غرور وكبرياء ( قصة سعودية ) لا تفوتكم روعه تهبل **صدقوني ما راح تندمون**

[الرتاج]

/28

في بيت ابو فهد ...
فواز كان جالس في غرفته ...
فواز : الحين انا صار لي نص ساعه قايم ...شكلي بنزل لهم تحت ...بس احس ان فيني خول ..وابي انوم ...لا لا بنزل عند اهلي احسن ....
نزل فواز تحت ودخل للصاله ..الكل استغرب يوم شافوه نازل ..
فواز : شايفين جني يعني ...
العنود تبتسم : واشين من الجني بعد ..
ام فهد : ما عليك منها ...تعال اجلس جنبي ...
راح فواز وجلس جنب امه ..وفيصل طول الوقت عيونه عليه ...يبي يتطمن وشلون صحته بدون ما يسال... بس المصيبه ان فيصل ما ارتاح لوجه فواز ...
فواز : خير يا خي...وش تشوف ..
فيصل يبتسم : لا ابد سلامتك ...
رن جوال فواز ....رساله وسائط من مشاري ...

@_()( يا خوي وينك ما عاد تنشاف )()_@
@_()( زعلان والا كل هذي قطاعه )()_@
@_()( في غيبتك قلنا عسى ما به خلاف )()_@
@_()( حتى في صوتك باخل في سماعه )()_@
@_()( وين العدالة في المحبة والانصاف )()_@
@_()( يومك تغيب أيام وتطل ساعة )()_@
@_()( والعشرة اللي مالها ساس وأهداف )()_@
@_()( تضيع في لحظة زعل أو إشاعة )()_@
@_()( أنا أعرفك طيب القلب شفاف )()_@
@_()( مفروغ من راعاك بالوصل راعه )()_@
@_()( قربنا نسأل عنك كاهن وعراف )()_@
@_()( ونشوف من غير علينا طباعك )()_@

فواز سمع الاغنيه وانصم ..مشاري ..وش فيه مشاري ..ما يدري اني تعبان ...لا لا اكيد ما يدري ...لو يدري ما تركني ..انا متاكد انه ما يدري .. بس من زمان عنه ...
قام فواز وطلع برا .. وكلم على شاري ....
فواز : هلا والله
مشاري من غير نفس : هلا ..
فواز : وش فيك .. ليش ترد من غير نفس ..
مشاري وهو يطلع من عند خالته : لا ابد سلامتك ...بس لو اني داري انك بتكلم علي اذا شفت الرساله ..كان ارسلتها ارسلتها من اسبوعين ..
فواز : وليش ما ارسلتها من اسبوعين ... ليش اليوم بس فكرت ..
مشاري وهو معصب : اخلص ..وش عندك . عندك شي تقوله ..
فواز حاس بكتمه : لا ..
مشاري ضاق صدره كان وده ان فواز يتكلم ..يقول شي ..يعبر عن سبب غيابه ..اسبوعين يا فواز مهيب سهله ...بس اذا هذا رايك ...انا بعد مثلك ..
مشاري : وانا بعد ما عندي ...مع السلامه ..
فواز خلاص مو قادر يتنفس : مع السلامه ...
سكر فواز من مشاري ودخل للبيت بسرعه ..
س المشكله ان التعب يزود عليه .. ومو قادر يشوف شي قدامه ...
فيصل حس ان فواز فيه شي .. وقام له علطول وسنده ..
فيصل وهو ماسك فواز وجلسه على الارض : فواز وش فيك ..
ام فهد وابو فهد والعنود قاموا له ..
فواز : ابي اتنفس ابي هواء ..
فيصل : خلاص وخروا ..وسعوا شوي خلوه يتنفس ..
ام فهد وهي تصيح : يا ربيه يا وليدي ....فواز يمه تبي شي ..اجيب لك شي ..
فواز يناظر العنود وعيونه حمرا وتدمع لا شعورياً..: ابي مويه ...
العنود تروح بسرعه للمطبخ وتجيب له مويه ..
فيصل : فواز فيك حيل ..تقوم اوديك للمستشفى ..
فواز : قلت لا ..قبل الملكه منيب رايح لشي ..
فيصل : وقسم بالله منتاب صاحي ..
ابو فهد : وش لا ..يله قم بنوديك للمستشفى ...
فواز : يبه طلبتك منيب رايح الحين .
فيصل عصب : لا حووووول ..
فواز : طيب اليوم ب في الليل ..الحين ما ابي اروح ..
فيصل : شوف يا فواز ..بعد الملكه اليوم عطول بوديك للمستشفى ..
فواز : خلاص ...
العنود تجلس على الارض جنب فواز : فواز طلبتك قوم روح الحين ..تكفى ..
ام فهد : يله يا وليدي قوم ..
فواز : يمه تكفين خلوني على راحتي ..
فيصل : خلاص يمه في الليل بيروح ..
ام فهد : الله يهديك ...
فيصل : قوم يله ..خليني اوديك فوق ..






سكر مشاري من فواز ورجع داخل البيت ....وجلس معهم في الصاله ..
نجلاء : من كنت تكلم ..
مشاري : كنت اكلم فواز ..
نجلاء : هاه وشلونه الحين ..
مشاري مستغرب : ليش هو وش فيه ..
نجلاء.: ما ادري .. بس امس كان تعبان شوي ..
مشاري ما اعجبه الموضوع ويبي يغير السالفه : الا اقول وين ريم ..؟؟..
نجلاء : نايمه ..
ريم تدخل عليهم ..
ريم : لا يا حبيبتي انا قمت ..
نجلاء : بسم الله ..من وين طلعتي انتي ...
ريم : من وين يعني ..
مشاري اللي يقوم : يالله انا بطلع ..
ريم : وين ..وين ..
مشاري : بروح للمعرس..
ريم: وشو يعني اذا حضرت الملائكه ذهبت الشياطين ..
مشاري : والله ما الشيطان الا انتي...
ريم : فارق ..بس احسن ..
نجلاء : اجلس شوي..
مشاري يبتسم لنجلاء: لا والله .. بس مشعل ينتظرني في البيت عندنا كم مشوار ..
نجلاء : خلاص اجل بسلامتك ...
ريم : الا صدق مشاري مابعد سمحوا للبنات يدخلون الملاعب ..
مشاري فتح فمه : نعم ..نعم ..؟؟
نجلاء : صادقه انتي تبين تحضرين مباراة ...
ريم : ايه والله ابي احضر ..واشوف سامي وياسر نواف يا لبى قلبهم بس ..
مشاري : استحي يا بنت ..هذا وانا هنا تقولين كذا ...
ريم تبي تنرفزه : وش فيك ...والله صدق امنيتي اشوفهم ..
ام عبير: ريموه وش ذا الكلام ..استحي..
نجلاء : احلامك على قدك يا ريم ...
ريم : والله انا ابي بس الله يكتب لي اشوفهم ...واسولف معاهم ...وآخذ تواقيعهم ..
مشاري يتمصخر عليها : لا وش رايك بعد ترقصين معهم ....استحي على وجهك ..والله لو ما تعقلين يا ويلك ...
ريم : لا لا والله انا اسالك صدق ..متى بيخلونا ندخل للملعب ...
مشاري فارت اعصابه من ريم : لا والله هذي اللي تبي تذبحني ....وبعدين لو سمحوا شوفي من اللي بيخليك تدخلين ..او تروحين ..
ريم : عادي ترا ...اذا سمحوا للبنات يدخلون ...بروح معك انت قسم الرجال ..وانا وعنوده قسم الحريم ..
مشاري من سمع اسم العنود ابتسم : لا لا وش رايك بعد يحطون قسم عوائل وتجون معي ..
ريم : ايه والله فكره ...بس العنود وش نسوي بها .. ايه صح ..مافيه مشكله نزوجك اياها وندخل سوا ..
مشاري وهيقول في نفسه الله يسمع منك يا رب .: ما شاء الله عليك ..زوجتيني ..وسمحتي بالقوانين الممنوعه ..
ريم : فارق تكفى ...نشوف عاد اللي بيطاوعك اذا سمحوا بالقوانين الممنوعه ..
مشاري وهو طالع : المشكله انك تقولين كلام منتيب قده ..
طلع مشاري وتركها ميته ضحك عليه ..لانها قدرت تنرفزه ..



في بيت ابو فهد الساعه اربع العصر ...
فواز : فيصل انا ما اقدر اروح للملكه ..اعتذر لي من مشعل ..
فيصل : اكيد ..
العنود : حتى انا منيب رايحه ..بقعد معاك ..
فواز : شوفي توني مسكر الموضوع هذا مع امي ...انتي بتروحين ..وهي بعد بتروح ..
فيصل : ليش ..امي ما كانت تبي تروح ..
فواز : ايه كانت تبي تقعد معي .. بس انا اقنعتها تروح ....
العنود تقوم وتقعد جنب فواز : فواز تكفى بقعد معك ..
فيصل : خلها تقعد معك ..
فواز : لا والله اذا قعدتي ...رحت انا ..
العنود والعبره خانقتها : طيب انا ابي اقعد معاك ..والله برتاح اذا قعدت معك ..هناك منيب مرتاحه ..تكفى ..
فواز : وشو ما ترتاحين ...ليش انا وش فيني ...عشانه اغنى علي يعني ..كل الناس يغمى عليهم ..
فيصل : خلاص يا العنود روحي وكل شوي كلمي عليه ...
العنود : طيب بس يا ويلك لو ما ترد ...
فواز : وعد خلاص ..برد عليك اول ما تكلمين ..
فيصل : الا صدق فوز وش اخبار مشاري .. من زمان عنه ..
فواز تغير وجهه : مشاري ..
فيصل حس ان فيه شي : ايه ..مشاري ..معاد اشوفكم تجتمعون ولا شي ..ولا تكلمون على بعض ..
فواز : من قال توني مكلم عليه ..
فيصل : وشلونه ..
فواز : الحمد لله طيب ..الحين انت ليش تسال ..بتروح اليوم وتشوفه ..
العنود كانت ساكته وتسمع كلامهم عن مشاري ..ما تدري ليش هالاهتمام .. بس من تسمع اسمه تحس بشي غريب ..






