني سبب وانا اقتنع مايصير كـدا ابو خالد وهوا يحاول يهدء نفسه:في كذا شي مخليني معصب منك اول شي المفروض لمن تقرر قرار زي كدا تاخذ رايي وتستشيرني ماتتصرف من عندك لعندك تاني شي لمن تجي تتخذ قرار المفروض تشمل كل النواحي والاشخاص لانه هادا قرار مو هين امجد:طيب انا اسف لاني ما استشرتك وحقك عليا وبالنسبه اني اشمل كل النواحي والاشخاص انا شملت كل شي وفكرت بالموضوع الف مره قبل ما اقرر ابو خالد:ولمـى ايش اللي رسيت عليه في موضوعها امجد ارتبك ما اتوقع للمـى دخل في تعصيب ابوه... |
مشاركة: عمق القلوب....قصة واقعية
امجد:ووو اا ايش دخل لمى بالموضوع؟؟
ابو خالد بعصبيه:مو هيا كل الموضوع انا ما اتفقت معاك على كداا انا خليتك تاخد بنت اخويا على اساس تهنيها وتسعدها وتصونها مو تجي تقولي بسافر اكمل دراستي وانتا عارف انه دراستك مشوارها طوووويل وموضوع سفرك هادا ممكن يطول كم سنه والبنت بس هالشهر اللي غبته وهيا في حاله مايعلم بيها الا ربنا امجد...... ابو خالد:يعني بالله تتوقع اني اشوفك تقرر انك تجلس تكمل دراستك سبعه سنين ولا عشره كمان وتقعد معلق بنت اخويا واسكت لك لا ياحبيبي لمن يكون الشي تقصير في حقي انا ممكن اغفر لك لكن يوصل الموضوع الى انك تطيح وجهي قدام اخويا هنا انا لازم اوقفك عند حدك وافهمك خطورة اللي بتسويه امجد انصدم بللي بيسمعه ما اتوقع ابوه يفكر بـ هالطريقه.. امجد:بس يا ابويا انا ما اتعودت على كدا طول عمرك مربيني على اساس اني عارف مصلحتي واتصرف في اموري بنفسي واعتقد شي زي دا يحقق ويأمن لي مستقبل ممتاز المفروض انك توقف معايا فيه وتشجعني عليه ابو خالد بهدوء:يا امجد ياولدي انا لمن خليتك تاخد لمـى كنت ابغا اريح اخويا اللي طول عمره خايف على بنته الوحيـد ويتمنى ياخدها احسن رجال في الدنيا وانتا في نظري الرجال المناسب لها واللي بأذن ربنا تقدر تسعدها انا خليتك تخطبها وتملك عليها برغم صغر سنك وسنها بس عشان اثبت لك اني واثق فيك ومعطيك مسؤليـه ناس اكبر منك مايقدرو يتحملوها يا امجد لمـى هادي انا اعزها اكثر من بناتي لانها بنت اخويا الكبيـر اللي رباني ومابخل عليا بشي طول حياته تجي انتا دحين تبا تسافر وتتغرب عن بلدك كم سنه وتقعد معلق بنت الناس معـاك مستحـيل دا اللي مو ممكن ارضا فيه ايش بيقول عني جمـال كفايه اني مو قادر احط عيني في عينه من يوم ماسمع الخبـر امجد:يابويا انتا مكبر الموضوع زياده عن اللزوم كلها كم سنه ومهما طالت برجع وبتزوج لمـى...وسكت امجد نسي انه كان يبا يقول لأبوه انه خلاص مايبا لمـى بس كلام ابوه هادا وكل اللي قاله خلى فكرة انه |
مشاركة: عمق القلوب....قصة واقعية
انه كان يبا يقول لأبوه انه خلاص مايبا لمـى بس كلام ابوه هادا وكل اللي قاله خلى فكرة انه ينفصل عن لمـى بعيـده واقرب الى المستحيـل..
ابو خالد:امجد انا زوجتك لمـى بسـرعه وقبل ماتنهي انتا او هيا دراستكم واصريت انها تكون ملكه مو بس خطوبه عشان اضمن انه البنت لك وقلت هالمـده اللي انتو حتقضوها في دراستكم تكونو قربتو فيها من بعض وفهمتو بعض اكـتر واكيد دا شي حيكون في صالحكم لانه انت ولمـى من اكتر الشخصيات المناسبه لبعضها لاتحسبني بقول كلام انا يا ولدي عندي خبره في الحياه واعرفك اكتر من نفسك واعرف بنت اخويا قبل ما اعرف عنك انتو الاتنين لبعـض مهما يصيـر ودا كان قراري من يوم ماجيت انتا ولمـى في هالدنيا انتا فاهم ولالا امجد:ويعنـي اسيب دراستي عشان لمـى ابو خالد عصب من اسلوب امجد المستهتر:تدري انك طحت من عيني طلعت منت كفو ولاتستاهل لمـى ولا حتى ظفرها امجد عوره قلبـه من كلام ابوه الجارح وحس نفسه حيموت بس مابين اي شي من مشاعره على وجهه..واللي كان باين على وجهه الجمود وعدم الاهتمام... ابو خالد كان معصب وحس نفسه بيقوم يضرب امجد لمن سمعه قال عشان لمـى بكل استهتار.. ابو خالد وهوا يوقف:مافي سفـر ولو سافرت منت ولدي ولا اعرفـك...وراح ابو خالد غرفته وهوا يجر نفسه جر لانه الضغط عنده ارتفع ومو شايف الدنيا وحاس نفسه دايخ من كت ر الانفعال اللي اصابه ... امجد قعد محله بيأس ويفكر كيف كل دا يصير بس عشان قررت اكمل دراستي بـره ياربـي معقوله يصير معايا كل دا وانا اللي في الاصل كنت مخطط اسيب لمـى... امجد قضى ليله وهوا يفكر بكلام ابوه معقوله يسيب دراسته بعد مارتب الموضوع وقرر هالقرار...امجد من النوع اللي لمن يتخذ قرار مايقدر يتراجع عنه بسهوله..يمكن الكثير يشوف انه امجد عمره صغير لكن امجد اتربا من صغره على انه رجال ويتخذ قرارته بنفسه ويتحمل مسؤولية نفسه وعواقب قراراته اللي اتخذها..عشان كدا امجد طلع جدي ويهتم بمستقبله ودراسته اكثر من اي شي تاني...حتى انه كان برغم وجود الحب في قلبه وقدام عينه كان يتجاهله ومايعطي له بال.. اما لمـى فقضت ليلتها وهيا حزينه وتفكر وتبكي..كل ماتفتكر شكل امجد وهوا يضحك ويتكلم تبكي اكثر..كل ماتفتكر شكله وكل حركه كان يسويها لمن كان موجود عندها اليوم في الغرفه تبكي اكثـر..كل ماتتذكر ملامحه تبكي اكثر واكثـر...ومحد كان حاس فيها الا الانسانه اللي كانت معاها في الغرفه..مـــي جلست عند لمـى تراعيها وبالمره تكون مع محمد وتقدر تروح عنده وتتطمئن عليه وقت ماتبا لان غرفته قريبه من غرفة لمـى..كانت مي سامعه شهقاتها وشايفه دموعها بس لمى ماتدري عنها وتحسبها نايمه..وقتها مي حست بأنه في شي كبيـــر صاير مع لمـى وقررت تساعدها فيه لانه على مايبدو بالنسبه لمـي انه امجد له يد في اللي بيصير في لمـى لانها من يوم ماسافر والبنت مو على بعضها ومي اكثر وحده شايفه حال لمـى لانها دايماً في بيتهم.. اما منى قضت ليلتها وهيا تتكلم مع مازن وصار لها تكلمه فوق الثلاث ساعات ومازن مو راضي يقفل.. |
مشاركة: عمق القلوب....قصة واقعية
منى:ماااازن خلاااص ابغا اناااام
