قصه لصديقتي ارجو من الكل قرائتها

[romanza]

اولا مشكورة بنوته مصريه على الطرح

فعلا قصص النت للاسف كتير منها بيفشل

بس اسرع حل للبنت عشان تنساه انها تقرب من ربنا اكتر وحاولى تملى فراغها باءى طريقه عشان متفكرش فيه ولا تسمع الاغانى دى

خليها تتعمق فى الدين اكتر وتسمع محاضرات دينيه عن الاختلاطات وعلاقات ما قبل الزواج ومدى حرمانيتها وهى هتبدا تشك فى مدى مصداقيه اللى كان بينهم
ولما تتعمق اكتر فى الدين هتبدا تكتشف ان الكليبات حرام وهتبدا تفكر تفكير احسن
وتفكر فى الزوج الصالح مش الولد اللى بيتسلى بيها

يعنى فى كل الاحوال انتى لازم تقفى جنبها طبعا عشان تعدى المحنه دى اللى ان شاء الله هتعديها ومين عارف (رب ضاره نافعه) وتكون دى الطريقه اللى هتقرب بيها لربنا وتبدا تفكر تفكير اكبر من كدة بس بما ان التدين بييجى على مراحل انتى لازم تملى حياتها بكل الطرق خليها تمارس نشاطات كتيرة (العمل التطوعى ) بحيث ان ميكونش عندها وقت تفكر فيه غير ساعات النوم وبس وهى مع الوقت هتحس باءهميه اللى بتعمله وهتنسى ان شاء الله وهتقابل الزوج الصالح اللى هينسيها كل المشاكل اللى سببهالها الولد دة
حاولى وجزاكى الله كل خير على اهتمامك بصاحبتك

تقبلى مرورى

romanza

[Tamer Hosny]

بنوووووووووووووووته.............بصى هقول لك اجه وتوصليها لصحبتك

ما بنى على باطل فهو باطل......التشات و الماسنجر مجرد دردشه ...تسليه

ولسه ياما هتقابل وياما هتشوف زيه و أحسن منه........طالما بتقولى انه بيغنى وكده

يبقى هو مش همه حاجه... خليها تشغل وقتها ..... ف رياضه ف فن بتحبه

ف أى حاجه حتى لو تتعلم جيتار.......او ممكن تخليها تسجل معانا هنا ف المنتدى

واحنا هنسيها ابووووووووووه.................مشكووووره يا بنووووته

قصه بجد بقت كتير اوى اليومين دول........ودى تحذير لكل اللى قرأها

تقبلى مرورى وخالص اسفى لما أصاب صاحبتك

اخووووووووووووووووووووووووووووووووووووووووووكى

Tamer Hosny

[عيون حائرة]

بصى يا بنوتة
أنا مش عارفة أقول كلام أكتر من اللى الأخوة قالوه
بس أحب أقول لك على حاجة تقوليها لصاحبتك دى
" أى إنسان مسوِؤ ل عن تصرفاته" يعنى اللى يخطىء لازم يتحمل عواقب الغلط اللى عمله
يعنى أنا معاكى أنك لازم تخرجيها من اللى هى فيه بمليون طريقة
وأن شاء الله هتخرج متخفيش
بس المهم أنك لازم تبقى معاها فى تصرفاتها بعد كده وكمان تكونى شديدة معاها شوية
ده فى حالة لو أنتى صاحبتها الأنتيم اللى هتتقبل منها أى حاجة