في بيت ام عبير .. الساعه 4 ونص العصر ..
نجلاء : مهوب معقول يا خالتي .. خلصنا ..
عبير وتحس ان فيه شي ناقص .: اقول يمه .. انتي طلعتي البيالات والفناجيل عشان يمسحونها الشغالات ..
ام عبير تشقه : لا والله نسيت ..
نجلاء : زاد انا اقول .. فيه شي ناقص ..
عبير: خلاص انا بطلعها وبقول للشغالات ..
نجلاء : وانا بروح ادخن المجالس..
ريم اللي نازله من فوق وتصرخ : يـــــــــــمـــــــــــــــــــــــــــــــه ..
ام عبير: نعم .. نعم ... وش ذا الصراخ .. وش عندك ..
ريم : يمه تعالي تفاهمي مع بنتك ..
ام عبير : يا ربيه وش فيها بعد .
ريم : عيت تاكل .. تقول ما اشتهي..
ام عبير: وش بعد ما تاكل .. عشان تطيح علينا ..
نجلاء : عادي يا خالتي ... انا كنت مثلها ..
ام عبير : بلاك مهبوله ..
نجلاء : ههههههههه .. كيفك .. بس ترا علمتكم من الحين انها مهيب ماكله ..
ام عبير : بروح احاول معها ..
عبير اللي جايه من عند الشغالات .. : اقول نجلاء انتي متى بتروحين للبيت ..
نجلاء : بعد شوي.. فيصل في الطريق ..
عبير: خلاص .. بس تكفين قبل ما تروحين كلمي على المطعم اكدي عليهم .. انا برجع للشغالات ناشبين فيني ..
نجلاء .: الله يعينك روحي ..






الساعه 7 في بيت ام عبير .. الكل مجتمع ...
عند رنا فوق في غرفتها ..
نجلاء : الله بتطيرين عقل اخوي..
رنا ووجهها احمر : بتقولين كذا . اطلعي ..
ريم تدخل ومعها العنود ..
العنود تصرخ : وااااي ... روعه يا رنا .. ما اقدر انا على التركواز ..
رنا : خلاص عاد .. لوني الطبيعي اختفا .. خفوا شوي..
رنا من جد كانت قمت النعومه .. فستانها تركواز اللي كان سيور و ضيق من فوق .. يبدا يتوسع من تحت .. الفستان من ورا اطول فيه ذيل .. يعني طويل شوي ... شعرها كانت مسيحته ومسويه فيه حركه من قدام .. مكياجها كان مره فاتح .. بس كان مناسبها .. عيونها .. وبشرتها البيضا ... كل شي فيها كان روعه .. نعومه فضيعه ..
نجلاء : انا بنزل ...
رنا : وين اقعدي..
نجلاء : هههههههههه ما يصلح كلنا فوق.. ناس تنزل وناس ترقا ..
رنا : هههه اوكي..
طلعت نجلاء..
ريم : فاتك يا رنا .. هدوول .. تجنن ..
رنا : وينها ابي اشوفها ...
العنود : لا ما يصلح تشوفينها ..
رنا : هههههههه .. ليش مفاجأه يعني ..
ريم : لا بس اذا نزلتي شوفيها ..
رنا : طيب ..
العنود قامت ...
ريم : وين ..
العنود : شووي بس بكلم ..
ريم : كلمي عندنا (وتغمز لها ) والا ما ينفع ..
العنود ترجع تجلس : لا ينفع ليش ما ينفع (وترد لها الغمزه )
كلمة العنود على فواز اللي رد عليها علطول من اول رنه ..
العنود : الوو ..
فواز : يا هلا ..
العنود : يا هلا فيك . اخبارك ..
فواز وهو يقاوم الالم عشان ما يخرب على العنود فرحتها : انا تمام .. اكيد تمام ..
العنود : فواز .. وش رايك اجيك ..
فواز : اذا زعلي عادي عندك تعالي..
العنود : لا .. لا خلاص ..
فواز : الا وش اخبار المعرس والعروس..
العنود : والله المعرس ما ادري عنه .. بس العروس ما عليها . وحتى اخت العروس .. واخت المعرس كلهم طيبين ..
فواز فهم قصد العنود : هههههههههههههه الله يقطعك ...
العنود : لا بس اختصر المسافات ..
فواز : بس انا ما سالت ..
العنود : بس كان ودك تسال ..
فواز : تبين الصراحه ..
العنود : اكيد ..
فواز : والله ما جت على بالي.
العنود : مالت عليك ...
ريم اللي كانت تسمع العنود وش تقول .. بس ما تدري ليه حست انهم يتكلمون عنها ..
خلصت العنود من فواز وهي مرتاحه ... وبعدها نزلت هي وريم ..




على الساعه تسع .. تم كل شي.. وقعت رنا ومشعل .. وصاروا زوجين .. على الساعه تسع ونص نزلت رنا تحت .. وسلموا عليها الحريم .. اللي كانوا عماتها خوات ابوها الله يرحمه .. وطبعا ام فهد وباتها وخالتها ام راشد .. وكم حرمه من جارات امها ..
بعدها دخلت رنا للمجلس .. ومعها ام راشد وام عبير ونجلاء وريم .. وهدوول.. جلست رنا على الكنبه المخصصه لها هي ومشعل ..
وبعدها دخل مشعل للمجلس .. رنا طبعا منزله راسها وهو ما شافها زين .. بس اعجبته هيئتها ..
قرب مشعل وسلم على خالته ..
ام عبير: مبروك ..
مشعل : الله يبارك بايامك .
وراح لامه وسلم عليها ..
ام راشد : مبروك .يمه ..
مشعل والابتسامه مافارقت وجهه : الله يبارك بحياتك .. ويحلي ايامك ..
وقرب من عند رنا وهو يقول في نفسه رنا ارفعي راسك .. ابي اشوف عيونك .. تكفين ارفعي راسك ..
ريم حست عليه .. وهمست لرنا : ارفعي راسك ..
رنا : منيب .
ريم : ارفعي راسك .. شوفي مشعل يهبل بالبشت ..
ومشعل كان صدق قمت الوسامه .. مع الثوب والبشت والغتره طالع شي.. خصوصا مع اللمعه اللي بعيونه .. كن تكون لمعة فرح .. بس كان وسيم بشكل خطير..
رنا لا شعوريا من رفعت راسها من بعد كلمة ريم وطاحت عينها في عين مشعل .. ما قدرت تنزل عيونها هذا زوجي.. معقوله .. يهبل .. والله رزه .. اما مشعل اللي من شاف رنا وهو في عالم ثاني اعجبته نعومتها ورقتها وجمال عيونها .. وظل يردد في باله اغنية نبيل شعيل ما اروعك .. ملكتي كل سحر الجمال .. ابتسم وقال في نفسه الله لو تبتسمين بس يا رنا ...
قرب منها وباسها مع خدها .. ريم طبعا يوم شافته شهقت .. ومشعل ضحك عليها .. اما رنا اللي وجهها جميع الالوان .. من حركة مشعل .. واخر شي توقعته ان مشعل ممكن يسوي كذا .. ونجلاء منبتسمه وجالسه على جنب ومعها هدوول..
جلس مشعل جنب رنا ... على نفس الكنبه .. وكان قريب منها مره .. الشي اللي خلا التنفس سريع عند رنا ..
مشعل : وهو يبتسم : مبروك رنا ..
رنا بصوت واطي جدا : الله يبارك فيك ..
مشعل سمعها بس حب يحرجها : وشو .. ما سمعت ..
رنا انحرجت .. من كلام مشعل ما تدري وش تقول ورفعت راسها واحت عينها في عينه ونزلت راسها بسرعه ...
مشعل : ههههههههههههه .. امزح .. امزح ..
هدوول قات من عند نجلاء وراحت عند ابوها وقالت له زي ما حفضتها نجلاء..
هدوول تبوس ابوها : مبلوك بابا ..
مشعل ابتسم ابتسامه كبير كلها حنان لبنته : الله يبارك فيك .. يا قلب بابا ..
هدوول تروح لرنا وتبوسها مع خدها : مبلوك ماما .
رنا خنقتها العبره لمى سمعت هدوول.. : الله يبارك فيك حبيبتي..
هدوول : بابا .. ليش تبوس ماما رنا .. ايب (عيب)
رنا واستحت ونزلت راسها ..
مشعل : ههههههههههههههه .. لا حبيبتي .. ماما رنا الحين صارت زوجتي..
هدوول طبعا ما تدري وش السالفه بس ابتسمت ..
اما رنا اللي اعجبتها كلمة صارت زوجتي .. وجلست ترددها في بالها كم مره ..
جابت ام راشد الشبكه لمشعل عشان يلبس رنا .. ولبسها ... وبعدها طلعوا ام راشد وام عبير ...
ريم : يله هدوول..
هدول: وسو ..
نجلاء : يله هدوول خلينا نطلع ..
هدوول: مابي..
ريم : امشي يله ..
هدوول: ما بي.. مابي.
مشعل : خلاص ريم خليها ..
نجلاء: لا مشعل .. خليها تجي معي.. بنروح انا وهي ناكل آيس كريم ..
هدوول ترفع راسها لنجلاء : أيس كريم ..
نجلاء : ايه ..
هدوول تلتفت على ابوها : معليس..
مشعل : ههههههههه معليش .. بس شووي مو كثير..
طلعت هدوول ونجلاء وريم .. \مشعل ما يدري وش يقول خاصة ان رنا مستحيه بشكل خطير..
مشعل : اخبارك رنا ..
رنا : وعيونها في يدها وتتحرك الدبله : الحمد لله ..
مشعل يا ربيه متى بترفع راسها ...
مد مشعل يده لوجه رنا ورفها له ..
رنا استحت من حركة مشعل ..خصوصا ان يده لحد الحين على وجهها ..
مشعل يبتسم : رنا ناظريني ..
رنا حطت عينها في عينه وسكتت ...
هنا رن جوال مشعل ..
مشعل طلع الجوال : من ذا أي رايق يدق علي الحين .. ما يعرف يعني اني منيب فاضي لـ...
رنا ابسمت ....بس مشعل سكت ما كمل كلامه ..
لانه شاف الرقم وانصدم منه ..
رنا خافت : وش فيك ..
مشعل : غدير..
رنا يا ربيه هذي اولها ..
مشعل رجع الجوال في جيبه .. بس رجعت تدق مره ثانيه ..
رنا : رد يا مشعل ..
مشعل : لا انا ما ابي ارد .. ما ابي اكلمها ..
رنا : لا والله يمكن شي ضروري..
طلع مشعل الجوال ورد ..
مشعل : الو ..
غدير: هلا فيك مشعل ..