مازن:ياربـــي مو لازم خليج سهرانه معايا للصبح يصير نصبح انا وياكي مع بعض يلا بقي ساعه على الشروق ايش رايك امرك ونروح البحر منى وهيا تشوف الساعه:يا الله من جدك احلف بس تباني اروح معاك في هالليل والله خالد يقتلني مازن بإستغراب:وليه خالد يعني بالذات ليه مو ابوك ولا امجد مثلاً؟؟ منى:هههههههههههه لانه خالد هوا اكثر واحد متشدد فينا ويخاف علينا دايماً ويعصب بسرعه اما امجد عادي عنده كل واحد بكيفه وبابا يحب راحتنا واللي نباه نسويه مازن:ياهوووو انتوو ياحركات ماشاء الله على عيلتج حلووه منى بزهو:طبعاً لاني فيها ههههههههههه مازن:ههههههههههههه اكيــد طالعه على اخوج منى بإستغراب:اخويا؟ مازن:ايوه امجد اخوج احسه مررره شايف نفسه ومغرور منى:هههههههههههههههه اسكت لايسمعك مازن:ليه شو بيسوي يعني؟ منى:مابيسوي شي بس ترى امجد ماهو مغرور لديك الدرجه بس هوا عنده عزة نفس كبيـره ويحب يبين نفسه مغرور لكن هوا في الاصل قلبـه مررره طيـب وحنووون ورومانسي بس مايبين مازن:ياسلم وشو عرفج بكل دا؟ منى:اخويا وتوأمي واعرفه اكثر من نفسي مازن بغيره:لالاالا ما ارضا انا بكدا يعني عشان توأمك يصير تعرفيه وتمدحيه لالا انا اغاااااار |
مشاركة: عمق القلوب....قصة واقعية
منى بحيا:هههههههههههههه ياربوو على الغيوريين
مازن:ياربووو بموووووت منى منى بخوف:سلامتك من المووووت مازن:بتموتيني انتي احبـــــــــــك منى............استحت وسكتت.... مازن:ياربي منج انتي لمتى بتقعدي كدا منى بإستغراب:كيف يعني؟ مازن:ليه ماتقوليلي على اللي في نفسك ليه ماتتكلمي طول الوقت انا اللي اتكلم واقول اللي بنفسي وانتي ماتبيني لي شي بيني ياشيخه انا راضي حتى لو مشاعر كره انا راضي بس بيني منى.....ماعرفت ايش تقوول... ......:هيييييييييييييييي انتااااااااااا ترى سكت لك كثير مازن ومنى؟؟؟؟؟؟؟؟؟؟؟؟؟؟؟؟؟!!!!!!!!!!!!!!!!!!... مازن:رهــف رهف:ايوه ياحبيب منى ايش دا يا اخويا ليا سنه بدق على الباب واقول دحين يفتح دحين يفتح دحين يرد ولاااا كأنوووو في احد ملطووع له ساعه عند الباب قد كدا اخدتك منى مننا منى في التلفون:ههههههههههههههه فديتها رهوووفي مازن وهوا يحط التلفون على اذنه:لاتتفدي احد غيري رهف:هههههههههههههههه اقووول منوووي قفلي قفلي لا اوريكي ماعندنا صياعه وقلة حيا مكالمات اخر الليالي مازن:وانتي اشلج حرمتي وانا حررررر خليني اتهنا رهف:لالالا مافي حرمتك على عيننا وراسنا بس مكالمات اخر الليالي ماعندنا يلا قفل بسرررعه مازن وهوا يحط السماعه على اذنه:اقول منوننتي صحبتج الملقوفه هادي مابتفكنا خلاص اكلمج بكره رهف:انا ملقوووووووووووووووفه طيب اوريييــــك....وراحت رهف عن مازن وسحبتالتلفوووووون من يده.. |
مشاركة: عمق القلوب....قصة واقعية
يسلمووووو البريئه وننتظر التكمله
اختج بنوتة ابوها |
مشاركة: عمق القلوب....قصة واقعية
First
كل عام وانتو بخير و رمضان كريم علينا وعليكم Secand اشكرآ على تكملت القصة ومشكوره ما قصرتي Thank you Gad |
مشاركة: عمق القلوب....قصة واقعية
مازن وهوا يحاول يغير الموضوع:اخصريج منها هادي البنت بس تحب تبكش يلا حبي اكلمج بعدين بايووووو
منى وهيا تتنهد:طيييييب والله لعــرف بااااي..وقفلت الخط بقهــر... رهف:ههههههههههههههههههههههههههههههههههههههههههاااا ااااااااااااااايييييييييييي مازن وهوا يضربها بالمخده اللي في يده:اورييييييييييييييج يالحمااااااااااااااااره عاجبج كدا شككتي البنت فيااا رهف:احسن تستااااااااااااهل عشان تثمن كلامك قبل ماتقوله مازن وهوا يقوم يضربها بالمخده اللي في يده:بررررررررررره يلا برررررررررررررررره رهف وهيا تجري وتخرج من الغرفه:ههههههههههههههه والله لقلهاااااااااااا واخليها توريك شغلك عشان ماتقعد تبصبص على بنات خلق الله مازن وهوا يقفل الباب:جربي انتي بس وبتشوفي اللي يصير لج... اما رنـــدا..كانت نايمه في غرفتها...وصحيت فجئه مفجوعه رندا:بسم الله الرحمن الرحيم يالله شو هالحلم يارربـييييي الله يستـر بس الله يستـر شو هالحلـم؟؟!! |
مشاركة: عمق القلوب....قصة واقعية
منى كانت ماره من قدام باب رندا وسمعت صوتها..
منى وهيا تفتح باب غرفة رندا:خير رندا شوفيكي؟ رندا وهيا تفتح نور الاباجوره اللي جمبها:مافي شي بس حلمت حلم فجعني شويه منى وهيا تجلس جمبها:سمي بالله واستعيذي من الشيطان وان شاء الله مافي شي رندا..... في منطقه تانيه من العالم في امريكـا...عند رامـــــــــي... كان رامي واقف مع طوني بيتكلمو عن الاختبار اللي دوبهم طالعين منه.. رامي:افففف والله الله يستر صراحه مرره كان صعب الاختبار طوني:عن جد الله يستـر انا شكلي بعيد هالماده كمان مرره .....:مرحبااا شباب طوني:هلا شوق رامي:مراحب رامي الفتره الاخيره ومن بعد وفاة ابو شوق صار يتقبل وجودها ويكلمها عادي..لكن مايكن لها اي مشاعر غير الاخوه برغم انها تحبه وتموت فيه كمان.. شوق بدلع:كيفك رامي؟ رامي:تمااام طوني:لك شو هايدا ياعمي عطينا وجه مو بس كل شي لرامي شوق بدلع اكبر:هههههههههههههههه ولاتزعل كيفك طووووني؟ طوني:بخير نشكر الله رامي:كيف سويتي في اختبارك؟ شوق وهيا تطالع فيه بحب:والله الحمدلله Itisُ Ok نوره:شووووق شوووق شوق وهيا تشوف نوره جيه لعندها:هلا نوره نوره واللي انحرجت من وجود رامي وطوني قالت بصوت واطي:تعالي ابيكي شوي شوق وهيا تدقها وتتكلم بصوت واطي:مو وقته الحين نووره:ضروري بليــز شوق:اوووكي يلا باااايوووو شباااب وراحت شوق مع نووره.. طوني:مين ادك ياخي كل البنات دايبه فيك رامي بزهو:شوووور فين يلاقووو واحد بجماالي اصلاً |
مشاركة: عمق القلوب....قصة واقعية
طوني:بس شو اللي غيرك مو كنت مابتحب هالبنت؟؟
رامي:ومين قلك اني احبها دحين انا عادي بكلمها كمجرد زميله لانها كسرت خاطري الايام اللي فاتت لمن اتوفى ابوها وكمجرد تعاطف بديها شوية وجه ولا هيا اصلاً وحده ماتسوى وماعندها اخلاق طوني:اف اف لك شو هالكلام يابو الشباب مايصير تحكي عن البنت هيك رامي:اقولك اسكت بس اسكت وحده زي هادي كل واحد في الجامعه رايح جي يشوفها بي هالمنظر وتتكلم مع الغربا عنها بكل دلع وبدون حيا ايش تباني اقول عنها طوني بإستسلام:لك انت الواحد مابينفع يحكي معك في هيك مواضيع امشي خلنا نروح لتامر نشوف شو عمل رامي:يـالله وعند نوره وشوق.. شوق:هااااه وش تبيـــن؟؟ نوره:ما ابي شي بس ابي اسألك وين ذاك الولد الغرشوب عن الشله؟؟ شوق بإستغراب:من تقصدين امجد؟؟ نوره:اييييه هذا هوو امجد شوق بإبتسامه خبيثه:هاااه اشوووف صرتي تسألين عن الاولاد لايكووون تحبييين وماتقولين لي؟؟ نوره بإرتباك:هااا لا الله يرجك مو كدا قصدي بس اسأل لانه صار له اسبوع مو باين شوق:تصدقي هالولد عجيـــب انا ماقد شفت واحد بحلاه حتى رامي اللي الكل هنا يحلف ويتكلم بجماله امجد غلبـه برغم اني قبل ما اشوفه قلت لو مين يوقف جمب رامي رامي بيغلبه بس لمن شفت امجد صراحه بغيت اجن لو مو اني احب رامي صراحه كان حبيتـه يهببببـل يخرب بيته |