واللى المفروض أن البنت دى تعملههو كالآتى:
1>تقرب لربنا أوى أوى سواء كانت مسيحية أو مسلمة لازم تبقى قريبة من اللى خلقها لأنه سبحانه ه اللى هيسهلها حياتها
2>ودى تانى مرحلة لازم تشغل وقتها بس مش فى الغلط زى الأول يعنى تدخل الشات وتقعد عليه ليل ونهار لألألألألألألأ.....................دى لازم تعرف إيه الموهبة اللى عندها وتنميها
مثلا معندهاش موهبة عاى تنزل تاخد كورسات فى أى مكان ولأى حاجة
مش عايزة تدرس أوك أوك ممكن تروح تشترك فى اى مكتبة وهى هناك هتلاقى مجالات كتيرة ممكن تشغلها وتقرافى كل حاجة
3>بعد المرحلة دى اللى هتاخد وقت طبعا لازم تواجه مشاكلها بنفسها يعنى شافت كليب للشخص ده مثلا ..........ولا يهز شعراية واحدة فيها تكون شخصيتها قوية ومتخليش اى حد يدوس على كرامتها حتى لو كان اللى حبيته
4> ولو الثلاث مراحل دول نجحوا وعدوا هتلاقى أن المرحلة دى هى نتيجة طبيعية ليهم وهى أنها هتنساه بدون أى محال


خالص أسفى على صاحبتك دى وقوليلها من باعك بيعوه ولو برخص التراب
أرجو أن يكون ردى فعال.........................تقبلى مرورى
عيون حائرة

[بنوته مصريه]

بجد بجدب بجد انا مش عارفه اقولكم ايه
تامر وعيون ورومنزا
انا بجد كنت محتاجه حاجه تقويني واقدر اقولها الي فقلبي بس مهما كان دي صحبتي وعارفه ان مشاعرها رقيقه وصعب تتحمل كلمه مجرحه او محرجه انا قولتلها تدخل معايا المنتدى وهيا هتدخل انشاء الله ويا ريت نحاول ننسيها الي بنتفكر فيه وهيا ساعات بتفكر في الانتحار وطبعا ده غلط المفروض تفكر في ربنا قبل كل شيء انا عارفه اد ايه هيا تعبانه اوي الفتره دي وهوا يا تامر مساعد مصور مش مغني المهم كلو واحد واتمنى انكم تستضيفوها معاكم وتحبوها زي اختكم واستحملوا طريقتها معاكوا لانها مزاجيه لابعد الحدود

[كنافهcinema]

بنـــوته
قصه محزنه فعلا...
ولكن!!
الغلط كله يعود الي صاحبتك.
لأن البدايه من الأول غلط ...
وكتير نبهنا واٍتكلمنا في مسأله حب الشات او الأميل
انه حب لأ اســـاس له فكيف يستمر حب لأ اساس له سوف ينهار في اي لحــظه
وبعـــدين هي ديه الحـــياة نقــابل ناس ونـــودع نــــاس ونحب نـــا س ونفــارق نــاس
والمهم اٍن الأنسان يتعلم من اخطاءة ويكون في علأمات وخطوط حمراء لأ يتعدها
_________________

وقال تعالى : ( وَلَوْ أَنَّ أَهْلَ الْقُرَى آمَنُوا وَاتَّقَوْا لَفَتَحْنَا عَلَيْهِمْ بَرَكَاتٍ مِنَ السَّمَاءِ وَالأَرْضِ ) الأعراف/96 ، فالبركة من الله جزاء على الإيمان والتقوى ، فإذا عدم الإيمان والتقوى أو قلّ ، قلّت البركة أو انعدمت .

وقال الله تعالى : ( مَنْ عَمِلَ صَالِحاً مِنْ ذَكَرٍ أَوْ أُنْثَى وَهُوَ مُؤْمِنٌ فَلَنُحْيِيَنَّهُ حَيَاةً طَيِّبَةً وَلَنَجْزِيَنَّهُمْ أَجْرَهُمْ بِأَحْسَنِ مَا كَانُوا يَعْمَلُونَ ) النحل/97 ، فالحياة الطيبة ثمرة الإيمان والعمل الصالح .

ودي واحترامي
/
/
/
/
كنافه

[بنوته مصريه]

فعلا الف شكر على مشاركاتكو ...

وفعلا يا كينو انا لقول انها تلجأ لربنا وربنا مش هيسبها ..

[مــ الحزن ــلاك]