|
|
|
|
|
|
22-08-2005, 05:09 PM
|
#1 |
|
][§¤حلا ذهبي ¤§][
 
|
مشاركة: عمق القلوب....قصة واقعية
مي:طيب يالله امشي ما ابغا اتأخر الاولاد في السياره
خالد:من جد اجل يالله بسرعه ابغا اشوفهم وحشوني وخصوصاً الولد الفطس دا الي اسمه احمد لايكون كبر مي:لا والله زي ماهوا فطس خالد ومي:هههههههههههههههههههههه رائد وهوا حاط يده على وسطه:بتطولو هنا كتير وسايبيني انا والشباب خالد:لا يالله مشينا ويروح ماجد مع اخوه نواف بسياره ويروح خالد مع رائد ومي......... ويطالع خالد على للسما ويقول:آآآآآآآآآه قد ايش حلوووه ريحة السعوديه وحشني ترااااابك يالسعوديه رائد:ياعيني ياعيني على الوطنيه اقول امشي وانت ساكت بس خالد:هههههههههههه يالله يتفاجئ خالد لمن يدخل السياره بوجود ولده محمد الي كان لاصق في الطاقه وشويه ويدخل راسه فيها......... خالد وهوا مو مصدق نفسه:معقووووووول محمد حبيبي محمد وهوا في حضن ابوه:بابا وحثتنييييييييي خالد وهوا يبوس ولده ويمسح على شعره:محمد حبيبي كيف حالك محمد:طييييب بس فينك من زمان مازيتنا خالد:ههههههههههههه شو الحكايه يامي بدل الالدغ صار عندنا اتنين كدا عديتو ولدي مي:لا والله ولدك هوا الي اكتسب اللغه من ولدي ههههههههههه احمد:ايوه صح خالد وهوا يلتفت لمكان الصوت من اخر السياره:هلاااااا والله بحمووووودي احمد وهوا ينط على خاله:هلاااا خالوووو كيف حالك خالد:الحمدلله كيف حالك انتا احمد:اانا الحمدلله طيب فهد وهوا يسلم على خاله:كيف حالك ياخالو خالد الي اتفاجئ بفهد شكله كدا كبر عن زمان وصار كأنه في المتوسط:هلااااا فهووودي حبيب قلبي كيييييف حالك فهد:الحمدلله طيب خالد:ماشاء الله كبرت واحلويت ياولد فهد:ايوه انا احم احم خلاص صرت رجال خالد:ههههههههههههه ماشاء الله رائد:شفت كيف ياخالد الدنيا اتغيرت وانت مو داري خالد بأسف:اي والله محمد بصوت عاااااالي:بابا بابا خالد:عيون بابا محمد:انت خلاص حتقعد عندنا محا تسافر تاني خالد وهوا يشيل ولده ويحطه على رجله:امووووت ولا ابعد عنكم يوم من بعد الان ويبتسمو الكل في فرح للحظات الحلوه الي بينهم....... ونرجع لي امريكا ولي نيويورك بالذات............ تامر:وش حتسوي يعني؟؟ رامي:والله مدري انا الين دحين ما انتهيت من مشكلة انذار الفصل دي ولامشكلة البنت الهبله ديك فكيف تبغاني اسافر تامر:يا ابويا سافر ولاتشيل هم خليها على ربك رامي:على ربي بس ما اخسر دراسة وتعب سنتين وشويه لازم اتصرف تامر:شو بتسوي؟؟؟؟ رامي:بتشوووف ويروح رامي يجري ويترك تامر لحاله واقف............ رامي:لو سمحتي لو سمحتي<<<كان رامي يزهم شوق شوق دارت وجهها عشان تشوف مين يزهمها وتنصــدم لمن تشوف انه رامي نط قلبها ماشافته من بعد الحادث ومن بعد مازارته بالمستشفى كانت شوق بترد عليه بس خافت لا يهزئها فقررت تهرب من قدامه وقلبها يعورها لانها شافت يده مكسوره ومجبسه يعني لسه ما اتعافى تمام وصارت تقول في نفسها سلاااامتك يالغالي سلامتك....... رامي!!!!!!!!؟؟؟؟؟؟؟؟؟؟ استغرب لمن شافها تهرب من قدامه وماترد عليه شوق وهيا بتجري حست بحاجه تسيل على خدها فمسحتها وهيا خايفه من فين جات هالدموع وليه....... رامي في نفسه ايش بها هادي المفروض تفرح وتنط من الفرح لاني بكلمها مو تهرب من قدامي اكيييد عملت لها حاجه اكبر من الي سوتها اول وخايفه مني والله ما اسيبها انا وراكي ياشوق والزمن طوويل......ويجري رامي وراها ويوصل لها طبعا لانه رجال واسرع منها...... رامي وهوا يوقف قدامها عشان ماتمشي اكثر:لو سمحتي ابغا اكلمك شويه ليه تهربي مني شوق تدير وجهها على الجهه التانيه لانها خايفه يشوف الدموع الي في وجهها رامي:؟؟؟؟؟؟؟؟!!!!!!!!! رامي:ايش بك شوق وهيا تعدل من صوتها ووتعابير وجهها:لا ولاشي خير امر رامي الي حس انه فيها شي بس ماحب يعلق:اوكي ممكن نتكلم شويه شوق:لو تبغا تهزئني كالعاده انا مو مستعده اسمعك ولو سمحت سيبني في ورايه محاضره ما ابغا اتأخر رامي الي مو مستوعب ايش يهزئها هادي معقوله خايفه منه هالادميه الوقحه غريبه ما اتوقعها منها فقال بنوع من الادب:يا اخت شوق انا ما بهزئك ولاشي واعتذر على تصرفاتي السابقه لو ازعجتك بس في موضوع مهم مره لازم اكلمك فيه لو تسمحي خمس دقايق مابتأثر عليكي في شي شوق استغربت من طريقته المؤدبه الي اول مره يكلمها فيها وحست انه الامل بينفجر في داخلها معقوله رامي راجع نفسه وعرف مقدارها وقرر يقبل حبها ويمكن حبها..... شوق بفرح:اوكي فين تبانا نتكلم رامي وهوا مبتسم لانه انتصر:في الكافتيريا شوق:اوكي يلا وفي الكافتيريا..... رامي:اوكي يا شوق اسمعيني مظبوط شوق بشوية خجل:لحظه قبل ما تقول اي شي بس حابه اقلك سلمااات((وترخي راسه للاسفل وتكمل تقول))واسفه على الي صار ووالله العظيم انه ماليا يد فيه رامي:اوكي لو انتي من جد مالك يد في الي سواه لي ابوكي وانصدمتي بجد لمن قلتلك المفروض تقولي له انه يرجع عن قراره ويحل عني لاني ابغا ارجع السعوديه ضروري هالاسبوع وما اقدر ارجع والموضوع دا معلق تدري دي دراستي ودا مصيري وانتي ادرى........ شوق؟؟؟؟؟؟؟؟؟؟؟؟؟!!!!!!!!!!!!!!!!!انصدمت ما اتوقعت تسمع منه دا الكلام حطمتها كلمة مساااااااااااااافر معقوله رامي بيسافر عنها بيروح خلاص كل شي انتهى هنا مابتشوفه تاني ماتسمع صوته ماتقابله مابتتأمله وتراقبه في الحصص معقووول رامي بيرووح عنها طيب وكيف يروح وهوا لسه ماخلص المنهج كيييييف......شوق بتفكر في كل دا الكلام وهيا ماهي داريه عن الي بيتكلم عنه رامي سامعته يقول كلام وكلام لكنها مو فاهمه او مستوعبه شي كل الي مستوعبته انه بيسااااااااافر......... شوق.........