مشاركة: عمق القلوب....قصة واقعية
نوره بتأييد تحرك راسها:هممممم
شوق وهيا تتابع:ماشفتي كيف مادلين الحماااره بغت تجن لمن شافته ولا البناات لمن يمشي من جمبهم يااااااااااه عليـه حتى الامريكان لعب بعقولهم لعــب نوره بحيا:طيب وينه الحين؟ شوق:مدري يقول رامي انه رجع السعوديه نوره بخيبة امل:اهاااا شوق وهيا تغمز لنوره:هاااا نواااري بدينا نحب؟؟ نوره وهيا تضرب شوق على كتفها:لا الله يرجك يالهبله بس مجررد فضووول شوق:اوكي تعالي بنروووح الكوفي شوب نوره:اوكـي letُs go بعد ثــلاثه اسابيــع من هالاحداث في السعوديه.. لمى خرجت من المستشفى ورجعت البيت بعد يومين من دخولها للمستشفى...ومحمد كمان رجع البيت من تاني يوم وكانت فرحة الكل كبيره برجوعه وسلامته..ومنال طبعاً رجعت للسكن في نفس اليوم اللي طلع فيه محمد..وامجد قعد يرتب امور دراسته متجاهل كلام ابوه بس بنفس الوقت بيفكـر بكلام ابـوه وبيفكر بشكـل اكبر بعلاقته بلمـى وايش اللي حيسويه في موضوعها...منـى علاقتها كل يوم تزيد بمازن وكل يوم تحب مازن اكثر من اليوم اللي قبله وصارو قريبين من بعض لدرجه كبيره..وكمان كل يوم تكتشف شي جديد وحلو في مازن ماكانت تعرفه عنه قبل كدا..ورندا بدأت الامتحانات النهائيه للفصل الاول في هالمده وانتهت منها على سلام والكل كان طول الوقت خايف عليها ويساعدها وخصوصاً منى وامجد طول الوقت يفهموها ويساعدوها في الاشياء الصعبه عليها لانها كانت طول السنه مهمله الدراسه وما تنتبه لها مظبوط...بس برغم من كدا الكل كان مطمئن في نفسه لانه رندا شاطره ومهما كانت مكسله طوال السنه ومهمله الا انها دايماً تفاجئهم بمستوى درجاتها في الامتحانات.. امجد ماحاول يكلم لمى او يزورها...والكل لاحظ كدا وبالاخص ابـوه واللي كان كل يوم يزيد قهر من حركات ولده اللي في رأيه صبيانيه وكان كل يوم يطيح من عين ابوه بشكل اكبـر.. في هاليـــوم بالذات يوم الاربعـاء..في بيت ابوو خالــد... رندا بصراااخ:وااااااااااااااااااااااااااااااااااااااااا ااااو ياهووووووووووووووووووووووووووو يانااااااااااااااااااااااس ياعاااااااااااااااااااااااااااااااالم باركووووووولـــــــــــــي منى وهيا تجري لأختها:هااااا بشرررررررررررري كممممم النسبــه؟؟؟ رندا:تمنيـــــــــه وتسعيــــــــن فاصلـه خمسيـــن واااااااااااااااااااو مو مصدقه الحمدلله الحمدلله منى وهيا تحضن اختها:الف مبروك حبيبتي الف مبروووك رندا:الله يبارك فيكي ام خالد واللي جات تجري على صوت رندا:مبرووووووووووووووووك حبيبة البــي مبروووك رندا وهيا تبوس راس امها وتحضنها:الله يبارك بعمرررررررك ماني مصدقه فرحاااانه امجد وخالد وكل اهل البيت جوو على صوووت رندا.. امجد وخالد:ايش صااااار؟؟ رندا:باركووووولــــي نجحــــت بنسبـــه حلـــوه خالد:الف الف مليون مبرووووووووووك امجد:وي كل دا عشان نجحتي طب عارفين انك حتنجحي وجع في شكلك فجعتيني خلتيني اصحى من عز نووومي اااااا...<<<وهوا يتثاوب.. رندا وهيا تضرب امجد على كتفه:ماتستحي دا بدل ماتقولي مبرووك امجد:مبروكين ياختي بس الناس تفرح بس مو كدااا رندا وهيا تنطنط كأنها طفله اعطوها اكبر هديه:ماااالي دخل انا فرحاااانه لانه خلاااص مابقي شي وافتك من |
مشاركة: عمق القلوب....قصة واقعية
الدراسه ثانياً النسبه عاااجبتني موووت وماكنت اتوقعها خلوووني افرح ياناس وي
امجد وهوا يتثاوب:ااااا اقووولك مبروووك ياختي وعارفين انك ماشاء الله شطوره تجيبيها في اخر لحظه بس اسكتي خلينا نكمل نومنا رندا:هههههههههههههههههه طيب سووري محمد:أمـــه رندااا ايث بك تزعقي فزعتيني رندا وهيا تشيل محمد وتطيره في الجوو:فرحاااااااااانه حبيبي فرحاااانه محمد واللي فرحان لفرح عمته:يااااااااي طيب يلا نلووح الملاهي<<<يتمصلح الولد ههههههههه... رندا:اييييي والله صح ابا اخررررج خرجوووووني خلااص ماني مصدقه خلصت من الاختبارات والعثـره يلا يلا خلووود مشينااا خالد وهوا يجلس على الكنبه اللي وراه:امشيكي فين انتي عارفه الساعه كم دحين..ويطالع في الساعه.. خالد:الساعه 10 الصبح اقول اهجدي وخليكي في بيتك في الليل نخرجك رندا:لالالالالالالا انا ابغا اخرررج دحيييين منى واللي كانت مبسوطه لفرحة اختها:اقووولك اكلم رهوووف وتمررر علينااا ونروووح البحـر |
مشاركة: عمق القلوب....قصة واقعية
رندا:اووووكي كلميها دحيييين
ام خالد:ياسلاااام ياسلااااام ماشاء الله انا زي الجدر هنا محد يستأذني على كيفكم تروحو وتجوو ليه هيا سايبه ولا سايبه رندا وهيا تبوس امها على خدها:اموووووووووووواه مامي بلييييييييز بدييييييي رووووووووووووووح ام خالد لمن شافت فرحة بنتها ماحبت تكسر بخاطرها فابتسمت بحنان:خلاص طيب اللي تشوفيه بس ماتروحو مع رهف روحو مع خالد خالد بصدمه:نعــم ومين قال اني بوصل هالاشكااال..ويطالع في رندا اللي كانت تطالع فيه بترجي رندا:بليزززز خلوووود الله يخلييييك خالد لمن شاف رندا تترجاه عجبه الوضع وقال بيدلع عليها اكثر:لالالالا مافي ما ني فاضيلكم رندا وهيا تقعد جمبه:خلوووودي حبيبي الله يخلييييييك خالد وهوا يربط يدينه ببعضهم ويحطهم قدام صدره ويطالع في ناحيه تانيه بطريقه تبين انه بيدلع:مافي اترجيني كماااان رندا وهيا توقف ومعصبه:والله ماتستحي ماني مترجيتك وهيا انقلع بررووووح مع راجووو ولا برووح برجلي كمان ايش هوا دا مذلــه منتو اخوااااني انتووو فجئـه جاهم امجد وهوا لابس ومتشيك.. رندا وهيا تطالع في امجد بإستغراب:ماشااااء الله على فين رايح الاخ مو دووبك تقول تبا تنام وكنت تبا تتسدح لنا هنا من كثر النعاس امجد:والله طيرتي من عيني النوم الله يرجك خلاص يلا امشووو بوديكم رندا وهيا تجري لحضن اخوها:يسلمووووووووو مجووود حبيب قلبــي والله امجد:ههههههههه بعدي عني بعدي خلاص ترى ابطل بعدين رندا:لالالا خلاص دحين اللبس عبايتي واجيـك يلا منوووي منى:يلاااا |
مشاركة: عمق القلوب....قصة واقعية
وراحو منى ورندا ولبسوووو عباياتهم..
