عشقت الحزن

[لو على قلبى]

ليش الدمـع يا قـلبي .. ترى دمعـك عَلَي غالـي

أنـا مـالي بهَالدنيــا سِــواك أحــدٍ يواسينـي

دخيلك حتى لُو صاحَت جروحك ترفـُق بـحالي

أخــاف صياحَـها يـحـي جـروحٍ مَـيِّتـَه فينـي

صِعيبـه و الله هالدنيـا على مثلك و أمثالـي

صغـارٍ عَالحِـزن لكن أبَت تسـتوعِـب سنينـي

سِقَتني الـمُر في عُـمرٍ شرَب بَه غيري الحالـي

و كِل ما صِحت يادِنيا ذِبَحني الـمُر..تسقيني

وحيد عِشت اْنادي الفَرح لِجروحي و لا جالي

رَحَلت بـكِل صُـوب و ما لقـيت إللي يداوينـي

و تراها ما غـدَت تَفْرِق مَـعِي لُو طـال تِـرحالـي

أنا أصلاً سِكَنـت الجَـرح و ضاعت بَه عَناوينـي

عَشقْت الحزن مُو برضاي.. عيَّـا الوقت يصفالي

و يوم إنه رِجَـف دَمعي ذِبَحـتـَه في وَسَطْ عينـي

لَك الله وش يفـيد الدَّمع و لُو هُو سِيل مِتوالي

دخيلك تمسـح دموعَـك ترى هالدمع يشقـيني

مِـصير جروحِنا تذبــَــل قِـصَر هالعُمر أو طالـي

و إذا جرحـك أبَـيه يبـرى بَضمِّـده بشـراينــي