لاااااااااا ما اسمحلك كيف تسافر وليييييييه يا رامي لييييييييه حراااام عليك والله حرام انا قبلت اتكلم معاك على اساس انك بتراضيني بشي عدل او بتقولي انا اعتذر لو اي شي يدخل في نفسي الامل مو تقول كداااااااا آآآآآآآه الله يهديك بس يارامي الله يهديك ومدام انت رفضت حبي انا ما بفرضه عليك.......... تقوم توقف شوق ولا كأنه رامي يتكلم ودا الشي صدم رامي الي حس انه كان يكلم نفسه بوقفتها هادي وكل الي سمعه منها كلمتين..........الي هيا شوق:مابيصير الا الي انت تبغاه.......وراااااااااحت...... رامي قعد في مكانه محتار يبتسم ولا يستغرب من دي البنت الغريبه العجيبه مره مؤدبه ولطيفه ومره وقحه وقليلة ادب المهم طرد كل هالافكار ووقف محله مبتسم ابتسامة النصر والفرح بالخروج من ورطه كبييييره ويقول في نفسه مهما صاار انا حققت الي ابغاه والحمدلله انتهيت من هالمرحله مابقي الا الحجز الطيراااااان لأحلى وطن واحلى نااااس واحلى اهـــــــل............. ويروح رامي لعند تامر الي قاعد يستناه بفارغ الصبر...... رامي:خلاااااااااااااص حليتهااااااا تامر:شو الي حليتها هاي رامي:المشكله كلمت البنت وقالتلي ما بيصير غير الي ابغاه تامر:صدق والله تمااااام عيل مبروووك رامي:يبارك بعمرك ياخي والله فككككككككه مابغينا نخلص تامر:هههههههههههه صدق والله فكه الا قلي متى ناوي تسافر رامي:امممممممم مدري بس حاب اقترح عليك اقتراح تامر:اقتراح؟؟؟؟ رامي:ايوه تامر:اتفضل طيب شو تنتظر رامي:امممممم ابغاك تجي معايا السعوديه تامر:لا والله وليييييه شو تبا مني اجي اسويه في السعوديه رامي:تعال معايا ياخي ما اقدر اعيش بدونك شو اسوي تامر:اهااااا شذي يعني اوكي انا ماعندي مشكله اذا انت حاب تتعب عمرك وتتضيفني وتحوطني في بلدكم كل ساعه بجي ولا غير شذي ماشي روحه رامي:لا والله تتشرط كمان تامر:هي كم تامر عندك افا عليك بس دا وانت عازمني على فلوس التذكره كمان رامي:كمااااااان عزمت نفسك على فلوس التذكره هههههههههههههههههههه تامر:هممممممم اذا ماتحب ايزي بجلس هني رامي:لااااااا ياعم امزح معاك انا اصلاً كنت بقولك انه كل التكاليف عليا تامر:اذا شذي عيل كل شي تمااااام اوكي متى تبي تسفرنا رامي:امممممممممممممم بعـــــــــــــد بكرررررررررره تامر:اوووووف مو كأنك مستعيل شوي رامي:لا مو مستعجل بس الملكه بعد كم يوم ولازم اللحق اروح السعوديه قبلها تامر:اهاااا اوكي برايك |
|
22-08-2005, 05:11 PM
|
#2 |
|
][§¤حلا ذهبي ¤§][
|
مشاركة: عمق القلوب....قصة واقعية
*&*الجزء السابع عشر*&*
يوصل خالد ورائد ومي على بيت ابو خالد الي مايعرفو شي عن وصول خالد..... محمد:ستوووو ستوووووووووو خالد يحط يده على فم ولده:اسسسس اسسسس لا تقول شي انا ابغا اقلهم بنفسي محمد بصوت واطي:تيييب معليه اسف نسيت احمد:اثلاً انتا دايماً كدا اهبل محمد:لاء انت الاهبل خالد:خلااااص اسسسس فضحتونا الله يفضحكم وتجي ام خالد على صوت محمد واحمد وتنصددددددم لمن تشوف خالد واقف......... ام خالد:معقووووووووووووووووووووله خالد والابتسامه شاقه وجهه:مسااااااااء الخييررررررررر ام خالد تجري على ولدها وتحضنه والدموع تنزل من عيونها:يااااااااااارب عساني ما انحرم من هالشوووفه يااااااارب كيييييييييفك ياخالد كيفك ياولديييي خالد:تمااااااااااااااااااام التماااااااااام والله كيفك انتي ياامي ام خالد:بشوفتك صرت بخير قلي متى جيت وصح نسيت حمدلله على السلامه خالد وهوا مبتسم:الله يسلمك ويسلم قلبك وعمرك وكل شي في حياتك ام خالد وهيا مبسوووووطه على الاخر:ما قولتلي متى جييييييييت؟؟ خالد وهوا يطالع في الساعه:امممممم حوالي قبل تلات ساعات وشويه ام خالد:نوووورت السعوديه والله خالد:منووووره بوجودكم والله وتجي منى على الربشه هادي والصوت العالي:شو في شو صار وشو كل هالاصــ...وتقطع كلمتها لمن تشوف خالد...... منى:خاااااااااااااااااااااااااااااااااااااااااااال د خالد يبتسم بي فرح لمن شاف منى من زمان وهوا ماشافها واشتاق لأهل هالبيت مرررره.......... خالد:عيوووووووووووووونه كيفك يامنى وتجري منى وترمي نفسها في حضن اخوها:حمدلله على السلامه ياخويه حمدلله على السلامه اناستنا والله خالد:الله يسلمك يامنى كيفك حبيبتي منى مررره تعزز خالد اكثـــــــر شي من اخوانه حتى اكثر من امجد برغم انه تؤامها..... منى:بشوووووفتك والله تمااااااااااااااااااااااااااااااااام خالد:طيب بشويش لا ينشق حلقك ههههههههههههه منى وهيا مبسوطه اول مره تشوف خالد يضحك وينكت من بعد موت نهاال...... خالد:هييييي بنت شو فيكي تبتسمي كدا كأنه جاكي عريس منى:هههههههههههههههههه لا والله بس فرحت اني اشوفك تضحك وتنكت كدا خالد:اممممممممم اتعودي على الفكره خلاص منى مافهمت قصده بالظبط:كيف يعني!!؟؟ خالد:يعني من اليوم ورايح خالد حق زمااااااان رجـــــــــع منى:يامرحباااااااااابه والله بينورنااااا ويأنسنا ويشرفنا وكل شي هههههههههههههههه مي:اوففففففففففففف والله حاله كأني واقفه هنا زي الجدر طيب عبروناااا ياهوووووو ام خالد:هههههههههههه يابنتي اسفه والله ماشفتك كيفك يامي مي وهيا تسلم على امها:بخير الله يسلمك كيفك يامنى منى تطالع في خالد وتبتسم وتقوول:تماااااااااام بشوفة دا<<<وتأشر على خالد تنننننننننن تننننننننن<<<احد يدق الجرس مي:وييييييي مسكين رائد نسيته بره رووحي يامنى ادخلي جوه خليه يدخل منى:طييييييب وتطلع منى تجري فوق على غرفة رندا........ منى:رندا رندااااااااااااااااااااااا رندا:ها نعم منى:حزري مين جا؟؟؟؟؟ رندا:مين يعني؟؟؟؟!!!!! منى:حزري انتي بس راند:امممممممم اكيييييييييييد خالد منى وهيا مندهشه هادي ايش دراها:صصصصصصصصح كيف عرفتي رندا:سر المهنه ههههههههههههههههه........وراحت ماخلت فرصه لمنى ترد عليها عشان تبا تنزل تسلم على خالد........... وتنزل تجري وتدخل الصاله وتنصدم لمن تشوف رائد قاعد فترجع تخرج من الغرفه وهيا منحرجه....... خالد يضحك على خبال اخته ويطلع يسلم عليها....... خالد:هلا والله هلا بالغاليه رندا وهيا ترمي نفسها على اخوها:هلااااااااااااااا فيك يالغالي انتا منوووووووووور البيت وجده والسعوديه والشارع وكل الدنيا هههههههههههههههههه خالد:كلكم ماسكين هالجمله منور ومنور خلاص تعبت وانا اقول منوووووووووره بوجودكم رندا:ههههههههههه كيف حالك؟؟؟؟؟ خالد:عااااال العاااااال والله رندا:ان شاء الله دوووووووووووووم مو يوووووووووووم خالد:يسلموووووووو ويكملووو يومهم بسلامات ونقاشات عن خالد وعن احواله ويجلسووو كلهم في سعاده..... في الجهه التانيه في بيت ابو محمد تكون لمى قاعده على النت ومبسوطه...... ولمى وهيا قاعده على الماسنجر بتكلم لجين الي صار لها زمان ماشافتها....... ......المحادثه بين **لمووو**((لمى)) و ^لولو^((لجين))....... **لمووو**:ايوه المهم ما قولتيلي متى بتروحي عند منى ^لولو^:والله لسه ماحدتت بس ان شاء الله قريب **لمووو**:اهاااا طب كويس المهم اقابلك خبريني قبلها ^لولو^:اكيييييد ان شاء الله **لمووو**:دقيقه لجين في احد اضافني مدري مين خليني اشوف وارجع لك برب ^لولو^:خدي راحتك عيوني تييييت على الاخر تشوف لمى الايميل غريب hotmail.com@********* بس برغم من كدا تحط على اوكي لانها تبغا تعرف مين دا الي اضافها.... وعلى طووول لقته اون لاين وهوا الي بدء بالكلام..... خلودي:هلاااااااااا والله هلااااااا منووووووره الماسنجررر وربي خلودي:كيييييييفك **لمووو**:هلا فيك مين معايا؟ **لمووو**:تماموووو خلودي:افااااا ناسيتني!! خلودي:دوووووم مو يوووووووووم **لمووو**:صراحه ايوه ما افتكر احد بي هالايميل خلودي:طيب اول ما بتسأليني كيفي **لمووو**:هههههههههههههه اوكي كيفك خلودي:تمااااااااااامووووو المهم انا خالد كيف تنسيني **لمووو**:؟؟؟؟؟؟؟؟؟؟؟؟ انا ما اعرف اولاد االصراحه ولا افتكر احد بي هالاسم الا ولد عمي خلودي:الا ماتتذكري مره في شات**** اتعرفتي عليا واعطتيني ايميلك من زماااااان بس انا ما اضفتك الا اليوم قعدت لمى تفكر مين دا الي انا اعطيته هالايميل صح انا كنت ادخل هالشات بس من زماااااان مره وما صرت ادخل شات من بعدها غريبه معقوله اعطيت ولد ايملي ما اعتقد قد سويتها....... خلودي:اممم طيب مو مشكله شكلك ناسيتني مره على العموم مافيها شي اتعرف عليا تاني مافيها حاجه **لمووو**:لا والله عاجبتك الحكايه خلودي:صراحه اممممم ايوه هههههههههههههههه **لمووو**: هههههههههههههههههه طيب انت ايش تعرف عني خلودي:انا اعرف انك لمى وعمرك يوم ما اتعرفت عليكي كان اممممم 17 شي زي كدا **لمووو**:وااااااااااااو يعني تعرف عني شي بس ترااااك مررره مغبررررر انا الحين عمري 19 هههههههههههههههههههههه خلودي:لا والله ماشاء الله العمر كله يااااارب بس عاااد انا من جد اعتذر انا وقفت النت فتره ومارجعت الا قريب قبل كم شهر وافتكرتك **لمووو**:غريبه وايش الي فكرك فيني بعد كل هالمده خلودي:والله عاااد مدري **لمووو**:لا مافي لازم تدري هههههههههههههه لووول صايره قويه انا هاليومين خلودي:هههههههههههه لا منتي قويه ولا حاجه من حقك تعرفي خلودي:اممم مدري بس انتي كنتي بنسبالي حاجه سبشل خلودي:يعني كنت دايم انبسط لمن اتكلم معاكي وصراحه انتي بنت فلله ورقيقه وارتاح وانبسط لمن اتكلم معاكي خلودي:فقررت اضيفك حتى لو بعد كل هالمده لمى ماعجبها كلامه وما صدقته بس قالت تمشيها له ويقطع عليها محادثتها معاه لجين..... ^لولو^:فييييينك يابنتي قلنا على الاخر بس مو الاخر اخر مره لدي الدرجه **لمووو**: سوووووووري ياقلبي بس اندمجت مع الادمي دا ^لولو^:مين ادمي؟؟؟؟ **لمووو**:واحد دوبه اضافني ^لولو^:اهااااااااا ياعيني ياعيني **لمووو**:ياااااربي عليكي انتي وحركاتك والله ما اعرفه بس يقول هوا يعرفني من زماااان من ايام الثنوي تخيلي من قبل سنتين ^لولو^:وماشاء الله مفتكرك الين دحين |
|
22-08-2005, 08:43 PM
|
#3 |
|
(حلا متميز)
 
|
مشاركة: عمق القلوب....قصة واقعية
يسلمووووووووووووووووووووووووو بلييييييييييييييييز كملي القصه بسرعه لاتطولين
اختج بنوتة ابوها |
|
|
|
|
23-08-2005, 04:25 AM
|
#4 |
|
(حلا متميز)
 
|
مشاركة: عمق القلوب....قصة واقعية
أقولكم بس تحب تخلي الناس على نار
لكن أنا تعودت عليها شكرا على التكملة (( بليز كملي)) تحياتي الجني |
|
23-08-2005, 04:33 AM
|
#5 |
|
][§¤حلا ذهبي ¤§][
|
مشاركة: عمق القلوب....قصة واقعية
يسلموووووووووووووو بنوته ابوها على المتابعه
لك تحياتي : البريئة :cool: |
|
23-08-2005, 04:35 AM
|
#6 |
|
][§¤حلا ذهبي ¤§][
|
مشاركة: عمق القلوب....قصة واقعية
مليوووووووووووووون مرحبا الــــجــــنــــي
واله كليووم انزل شوي بس عشانك وعشان بنوتة ابوها والمتابعين راح انزل الحين :D قايلت لكم كريمة :D تحياتي لك : البريئة :cool: |
|
23-08-2005, 04:38 AM
|
#7 |
|
][§¤حلا ذهبي ¤§][
|
مشاركة: عمق القلوب....قصة واقعية
رامي لمح لمى وقال:والله وكبرتي يالمى وحتتزوجي وانا لسه....ولاشعوريا اتجه نظره لرندا واتمعن وهوا يطالع فيها...