رندا:يلا خلصنا...وشافو خالد وامجد واقفين جمب بعض وبيتكلمووو.. منى:يلاااا امجد خالد:انا جي معاكم كمان رندا بقهر:ياسلم وليه تبا تجي مو دوبك ماتبا وقاعد تذلني ذل عشان توديني خالد وهوا يبتسم:غيرت رأيي فيها شي هادي فجئه دق جوال منى..وشافت المتصل رهف.. منى:هلاااا رهوووف رهف:انااا بررره بيتكم تقدري تفتحي لي الباب منى:بالله بس احنا دحين خارجين رهف:اوووه سورري على بالي انج يالسه في البيت خلاص مو مشكله الا فين بتروحي في هالصبح منى:بنرووح نتمشى لانه رندا دوبها استلمت نتيجتها ومبسووطه والا تبا تخرج فحنخرج معاها كلنااااا رهف:بالله حلوو كيف نتيجتها؟؟ منى:تماااام ممتاز رهف:سلميلي عليها وقوليلها مبرووك منى:الله يسلمك اقولك رهف دقيقه رهف:اوكي منى وهيا تكلم الكل:اقول صحبتي رهف بره ايش رايكم اخليها تجي تتمشى معانا مايصير البنت جات الين عند بيتي وترووح مو حلوووه صراحه خالد:اوكي مو مشكله خليها تجي رندا:ايييوووه خليها تجي يصير ننبسط اكثرر منى:الووو رهوووف شوو رايك تجي معانا؟؟ رهف بإحراج:لالا شو اجي معاكم ماينفع في اخوانج منى:عااادي يابنتي تعالي بليززز يصير ننبسط كلنااا |
مشاركة: عمق القلوب....قصة واقعية
رهف:بس انا مع ماازن
منى:عااادي بالعكس احسن يصير يجلس مع اخواني رهف:طب دقيقه اقوله مااازن شو رايك منى تقول تبانا نخرج معاها لانها رايح تتمشى هيا واخوانها مازن بدون مايفكر:مدام الموضوع فيه منـى اكيد موافـق رهف:ههههههههههههه يقول لج الحبيب موافق منى:خلاص اوكي استنينا دحين خارجين وطلعو شلة الاخوان من بيت ابو خالد ولقو سيارة مازن بره عند الباب..وسلموو على بعض واتفقووو انهم يخرجووو بسياره وحده..وكان في الجيب حق ابو خالد موجود فكلهم ركبووو فيه.. كان اللي بيسووق امجد وجمبـه مااازن..وفي المقعدين اللي وراه خالد ورندا..والمقعد اللي وراهم منى ورهف...كان الجووو في السياره خطيـــــر..كانوووو مشغلين اغنية حسين الجسمي انا الشـاكي())...والكل يصفق وفرحااااان...مازن كان اخد راحته على الاخر وما انكسف من وجود رندا..ورندا كمان ماكانت مستحيه منه لانه خلاص صار خطيب اختها...وخالد وامجد فالينها فللــه وكل شويه يغنوو ويرددو مع الاغنيــه...اما منى ورهف اكتفوو بالتصفيق..راحوو الكل على البحــر..وكانو الشباب والبنات جالسين على الشاطئ وفارشين فرشه بس منفصلين عن بعض ومافي بينهم الا مسافه قصيره.. مازن:اقول شباب ابغا منكم طلـب واتمنى ماتردوني فيـه خالد:انت تامر مو بس تطلب قول ايش عندك |
مشاركة: عمق القلوب....قصة واقعية
مازن بتردد:ابغا...
امجد بتعجب من مازن:تبغا ايش اتكلم ياشيخ مو بيننا هالكلام مازن:ابغاا... ابغا اخد....منى واتمشى معاها شويه خالد وامجد طالعو في بعض وانفجرووو من الضحك:ههههههههههههههههههههههههههه مازن وهوا مصدوم:ايش بكم؟؟ قلت شي يضحك قد كدا؟؟ امجد وهوا ماسك بطنه:هههههههههههههههههههه ماني قادر بطني بطنــي خالد:هههههههههههههههههههههههههاااااااااااااااي الله يرجك يامززووون مازن بإستغراب:يالطيف قد كدا طلبي يضحك والله ماكنت ادري امجد وهوا يحال يسكت نفسه:ههههههه مو طلبك اللي يضحك طريقتك في طلب الطلب هيا اللي تضحك انا على بالي بتطلب مليون ريال ولاشي هههههههههههه في الاخر ابغا اخد منى واتمشى معاها ههههههههههههههههههااااااي مازن بإحراج:قلت يمكن تعارضوو؟؟ رندا بلقافه:شو عندكم ياشباب ضحكونا معاكم؟؟ مازن طالع في خالد برجاء لايقولهم مايبا يتكسف مع البنات.. خالد بتفهم:مافي شي بس انا وامجد نبا نمشي شويه يلا ابو الامجاد قوم خلينا نمشي امجد بإستعباط:لاياعم مين قال اني ابغا امشي انا جالس هنا مافيا حيل قوم امشي انتا مع مازن خالد بنظره متوعده:قوووم يا امجد امجد طالع في مازن ورأف بحاله:افففف طيب يالله مشينااا خالد وهوا يغمز لي مازن: خد راحتك يابو الشباب كلهاا خمسه دقايق ونرجع مازن:خدوووو راحتكم على الاخر |
مشاركة: عمق القلوب....قصة واقعية
امجد بتريقه:اقولك هيا خمسه دقايق ماغيرها فاااهم ههههههههههههههه
خالد وهوا يجر امجد معاه:امشــي بس ام ومين يوم ماراحو خالد وامجد..طالع مازن في منى اللي كانت تطالع فيه بحب.. مازن:منوووي قوومي يالله منى بنعومه:على فين؟ مازن وهوا يوقف ويجي لجهتها:قومي بنمشي شويه منى وهيا تقووم وتمسك يده اللي مدها لها:اووكي وراحووو منى ومازن..وجلست رندا مع رهف.. رهف طالعت في رندا وشافتها تطالع في البحر بتأمل..وقالت في نفسها مااظن في فرصه مناسبه اكثر من هالوقت.. رهف:رندا رندا وهيا لساتها تطالع في البحر:هلا رهف وهيا تلاحظ نظرات رندا الهايمه قالت بتردد:رندا انتي لج علاقه بأحد؟؟ رندا من يوم ماقالت رهف كدا التفت عليها وطالعت فيها بإستغراب واستنكار.. رندا:نعــم ياختي ماسمعت اقين بليز اقين رهف بإرتباك وهيا تعدل سؤالها السخيف:ااا سوري اقصد انتي تحبي احد تحملي لمشاعر لأي احد؟ رندا كانت مصدومه من كلام رهف لدرجه انها ماعرفت ايش ترد..ودا الشي خلى رهف تخاف انه عن جد رندا تكون لها علاقه مع اي احد.. رهف بإحراج:ادري سؤالي بايخ بس معليـه احتاج لجوابج لانه مهم بنسبالي رندا:ليـه مهم؟ رهف:بس شذي جاوبيني بليييز رندا وهيا تحاول تتهرب من الاجابه:مالي دخل محا اجاوبك الا لمن اعرف سبب سؤالك الغريب هادا؟؟ رهف:طيب بقولج لانه صراحه ناصـر ولد اخوي يبي يخطبج وحبيت اعرف رأيك قبل ما يتقدم لج رسمي رندا انصدمت هنا..ناصـر ذاك الشخص اللي كان نفسها تعرف ايش يقرب لرهف يطلع ولد اخوها ولا كمان يبا يخطبهــا.. رندا:وولد اخوووكي هادا من فين يعرفني عشان يخطبني انا من دون كل بنات الناس رهف وهيا تبتسم بخبث:انا ادري عنه اسأليه انتي رندا بإحراج:بلا بياخه رهوووف شو اسأله اتكلمـي يلا رهف وهيا تغمز لها:يعني افهم انه مافي احد في حياتك؟ رندا هنا افتكرت رامي وسكتت..وما انقذها من هالموقف الا رجوع امجد وخالد من جهه ومازن ومنى من الجهه التانيه.. امجد:هااا مزووون كفشناااك فين كنتووو اعترفوو يلا بسرررعه مازن وهوا يجلس:اقول اسكت ياشيخ مرتي وانا حر فيهاااا امجد وهوا يجلس جمب مازن ويضربه على يده:منت حر في شي احمد ربك اني ساكت لك الين دحين وماقمت قتلتك عااار مافعلتموووه ايها الفتـى مازن بتريقه:هيهيهي اخفتني يا ابا العرب |
مشاركة: عمق القلوب....قصة واقعية
وعلى هالحال قضو وقتهم تريقه وضحك ووناااسه على الاخر..وبعد ماوصلو كلهم لبيت ابو خالد وراحو مازن ورهف في سيارتهم..