مشعل مسك يد رنا عشان يحسسها ان ما فيه شي .. وان هو معها مهما صار ..
مشعل بلهجه جافه : خير فيه شي..
غدير : لا بس دريت ان ملكتك اليوم .. قلت ادق ابارك لك .. مبروك ..
مشعل : الله يبارك فيك ..
غدير : اقول مشعل .. حرمتك عندك ..
مشعل يرفع راسه ويناظر رنا ويبتسم : ايه حرمتي عندي..
غدير: ابي ابارك لها ..
مشعل : مهوب لازم انا اقول لها ..
غدير: لا ابي اكلمها .
مشعل يبعد الجوال : رنا .. غدير تبي بارك لك .. ..عادي..
رنا ابتسمت له : ايه عادي..
مد لها الجوال ..
رنا ويدها مازالت في يد مشعل : هلا ..
غدير : فرحانه ..
رنا استغربت وناظرت مشعل ما تدري من وين جتها القوه عشان ترد : اكيد فرحانه ..
غدير : على ايش عاد فرحانه ..على مشعل ..
رنا :وليش وش ناقصه ..
غدير: كل شي ناقصه ..
مشعل حس انه جالسين يتكلمون عنه بس ما حب يتدخل حب يشوف رد رنا ...
رنا : اللي ما يطول العب حامض عنه يقول..
مشعل ابتسم من كلمتها ..وتاكد انه ما غلط في اختيارها ..
غدير: ليش انتي نسيتي انه كان زوجي..
سكتت رنا وما عرفت وش تقول .. رفعت راسها وناظرت شعل وحست بالدموع تتجمع في عيونها ..
رنا : كان .... كان .. هو الحين زوجي..
مشعل عرف عن ايش كانوا يتكلمون وخذا السماعه منها ..
مشعل وهو معصب : شوفي يا غدير...انتي انتهيتي من حياتي .. وما ابي اشوك او اسمع صوتك ...وحتى اسمك ما ابي اسمعه ..ولو اسمع يا غدير...انك قربتي من زوجتي ..او بنتي ..يا يلك ..والله تندمين ..
غدير: بس بنتك هي بنتي...
مشعل : كانت بنتك ...الحين هي بنتي انا ورنا ...ويله مع السلامه ..هالليله مميزه بالنسبه لي لا تخربينها ..
كان مشعل يشوف رنا وهو يقول اخر جمله ..
سكر مشعل من غدير بعد اللي قاله ..
مشعل : رنا ..
رنا ما قدرت تستحمل ونزلت دموعها ..
مشعل يقرب من رنا اكثر: ليش يا رنا ..
رنا : ما ادري..
مشعل : رنا انا اسف انا ادري ان هالليله مميزه لك ولي ...واسف على اللي صار ..
رنا رفعت راسها : بس انت مالك دخل ...
مشعل : المهم ..خلينا نبدا حياتنا بثقه يا رنا ..انتي تثقين فيني ..وانا اثق فيك ..وتاكدي يا رنا اني راح احاول قد ما اقدر اسعدك ..
رنا بجراه ما توقعت انها بتطلع منها : اكيد يا مشعل انا والله واثقه فيك ...والله يقدرني يا مشعل اسعدك ..واسعد هديل..






فوق في غرفة ريم ...كانت العنود جالسه لحالها ...دخلت عليها نجلاء ..
نجلاء : العنود ..وش فيك جالسه هنا .
العنود والدموع متجمعه في عينها : فواز يا نجلاء ..
نجلا خافت : وش فيه ..
العنود : ما ادري .. يا نجلاء.. صار لي ساعه ادق عليه .. وما يرد ..
نجلاء: قولي والله
العنود : والله ..
ريم اللي دخلت عليهم .. : وش عندكم ..
العنود يوم شافت ريم تذكرت فواز ..وزاد صياحها ..
ريم خافت وقربت منهم : وش صا..
نجلاء تقرب من العنود وتحضنها : فواز .
ريم شهقت : وش فيه ..
نجلاء : ما يرد علينا ..
ريم : ليش هو وش فيه ..
العنود من بين شهقاتها : تعبان ..
ريم : طيب هو عند الرجال .. تبوني اكلم على مشاري ..
نجلاء: لا يا ريم فواز ما ا .
العنود وهي تبعد عن نجلاء: نجلاء تكفين .. دقي على فيصل ..
نجلاء : طيب..
خذت نجلاء جوالها . ودق على فيصل ..
نجلاء: الو ..
فيصل : هلا نجلاء..
نجلاء: هلا بك .. اقول..
فيصل: هلا..
نجلاء: انت متى اخر مره .. كلمة على فواز ..
فيصل : ما ادري يمكن اول ما جينا .. بس الحين اكلم عليه وا يرد ..
نجلاء: حتى العنود بعد .. من ساعه تكلم عليه وما يرد ..
فيصل : الله يستر..
نجلاء قامت عشان ما تسمعها العنود : ليش فيصل .. انت خايف من شي..
فيصل: شوفي نجلاء انا بروح الحين لفواز ..
نجلاء: خلاص .. وانا روح اهدي العنود ..
فيصل: نجلاء..
نجلاء: هلا .
فيصل : تكفين انتبهي للعنود انا ادري بغلاة فواز عند العنود .
نجلاء: اكيد يا فيصل من دون ما تقول العنود اختي ..
فيصل : وامي .. حاولي ما تحس بشي..
نجلاء : ان شاء الله من عيوني .. انت رح وانت متطمن ..
فيصل : يالله مع السلامه .
نجلاء : مع السلامه .

سكر فيصل من نجلاء ... وقابله مشاري ..
مشاري لاحظ ان وجه فيصل متغير : وش فيك ..
فيصل وهو يناظر الارض : فواز ..
مشاري : وش فيه ..
فيصل : ما يرد على التليفون .
مشاري : الا صدق هو ليش ما جا ..
فيصل وهو يرفع راسه : وهذا اللي مخوفني يا مشاري .. هو تعبان .. وحنا موصينه يخلي الجوال عنده .. وندق عليه الحين وما يرد .
مشار ي خاف .. وحس انه صدق ظلم فواز : طيب وش بتسوي.
فيصل : بروح له ..
مشاري: بحزم .. بجي معاك .
فيصل : يله اجل .. مشينا ..





نجلاء : خلاص العنود .. فيصل بيروح له البيت الحين ..
العنود توقف : بروح معه ..
ريم : مهبوله انتي .وش تروحين تسوين ..
العنود : بروح لاخوي..
نجلاء : خلاص العنود فيصل راح وبيطمنا .
العنود وهي تصيح : حرام عليكم ... اخوي لحاله .. بروح له .
ريم تجلسها : خلاص العنود .. شوي وبتروحين له ..
العنود وكانها تكلم نفسها : انا ما كنت ابي اجي.. هو .. هو فواز .. قال لي عشان اجي.. كنت ابي اقعد عنده ..
نجلاء وهي تحس انها خلاص بتصيح .. بس تذكرت كلام يصل انا لازكم اصير قويه عشان العنود ..
ريم : العنود قومي صلي لك ركعتين عشان تهدين ..
نجلاء : وبعدين انتي اللي يسمعك يقول ان فواز فيه شي.. فواز ما فيه الا العافيه ..
العنود : طيب ليش ما يرد ..
نجلاء: انتي نسيتي ان فواز نومه ثقيل ..يمكن كان نايم ..
العنود : لا قلبي يقول لي ان فواز فيه شي..
نجلاء : تفاءلوا بالخير تجدوه .. لا تتفاولين على اخوك ..
ريم : صح يا العنود .. لا تتفاولين على اخوك ..
نجلاء : توقف .. ريم .. خلك معها بروح لخالتي شوي.