رامي:آآآآآه بس على ايام زماااااان ريتها ترجع ياترى هالبنت كبرت ولا لساتها مفعوصه ههههههههههههههههه انا خليني اروح اللحق افاجئهم قبل الغدا وبعد كدا اروح لتامر ووصل رامي لبيت ابو خالد وشاف تجمع السيارات احتار ادخل على الرجال اول ولا اروح اسلم على امي اول فطلع من السياره ووقف في الحوش محتاااار في هالوقت لمى ورندا كانو في المطبخ....... رندا انتبهت من الطاقه لأحد في الحوش فطالعت مظبوط وانصدمت لمن دققت في الملامح رندا في نفسها مو مقعوووووووووول مو معقووول والله ما اصدق راااااميييي.... لمى استغربت وقوف رندا وتغير ملامحها والرجفه الي في يدها هادي قربت منها ومسكت يدها...... لمى:ايش بك يارندا؟!!!!!!!! رندا ماقدرت تتكلم بس انقذت نفسها وبعدت من عند الطاقه عشان لاتنبه لمى انها شافت احد..... رندا:ها لا ولاشي لمى:طيب ايش بك ليه صار وجهك كدا من يوم ماطالعتي في الطاقه...ولفت لمى راسها عشان تشوف ايش في وتنصــــــــــدم لمن تشوف رامي فتفك باب المطبخ الي يطلع على الحوش وتخرج تجري رندا في البدايه انصدمت كيف تطلع لمى لرامي كدا بدون ماتغطي شعرها ولا شي وفي الاخر افتكرت انه يصير اخواها ورجعت للطاقه وقعدت تشوف لمى وهيا تسلم على رامي...... لمى:راااااااامـــــــــــي رامي لف راسه وشاف وحده بتجري عليه ما انتبه غير لشي جا ورما نفسه على حضن رامي...... رامي بعدها عنه شويه وطالع في وجهها وابتسم:هادا انتي فجعتيني ياهبله احد كدا ينط على الناس لمى:ههههههههههههههههه والله شفتك وماصدقت نفسي مالقيت غير اني ارمي نفسي عليك واشوف اذا صح انتا قدامي ولا خيالك هاهاها رامي:ههههههههههههه المهم كيفك وايش اخبارك لمى:بخييررر بشوفتك وانت ايش اخبارك وايوه صح حمدلله على سلامتك نورت السعوديه متى جييت؟؟؟ رامي:بشويش بشويش كل دا وتبيني ارد عليه مااا اقدر لمى:ههههههههههههههههههه رامي:المهم اول شي ان شاء الله دوووم انك بخير وانا عال العال زي ما انتي شايفتني وثالثاً الله يسلمك ومنوره بوجودكم وراااابعاً آآآآآه بس تعبتيني اسئله خلاص بطلت ما ابغا اكمل لمى:لاااا اخر شي هوا اهم شي قولي متى جيييت؟؟؟؟؟ رامي:ههههههههههههه امس في الليل لمى:وي وسلمت على امك وابوك ولالا رامي:صراحه لاء لمى:وليه مانمت في بيتك؟؟ رامي:نمت في الفندق لاني جيت مع صاحبي وبعدين انا جيت في اخر الليل فما ينفع اروح البيت وازعجهم وافجعهم في داك الليل المهم بلا كترة تحقيقات ادخلي ازهميلي امي بس لاتقوليلها شي خليها تتفاجئ اوكي لمى:اهاااااا اوكي بزهملك هيا بس انتا ليش واقف هنا رامي:اااا اممممم صراحه كنت حاير اسلم على امي اول ولا ادخل لمجلس الرجال قبل بس انتي جيتي وانقذتيني من هالورطه ههههههههه لمى:هههههههههههه شفت كيف عشان تعرف قيمتي بس رامي:عارفها من قبل ماتقولي بس تعالي هنا كيف عرفتي اني واقف برا لمى دوبها افتكرت رندا ونسيت انها كانت معاها فقالت:اممممم اظن رندا شافتك من الطاقه وو........ومالحقت لمى تكمل كلامها الا رامي رفع راسه للطاقة المطبخ وصار يطالع فيه بنظرات تمعن وتفحص ولهفه.....لمى حست كدا من نظراته ومن تعابير وجهه لمن قالت رندا ومن الي صار في رندا انه هالاتنين اكييييد في بينهم شي بس ماحبت تعلق وسكتت ودا الشي خلا رامي يستغرب.......في هالوقت انفجعت رندا لمن رفع رامي راسه وصار يطالع عليها فعلى طول اتخبت وقلبها صار يدقدق ماهي مصدقه اخيراً رجع حبيب قلبها اخيييراً.....وفي الحوش..... رامي:ايش بك سكتي؟؟!!!!!!! لمى:قلت اخليك تكمل نظرات رامي استحى منها وحب يغير الموضوع:اقول بلا بياخه قومي روحي ازهمي امي ابغا ادخل اسلم على عماني والشباب لمى:ايوه ايوه غير الموضوع رامي بنبرة غضب:لمـــــــــــــــــــى لمى:وي طيب بشويش اكلتنا دا وماليك خمس دقايق شايفني اجل لو عشره كان قتلتني رامي وهوا يروح من عندها:اووووفففففففف انتي مامنك فايده انا ادخل للرجال احسن لي لمى وهيا تمسكه من يده:لالا خلاص بروح ازهمها رامي: طيب بس بسررررعه لو سمحتي وتروح لمى ويجلس رامي واقف في محله يتأمل ديك الطاقه رندا كانت هناك وشافتني يالله معقوووله الاقدار هادي تخلي رندا اول وحده من اهلي تشوفني ياخساااره لو كان انا لو شفتها كان احسن....رامي يفكر في كل دا وهوا ماشال عينه من على الطاقه وفي نفس الوقت رندا وهيا متخبيه جنب الطاقه عشان مايشوفها بس هيا تقدر تشوفه كانت مستغربه منه بيطالع في ايش هادا لايكون عارف اني هنا معقوله لالا ما اعتقد بس يالله على عيووووونه عذااااااب آآآه بس لو كان يحس فيا دا الحجر المتحرك ويقطع عليها تفكيرها لمى....... لمى وهيا تحط يدينها على خصرها:هاااااا ماخلصتي نظرات انتي كمان؟!!!! رندا انتبهت لي كلمت انتي كمان؟؟؟؟؟؟!!!!!!!! لمى:هههههههههههههه ايش بك يابنتي امشي تعالي سلمي على رامي رندا:اسلم على مين!!؟؟؟؟؟ لمى:بلا بياخه سمعتيني رااااااااااااامي رندا كل ماينذكر هالاسم قدامها تجيها مغصه في بطنها..... رندا:خلاص طيب فهمت امشي يالله لمى:استني استني حتطلعي كدا رندا:ليه شو فيا؟؟؟؟ لمى:شعررررك رندا:ايوه صح نسيت....وغطت رندا شعرها وطلعت لبره شافت رامي في حضن امه ومافي غير امها وام محمد ومافي لامنى ولامي اترددت تدخل ومافي اخواتها بس لمن شافت لمى تجرها سمت بالله ودخلت....... رامي الي دخل قبل ثواني وسلم على امه وحريم عمانه:وحشتووني والله وحشتوني ام خالد:كيفك يارامي؟ رامي وهوا راخي راسه:بخير ياخاله كيفك انتي ام خالد:منيحه الحمدلله رامي:هااااا اخبااااار التبوله والفتووش ام خالد:بيستناااااك رامي:هههههههههه طيب كويس ام محمد:متى وصلت يارامي؟ رامي:امس في الليل ام رامي:وي ياولدي وفينك من امس لليوم ليه ماجيت سلمت علينا!!!!!! رامي:انا وصلت امس متأخر في الليل وبعدين معايا صاحبي وخفنا نزعجكم والوقت متاخر وبتنا في فندق واهوه انا اليوم قدامكم صاخ سليم وبس تترااااااا خلصت الحكايه ههههههههههههه الكل:ههههههههههههههههههههههههههه ام رامي:يااااااربي ان شاء الله ما انحرم من هالوجه ولا دي الضحكه لمى تنغز رندا بأصباعها وتقولها بصوت واطي:سلمي رندا بصوت اوطى:طيب بس اسكتي انتي ام خالد انتبهت على رندا ولمى الي واقفين عند الباب واستغربت وقفتهم فقالت:رندا لمى ادخلو سلمووو على رامي!! رامي انتفض لمن سمع اسم رندا...رامي في نفسه معقوله حتدخل تسلم عليا وه ياربي ساعدوني حمووت من الفرحه من متى ماشفتها هالبنت من زمااااااااااااااان......ويقطع عليه تفكيره رندا... رندا وهيا تدخل بطلتها الحلوه كالعاده:احم احم ا... السلام عليكم الكل الا رامي الي ما استوعب الين دحين:وعليكم السلاااااام رندا بصوت دافي:كيفك يارامي؟ رامي في هاللحظه ماقدر يمنع نفسه يرفع عينه ويشوف صاحبة هالصوت الملائكي ولمن رفع عينه شاف ملااااك نازل من السما ملاك متحجب ومو باين منه غير وجهه الابيض الطويل ذو الملامح الحلوه والناعمه وملابسها الساتره طولها وجسمها الحلوو... رامي والشووق في عيونه:بخيررر كيفك انتي يا رندا<<<واتعمد يقوول اسمها اشتاق للفظه على لسانه..... رندا حست انها بتطيح على الارض وتدوخ لمن قال اسمها بس اتماسكت ومسكت كتف لمى وقالت بصوت مرتجف:الحمدلله.....ويالله عن اذنكم انا طالعه تامروني بشي رامي وهوا مانزل عينه من عليها للان قال:سلااااامتك نغزت رندا لمى وقالت لها بصوت واطي:امشي قدامي يالله ومشيت لمى ورندا برضها ماسكها كتفها ومرتكزه عليه لمى وهيا مستغربه من رندا ومن تصرفها اتقصدت تمر من جنب رامي ونغزته في يده بأصباعها وقالت له بصوت واطي مايسمعه غير رندا ورامي:نززل عينك اكلت البنت..........ودا الشي خلا رندا ورامي يموووتوووو من الكسوووف والحياااااا رامي على طووووول نزل راسه وهوا خجلان وخايف انه احد انتبه له غير لمى الشيطانه هادي اما رندا فطلعت من الغرفه وهيا تجري خايفه لاتطيح في اي لحظه ماتقدر تتسحمل كل دا......طلعت لمى ورا رندا وهيا مبسوطه انها احرجتهم <<<مصيبه هالبنت بس محد يدري عنها..... لمى:رندا ايش بك ايش صار فيكي؟؟!!!!! رندا وهيا جالسه على وحده من عتبات الدرج:ولاشي لمى وهيا تحط يدها على كتفها:آآآآه كسرتيلي كتفي ايش بك اتكيتي عليا كدا عورتيني رندا:هاااا لا بس حسيت بدوخه شويه وخفت اطيح فقمت مسكتك لمى وهيا تطالع فيها بنظرة خبث:اهااااااااااااا قلتيلي بس دوخه من ايش دوبك قبل شويه ماكان فيكي شي؟! رندا:لمى بطلي حركاتك البايخه هادي |
|
23-08-2005, 04:39 AM
|
#8 |
|
][§¤حلا ذهبي ¤§][
|
مشاركة: عمق القلوب....قصة واقعية
لمى ببرأه:ايت حركااات؟؟!!
رندا:انتي فاهمتني مايحتاج اقول لمى:ههههههههههههههههههههههه طيب بشويش لاتنفجري علينا شوفي كيف وجهك احمررررر كأنك جاريه نص ميل وجيتنا ههههههههههههه رندا......... وتجيهم ام خالد:رندا قومي حطي اكل الحريم والرجال وانتي يالمى ساعديها واشرفي على اكل الرجال اهم شي لمى:ان شااااء الله خالتي رندا تقوم وهيا ساكته وتروح للمطبخ تجهز الاكل وفي اثناء ماهيا بتجهز وتشتغل لمى ماشالت عينها من عليها تطالع فيها وفي كل حركه تسويها ولاحظت ارتجاف يدها وتعرقها الشديد استغربت منها اول مره رندا يصير فيها كدا غررريبه...... وفي مجلس الرجال دخل رامي عليهم وسلم على الكل وقعد معاهم مبسوط على الاخر لانه لقا اهتمام كبير من الجميع وخصوصاً المدح على وسامته وجماله...... ابو خالد:هاااا يارامي كيف امريكا حلوه؟؟؟ رامي:لااا اعوذ بالله بالعكس تجيييب المرض خالد:هههههههههههههه خليه يستاهل هوا الي قال يبغا يسافر وهلكنا على هالسفر رامي وهوا يقرص خالد في يده:اسكت انتا بس محد طلب رأيك خالد:اااااي عورتنيييي ابو رامي:هههههههههههه وانتو يالشباب ماتعقلووو خلاص كبرتووو ياهوووو اعقلووو ابو خالد:هههههههههههههه خليهم ياجمال ينبسطووو رائد والي دخل في نص الحوار:هااا يابو الشباب الحنجره الذهبيه موجوده ولا راحت مع امريكا وهمها؟؟ رامي:افااااا عليك موجوده انت بس امر<<<الحنجره الذهبيه هادي لقب قاله رائد على رامي لانه صوته حلو لمن يغني فسماه ابو الحنجره الذهبيه من كتر ما صوته يجننننننن امجد:طيب يالله سمعناااا حاجه ابو محمد:اي والله يارامي زمااان على صوتك الرهيب رامي:احم احم اخجتلم تواضعنا ههههههههههههه الكل:ههههههههههههههههههههه خالد:بما ان العزيمه مسوايه اصلاً ليا فا انا الي اختار الاغنيه رامي:اوووووووكي انت تامر يالله اختار الاغنيه خالد:اممممممممممممم اغنية يسئلوني ليه احبك لراشد الماجد رامي:لاااااا غيرها ماابغاها هادي صعبه شوي خالد:لا مافي انا ابغاها ولا ايش رايكم ياشباب رائد وامجد:ايوووه مانبغا الا هيا ورينا فلاحتك رامي:اوففف خلاص طيب مدام اتفقتوو عليناا رامي:احم احم اممممم امجد:لحظه لحظه يا ابو الشباب بتغني كدا؟؟؟؟؟؟؟؟؟!!!!!!! رامي:اجل كيف تباني اغني يعني؟؟ امجد:دقيقه.....وراح امجد يجري ورجع ومعاه عود.......... امجد وهوا يعطي العود لرامي:خد وغني عدل ولا بلاش رامي الي انحرج بقووه خايف يكون نسي العزف المظبوط ويتفشل قدامهم بس الاصرار والتحدي الي في عيون امجد والشباب خلاه ياخد العود ويقرر يغني.....