رهف:رندا احتاج رأيج بأقرب وقت الله يخليج رندا وهيا تحرك راسها بالموافقه:حفكر وارد لك خبر رهف:اوكي باي وراحت على كدا رهف مع مازن..ودخلت رندا مع اخوانها البيت ومزاجها متعكر..مجرد مافكرت انه ممكن في يوم من الايام احد ياخدها غير رامي صارت حزينه ومكتئبه على عكس ماكانت عليه قبل ساعات.. دخلت رندا البيت وعلى طول اتوجهت لغرفتها وماتدري ليه ولا كيف..رمت نفسها على السرير وصارت تبكي بحرقه..تبكي بكا غريب..يمكن تبكي حبها اللي عارفه انه كان ضايع وبدون فائده..اوبتبكي من صدمتها على انها ممكن في اي وقت تكون مع انسان ماتعرفه ولا يعرفها او انها تكون مع انسان غير اللي اتوقعت انها تكون معاه طول عمرها.. **تجـــري الرياح بما لاتشتهي السفـن** اليــوم بعد مضي اسبــوع عن هالاحداث... اهوه امجد جالس في شقة رامي اللي في امريكا.. رامي وهوا يشوف شكل امجد التعبان:ها ابو الامجاد مابتقوم ترتاح دوبك جي من سفر وطريق طويل امجد بتعب:اي والله من جد هلكاااااااان وتعبااان وصار لي كم يوم مابنام زي الناس رامي:طيب قوم نام مين ماسكك؟؟ امجد:ابا اتصل على الاهل اطمنهم اني وصلت الحمدلله رامي:قوووم ياشيخ روح غرفتك وانا اتصل عليهم اطمنهم انتا بس نام ولاتشغل بالك بشي امجد:يكون احسن برضو رامي:تصبح على خير امجد:وانت من اهله ولاتنسى كلمهم دحين رامي:طيب طيب |
مشاركة: عمق القلوب....قصة واقعية
في جـــــده عروس البحــر الاحمــر...
كانت منى جالسه جمب رندا وبتكلمها عن ناصر وتمدحلها هوا وتقولها انه رهف كل شويه تسأل عن ردها... رندا بتوتر:بليييز منووي سيبيني على راحتي منى:حبيبتي انا ما بغصبك على شي بس الولد طيب وشاريكي فوق ماتتصوري يعني لو ليكي نيه في الزواج ولا شي لاتضيعيه من يدك على الاقل لو تحبي ممكن نقول لهم يستنو لمن تخلصي دراستك ويتقدمو لك في الاجازه الصيفيه رندا:منـــى يامنـى افهمينـــي بليـــز منى وهيا تقوم بعصبيه:والله ماني قادره افهمك ايش هوا دا رامي اللي مايته فيه مستحيل يطل فيكي ولا يدري عنك وانتي هالكه نفسك عشانو غير كدا لو ماتبي ناصر قولي وخلاص انا اتفاهم مع رهف مو تقعدي ساكته كدا لاتقولي لا لاء ولا ايوه البنت احرجتني صراحه كل يوم تتصل واسمع الولد جمبها يسألها ويستفسر رندا........ منى:رندا اخر فرصه عندك لو بكـره ماقولتيلي رأيك بقولها انك مو موافقه حرام تعذبي الولد والله رندا......... وراحت منى من هنا ودق التلفون من هنا... رندا ماكان لها نفس ترد بس اصرار المتصل واتصاله المتواصل خلها ترد بتذمر.. رندا:نعــم ....:الووووو السلام عليكم رندا من يوم ماسمعت الصوت شهقت و حست انه قلبها انقبض معقووول معقووول هــوا.. رندا بصوت مرتجف:مين معايا؟ ....:انا رامـي مين انتي؟ |
مشاركة: عمق القلوب....قصة واقعية
رندا وقف قلبها لمن سمعت الاسم وصارت ترتجف وقالت بصوت واطي واشبه للهمس:رااامي راامي
رامي:نعـم ايش؟؟ ترى مو سامع ارفعي صوووتك رندا والدموع تخونها وتنزل على خدها قالت بصوت حزين:انااا رر رندا رامي لمن سمع اسم رندا مدري ايش صار فيه وحس بشي غريب:هلا رندا كيف حالك؟ رندا بإرتباك:الحمدلله تمام كيفك انتا؟ رامي وهوا مستغرب لهجتها وصوتها الحزين:بخير الحمدلله رندا......سكتت وهيا تفكر معقوله اسمع صوت رامي وانا في غمرة احزاني وفي الوقت اللي ابا اتخذ فيه قراري بالبعـد عنه وعن حبـه رامي كان يبا يسألها ايش بك بس ماقدر وخاف يحرجها فقال:المهم رندا ما اطول عليكي بس حبيت اقولك بلغي اللي عندك انه امجد وصل بالسلامه من قبل ساعتين وهوا دحين تعبان ونام وقلي اتصل عليكم اطمنكم رندا وهيا مو قادره تحبس دموعها اكثـر قالت بصوووت حزييييييين لابعد درجه:......شكراً يعطيك العافيه رامي انفجع وانقبض قلبه وقال في نفسه لا لازم اسألها البنت فيها شي مو طبيعي.. رامي بصوت حنون:رندا ايش بك؟؟ رندا..... انصدمت من سؤاله وماعرفت ايش تقول..وماحست بنفسها الا وهيا تبكي بصوت مسمووع.. رامي قلبه من جد عوره وخاف على البنت:رندا رندا ايش بك يارندا؟؟ رندا كل مايقول اسمها ولاينطق بشي تحس قلبها بينطعن وتحس نفسها بتموت...فقالت.. رندا وهيا تحاول تكتم انفاسها وتعدل صوتها المتجهد:مافيني شـ.شيي |
مشاركة: عمق القلوب....قصة واقعية
رامي بقلق:كيف مافيكي شي وبتبكي كل هالبكا؟؟
رندا وهيا تمسح دموعها:مافيني شيييي رامي:رندا بسألك احد صار فيه شي قوليلي؟؟ رندا:...لا رامي:احد زعلك احد قلك شي ضايقك؟ رندا بقهر لانه مو حاس فيها:لاااا مااااااااااافيني شـي سيبني في حالي حراااااام عليــك..ورخت السماعه على طول..حست انها لو جلست تكلمه كمان شويه بتطلع روحها..ماتقدر تسمع صوته ماتقدر تشوف تجاهله الفظيع لها ولمشاعرها يعاملها عادي وزي اخته ولا كأنه بينهم اي حواجـز.. راحت رندا لغرفتها وقعدت تبكي ساعتين..وتقول في نفسها وحشنـــي اشتقت لـــه وربي اشتقت لـه بس هوا مايحس فيني مايفكر فيني..ولايهمه وجودي ولا غيااابي...آآآآه منه ياربي...وآآآآه ياقلبي بتمووووت من قهرك وحسرتك وحبك لانسان مايتهم فيك ولا يدري عنك..آآآه ياقلبي انا احسن لي امووت وافتك من هالدنياااا آآآه آآآآه...وجلست على دا الحال فترره طوويله الين ماحست على نفسها وصلت على النبي واستعاذة من الشيطان..وقالت في نفسها ايش اللي بقوله ياربي سامحني...سامحني..ماني قادره امسك نفسي ولاني عارفه ايش بقول قلبي مجرووح كسيـر وبينزززف من كثر الالـم آآآه ياقلبـي آآه انا اللي عذبتك حطيتك وعشمتك باحلام واوهام بااايخه انا اللي دخلت نفسي في هالشي واستاهل اللي جاااااني كللله مني ومن تفكيري الغبي والمراهق..