فيصل ومشاري دخلوا للبيت .. كان هدوء وظلام ..
مشاري : روح انت .. انا بنتظرك هنا ..
فيصل يمسكه : تعال معي .. مافيه احد فوق.
مشاري : يله طيب..
وهم يرقون كل واحد منهم باله مشغول.. ويفكر.. فيصل يدعي ان اخوه بخير.. ويكون نايم .. انا مشاري اللي طبعا ما يدري وش السالفه بس خايف ان فواز يصير فيه شي.. وهو زعلان منه ..
دخل فيصل اول شي.. وعلطول ناظر السرير لقاه فاضي.. ما فيه احد ..
مشاري دخل بعده : وينه ..
فيصل يلتفت لجة الحمام .. وانصدم .. لقى فواز طايح ... عند الباب ووجهه ازرق ..
راح له بسرعه ... ومشاري بعد ..
فيصل جلس جنبه .. وهزه .. : فواز ... فواز ....(وصرخ صرخه يمكن هزة البيت من قوتها ) فـــــــــــــواز..
مشاري : . مستحيل... فواز ... فواز ......
فيصل : فواز .. قوووووووووم ..
مشاري يقرب من فواز ويجلس جنبه .. : فواز يا اخووي.. قوم عاد .. قوم .. انا اسف ادري انت زعلان مني.. انا ما كنت ادري انك تعبان .. قوم يله .. اليوم ملكة مشعل .. ماسوينا فيه مقالب... وقم يالله بنروح للمزرعه ونظحك ونسوي مقالب في الكل.. لا تتركني لحالي.. انت تعرف اني ما اقدر استغني عنك .. لا تموت وتتركني لحالي.. حرام عليك والله .. ( ويصرخ ) قــــــــــــــوم ..
فيصل صرخ : مشاري ..... مشاري .. يتنفس والله يتنفس..
مشاري حس بالامل.. : قول والله ..
فيصل: قوم .. قوم يله خلينا نوديه للمستشفى ...
شالوه .. وكل واحد منهم يدعي انه ا فيه شي..
راحوا لمستشفى الملك فيصل التخصصي .. راحوا لقسم الطوارئ .. علطول نزلوه .. وجوا الممرضاة .. وحطوه بالعربيه .. ودخلوه .. لوحده من الغرف ..
وفيصل ومشاري وقفوا عند الباب .. ينتظرون الدكتور..




في بيت ام عبير.. اللي يعيش حالات مختلفه .. الحزن . والفرح .. والخوف والقلق ..
راحت نجلاء لام فهد ..
نجلاء: يله خالتي .. السواق عند الباب..
ام فهد : هووو ... وشوله السواق.. فيصل فيه ..
نجلاء وهي محتاره ما تدري وش تقول.. : لا خالتي فيصل راح للبيت ..
ام فهد حست ان فيه شي "واحساس الام ما يخيب ": ليش وش صاير..
نجلاء: لا خالتي ما صار شي.. بس هو بيروح يجلس مع فواز .. عشان ما يقعد لحاله ..
ام فهد : نجلاء قولي لي وش فيه فواز ..
نجلاء : خالتي فواز ان شاء الله ما فيه الا العافيه .. بس فيصل ومشاري راحوا يقعدون .. معه ويوسعون صدره لانه لحاله هناك .. وهم شغله هنا ..
ام فهد : متاكده .. ان فواز بخير..
نجلاءوالله ما ادري وش اقولك يا خالتي .. بس كذا احسن ..
نجلاء: لا يا خالتي بخير ان شااء الله ..
ريم اللي دخلت عليهم ونادت نجلاء..
نجلاء: هلا..
ريم : العنود ركبت السياره ..
نجلاء: خلاص طيب بنطلع الحين ..
ومشت نجلاء..
ريم بتردد : نجلاء.
نجلاء تلتفت : هلا..
ريم تقرب منها : نجلاء تكفين اذا عرفتي شي طمنيني..
نجلاء: بسرعه ... ان شاء الله ..
طلعوا ام فهد .. ونجلاء ورغد .. وراحوا للبيت مع العنود ..
وصلوا للبيت .. ونزلت العنود تركض.. وبعدها نجلاء عشان تمسكها .. وام فهد ورغد وراهم ..
اول من وصل لغرفة فواز هي العنود .. دخلت الغرفه بسرعه .. وصارت تتلفت فيها تدور أي شي .. يدل ان فواز فيه .. بس القت شي..
وصرخت : فــــــــــــواز ..
وطاحت على الارض وهي تصيح ..
دخلت نجلاء وشافتها .. جلست جنبها وحضنتها ..
العنود وهي تشاهق من الصياح : نجلاء .. فو... فواز ...
نجلاء: العنود اهدي .. ان شاء الله ما فيه شي..
العنود : اخوي يا نجلاء اخوي..
نجلاء اللي بدت دموععها تنزل: خلاص العنود .. ان شاء الله بيجون الحين .. وبيجي معهم .. وهو يضحك ..
هنا دخلت ام فهد .. ورغد ..
ام فهد : وين ولدي ..؟؟..
جلاء نزلت راسها ..
ام فهد بصوت اعلى : وين ولدي..؟؟...
العنود وهي تصيح : اخووي.. راح يمه ..
ام فهد ظلت تناظر العنود وهي ما تبي تصدق.. اللي تسمعه وتلتفت على نجلاء: ويم ولدي يا نجلاء..؟؟ ..
نجلاء : ما ادري يا خالتي..
رغد : اهدي يمه .. يمكن راح مع فيصل ومشاري يتمشون ..
ام فهد : الصبحكان تعبان وشلون يطلع ..
رغد : يمه ان شاء الله ما فيه الا العافيه ..
نجلاء : ايه يا خالتي تفاءلوا بالخيير تجدوه ..
دخل ابو فهد عليهم ..
ابو فهد : وش ذا الصجه ..
رغد : ما ادري عنهم .. يبه . مالقوا فواز وقلبوها مناحه ..
العنود قامت وراحت لابوها وحضنته ..
العنود : يبه فواز ..
ابو فهد : يا العنود منتيب صاحيه .. فواز ان شاء الله ما فيه الا العافيه . كل هالمناحه .. وانتم ما تدرون وش السالفه ..
العنود : بس يبه انا كنت اكلم عليخ وما يرد ..
نجلاء قامت .. وحت لغرفتها وكلمة على فيصل .. بس لقت جواله مقفل .. وكلمة على مشاري ....
نجلاء: الوو ..
مشعل : هلا والله ..
نجلاء يوم سمعت صوت اخوها صاحت : وي مشاري..
مشعل خاف : وش فيك يا نجلاء..
نجلاء: وين مشاري ..
مشعل : ما ادري يوم راح مع فيصل نسى جواله ..
نجلاء: طيب اذا جا قول له يكلم علي..
مشعل : طيب ... بس انتي وش فيك تصيحين ..
نجلاء : فواز .. ما ادري وش فيه .. بس اتوقع انه الحين .. مع فيصل ومشاري في المستشفى ..
مشعل : ليش هو وش فيه ..
نجلاء : ما ادري.. بس صار له مده وهو تعبان ... واليوم الصبح .. تعب وطاح .. ..
مشعل بدا يخاف : طيب في أي مستشفى .
نجلاء زاد صياحها .: ما ادري اكلم على جوال فيصل ومقفل ..
مشعل: خلاص طيب .. بحاول اعرف هم وين ..
نجلاء: ايه تكفى حاول..
مشعل : ان شاء الله .. يله مع السلامه .
نجلاء : مع السلامه ..





فيصل ومشاري .. اللي مر عليهم فوق الساعتين وهم جالسين ينتظرون احد يجي لهم ويطمنهم ...
فيصل وهو معصب : ما صار ذي.. لمتى بننتظر يعني..
مشاري : تدري الحين كملنا ساعتين ونص .. وحنا ننتظر.
فيصل : والله ما صارت ذي فحوصات ..
مشاري : شوف الدكتور جا ..
قام فيصل .. ومشاري وراه .
الدكتور : انت اخو فواز سليمان ..
فيصل : ايه دكتور ..
الدكتور : تعال معاي. للمكتب..
راح فيصل ومشاري مع الدكتور ..
دخلوا لمكتب الدكتور .. وجلسوا..
الدكتور : شوف يا استاذ ..
فيصل : اسمي فيصل ..
الدكتور : عاشت الاسامي ..
فيصل والله انك رايق : هاه دكتور طمنا ..
مشاري جالس على اعصابه ..
الدكتور : شوف يا استاذ فيصل .. انتم مؤمنين بقضاء الله وقدره .. وهذا شي مكتوب مقدر..
مشاري خلاص اعصابه راحت : اخلص .عا د .. حنا عارفين هالحكي .. عطنا الزبده .. فواز وش فيه ..
اما فيصل اللي خلاص انربط لسانه .. مو قادر يتكلم .. او يقول شي..
الدكتور: لا حول الله .. اعصابك ... اصبر ان الله مع الصابرين .. شوف يا استاذ اخوكم .. معاه .......وسكت الدكتور ..
مشاري عصب ووقف : تكلم قول .. لا تسكت ..
الدكتور : حنا شاكين .. ان معاه سرطان بالدم ..






يتبع ..