((http://songs.*****.com/rashed..yes2elooni.ram )) رامي:هدوووء احم احم ححح احممم رامي بدء بصوت دافي ورهيييييييييييييييب:يسئلوني ليه احبك حب ماحبه بشر وليه انتي في حياتي شمسها وانتي القمر وليه صوتك لي وصل صحراي يملاها الزهر علميهم يالحبيبه اه اه يا اغلى حبيبه..... يسئلوني ليتهم مثلي يعيشون الهوى الاصابع في الايدين الواحده ماهي سوى عندهم حبك طبيبعي وعندي فوق المستوى فهميهم يالحبيه اه اه يا اغلى حبيبه.... يسئلوني وفي شفاتك يرتعش حر الجواب مادرو انتي بحياتي راحتي وانت العذاب وانتي الحلم الي عشقته وطار بي فوق السحاب خبيرهم يالحبيبه اه اه والله حبيبه... يسئلوني وانتي اكبر من سؤالهم جميع وانتي اجمل ما خلق ربي بي هالكون الوسيع واني اتلاشى بدون عيونك الخجلى اضيع اضيع اعذريهم يالحبيبه اه اه يا اغلى حبيبه.... علميني ليه احبك حب ما حبه بشر وليه انتي في حياتي شمسها وانتي القمر فهميني ليه احبك حب ما حبه بشر وليه انتي في حياتي شمسها وانتي القمر وليه صوتك لي وصل صحراي يملاها الزهر اعذريني يالحبيبه اه اه والله حبيبه.... وفي هالوقت كانو رندا ولمى واقفين عند الباب يسمعووو رامي اتقن الاغنيه وغناها بأسلوب روعه فرندا كاااانت هاااااايمه في هالصوت يجننها صوته لمن يغني ويخليها زي السكرانه اما لمى فكانت مابتسمع للصوت كانت بتشوف رندا وتعابيبر وجهها رندا انتبهت للمى الي من يوم ما جا رامي وهيا طول الوقت تتطالع عليها وتتفحص تعابير وجهها فقررت توريها شغلها مسكتها من يدها بعصبيه وجرتها لبعيد.... رندا:تعااااالي هنا قوليلي شو عندك من يوم ماجا الاخ دا الي اسمه رامي وانتي تتفرجي عليا شايفتني تلفزيون عندك انا هاااا لمى:هههههههههههههههههههههههههه لا والله مو قصدي بس اممم عندي سؤال رندا شكت وحست انه بتسألها شي يحرجها فغيرت الموضوع بسرعه رندا:ويييييي امشي نسينا ندق الباب والاكل عند الباب تروح تجي عليه الحشرات امشي دقي الباب لمى فهمت عليها بس قالت تمشيها لانها شايفه امجد جي عليهم لمى على طول عدلت من طرحتها وناويه تروح......امجد لاحظ انه كل مايجي هيا تروح فعصب ونوا يوريها شغلها....... امجد:لحظه لحظه لمى لمى اتفاجئت اول مره يزهمها امجد دا فرجعت على ورا شويه وطالعت فيه وقالت:نعم خير امجد:لابس حبيت اسأل هوا اذا حضرت الشياطين ذهبت الملائكه ولاكيف؟؟ لمى انحرجت بقوه من كلامه هادا بس رندا شافت الجو متكهرب وقررت تنقذ الوضع... رندا:لا مو كدا يا امجد بس انا قلتلها تروح تحط الاكل للحريم امجد:اها مو مشكله طيب بس انا ولد عمها قبل ما اكون اكون...ووقف امجد مو حاب ينطق الكلمه بس لمن شافت الابتسامه الخبيثه الي انرسمت على وجه لمى قال وبحزم:قبل ما اكون زوجها المستقبلي.......اصلاً امجد يقول في نفسه لا ان شاء الله ما اكون لمى لمن قال هالكلام اعتفس وجهها فوق تحت وبان انها انزعجت ودا الشي خلا الاستغراب والشكك يدخل في نفس امجد ورندا......لمى لاحظت كدا بس ماحبت تخليهم يشكو فقالت:ولايهمك حبيبي انا اعتذر<<<بالعنيه قالت كلمة حبيبي عشان تقهره امجد انصدم منها ومن طريقة كلاماها وكان نفسه يعطيها كف بس مسك نفسه وقال:طيب اوكي المهم حطوو الاكل جعنا رندا:الاكل عند الباب نسينا ندق الباب ودحين الشغاله تجيب لكم الباقي....وراح امجد ولمى قعدت تطالع فيه وقالت في نفسها من جد وسيم وحلووو بس متكبر وقليل ادب يوووه منه اكرهه يا نااااااااس ما ابغا اتزوجه خساره محد يفهمني.... |
|
23-08-2005, 05:39 AM
|
#9 |
|
(حلا متميز)
|
مشاركة: عمق القلوب....قصة واقعية
كملي لو سمحتي لأني قاعد على نار أبي أشوف وشو صار للرهف وماجد
أخوك الجني (( الشكر الجزيل لك البريئة )) |
|
24-08-2005, 04:02 AM
|
#10 |
|
][§¤حلا ذهبي ¤§][
|
مشاركة: عمق القلوب....قصة واقعية
تامر :بس عيل انا اقلك المغرب والحين بيأذن العشا وانت حضرتك توك تيني
رامي:والله اسف بس الطريق كان مره زحمه تامر:هي هي اضحك علي انت بس رامي:والله من جد تامر:طيب مو مشكله بس فارق رامي:ايش قاعد تسوي من داك الوقت الين دحين تامر:ماشي بس زهقان وعاق عمري على هالتلفزيون اقلب في القنوات خذ اندوك الرموت ما ابيه قفله رامي وهوا يقفل التلفزيون:طيب يالله قوم معايا نسلم على اهلي وامشيك في جده تامر؟؟؟؟؟!!!!!!؟؟!!!!! رامي:ايش بك تامر:ماشي شي بس شو يعني امشيك رامي:هههههههههههههههههههههه اسميك ماتفهم لهجتي نسيت معليه يعني سلمك الله احوطك<<<رامي يعرف للهجه الامارتيه تمام ويقدر يترجم اي كلمه تامر:هييي مدام شذي يالله ننش بس قبل مانروح ماتسيبني لوحدي لازم نتم رباعه اوكي رامي:اوكيك من هالخشم تامر:فدييييتك وفديت خشمك والله ههههههههههه وراح تامر وسلم على اهل رامي وراحو اتمشو مع بعض على الكورنيش وفي هالوقت كان مازن وباسم وناصر يتمشو على الكورنيش وشاف باسم رامي...... باسم على طول راح يسلم عليه ويحضنه:راااااااااااااامي مو معقووووووووول هلا والله كيفك يا ابو الشباب رامي بإستغراب شديد:هلا والله باسم وهوا مبسوط: كييييييفك ياخي فينك ماتنشاف كل هالسنين ماتسأل ولا شي ولاكأننا درسنا مع بعض ولاحاجه رامي حاول يفتكر هالوجه وقعد يحوس بأفكاره عشان يفتكر هالادمي مو عشان شي بس عشان ما يتفشل قدامه لكنه فكر وفكر وما افتكره....