كيف حبيتــه ياربي كيـف حبيته.. كييييييييييف سمحت لي نفسي احب انسان مايدري عني ولا يهتم فيني..آآآه ياقلبي كيف سويت في نفسي كدا ظلمت نفسي وظلمت قلبي المسكين معايا..معليه ياقلبي سامحني حكمتك عليك بالاعدام ودخلتك في عذاب مدري كيف حشيلك منه..فجئه اتذكرت انها رندا القويه واللي مايغلبها شي..مسحت دموعها بسرعه...كأنها طفله صغيره..وقالت في نفسها..مو انا اللي يصير فيا كل دا انا اللي صنعت هالشي بنفسي وانا اللي حنساه انا لازم افكر بعقلانيه اكبـر..قامت من مكانها وراحت للبلكونه وجلست على الكرسي وصارت تطالع في المسبح اللي تحتها وتفكـر بحزن والدموع رجعت تنهمر بهدوء على خدودها الناعمه والجميله..رامي انسـان غالي عليا وغلااااه بقلبي ماله حدوووود..بس هوا مايدري عني وانا مستحيل اقوله او ابين له اي شي...واصلاً املي معاه مستحيل لانه يعتبرني زي اخته وماعمره فكر فيني غير كدا..حتى اهتمامه وكلامه كله اخوي وعفوي وصريح..وبعدين مسألة انه ناصر دا خطبني..مو هيا اللي مضايقتني اذا مو ناصر في الف واحد وغيره..وعلى الاقل اللي اعرفه او بمعنى اصح عرفوني الناس عليـه ومدحوه ليا وفوق كل دا يبانـي وشاريني وانا اشوف انه مناسب ليا احسن من الغريب اللي وقتها محا اكون عارفه عنه شي ولا اعرف اذا كان يناسبني ولالا..جلست رندا تفكررر طوول الليل..وتحط كل اللوم على نفسها وتقنع نفسها انه رامي مستحيل يفكر فيها ولو للحظه..واحسن لها تاخد هالناصر اللي مدري من فين طلع لها... كل دا صار ورندا ماتدري انها تركت رامي في حيره من امره وجلس هوا التاني يفكر فيها ومزعوج..ويقول |
مشاركة: عمق القلوب....قصة واقعية
في نفسه ايش بها هالبنت شو فيهااا..ليه كانت زعلااانه وبتبكي معقووله يكون قلت لها شي غلط وانا ما ادري لالالا ما قلت شي والله..اجل ايش بها البنت يانااااااس ايش صاااار لها..انا ماسويت شي ليه تقولي سيبني في حالي حرام عليك والله ماسويت شي مااااااااااااسويت شي انااااااااااا...
في لحظه قرر رامي انه لازم يكلم رندا اليوم التاني ويعتذر لهـا لو كان ازعجها بإستفساره واسألته المتكرره عنها..وحس انه دا الحل هوا اللي حيخليه يرتااح ويفتك من دا الموضوع.. في نفس اللحظه قررت رندا قرار في نفسها وقالت لازم دا اللي يصيــر... في مكـان تانـي في السعـوديه.. كانت رهف جالسه في غرفتها وهيا كمان حزينه وزعلانه..تفكر في ماجد وتقول ليه هوا يسوي كدا ليــه بيحاول يبعد عنها..لو يحبها ويباها ليه مايجي يخطبها ويريحها ويريح نفسـه..ليه مايجمعهم ويريح قلبهااا المتعلق فيه ويحبه ويشتاااق لـــه..حست نفسها بتموووت من كثر الحيره وماجد كل ماله يحيرها زياده بكل تصرف يتصرفه..مرات تحسه بيموووت عليهااا ومرااات تحسه مايهمه وجودها او غيابها عن حياااته.. رهف وهيا تتنهد:آآآآآآآآآآآآآآآآه ياماجد وينك انت عني ويييييييييييييييييين متى بتريحني وتشفي جرح القلب اللي ينزف من بعـدك ماجد كان في هاللحظات جالس على البحـر مع اصحابه وبيلعب بلوووت..وفجئه دق جواله برقم غريب... ماجد:الووو .....:........ ماجد:الوووو...وقفل الخط حاتم:ها مجووود صار عندك معجباات ماجد بإستهزاء:امحق من معجبات مايردو عليا هههههههههه |
مشاركة: عمق القلوب....قصة واقعية
يسلمووووووووو البريئه امتعتينا بالقصه بلييييييييييييز كمليها
اختج بنوتة ابوها |
مشاركة: عمق القلوب....قصة واقعية
مشكوره يا البريئة ما تقصرين
المهم إن شاء الله التكمله بكره و رمضان كريم Gad |
مشاركة: عمق القلوب....قصة واقعية
هلا والله شباب
كيف الحال أن شاء الله بخير مبرووووك عليكم الشهر مشكووووووووووووووووووووووورة البريئة على القصة أخوك الجني |
مشاركة: عمق القلوب....قصة واقعية
بنوتة ابوها
تسلمييييييييين على المتابعه وانشاله تستمتعين للنهااااااااااااايه Gad الشكر الكبير لك ولمتابعتك وياهلاااااااا فيك اله اكرم وكل عام وانت بسحه وسعاده واعذرني هذيك المره مارديت عليك لاني كنت مستعجله فنزلت القسه وعلى طوووول طلعت مامداني احط ردوود وتسلم على حظورك الجنـــــــــــــــــي ياهلاااااااااا ومرحباااااااااااا بالبـــــــــــطل :D هلااااااااا فيك انت ومره ثانيه اكتب شباب وصبايا :D ولا ترى ازعل ولا تعرف بعدين ايش راح يسير رمضان كريم على الجميع تحياتي للجميع : البريئة :cool: |
مشاركة: عمق القلوب....قصة واقعية
حاتم:هما كدا البنات في الاول مايتكلمو ويسوو نفسهم تقيلين وحاله بس بعدين لمن يتعودو علييــك الله يعينــك واسألني اناااا
يوسف:بس بس يازير زمااانك كملووو لعب ماجد:يلا دورك عبدالله عبدالله:ههههههههههههههه والله غالبكم غالبكم ومره تانيه دق جوال ماجد..وماجد حس هالمره انه المتصل يبغاه هوا مو بس يعاكس.. ماجد وهوا يرد:الووووو ............. ماجد سمع نفس من انفاس المتصل وحس نفسه يعرف ميـن..فقام بسرعه من محله ونبضات قلبـه تقوووله على المتصـل.. يوسف:ماااجد ايش بك ياواد فين رايح؟ ماجد بإرتباك شديد: ها لالا بطلت ما ابا اللعب احد ياخد دوري الشباب:لييييييييييييييييييه؟؟ حاتم:ايش بك ياشيخ امشي كمل بلا هباله ماجد وهوا يوقف:معليه ياشباب ما ااقدر لازم اروح دحين افتكرت شي الشباب:براحتك وراح ماجد بعيد عنهم شويه ووقف على الشاطئ قدام البحـر..كانت الساعه 12 الليل..وهوا عارف انه امه واخوه نايمين في هالوقت فقال في نفسه اكيـد هيـا.. |
مشاركة: عمق القلوب....قصة واقعية
ماجد والجوال لساته على اذنه والمتصل برضو ساكت..