وهذا الجزء 29/1


الدكتور:حنا شاكين ان معاه سرطان بالدم..
مشاري اللي كان واقف جلس من الصدمه ..فيصل مو مصدق اللي يصير وكلام الدكتور يتردد بباله سرطان بالدم..يعني خلاص .. اخوي بيروح ..بعدين يستوعب ورافع راسه للدكتور..
فيصل بصوت بعد يطلع :وشلون شــاكين يادكتور.. يعني ممكن يكون فيه غلط..
الدكتور: شوف يااستاذ فيصل ..الغلط وارد.. بس حنا عملنا له تحاليل مبدئيه وتبين لنا ان معاه سرطان ..بس بكره راح نعمل له باقي التحاليل والاشعه المقطعيه ..وراح نرسل بعض التحاليل لالمانيا علشان نتأكد .. وخلال 48 ساعه راح تكون نتائج التحاليل كامله عندنا ..
فيصل:طيب من التحاليل اللي انتم سويتوها اليوم ..فيه امل للعلاج..
الدكتور:شوف حنا مانقدر نبني شي على تحاليل اليوم..بس اللي بان لي ان المرض مش في مرحلته الاوليه..
مشاري كان يسمع ويجلس زي السكاكين في صدره..وده ان الدكتور يكون غلطان .. وان فواز طيب ..ويطلع معهم اليوم..
اما فيصل اللي كان مثل مشاري ..بس كان عنده القدره انه يكلم لانه يبي يعرف وش راح يصير على اخوه..
فيصل: طيب بس فيه امل للعلاج..
الدكتور:شوف مافيه شي بعيد عن الله ..وهذا يبين من التحاليل بس لو فيه علاج راح يكون بالكيماوي ..علشان توقف المرض..
فيصل : بس مااتوقع ان اخوي يوافق ياخذ الكيماوي..
الدكتور:مافيه علاج غيره .. ونفسية المريض مهمه للعلاج..
مشاري: شوف يادكتور فواز راح ياخذ الكيماوي .. راح ياخذ الكيماوي..
الدكتور: مافيه شي غصب يااستاذ..
مشاري وقف وهو معصب: لافيه .. اذا هو مايبي نفسه ..حنا نبيه ..نبي اخونا وولد عمنا يرجع لنا .. لان حنا من دونه ولا شي تسمع ولاشي ..
وطلع وسكر الباب وراه بقوه..
فيصل: طيب يادكتور..هو راح يطلع معنا اليوم..او لا ..
الدكتور: لا.. راح ينام عندنا .. علشان باقي التحاليل..
فيصل: طيب نقدر نشوفه..
الدكتور يوقف: اكـــيد ..تفضل معي..
طلع فيصل هو والدكتور ولقو مشاري برا .. جالس على الارض عند الباب .. وراح له فيصل وقرب منه..
فيصل: مشاري .. قوم يله بنروح لفواز..
مشاري : ماابي..
فيصل يجلس جنبه: وش ماتبي ..تعوذ من الشيطان وقم..
مشاري وعيونه في الارض :مااقدر يافيصل .. والله ما اقدر..هذا فواز ..تعرف يعني ايش فواز ..تخيل شكلنا بدونه وش بيصير فينا ..لا انا ولا انت ..امك ..ابوك..خواتك ..مستحيل نقدر نعيش من دونه ..قل يا فيصل تقدر تتخيل شكلنا في المزرعه او في طلعه وفواز مهوب معنا ..مااقدر .. والله مااقدر..
فيصل: انا مثلك يا مشاري والله وحده هو اللي يدري وش اللي يصير فيني الحين.. بس ماسك نفسي لان فيه ناس معتمدين علي .. بعدين خل عندك امل ..ما تدري وش كاتب لنا .. ماتدري وش الخيره فيه ..قم تعوذ من الشيطان ..وخلنا نروح..
قام مشاري مع فيصل .. وراحوا ورى الدكتور ..للغرفه اللي فيها فواز ..اول شي دخل فيصل وبعدها دخل مشاري ..
مشاري دخل ووقف عند الباب اما فيصل مشا لحد ماوقف عند سرير اخوه..
فيصل: ما اصدق ان هذا وجه اخوي.. وين راح وجه فواز البشوش اللي من يشوفه الواحد مايقدر ما يبتسم .. انا وشلون ابصبر بدونك يا اخوي..
قرب منه ..وباسه مع جبهته..وجلس جنبه وضغط على يده حس ان فواز يتجاوب معه .. ويضغط على يده..
فتح فواز عيونه ..شافه فيصل وابتسم له ..
فواز : من جابني هنا..
فيصل: انا..
فواز: وشلون..
فيصل: جينا انا ومشاري .. لقيناك طايح وجبناك..
فواز: مشاري؟؟
فيصل: ايه شفه (واشر عليه)
شافه فواز .. وظل يناظره ..مشاري نفس الشي عيونه على فواز .. وده يروح ويحضنه..بس ماعنده القوه حتى يمشي..
فواز:تعال ليش واقف بعيد..
قرب مشاري ولمى وصل لفواز ..قرب منه وباسه مع جبينه..
مشاري وحسه بعد الويل يطلع:ما تشوف شر
فواز : الشر ما يجيك..
فيصل : وش فيكم تتكلمون رسمي..كانكم اول مره تشوفون بعض ..
مشاري حس على فيصل وفهم قصده: انا ادري عنه ذا جالس يتدلع..
فوازابتسم: وعرف ان مشاري خلاص مهوب زعلان:الحين انا اللي اندلع ..والا انت ..
فيصل: ههههههه يعني بتطاقون .. خلوني ابعد اجل ..
فواز يلتفت على فيصل: وش قال الدكتور يافيصل..
مشاري اختفت الابتسامه من وجهه ..اما فيصل زادت ابتسامته..
فيصل: يقول ماندري عن شي ..يعني لهم 48 ساعه غلشان تطلع نتايج التحاليل..
مشاري ماشاء الله عليك يافيصل .. ياليت اللي عطاك القوه يعطيني..
فواز عقد حواجبه.. وفيصل لاخظه ..
فيصل: وش فيك..
فواز : الالم رجع لي..
مشاري وهو يطلع : الدكتور برا .. بطلع اناديه ..
وثواني ودخل الدكتور .. وقرب من فواز ..
الدكتور : راح نعطيه مسكن .. وارح ننومه عشان ينوم وما يحس بالالم..
فيصل ساكت وهو يشوف الدكتور والممرضه..
وده يصرخ ويقول بعدو عن اخوي..هو طيب مافيه شي..
وجلسوا يمكن ربع ساعه .. وبعدها طلعوا ..
نزل فيصل مشاري في بيتهم وراح هو البيت..
دخل مشاري للبيت ..لقى مشعل ينتظره في الحوش..
مشعل :هاه ..وش صار..
مشاري وقف وناظر مشعل وبعدها مشى ولافال ولا كلمه..
مشعل :قل وش صار خوفتني..
مشاري..ولاتكلم وكمل طريقه لفوق ودخل لغرفته .. ومشعلكان يمشي وراه ..ودخل معه..
مشعل: وشلون يعني..
مشاري في حاله رهيبه كل اللي سواه انه شغل التلزيون وشبكه على كميرة الفديو وطول على الصوت وسكر الباب..وجلسعلى طرف السرير ومشعل جنبه والتلفزيون قدامهم..
مشعل : تراك حرقته اعصابي..
مشاري عيونه على التلفزيون:شفت هذا..
مشعل :أي فواز .. وش يه ..
مشاري: خلاص ..كتلة النشاط اللي تشوفها راحت الضحكه ..هذي اللي ماليه غرفتي الحين
راحت..الابتسامه اللي على وجهه راحت كل شي وراح..
مشعل وقف: وشلون راحت ..لا تقول........ انه...
مشاري وقف قدامه : سرطان ..
مشعل انصدم اخر شي توقعه يكون سرطان ..كل شي مر على باله الا انه يكون معاه سرطان .. وشلون .. متى وهو تعبان ..ماندري عنه ..
مشعل :سرطان وين ..
مشاري مايدري وش يسوي صار يدور في الغرفه وهو مايسمع غير ضحكة فواز اللي طالعه من التلفزيون ..
مشعل يرفع صوته: وين؟؟
مشاري انتبه له :في الدم ..
مشعل: طيب انت اهدى ..... ان شاء الله بيعدي على خير ..
مشاري:اهدا ..يا مشعل ..اهدا؟؟
مشعل: ايه اهدا..ليش متشائم..
مشاري انت الظاهر ما سمعت وش قلت..اقولك سرطان
مشعل يصرخ : اسمع ..مايحتاج تعيد..بس انت اعقل ... (وهدا شوي) وش قال الدكتور ..
مشاري : ماادري عنه ...
مشعل :انا بطلع الحيـن...واذا هديت رجعت لك ..مشى لحد ماوصل للباب.
مشاري : مشعل ...
التفت مشعل له ..ومشاري ..راح له ..
مشاري : لا احد يدري ...
مشعل : اكيـــد .. بس انت اهدا ..وسكر التلفزيون لانك ماراح تهدا
وهو يشتغل