باسم شاف الحيره الي على وجه رامي فعرف انه ماعرفه فقال له.... باسم:هههههههههههههه منت مفتكرني طيب مو مشكله قلي مين الي كان يهرب معاك من المدرسه ويروح معاك على بارنيز او الكورنيش ايااااام الفللله ياااااا ابوووووو الشبااااااب هاااااا حتى ابو الشباب ما تفتكرها يؤ ايش بك في احد سماك غيري ابو الشباب رامي وهوا يرجع يحضن باسم مره تانيه:بااااااااااااااااااااااااااااسم ياااااااااااااااااهلا والله هلااااااااااااااااااااااا حبيب قلبي هلاااااااا مو معقوول والله اخييراً شفانك باسم وهوا مبتسم لانه افتكره:طب كويس افتكرتني مابغيت ياخي رامي:لاااا ولو هوا احد يقدر ينساك انت في القلب بس تدري اشغال الدنيا تنسي الي ماينتسي باسم:اي والله بس فينك قطعتنا ياقاطع كم سنه دحين ماشفتك رامي:اوووووهوووووووووو كتييييييييييييير والله مدري يمكن سته سبعه سنين باسم:بجد عاش من شاااافك رامي:عاشت ايامك يالغالي ها خبرني ايش سويت في كل هالسنين باسم:اهوه عايش وانا دحين اخر سنه قسم حاسب الي رامي:مااشااء الله ايه صح انت دخلت الجامعه قبلي باسم:ايوه طبعا اشبك نسيت انا سابقك بتلاته سنين تقريبا رامي:ايه صح نسيت باسم:ايوه وانت ايش سويت والله شكلك متغير عجزت يابني ههههههههه بس تصدق قدرت اعرفك من طريقة كلامك ومشيتك رامي:هههههههههههههههههههههه انت الين دحين فلللللله والله الله يسلمك انا سافرت باسم والي قاطعه ماخلاه يكمل:ساااافرت ماشاء الله وفين ومتى.؟؟ رامي:ههههههههههههههههه طيب اصبر خليني اكمل سافرت بلاد الشؤم امريكا عشان اكمل دراستي هناك باسم:ماشاء الله وها كيف دراستك ان شاء الله تمام رامي:والله اهوه الحمدلله ماشيه بس الغربه تجيب المرض يكملو باسم ورامي كلامهم وكل دا وتامر ومازن وناصر قاعدين على الهامش ناصر ومازن لمن شافو باسم مندمج وشكله القعده مناسبته وبيطول راحو يتمشو على البحر وسابوه اما تامر المسكين ماهو عارف ايش يسوي رامي سايبه ولاكأنه موجود معاه فقرر يروح هوا كمان يتمشى على البحر ويحط رجله لانه مشتهي هالشي من زمان وجاته الفرصه والمكان حلو ونظيف...... وراح تامر وحط رجله شوي في المويه بعدين طفش وراح قعد على الرمل يتأمل البحر ويتأمل كل شي قدامه في هالوقت الي تامر فيه بيتحرك ويتأمل ويسوي كل شي في شلة بنات قاعده على الطرف تتفرج على تامر وعاجبهم شكله لانه تامر كان حلوو ووسيم وجلسته ملفته للنظر كدا كأنه عاشق ولا انسان رومنسي لأبعد حد تامر انتبه انه في بنت تأشر عليه وتتكلم وانقهر منها بس قرر يطنش لكن بعد حوالي نص ساعه زاد الوضع وصارو كل البنات يطالعو عليه ويضحكو وكل شويه يزيد صوت ضحكهم وكل دا صار في ثواني او دقايق قليله بس الوقت الي صار فيه كافي بنسبى لي تامر انه يتنرفز لانه من النوع العصبي شوي فقرر انه يقوم يروح لرامي برغم انه لسه ماشبع من الجلسه بس هالبنات عصبوه وهوا مو ناوي يسوي شي يندم عليه فرفع راسه يبغا يوقف وانصدم لمن شاف رامي واقف فوق راسه وشكله بينفجر من الغضب فلا شعورياً طاح تامر وماقدر يوقف لانه رامي واقف فوق راسه بالزبط ومو مخلي تامر يقدر يوقف تامر في هاللحظه فهم ليه البنات ضحكو عليه لانه اكيد عشان رامي واقف وراه هالوقفه الي بجد شكلها يضحكك ولو مو الموقف المحرج كان ضحك هوا كمان على نفسه وعلى رامي بس شكل رامي مو مطمنه ابداً......قرر تامر يتكلم لانه على مايبدو انه رامي مو راضي يبدأ...... تامر:احم احمم شو فيك رامي:......................ولاشي تامر:طيب ليه واقف هالوقفه تعال ايلس عدالي رامي هدء من نفسه شويه وجا وجلس جنب تامر...... تامر طالع فيه وهوا مستغرب شو فيه هادا توه كان بخير ويتكلم ويضحك ويا ربيعه!؟؟... تامر:شو فيك رامي ليه كدا مبوز وزعلان؟ رامي:نعم يعني ماااااتدري تامر؟؟؟؟؟!!!!!!!!!!!!! رامي في هاللحظه انفجر وماقدر يمسك نفسه:حرااااام عليك ياتامر شوف الساعه في يدك الله يخليك بس تامر شاف الساعه ومالقا في شي يستاهل كل دا شو الموضوع...... تامر:شوووووووو في ماني فاهم شي؟!! رامي:عايدي اصلاً انتا دايماً كدا تامر انصدم من رامي لانه بجد معصب..... رامي وهوا يتنهد ويحاول يهدأ من نفسه:اوكي مو مشكله بسألك انت فين رحت لمن كنت اكلم صاحبي؟؟؟؟؟ تامر:هني يالس على الرمل رامي في نفسه يابرووودك.... رامي:طيب ماتدري انه في واحد ادمي واقف ملطوع له اكثر من سااااااااعه كااامله يدور عليك ويستناك وانت حضرتك جالسلي هنا تتفرج على البحر ومدري ايش تامر.؟؟!!!:طيب شو فيها يعني؟ رامي:يعني انا من اول بدور عليك خوفتني عليك والله قعدت ادور كل مكان رحت من اول البحر لأخره وفي الاخر اكتشف انك جالس هنا انا قلت اروح الفندق يمكن انت رحت او شي بس قلت ماتسويها وبعدين هادي بلد ماتعرف فيها شي فكيف تروح تمشي على كيفك تامر استغرب من كلام رامي وقال في نفسه معقوله رامي بيزعل على هالشي التافه وبعدين شو شايفني طفل عشان اتوه في بلد ما اعرف فيها شي بس يالله انا مابجاريه بهدي نفسي واتكلم معاه بهدوء... تامر بهدوء:احم انا ماسويت شي انا شفتك يالس تتكلم مع الريال وناسيني بالمره وصراحه اتمللت واايد وبعدين انا يي هني عشان اطالع البحر ولقيت ماشي مشكله لو ييت ويلست على البحر وبعدين انا مابعدت وايد كلها كم متر واي حد ممكن يشوفني لو كان واقف مكانك رامي ماعرف ايش يقول صح كلامه ومره اتندم لانه عصب على صاحبه وقال في نفسه ياربي عليا وعلى عصبيتي البايخه كان لازم ازعل الرجال يعني...