ماجد بصوت اعمق من صوت امواج البحـر:وحشتيـني ................لارد ماجد:ادري مين انتي لأنه من مجرد ما قلبي زادت نبضاته عرفتك ومن يوم الدنيا دارت في عيني عرفتك ومن اللحظه اللي حس فيها قلبي بوجود قلبـك اتأكدت من هويتك ..............لارد ماجد:يعني لازم اقول اسمك عشان تتكلمي؟ ................لارد ماجد:تدري محا اقوله واحسن خليكي ساكته وانا اللي حتكلم ...............لارد ماجد وهوا يجلس على الرمل ويتكلم:تدري انك في بالي دايماً حتى وانا ناسيكي انسى وارجع اتذكرك ..............لارد ماجد:قد كدا ماتبي تسمعيني صوتك؟ .............لارد ماجد:انتي عارفه انا من متى ماسمعت صوتك حرام عليكي اتكلمـي وارحمي قلبي التعباااااان ..............لارد ماجد وهوا يبا يقهرها:تدري انا دحين شايف قدامي بنت زي القمـر لو تشوفيها بتجنني عليها ماشاء الله جمالها يفلق الصخر ومن اول تغمز لي شكلها تبا تتعرف ايش رايك اتعرف عليها؟؟ ..............لارد ماجد:يعني مايهمــك طيــب طيــب ..............لارد |
مشاركة: عمق القلوب....قصة واقعية
ماجد:يووووه ترى برمي نفسي في البحــر اتكلمــــــــي ولو كلمــه وحده
..............لارد ماجد وهوا يرمي نفسه على ورى وينسدح ويحط وحده يد تحت راسه وماهمه التراب ولا اي شي تاني:آآآآآآآآآآآه منك ياشيخه آآآآه بسسس آآه ..............لارد ماجد:تدري مهما تسوي فيني برضوو احبــــــــك وفجئـه انقطع الخط... ماجد بقهر:ياربــــــــــي عليهاااا ومن عنادهاااااااااا ليه سوت كدا ليـــه..؟؟ شاف الرقم وكان رقم جوال بس خاف يكون مو جوالها لكن خزنه وكتب الاسم..ليلة البحـر.. وقام من مكانه وصار يمشي على الشاطئ من غير هدى وماهمه لا الوقت ولا المكان بس يمشي ويمشي ويفكر في حبيبة قلبـه اللي ملكة كل ذره في جسمه... في اليوم التاني في الصبــح.. كانت مي عند لمـى وتتكلم معاها...وتحاول تفهم منها على اللي فيها.. لمى:مافيني شي يامي مافيني شي مي وهيا تمسك يدها بحنيه:مستحيل محا اصدقك لو تخبي على كل هالعالم انا بالذات محا تقدري تخبي عليا لمى........ مي فجئه وبدون مقدمات:امجـد صح لمى من يوم ماقالت مي امجد على طول زادت نبضات قلبها واطربت وصارت تطالع في الارض بإرتباك..مي من ذكائها وفطنتها كانت حاطه يدها في مكان معين في يد لمـى يخليها تحس بنبضاتها..واصرت انها تقول اسم امجد بدون اي كلام تاني عشان تشوف تأثير اسمه عليها..فلمن زادت نبضات قلبها.. اتأكدت مي انه امجد هوا السبب في الحاله اللي فيها لمـى.. |
مشاركة: عمق القلوب....قصة واقعية
مي وهيا توقف:تـدري
لمى طالعت فيها بكل تعب بس ما اتكلمت.. مي وهيا تحط يدها على كتف لمى:انا حتصـرف..وراحت عنهاا.. وقعدت لمـى في مكانها مستغربه ايش اللي حتسويه مي..وليـه قالت لي اسم امجد..امجد آآآه يا امجد عذبتنــي عذاب ماعمري شفته على يـد احد..وتستاهــل ماجاك صدقني تستـاهل..انا لازم اكون اقوى من كدا انا طول عمري متماسكه ومافي شي يهزني وخصوصاً دا الامجد عمره ماهمني وبالعكس كان هوا الانسان الوحيد اللي كان يشغل اخر اهتماماتي..انا لاااااااازم اتغيــر يكفيني هوااان وذل يكفيني تعب والــم انا بووووريك يا امجد بووووووووريك وبخليك تندم على اللي قلته وسويته فيا..اجل انا لمــى تلعـب فيا وتقولي انتهى اللي بيننا بأي حق..والله لخليــك تنـدم على كل حرف قلته في داك اليوم وكل دمعه نزلت من عيني بسببك... اللي ماتعرفووووه..انه امجد بعد ماكلمه ابوه بمده.. ابوه مايكلمه والمكان اللي يكون فيه يخرج منه فكان امجد مرره تعبان نفسياً لانه مايقدر على زعل ابوه ولا على اسلوبه القاسي في التعامل..ففكر في كلام ابوه لمره الالف وشاف انه رضا ابوه وراحته اهم من اي شي في الدنيا وانه مايقدر يطيق هالحال ولا يقدر يطيق زعل ابوه عليه..فيوم من الايام راح لغرفة المكتب حقت ابوه وكان عارفه انه ابوه جالس فيها... |
مشاركة: عمق القلوب....قصة واقعية
امجد وهوا يدق الباب:ممكن ادخل
ابو خالد من يوم ماسمع الصوت عرف انه امجد فما رد عليه... امجد كان عارف انه ابوه محا يرد عليه ففتح الباب ودخل بدون ماينتظر رده.. ابو خالد كان يسوي نفسه مشغوله ويطالع في الاوراق اللي بين يده ومتجاهل وجود امجد.. امجد قرررب من ابوه واخد له كرسي وحطه قدام ابوه وجلس عليـه.. امجد:ابويااا ابو خالد... امجد:يا ابو امجــد ابوخالد..... امجد:يوووه لازم يعني ابو خالد طيب ياااا ابو خالد لووو سمحت رد عليا من فضلك ابو خالد رفع عينه على ولده بكل استحقار وقال:ماتقولي ايش عندك خير ايش تبغى؟؟ امجد انصدم من نظرات ابوه بس ظل متماسك وثابت:ابويا الله يخليك ابغاك في كلمتين اسمعهم بعد كدا من حقك تعاملني زي ماتبا ابو خالد:ما ابغا اسمع شي اذا سمعت كلامي ولغيت حكاية السفر هادي ديك الساعه ممكن اتفاهم معاك واسمعك امجد بتوسل:هماااا كلمتييين اذا ماعجبووك براااحتك واوعدك ما اخليك تطل في وجهي بعد كدا ولا يوم ابو خالد وهوا يشوف نظرة ولده الجديه واصراره:طيب بس اختصر امجد وهوا يمسك يد ابوه ويبوسها:ياابويا انا ابغا رضاك عليااا واللي تباه هوا اللي حسويـه |
مشاركة: عمق القلوب....قصة واقعية
ابو خالد سحب يده بسرعه من يد ولده وطالع فيه بإستغراب..
