الحزن في دنيتي بادي يفوح=خلى دمعي فوق خدي ينهمر
خابرك ياصاحبي وجهٍ سـمـوح=ماتخليني وانا حالي خطـر
شوف عينك واضحٍ حالي وضوح=لاتخليني اطق من القهـر
يعني تهمك حياتي لاتـروح=ولو حياتي ماتهمك بنتحر

كنه مشاركني وكنه يقاسم=طيفي واحزني هي تشوفه كذا العين
من حسن ضني لوغدى الجوع سم=اقول بكره تطلع الشمس ويبين
لابد مال الوضع حدن وحاسم=ولابد القاسي يجي يوم ويلين

نديـم لعيـون الاسـف والشماتـي =جيتك شظايا تشتعل شوق بسكـات
ما ادري حزن مدري سعادة اسكاتي =جيتك لو انتي سابـع المستحيـلات
اللـي يحبـك يصنـع المعجزاتـي =جيت استجيرك من شموس المتاهات
عيّـت تظللنـي تَحَتْهـا عبـاتـي =واباتعفّـى مـن عـذاب المعـانـاة

تنثنـي كنـك النايـف النبنـوب =وانثني وأنشد الصبح وش جابك ؟
تبتسـم للنسايـم تـذوب قلـوب =وابتسم وأهـدي الـورد عنّابـك
ضحكتك غيمة وبلهـا مسكـوب =ظللتـنـي نهـاريـن بغيـابـك
فيك من لفتة الشادن المرعـوب =كل ماهـزّك الشـوق وانتابـك

ابكي هوانـا كلمـا نـاح قمـري=واذكرك لا ضاقت على نفسي الدار
وأنت بجروحي يا هوى البال تدري=ياشايلٍ قلبي علـى كـف الأقـدار
حفرت في ذكـراك هـمٍ بصـدري=لولا الأمل والخوف بيحت الأسرار