..
بالنسبة لفيصل اللي صار له جالس في السيارة عند باب البيت ربع ساعة ..مايدري وش يسوي ...
فيصل : ياربيه .. وش اسوي الحين من وين بتجيني القوه اقولهم ..
امي وشلون بستحمل .. العنود بنتجن .. ابوي ورغد ..تشجع ونزل من السيارة ..
دخل للبيت وشماغه في يده ..اول ما دخل للصالة لقاهم كلهم جالسين ابووه وامه والعنود ورغد ونجلاء ..
العنود وامه ..يوم شافوه قاموا له علي طول..
ام فهد : وين فواز ..
العنود دموعها علي خدها :تكلم وين فواز ..
فيصل يناظرهم مايدري وش يقول ..
ابوه ورغد قاموا بعد و نجلاء تناظرهم من بعيد حست ان فيصل مو طبيعي ..
ابو فهد : وش فيه اخوك ...
فيصل يبتسم : وش فيكم مروعين ..
ام فهد : وش فيه ولدي ..
فيصل : مافيه شي .. بس اغمى عليه ..ووديته للمستشفى زي ما اتفقنا اليوم .. والا نسيتوا ..
ابو فهد : ايه صح ..
ام فهد : طيب ليش ما جبته معك ..
فيصل : لانه طلع معه فقر دم شديد مره وقالوا خلوه عشان نعطيه فيتماين وكـــــذا يعني ...
ام فهد وهي تصيح :يا ربيه يا وليدي ..طيب انت شفته والا لا...
فيصل : الا شفته انا ومشاري ودخلنا وسولفنا معه ..مافيه الا العافيه
ام فهد :خذوني له ياعمري جالس لحاله ...
رغد :يمه اذكري الله اذا جا بكره روحي له ...
فيصل خلاص ما يستحمل يقعد اكثر من كذا لانه لو شافهم زاد وراح ينفضح ..رفع راسه وشاف نجلاء اللي واقفه بعيد ..
فيصل : ياالله انا تعبان بطلع انوم ...
نجلاء: تصبحون علي خير ..
رقى فيصل ونجلاء وراه.. وصلوا للغرفه ..بس سمعوا العنود تصرخ وراهم ..وتنادي فيصل .. وقفوا ..
العنود وصلت عنده : قل لي فواز وش فيه امي صدقتك بس انا لا ..فيصل وش اسوي لها ذي ..
فيصل : وش يعني ما صدقتيني ..
العنود : انا عارفه ان فواز تعبان ..قل لي وش فيه ..
نجلاء ماتدري وش اتسوي ..بس هي تحس نفس احساس العنود ..
فيصل عصب:شوي يا عنود ما في شي .. يحدني اكذب بتصدقين صدقي ..ما تبين تصدقين كيفك بكره روحي للدكتور وساليه ..( ودخل الغرفة )
نجلاء: خلاص العنود ..فيصل يقول فقر دم ..
العنود ماصدقت بس سكتت وراحت لغرفتها ..
دخلت نجلاء للغرفة وشافت فيصل راقد على السرير ..
نجلاء: تعبان
فيصل : مرة ابي انوم بس ما اقدر ..
نجلاء تروح تجلس جنبه..ليش
فيصل: مادري بس ضايق صدري علي فواز ..
نجلاء : بس انت مو تقول انه طيب وجلست وسولفت معه ومافيه الافقر دم ..
قام فيصل ..وجلس جنبها : انا قلت كذا عشان امي ..
نجلاء قامت : اجل وش فيه ..
فيصل : مابعد طلعت نتايج التحاليل ..
نجلاء : طيب انت خايف من شي ؟؟حاس بشي ..
فيصل: ماادري بس مهوب شي سهل ..
فيصل : بعد يومين ..
نجلاء : الله يعين ..
فيصل : نجلاء تكفين ..روحي شوفي العنود تحسفت اني رفعت صوتي عليها ..
نجلاء قامت : خلاص بروح لها الحين ..
طلعت نجلاء ودخلت غرفة العنود .. بس انصدمت من شكلها ..لكتها جالسة على سجادتها وتدعي بصوت عالي ..
العنود وهي تصيح : ياربي اشفي اخوي ..والله مااقدر اعيش من دونه ..
يارب يرجعه للبيت..وترجع حياتنا زي اول ..ضحك وسوالف..والله بيتنا صاير كئيب ..ابي فواز يرجع (وزاد صياحها ) ابي اخوي يرع لي ..ياربي لاتاخذه مني ..لاتحرمني منه ..
وزاد صياحها وسكتت ماقدرت تكمل ..
كل هذا كانت نجلاء تشوفه وتسمعه وهي عند الباب ..تبي تتقدم وتهدي العنود ..بس ماقدرت لان هي تبي من يهديها ..
طلعت من غرفة العنود وراحي لغرفتها ..دخلت وسكرت الباب وسندت راسها عليه وهي تصيح بصوت عالي ..
فيصل شافها واستغرب ..لانها طالعه منن عنده طبيعيه ..قرب منها ..
فيصل يحط يده على كتفها : نجلاء ..وش فيك ..
نجلاء من بين صياحها : شفت العنود ... وهي تدعي لفواز ..رحمتها والله ..
قرب فيصل منها اكثر وضمها ..
نجلاء :فيصل تكفى .. روح لها..
فيصل : طيب بروح ..بس عاد انتي اهدي..
نجلاء تبعد عنه وتمسح دموعها ..
نجلاء : خلاص انا سكت .. انت روح ..
فيصل وهو يمسح دمعه نزلت على خد نجلاء : طيب بس ياويلك اذا رجعت ولقيتك تصيحين..
نجلاء تهز براسها ..
طلع فيصل وراح لغرفة العنود ..
دخل فيصل لغرفة العنود ..
فيصل : العنود ..
العنود ماينسمع الا صوت صياحها ..
فيصل يقرب ويجلس جنيها : العنود .. ردي علي ..
العنود ترفع راسها وتحط عيونها المليانه دموع في عيون فيصل ..
فيصل وجعه قلبه على اخته اذا هذا حالتها وهي ماتدري ..اذا درت عن اللي في فواز وش بتسوي ..
فيصل: ممكن اعرف ..ليش هالمناحه اللي انتي مسويتها ..
العنود زاد صياحها ..
فيصل : العنود انا قلت لك ان فواز معه فقر دم حاد ..
العنود وتصرخ:ان منيب بزر تلعب علي (وبصوت هادي جدا)فواز فيه شي خطير انا ادري .. والله ادري مهوب لازم انت تقولي .. احساسي يقولي .. حتى فواز كان حاس.. بس انا ابي منك ..تقولي هو بيموت او لا (وتقرب منه ) تكفى قولي هو مرض يموت او لا ..فيصل تكفى قول والله مقدر اعيش من دونه ..تكفي ..
فيصل : العنود انتي وش تقولين .. الاعمار بيد الله لا انا ولا انتي ندري متى بنموت ..لا تتفاولين عليه .. بالعكس ادعي له .. لاتسوين كذا لانه ولاشي من اللي تسوينه ينفع ..لاصياحك بينفعك ولاصراخك بينفعك .. بالعكس خلك قويه ..
العنود : طيب قول لي فواز وش فيه ..
فيصل : الله هم طولك ياروح ..هم سوا له تحاليل اليوم ..وبكره بيسون له زياده.. والنتائج ماراح تطلع الا بعد يومين ..خلاص ارتحتي..
العنود : طيب الدكتور ما قالك شي ثاني ..
فيصل آآهـ يا العنود وش اقولك بس والله مابتستحملين ..ومابي اقولك ادري فيك ضعيفه وفواز عندك بالدنيا ..
فيصل :لا ما قال ..
العنود : طيب انت خلاص نام عشان الصح توديني له ..







في بيت ام عبير الاختين ..ريم ورنا ..كل وحد منهم عايشه حاله مختلفه عن الثانيه ..
رنا عايشه حاله خاصه وفرحه غبر طبيعيه اليوم تحقق حلمها اللي كانت تظن انه خلاص انتهى ..لاكن العكس ..اليوم مشعل صار زوجها ..بس كانت مستغربه لانه لحد الحين ماكلم عليها ..لان قال بكلم عليك ولا كلم ..وشلون خافة انه يكون صار له شي ..
اما ريم عاشه حاله من الخوف ..خايفه على فواز ..تمنت تكون محل تجلاء او العنود عشان تعرف هو وش فيه ..
ريم : انا ليش خايفه عليه هو وش يعني لي عشان اخاف عليه..
صوت في داخلها يقول ياريم هذا فواز .. وشلون وش يعنيلك ..لانلعبين على نفسك انتي تحبينه ..
وقامت وخذت الجوال وكلمت على مشاري تبي تعرف وش صار عليه بس اول مره مارد ..وثاني مره .. وحتى ثالث مره ..بس ريم مايئسة وكلمت مره رابعه ورد مشاري ..
ريم والعبره خانقتها :الووووو...
مشاري:.........
ريم وصوتها كل ماله ويختفي :مشاري رد علي ..
مشاري : نعم ؟؟؟
ريم ماتدري كيف تسال عن فواز ..لانها ناتبي مشاري يشك في الوضع ..
ريم: وش فيك ..
مشاري ويبي احد يشكيله : فواز ياريم ..
ريم تجمع الدموع في عيونها ..لانها حست انها بتسمع شي ماتبي تسمعه ..
ريم : وش فيه ..
مشاري يتنهد : يقول وش اقولك ..
ريم خافت زياده : طلبتك قول وش فيه خوفتني ..
مشاري : معاه سلطان بالدم ..
ريم شهقت ودموعها صارت تنزل لا شعوريا : قول والله..
مشاري : والله يا ريم ..فواز خلاص ..تخيلي انا وشلون بعيش من دونه ..والله مااقدر ياريم ..
ريم ساكته ماتدري وش تقول تبي تتكلم بس ماتقدر هي تبي من يهديها ..وشلون بريحك يامشاري وانا ابي من يريحني ..
مشاري : الووو..
ريم :معليش يا مشاري رنا تبيني ..ثواني واكلم عليك ..
كانت تتكلم بصوت ما ينسمع لدرجه ان مشاري استغرب من صوتها ..بس قال يمكن تعبانه او شي ..
مشاري : طيب ..بس لاتنسين كلميني تكفين ..
ريم :طيب .
سكرت ريم الخط من مشاري ..ودموعها تنزل لا شعورين ..معقوله فواز ..حرام والله ..وشلون طيب من متى وهو تعبان ..آآهـ ..انا ليش حبيته ..ليش كذا يصر معه ..اليوم اللي اعترف لنفسي اني احبه ..كذا يصر معه ..
قامت وطلعت من الغرفه وهي ماتحس بنفسها ..ودخلت غرفت رنا لقت رنا جالسه قدام التسريحه ..ويوم شافت ريم ..وقفت مصدومه وجهها احمر ..وكله ادموع ..قربت من عند ريم ..
رنا: ريم وش فيك .. امي فيها شي ..
ريم على طول تحظن رنا وتصيح بصوت عالي يقطع القلب ..
رنا وهي خلاص بتصيع مع اختها ..
رنا: ريم الله يخليك ..قوليلي وش فيك والله قطعتي قلبي ..
ريم وهي تشاهق بصوت متقطع : احبه والله احبه ..
رنا حست ان ريم في وعيها وتقول كلام ماتحسبه ..
رنا :ريم حبيبتي اهدي اشوي ..قولي لي منهو هاذا ..
ريم تبعد عنها :احبه يا رنا..(وتصيح) هو بيموت ..
رنا :يموت ؟؟ منهو ذا..
ريم وجهها كله ادموع : تخيلي يارنا ..يوم حبيته يروح وهو توه اصغير (وصارت تقول كلام ماتدري وشو ..مو مفهوم ) اخته تحبه وانا احبه .. وشلون بيعيش وهو تعبان ..وان بعيده عنه ..مااقدر اوصله ..
رنا خلاص مافيها صبر منهو ذا اللي تتكلم عنه ريم ..
رنا تصرخ : منهو ذا ..
ريم تجلس على الارض بانهيار : فــــــــــــــــواز..
رنا انصدمة وضلت واقفه ..ريم تحب فواز ..وشلون ..ومن متى هي تحبه ..جلست رنا جنبها ..
رنا بصوت هادي : ريم اهدي وفهميني السالفه ..
تقرب منها وتمسح ادموعها ..
ريم ترفع راسها : بيموت يا رنا..
رنا: وش دراك ؟؟من اللي قالك ..
ريم : مشاري ..قالي قبل اشوي ..
رنا : ليش هو وش فيه ..
ريم : معاه سرطان بادم (وزاد صياحها )
رنا استغرب من اللي تقوله ريم ..
رنا : ريم أنتي مأكده ..
ريم : أي متأكده ..فيها لعب ..وقامت ..
رنا :وين بتروحين ..
ريم :بروح اكلم مشاري ..
رنا : تعالي مافي روحه ..
ريم : ليش ..
رنا :لسببين ..الاول مايصلح تكلمين مشاري وانتي كذا ..والثانيه ابي افهم السالفه من متى وانتي تحبين فواز ..
ريم استوعبت انا قالت لرنا ..
ريم وهي طالعه :ماادري أذا كامة مشاري قلتلك..