<<<<عصبي مع عصبي ينفعووو هههههه تامر شاف الندم على وجهه فقال له:طيب مو مشكله خلاص ايزي انسى الموضوع رامي:سوري تمور انت تدري اني عصبي وهيك بس والله مره خوفتني ساعه واكثر وانا ادور عليك ماصارت والله تامر:خلاص عيل انا كمان اعتذر منك اوكي رامي سكت وقعد يتأمل منظر البحر وهوا ضام رجلينه لصدره بيده مايدري شو هالشعور الي صار يجيه هالايام صار يحس بأنه كان تافه وانه كان غبي لانه فكر يبتعد عن اهله وناسه حس بطعم الذات وهوا معاهم حس بنشوة الحياه وهوا بين حضنهم قراره كان خاطئ ميه في الميه بعده عن اهله علمه الكتير وخلاه يترك غروره الزائف علمه معنى الاشتياق ومعنى الاهل والمحبه كل دا كان يدور في راس رامي وهوا يتأمل منظر البحر الهادي الجميل......تامرطالع في صاحبه وابتسم في فرح مهما كانت العصبيه الي كان فيها رامي بس ماتدل الا على حب رامي لتامر كان تامر مبسوط مررره وهوا قاعد مع رامي وهوا يشوف اهله وناسه وهوا يشوف هالبلد الي سمع عنها كتير بس ماقد جاها ولا مره...تامر قرر يروح يسوي عمره مع رامي بس بعد كم يوم لانه طبعا تامر اضطر يأجل سفره لكم يوم عشان ملكة امجد ولمى ورامي اصر انه يوريه كل مكان في جده ومايخليه يروح الا وهوا عارف كل شي المهم نرجع لبيت ابو خالد..... ابو خالد:يالله يا ام خالد يالله يابنات السواق بره له ساااعه منى:طيب يالله يابابا بس امجد فين? ابو خالد:سبقنا على الفندق منى:اها ابو خالد:فين اهل ابو جابر وصاني يجو معاكم منى:فوق دحين ازهمهم يجو معانا ابو خالد:طيب بسرعه وازهميلي امك خليها تجيب لي المشلح((البشت)) منى:من عيووووني...وراحت منى تقول لأمها... ونزلت رندا وهيا بكاااامل جمالها واناقتها والي يشوفها مستحيل يقول هادي رندا شكلها متغير وطالع روووووووووووووعه ......ابو خالد لمن شافها فتح فمه وبقق عيونه مو مصدق هالجمال كله في بنته..... رندا مااااااتت احراااج لنظرات ابوهاااا ووجهها حمررر...... رندا بخجل كبييير:خلاااااااص بابا بس يكفي ابو خالد:هههههههههههههههه ايش الي يكفي رندا بدلع كبير:نظراااااااااااتك ابو خالد:هههههههههههههههههه لاوالله مو قصدي شي بس اخاف يروحو الناس يحسدوكي روحي لأمك خليها تحصنك وتقرا عليكي ماتروحي كدا وبعدين شعرك دا لميه لاتخليه مفرود كدا<<<رندا شعرها مررره طويل وشوي ويوصل لركبها.... رندا:لااااااااا شووو المه مافي انا استنا هاليوم من زمان عشان افرد شعري ولا لشو مطولته ابو خالد بيأس لانه عارف ماراح يقدر عليها:طيب بس يالله بسرعه البسي عبايتك وازهميلي امك تجيب لي المشلح صار لي ساعه وانا اقول المشلح مافي احد يسمع الكلام في دا البيت رندا:طيب دحين اقولها المهم بأختصار بيت ابو خالد كان مرره ربشه وزحمه ناس طالعه وناس داخله اشياء جيه واشياء رايحه الكل كان سعيد ومبسوط في هالارتبااااط الا طبعا<<<عارفين انتو مين...الا امجد ولمى...المهم خلينا نروح لبيت ابو محمد...... ابو محمد كان متشيك ومتكشخ احلى تكشيخه وشكله كدا رجع عشرين سنه ورا وريحة المسك منه لأخر البيت فايحه....... ام محمد جات وشافته جالس يصلح الشماغ قدام المرايه الي جنب الباب...... ام محمد وهيا تكح من ريحة المسك القويه: كح كح بسك خلاااااااص لك ساعه وانت واقفلي قدام هالمرايه وتحط في هالعطور ماشبعت ابو محمد:وي يا ام محمد ماتبي زوجك يطلع احلى واحد؟؟ ام محمد:الا طبعا بس انت كدا ماشاء الله تبارك الله حلووو وزي القمرر وشكلك كمان اصغر بعشرين سنه واخاف الناس يروحوو يحسدووك ابو محمد:هههههههههههههههه يحسدوني ولايزوجوني ههههههههههاي ام محمد والي تعصب من التريقه حقت ابو محمد والي حاولت تغير الموضوع لانها عرفه مابتخلص من تريقة ابو محمد:المهم مين حياخد لمى من الكوفيرا ويوديها الفندق ابو محمد:والله مدري تصدقي نسينا هالموضوع!! ام محمد:خلي رائد يروح يجيبها ابو محمد:لالا مايقدر انا ارسلته يروح يسوي كم شغله ماهو فاضي ام محمد:طيب السواق ابو محمد:ارسلته لبيت ابو خالد يحتاجو السواقين عندهم اشغال قد ايش كترها ام محمد:اوووووووفففف والحل يعني ابو محمد:اممممم مافي غير رامي هوا الوحيد الفاضي خليني اتصل عليه هاتي الجوال حقي من على الطاوله...وتروح ام محمد وتعطيه هوا... ابو محمد:الوووووووو رامي:هلا والله هلا بالغالي هلا بعمي حبيبي ابو محمد:رامي مو وقتك اسمع ابغا اطلب منك طلب رامي والي مستغرب من لهجة عمه:انت تااااامر ياعمي ابو محمد:ابغاك تروح تاخد لمى من عند الكوفيره وتوديها الفندق مافي احد ياخدها رامي:وفين رائد؟ ابو محمد:ماهو فاضي وراه الف شغله رامي:ماطلبت ياعمي فالك طيب بروح اجيبها دحين بس اعطوني العنوان ويوصف ابو محمد لرامي العنوان ويروح رامي عشان ياخدها...يوصل رامي عند المكان ويتصل على لمى... رامي:الوووووو لمى:ايوه نعم رامي:يالله لمى اطلعي بسرعه لمى وهيا مستغربه:اطلع!..اطلع فين؟؟؟ رامي:انا بره بستناكي اخرجي بسرعه لمى:ايش اطلع ماني فاهمه شي!! رامي:لمىىىىى انا بره قدام المكان حق الكوفيرا دا لمى:اهااا خلاص اوكي دحين اطلع لك |
 |
| مواقع النشر (المفضلة) |
| الذين يشاهدون محتوى الموضوع الآن : 6 ( الأعضاء 0 والزوار 6) | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| قصة واقعية | حزينه^وحيده | مجلس حلا للقصص والروايات | 4 | 15-11-2005 10:42 PM |
| قصة واقعية | smaaelhaq | مجلس حلا للقصص والروايات | 3 | 24-08-2005 11:03 AM |
| قصة واقعية | SARAH539 | مجلس حلا للقصص والروايات | 7 | 09-07-2005 10:08 AM |
| قصه واقعية | الريـــــــــــــــــــم | مجلس حلا للقصص والروايات | 2 | 19-04-2005 11:18 AM |
| معاناه واقعية | هاجر العدواني | مجلس حلا للشعر وهمس القوافي | 3 | 30-03-2005 03:29 PM |
العرض المتطور