ابو خالد:انت عارف رضايا في ايش؟ امجد:انا مستعد انفذ اللي تباه اهم شي رضااك يالغالي ما اقدر انا على كدا كيف اقدر اعيش ولا اتوفق في حياتي وانت مو راضي عني..تباني ما اسافر مستعد اني انسى فكرة السفر دي نهائياً ولا اسافر طول عمري لو تبا كمان..ولو تباني اخد لمى اخدها دحين قبل بكره بس اهم شي تكون راضي عني يالغالي ابو خالد...سكت وصار يطالع في امجد بفخـر.. ابو خالد بفرح:اخيراً شفت ولدي اللي طول عمري احكي واتحاكى عن رزانته وعقله الكبيـر امجد ابتسم وقام باس راس ابوه:أأمرني وانا انفـذ يالغالي ابو خالد:ياولدي انا ابغا مصلحتك وبس فلا تظن اني بطلب منك دا الشي عشان نفسي انا محا استفيد شي من منعك من السفر بالعكس انا اتمنى انك تدرس احسن دراسه ويكون لك افضل مستقبل بس انت مستقبلك مع لمـى ولمـى مستقبلها معاك امجد:خلاص طيب ولايهمك انا من بكره حروح لعمـي واقله اني ابا اقدم الفرح ولاتزعـل والسفر ولا حفكر فيه بتاتاً |
مشاركة: عمق القلوب....قصة واقعية
ابوخالد وهوا يبتسم بسعاده:مدام هادا كلامك خلاص انا عندي لك حل يرضيني ويرضيك
امجد:كيف يعني؟ ابوخالد:انا اقوول لو تاخد لمـى معاك وتسافر انتا وهيا يصير بكدا اضمن انه لمـى معاك وتضمن انتا مستقبلك ودراستك امجد بتفكير:امممم والله فكره حلوه بس تظن انو عمي فهد بيرضا يخلي بنته الوحيده تسافر بعيد عنه ما اظن ابوخالد بثقه:فهد مايهمه الا سعادة لمـى واكيد لمى سعادتها انها تكون مع زوجها محل مايكون امجد وهوا يوقف:خلاص ولايهمك بكره بروح لعمي فهد واستشيره واخليه يسأل لمى اذا رضيت كان بها نسوي الفرح في اقرب فرصه واخدها ونسافر مع بعـض ابوخالد وهوا يوقف مع ولده ويحط يدينه على اكتاف امجد:الله يبارك فيك ياولدي ونعم الرجل والله امجد:الله يخليك يارب ومن بعدها راح امجد لعمه ابو محمد وهوا كل اللي في باله رضا ابوه وبـس..كان يمشي ويتحرك ويتصرف ولا كأنه فيه شي وشكله زي الصقر الجامح اللي قلبه حزينه ومذبوح..بس ماببين لأي احد..كان يتمنى في قلبـه انها توافق..لكن غروره وتكبره يقول لالا توافق كيف حقدر اعيش مع انسانه ماتباني..بس مسرع مايغلب على افكاره قلبـه بتمنيـه الاقوى وانه لمـى توافق ويعيش هوا وياها مع بعـض..كان في بعض اللحظات يضعف ويحلم بلحظات ورديه مع هاللمـى..ويحلم بحياه سعيده معاها..لكن برضوو مسرع مايرجع للواقع ويمحيها عقله وغروره... كان جالس في مجلس ابومحمد ينتظره يرجع بقرار لمـى على موضوع السفـر.. كانت ضربات قلبـه قطااار من سرعتهااا..وعقله في حالة توتر مو قادر يفكر ولايتصرف ولا يسوي شي..فجئـه دخل عليه ابو محمد ووجهه متغيـر.. امجد.......كان خايف وينتظر الرد من عمـه وقلبـه يقول واقفت وعقله يقول كيف حتوافق بعد اللي قلته لها...وافقت ولالا؟؟؟؟؟؟؟؟ ابومحمد:اسمع يا امجد انا قلت لك اني موافق وماعندي اي اعتراض دام الشي فيه سعادة وراحة للمـى بس دحين وبعد ماسألتها قالت لي انها ماتبغا وماتقدر على السفـر صراحه ما اعرف ليه قالت كدا بس البنت هالايام حالها مو عاجبني وماني عارف ايش فيها وانا حاس انك تعرف فياريت ياولدي لوتعرف تقولـي لاني ما اقدر اشوف بنتي الوحيده على دا الحال؟؟ امجد ما انصدم لديك الدرجه لانه كانت متوقع رفضها..اكيد مهما كانت مشاعرها نحوه كره او حب..مجرد ما انه قال لها داك الكلام اكيد انه انسانه لها عزة نفس وغرور مابترضا فيه ولا بقراره.. امجد وهوا يحاول يطمن عمه:مافيها الا الخيـر ان شاء الله طيب ياعمي مدري لو تسمح تقولها تجي ابا اتكلم معاها شويه واسلم عليها من زمان ماشفتها ابومحمد:بس ياولدي ما اظن انها تقدر لاني سبتها وهيا مسدوحه على السرير وتبا تنام امجد بإصرار:بس ياعمي انا يمكن اسافر قريب يرضيك اسافر بدون ما اشوفها ولا اكلمها وانا اصلي ماشفتها من شهـر ابومحمد بتفهم:لا طبعاً خلاص ولايهمك اطلع لها الغرفه فوق امجد بصدمه:اطلع لها الغرفه؟؟!! ابومحمد:مافيها شي ياولدي انت زوجها اطلع لحرمتك وسلم عليها وبلا دلع حريم انا اعرف الحريم ودلعهم قووم ياولدي قوم سلم عليها ومايردك الا نفسك قام امجد بفرح وشوق وراح مع عمـه لغرفة لمـى.. امجد بصوت واطي:معليه ياعمي خليني ادخل لوحدي ابومحمد:طيب خد راحتك |
مشاركة: عمق القلوب....قصة واقعية
دخل امجد بشويش لغرفة لمـى وقلبـه يرتجف من يوم مافتح باب الغرفه شم عطرهااا وحس بوجودها ..فحس نفسه حيدوخ..دخل اول خطوه لجوة الغرفه وشافها نااايمه على السرير..اتقرب بهدووء وبنظرات حالمه ومشتاقه اتأمل ملامح لمـى اللي باين عليها التعب..قرب منها وجلس على طرف السرير وحط يده على خدها بحنيه ورقه وبإبتسامه حلوه على شفايفه..
لمى ماكانت نايمه بس كانت مغمضه عينها تحسب امها جاتها تباها تنزل تسلم على امجد وهيا ماتبا تنزل تسلم عليه..فمن يوم حست بيده على خدها فتحت عينها بهدوء وشاافته قدامها..اتوقعت نفسها انها بتشوف احد احلامها اللي طول عمرها تشوفها فمدت يدها التانيه وحطتها على يد امجد بكل حنيه..وابتسمت ابتسامتها الناعمـه الحنـونه.. امجد من يوم ماشاف ابتسامتها نسي الدنيا بلي فيها:وحشتيني حبيبتي لمى من يوم ماسمعت صوت امجد غمضت عينها وكأنها تبا تفوق نفسها من هالحلم الحلووو..غمضت عينها لثانيه وهيا تتوقع انه هاللمسه اللي تحسها على وجهها حتختفي والشخص اللي قدامها حيروح..بــس...فتحت لمى عينها على طول من يوم ماحست انه اللمسه حقيقه والانسان اللي قدامها فعلا ً موجود.. امجد خاف لمن لمـى فتحت عينها بسرعه وبتوتر على عكس رقتها ونعومتها قبل شويه..فشال يده من عليها.. لمى لمن شافت امجد قدامها وبيبتسم لها بكـل حب انصدمـــت مرره وعلى طول حاولت تقوم وتسند نفسها.. امجد وهوا يمسك يدها:خليكي خليكي لمى سحبت يدينها منه على طول وصارت جالسه نص جلسه وبتطالع فيه بإستغراب وتقول في نفسها هادا ايش اللي جايبه هنا..؟؟!! |
مشاركة: عمق القلوب....قصة واقعية
تكفين بريئة كملي والله العظيم أبي أقرا القصة
لكن مشكوووووورة أخوك الجني |
مشاركة: عمق القلوب....قصة واقعية
يسلموو البريئه قصتج وايد حلوه وننتظر التكمله
|
مشاركة: عمق القلوب....قصة واقعية
انشااااااااااااله
اكملها بعد اسبووووووع :d خخخخخخخخخخخخ |
| الساعة الآن 03:36 AM |
Powered by vBulletin® Version 3.8.6
Copyright ©2000 - 2010, Jelsoft Enterprises Ltd