اما مشاري بعد ما صلى الفجر ..طار النوم ...حاول ينوم بس ما قدر ..قام ونزل تحت ...دار في البيت .وبعدها طلع برا وجلس في الحديقه ..وهو يفكر في فواز ...وفي اللي صار معه ...كذا في يوم وليله ينقلب حاله ...جلس يتذكر شكله لمى قالوا في دبي كيف كان هو اللي مونسهم بمقالبه ومواقفه ...
ظل مشاري جالس في الحديقه ...لحد الساعه 6 ونص ..
بعدها رقى فوق ..غير ملابسه وطلع من البيت ...راح لفواز في المستشفى ...
ولمى وصل للغرفه وقف واخذ نفس ودخل ...اول ما دخل لقى فواز راقد ..بس شكله قايم ..مهوب نايم ...
قرب مشاري منه ..
مشاري : فواز ...
فواز فتح عيونه ويوم شاف مشاري ابتسم ...
مشاري وهو يرد له الابتسامه : صباح الخير ...
فواز : صباح النور ...
مشاري : هاه اخبارك الحين ...
فواز : ما علي ..الام يروح ويجي ..
مشاري جلس جنبه ..وظل ساكت ..وفواز نفس الشي ..الصمت كان سيد الوقف ..مشاري يبي يفتح معه أي موضوع ..بس مو قادر ..كذا يصير حالنا يا فواز ..انا وانت ما نلقى شي نقوله او نسولف فيه ...سبحان الله .. والله ما كنت متوقع ان بيصير معنا كذا ....فواز كان يفكر ..والافكار اللي في باله قريبه من افكار ..مشاري ..بس هو يضن ان مشاري ..زعلان عليه لحد الحين .. معقوله يا مشاري زعلان علي لحد الحين ..ظيب انا وش سويت عشان هذا كله ..والله حرام عليك ...بس فواز اصر انه لازم يلقون شي يقولونه ..
فواز : هاه وشلون ملكة مشعل امس ...
مشاري : ما عليها ...بس مشعل كان فرحان بشكل ..توني ادري انه يحب ..
فواز : ههههههههههههه ... لا تقول ..مشعل يحبها ...
مشاري : ههههههههههه ..والله ما ادري شكله يحبها فرحان بشكل خطير ..
فواز : قهر والله فاتني ....لازم اليوم اشوفه واثقل عليه ...
مشاري : يله ونرجع منذومبطي ..
فواز : هههههههههههههه ....حلوه منذومبطي...
وظلوا مشاري فواز يسولفون ..







الساعه 9 الصبح في بيت ابو فهد ....
نزل فيصل ونجلاء تحت ولقوا الكل موجود ....
فيصل ونجلاء : صباح الخير ...
ام فهد : يله تعال افطر عشان توديني لفواز في المستشفى ...
فيصل يبتسم :يمه بتروحين الحين ...خليها بعد صلاة الجمعه ...
ام فهد : لا والله تبيني اصبر لين الظهر ...الحين بتوديني ...
فيصل : خلاص طيب ..ونشوف العنود اذا بتروح معنا ...
نجلاء قامت : بروح اقول للعنود ...
فيصل : ههههههههه ..ما صدقتني انتي ...
نجلاء : ايه والله ...حرام ما نامت من امس عشان تروح ...
فيصل : خلاص ...بس قولي لها بسرعه ....
نجلاء : خلاص طيب ..
راحت نجلاء لفوق ...ودخلت غرفة العنود ..لقتها راقده بس ما نامت ..
نجلاء : العنود ..
العنود بدون ماتناظرها : نعم ...
نجلاء : قومي ...
العنود : مالي خلق ..
نجلاء تبي تقهر العنود : خلاص بقول لفيصل ..العنود ما تبي تروح .. مالها خلق ..
العنود علطول جلست ....: لحظه ...
نجلاء : نعم ..
العنود : وين بيوديني فيصل ...
نجلاء : مو توك تقولين ما ابي اروح ..
العنود
: قولفي ...
نجلاء تبتسم : بيوديك لفواز ...
العنود نزلت من السرير ووقفت قدام نجلاء : متى بيروح ..
نجلاء : الحين ..
العنود : قولي والله ...
نجلاء :والله .. يله البسي ...
العنود دمعت اعيونها ...: خلاص ...خلاص ..بلبس الحين ...وبنزل بسرعه ..
نجلاءتقرب منها ...: طيب ليش الدموع ...
العنود تدور على نفسها وكأنها تدور شي...: اكيد انا بروح لفواز ...
نجلاء : هههههه ..الله يخليه لك ان شاء الله ..يله انا نازله ....انتي خلصي وانزلي...
العنود : طيب ثواني بكون تحت ...
نزلت نجلاء تحت عند ام فهد وفيصل ...
نجلاء : خلاص بتنزل بعد شوي ...
فيصل يوقف : طيب انا بروح لبيت فهد ابيه في شغل شوي وبرجع ..
ام فهد : طيب بس لا تتاخر ..
فيصل : يمه الباب في االباب ..ربع ساعه وجاي لكم ...
طلع فيصل ..ولحقته نجلاء ...
نجلاء : فيصل ...
فيصل يلتفت عليها : هلا ..
نجلاء : بتقول له عن فواز ...
فيصل : ايه هو ما يدري انه في المستشفى ...
نجلاء : خلاص طيب مع السلامه ...
فيصل : مع السلامه ....
طلع فيصل من اليت ..ودخل بيت فهد ..لقاه ينتظره ...
فهد : اخبارك ..
فيصل : الحمد لله ..
فهد : وش عندك ...
فيصل : بنتكلم وحنا واقفين ...
فهد : هههههه ...اوه ..اسف ..بس والله خوفتني تقول موضوع ضروري...
دخلوا فيصل وفهد ..وجلس فيصل وجبنه فهد ...
فيصل يلتفت عليه : هاه تبيني اقولك ..
فهد : اكيد ...
فيصل يبعد وجهه عن فهد ..صار يناظر قدامه ...: فواز ...
فهد طير عيونه ...: وش فيه ..
فيصل : تعبان ...
فهد وقف : تعبان وش فيه ...
فيصل ما يدري وش يقول لان هذا اول شخص يقول له عن رض فواز ...
فيصل : انت تدري انه في الفتره الاخيره كان تعبان ...( ورفع راسه وشاف فهد ) اجلس ..خليني اعرف اتكلم ....
جلس فهد : طيب بس قل الزبده فواز وش فيه ...
فيصل : فواز في المستشفى ..
فهد : لا تقول شي خطير ...
فيصل : الا ..
فهد : ...ايش ........
فيصل :..............
فهد يصرخ : تكلم قل ..وشووو ..
فيصل : السرطان ...
فهد مسك راسه : لا .. لا ..هذا اللي انا كنت خايف منه ....والله كان عندي احساس ...
فيصل : خلاص اهدا ..الحين بنروح له ..تعال معنا ...
فهد : ما اقدر يا فيصل ..فواز ...وشلون ..
فيصل : هذا اللي كاتبه ربك ...وبعدين يمكن يصير فيه غلط ...
فهد : قوم ...قوم ..خلينا نروح له ...
فيصل يله ....




تقريبا على الساعه 10 طلعوا من البيت ..كانوا فهد وفيصل والعنود وام فهد ...فيصل طول الوقت على اعصابه ...خايف ومتوتر ما يدري ليش ....
اما فهد فهو في عالم ثاني لحد الحين مو قادر يستوعب فكرت ان فواز يصير معه كذا ..بس هذا قضاء الله وقدره ...اللهم لا اعتراض...
ام فهد كانت فرحانه انها بشوف ولدها وبتتطمن عليه ...والدنيا مهيب سايعتها من الفرح...
العنود ..كانت نفس احساس فيصل ....متوتر وخايفه ..بس بعد فرحانه ...متوتر وخايفه ..لانها عندها احساس ان اخوها فيه شي ...وما راح تقدر تتحمل الصدمه لو قالوا لها فواز فيه شي ..وخايفه انها تشوفه وهو تعبان ..لان التعب مو لفواز ..فواز له الضحك ..والفرح .. والوناسه ...
وفرحانه لانها بتشوفه ...تحس انها اشتاقت له ...مع ان توها امس شايفته ...بس مشتاقتله ...
قبل ما يوصلون للمستشفى رن جوال فيصل ..
فيصل : يا مرحبا ...
مشاري : هلا والله ومرحبا ...
فيصل : هنا انت وينك ...؟؟
مشاري : ههههههه ..انا من الصبح انا عند فواز ....انت اللي وينك ..؟؟
فيصل : انا قريب منكم ..ومعي اهلي ....
مشاري : اجل دام الاهل معك انا برجع ..عشان ياخذون راحتهم ...
فيصل : لا وش ترجع ..خلك شووي برا ..لاني ابيك ..
مشاري : خلاص تم ...
فيصل : يله اجل فمان الله ...
مشاري : فمان الكريم ..
وصلوا للمستشفى وراحوا لغرفة فواز ...ولقوا مشاري واقف عند الباب ..سلم عليهم ...وهو طبعا عيونه ما نزلت من على العنود ..
وبعدها دخلوا الا فيصل ومشاري ..
دخلت العنود وام العنود فهد لغرفة فواز ..واز اول ما شافهم ارتاح ...
راح فهد وسلم عليه ..
فهد : ما تشوف شر ....خوفتنا عليك ...وفي الاخير ضعف دم ...
فواز تلعبون على قر انتم ..وين ضعف دم ..بسيله بعطيكم على قد اعقولكم : الشر ما يجيك ...
وبعدها جت ام فهد ...وعلطول حضنته ...
ام فهد : ما تشوف شر يا وليدي ..جعلها في عدوينك ولا فيك ...
فواز : ههههههههههه .. خلاص عاد يمه ...الله يعافي ذا التعب اللي بين غلاتي عندكم ...
ام فهد : الا الله لا يعافيه ...وانت بتعرف غلاتك من دون ذا التعب ...
وبعدها بعدت ام فهد ..وجت العنود ...
والغريب ان العنود ما كانت تصيح ....بالكعس كانت فيها قوه غير طبيعيه ...
قربت منه ....
العنود : خير يعني لازم نمسك دور عشان نسلم عليك ...
فواز ك والله عاد الناس مقامات ...انا مقامي غير مقامك ...فا لازم تمسكين دور عشان تسلمين علي ...
العنود قربت منه ...وسلمت عليه ...
بعدها دخل فيصل ..
فيصل : العنود يمه تغطوا ..مشاري بيدخل ...
دخل مشاري هو مستحي كان يبي يروح ...بس فيصل رفض ....



الساعه عشر ونص في بيت ام عبير ....

رنا قامت بدري ...مو قادره تنام ...وكانت طول الوقت تفكر في كلام ريم ...معقوله ريم تحب فواز ..متى طيب ....وشلون .....
طلعت رنا من غرفتها ...ودخلت غرفة ريم ....لقتها جالسه على السرير ..
رنا تبتسم لها : صباح الخير ...
ريم : ............
رنا : يا عالم اقول صباح الخير ....
ريم نفس الشي ساكته ....
رنا تقرب منها وتهزها : ريم ...ريم ...
ريم ترفع راسها وتناظر رنا ...بدون ما تقول ولا كلمه ...
رنا : انهبلتي انتي .... اكلمك ردي علي ....
ريم في حالة صمت رهيبه ...
رنا ترجع تهزها وتهزها بقوه : ريم ....(وتصرخ ) ريم ...
ريم في نفس الحاله ...
رنا : والله مهوب وقت مزح ...ردي علي ....
ريم ترفع راسها وتناظرها وبعدها نزلت راسها بسرعه ...
رنا : ريم والله خوفتيني ...ردي علي .....حرام عليك ....طيب انتي قولي ....ما تقدرين تردين او ما تبين ....
ريم نفس الشي ...
رنا توقف وتطلع من الغرفه بسرعه وتوقف عند الدرج وتصرخ .....
رنا : يمه .....يمه ........يــمـــــــــــه ....
ام عبير وهي ترقى الدرج : نعم ..وش عندك ....
رنا : يمه ريم ما تتكلم ...
ام عبير : هوو ...وش ما تتكلم ....وش فيها ...
رنا : ما ادري والله ...بس ما ترد علي ....
ام عبير خافت : يا ربيه بسم الله على بنيتي .....
ودخلت غرفة ريم ......ريم يوم شافت امها ابتسمت ...وامها ردت لها الابتسامه ...
والتفت على رنا : هذي اختك ما فيها الا العافيه ....
رنا : والله يمه ما تتكلم ....
ام عبير : لا يمكن تمزح معك ....شوفي الحين بترد علي .....
وتقرب من ريم وتجلس جنبها ....
ام عبير : ريم ...
ريم تناظرها ....بس ما ردت ...
ام عبير بدت تصدق رنا : ريم يمه ردي علي ..وش فيك ....فيك شي يعورك ....
ريم تبتسم وتهز راسها يعني لا ....
ام عبير تلتفت على رنا : وش فيها ...
رنا الدموع متجمه في عيونها لانها عارفه ان حالة اختها من الصدمه بعد ما عرفت عن فواز ...
رنا : يمه خلينا نكلم على مشعل او مشاري ...
ام عبير : يا عمري يا بنيتي ......كلمي على مشعل .....وقولي له ....
ريم على طول من سمعت كلام رنا رقدت على السرير وعطتهم ظهرها ....
رنا : خلاص طيب بروح اكلم ...
ريم وهي على سريرها بدت الدموع تنزل لا شعوريا ما تدري وش اللي فيها ...بس ما تقدر تتكلم ...او بالاحرا ما تبي تتكلم ....
رنا : ريم ..اذا ما تبيني اكلم ...ردي علي ....انا ادري انك تقدرين تتكلمين...بس انتي ما تبين ...هذا شي نفسي يا ريم ..
ام عبير : وش هالكلام يا رنا ..منتيب صاحيه ....يله روحي كلمي ...
رنا خذت جوال ريم ..وطلعت من الغرفه ......ودخلت غرفتها وجلست على السرير وكلمة على مشعل ...بس استوعبت انها جالسه تكلم على مشعل ...مشعل نفسه اللي امس كانت ملكتهم ....رد مشعل وقطع عليها افكارها
مشعل : مرحبا ...
رنا ووجهها احمر من الحيا : هلا مشعل ...
مشعل عرف انها رنا : يا هلا والله وغلا ...اخبارك ...
رنا : الحمد لله ..انت اخبارك ..
مشعل : الحمد الله .. تماااام ...
رنا ...ما تبي تتطول تبي تقول لمشعل علطول ...
رنا : مشعل ....
مشعل لا شعوريا : عيونه ...
رنا زاد حياها ..: ريم يا مشعل ...
مشعل : وش فيها
رنا : ما ادري فيها حاله غريبه .....تحس بالدنيا وجالسه معنا عادي ..بس ما تتكلم ...
مشعل : وشلون يعني ما تتكلم .....
رنا : يعني نتكلم معها ما ترد علينا ...مع انها تبتسم في وجهنا ...بس ما ترد ...
مشعل : يعني تعبانه حلقها فيه شي عشان ما تتكلم ...
رنا : لا ..لا ابدا ...انا احس انها تقدر تتكلم بس ما تبي ...
مشعل : وشلون ما تبي ..
رنا : ما ادري عنها بس كانها خلاص يعني حكمة على نفسها ما تبي ....ما ادري وشلون اشرح لك ...
مشعل : لا ..خلاص لا تشرحين ...انا الحين جاي ...
رنا : خلاص اوكي ..
مشعل : يله مع السلامه ..
رنا : مع السلامه ...
سكرت الخط ..وطلعت وراحت لريم ...لقتها في الغرفه لحالها وراقده على السرير ..جت وجلست جنبها ...
رنا : ليش يا ريم .. كل هذا عشان فواز ....
ريم تناظرها وهي مستغربه وشلون عرفة ....
رنا : لا تستغربين ...يا ريم ..حنا خوات ..توأم ....نفس العمر ..والشكل قريب ..ممكن يكون تفكيرنا وشخصياتنا مختلفه ...بس نظل توأم ونحس ببعض من دون ما نتكلم ....انا لمى كنت احب مشعل ولمى دريت انه متزوج ..و.منهو الشخص اللي قلت عن اللي فيني وشكيت له غيرك ...انتي ..يا ريم ..انتي اختي ..يعني اشكي لي تكلمي ...لكن لا تقعدين كذا ..وربي حرام عليك اللي تسوينه فينا ...شوفي امي وشلون طلعت وهي زعلانه ...ومشعل بيجي الحين ....طيب انا ادري ان اللي تسوينه عشان فواز ...بس هو ترا ما يدري عنك ...وتتوقعين لو يدري بيفرح باللي انتي تسوينه ...لا ...اذا درا بيزيد تعبه زياده ...لان الحب مو كذا ...بدال ما تقومين تدعين ان الله يشفيه ..جالسه تسوين في نفسك كذا ...
ريم صارت دموعها تنزل ...ودها تقول لها وشلون ما يضيق صدري على فواز ...وحبي له اللي مات في يوم ميلاده ...امس بس انولد حبي له ..امس بس طلع حبي وبان ..وامس بعد عرفت ان الشخص اللي احبه بيتركني وبيروح هذا سرطان يعني ما فيه علاج ........
قربت ريم من رنا وحضنتها وصارت تصيح .....ورنا صاحت معها .....
رنا : ريم خلاص عاد ..والله العظيم ما تسوا علي اللي جالسه تسوينه فيني ....ريم ..ردي علي تكفين كلميني ..
وبعدت عنها رنا ...وصارت تناظرها .....
رنا : والله احس اني اكلم نفسي ...ردي علي ....تكفين ...لو كلمه وحده بس....والله كلمه وحده راضيه ..بس ردي علي تكفين ....
ريم نفس الحاله ...صمت.......ما تدري وش تسوي بس ما تقدر تتكلم ...ودها بس ما تقدر ...
هنا رن جوال ريم ....كان مشعل ...
رنا شافت الاسم ..ومدت الجوال لريم ..
رنا : ردي ..مشعل ...
ريم :........
رنا : ردي ..انا ما اقدر ارد ...لو انه يبيني انا كان كلم على جوالي ...

يتبع