|
|
|
|
|
|||||||
 |
|
|
أدوات الموضوع | انواع عرض الموضوع |
|
|
26-06-2007, 04:59 AM
|
#1 |
|
(حلا فعّال)
 
|
رد: غرور وكبرياء ( قصة سعودية ) لا تفوتكم روعه تهبل **صدقوني ما راح تندمون**
مشكوره يا أختي
والحمد لله إنك كملتيها لولولولولاي هههههههههه <<<<مزحه ترى بدون زعل في انتظار الأجزاء الباقية بفاااااااااااارغ الصبر ترانا مستعجلين لأننا متشوقين نعرف باقي الأحداث  وهذا يرجع لإعجابنا بالقصة  أختك مسألة وقت |
|
|
26-06-2007, 07:07 AM
|
#2 |
|
نائبة الإدارة  
|
رد: غرور وكبرياء ( قصة سعودية ) لا تفوتكم روعه تهبل **صدقوني ما راح تندمون**
الرتاج
تسلمين الغاليه على الطرح الرائع ننتظر الاجزاء الباقيه -- لاتطيلين علينا دمتي لنا بكل الحب تقبلي مروري |
|
|
|
|
|
|
29-06-2007, 01:28 AM
|
#3 |
|
(حلا فعّال)
|
مشاركة: غرور وكبرياء ( قصة سعودية ) لا تفوتكم روعه تهبل **صدقوني ما راح تندمون**
ابشروا بنزل لكم بارتات ........
ويسلمو على مروركم الروعه تحياتي |
|
|
|
|
|
|
29-06-2007, 01:35 AM
|
#4 |
|
(حلا فعّال)
|
مشاركة: غرور وكبرياء ( قصة سعودية ) لا تفوتكم روعه تهبل **صدقوني ما راح تندمون**
الجزء الرابع والعشرون ...
-24- فيصل : وليد ... هي كلمه وحده قلتهااا ومستحيل ارجع عنهاااا ... منيب مرجعها يعني منيب ... وليد : طيب اقنعني .. ليش .. ما تبي... يعني معقووله الفتره اللي جلستوا فيها مع بعض...ما حسيت بشي ناحيتهااا .. فيصل : لا موو كذا ... هي تعني لي كثير ...يعني تعودت عليهاااا ..شوف يا وليد انا متاكد لمى ارجع للبيت الحين راح احس بتغير .. مع ان ما صاار لنا زمان متزوجين ...بس تعني لي يعني اكيد راح افقدهااا اكيد اكيد اكيد وليد : طيب ليش ما تروح لهااا .. فيصل : لاني ما غلطت عليهاااا .. وما سويت أي شي يخليهااا تزعل... وليد : طيب هي وشلون راحت ... فيصل : امس قالت لي بروح لبيت اهلي ..قلت لهاا لاا بكره رووحي...قالت لا برووح ..قلت ترا اذا رحتي ما لك رجعه.. وليد : ايوه ..وبعدين فيصل : وبعدهاا رجعنا للبيت ولمى قمت الصبح ما لقيتهاااا ..كلمة عليهااا قالت انا في بيت اهلي...قلت لهاا وانا وش قلت لك امس..ترا اذا رحتي ما راح ارجعك .. وليد : ايوه هنا مربط الفرس ..وش قالت ... فيصل : قالت كلمه هزتني وعصبتبي في نفس الوقت وليد : اخلص يا اخي وش قالت .. فيصل : قالت احسن .. وليد : معقوله .. فيصل : والله .. وليد : اكيد فيه سبب ... فيصل : طيب وشو انا والله العظيم ما سويت لها شي ... وليد : طيب يمكن بينهاا هي وخواتك او اهلك شي ... فيصل : لاااا مستحيل اذا هي تقعد مع اختي الصغير اكثر من قعدتهاااا معي ... وليد : طيب وشلون .. فيصل : انا فيه فكره جت في بالي من اووول .. والحين اقووول اكيد انهاا صدق... وليد : أي فكره .. فيصل : انها مغصوبه علي ... وليد : لا لا موو معقوول .. فيصل : لااا معقوووله ... اقوولك ياا وليد انا احيانا اقووم في الليل القااهااا تصيح ... تعرف وش معنى تصيح .. كان احد ميت لهااا .. وليد : طيب انت ما تدري ليش تصيح .. فيصل : للاسف لااا ... وليد : يا بردك يا شيخ ....ليش ما تسالهاااا ... فيصل : ومن قالك ما سالتهااا ..... وليد : وش قالت طيب ... فيصل : كل مره نفس الكلام ....يا فيصل لا تضغط علي يا فيصل اذا جا وقتهاا قلت لك .... وليد : طيب ..انت ما لاحظة شي .... فيصل : لاا ..ما لاحظة شي ....... الا ...الا .. وليد : وشووو ... فيصل: الموضووع له دخل في الجوال ... وليد : وشلووون .... فيصل : اذكر مره .. انا قمت من النوم ما لقيتهااااا وليد : ايوووه ... فيصل : لقيتها في الغرفه الثاانيه وتصيح ... والجوال في يدهااا ... وليد : طيب وشلوون احد مكلم عليهاا يعني ... فيصل : مدري والله .. وليد : وغيرهااا .. فيصل : وفي الشرقيه ... كانت تجيني مكالمات ما ادري من مين ..وهي تكوون جنبي ... وبعدهاا هي جاهاا رساله وقامت ... وليد : طيب وش تتوقع يكوون السبب ... فيصل : ما ادري ... وليد : والله انتم حالتكم حاله ... فيصل : هههههههه المهم خلنا من الموضووع .. وقل لي انت وش اخبارك ... وليد : هههههههههههه اخباري ...احم احم استعد للخبر .. فيصل : يله اطربنااااا ... وليد : انا محسووبك وليد الــ..... بتزووووج ... فيصل : هههههههههههههه لا لا مبروووووووووووووك ..بس من تعيست الحظ ..اوه اوه سووري اقصد سعيدة الحظ ... وليد : ايه اشووا سعيده ..اقوووول انا بعد .. فيصل : سعيده والا مديحه ... وليد : ههههههههههههههههههه لا ذي ولا ذي ... فيصل : لا لا قلي منهي بنت مين يعني .. وليد : هي اخت بندر اللي معي في الشغل .. فيصل : بندر مين ...ذكرني فيه ... وليد : بندر الــــ...... فيصل : ايه ايه ايه عرفته ....بـــــ هنا رن جوال فيصل ....بس فيصل ما رد ... وليد : رد ... فيصل : رقم غريب .. مالي خلق ... وليد : رد يا شيخ يمكن احد يبيك ... فيصل ييرفع الجوال ويرد .. فيصل : هلااا ... .........: السلام ... فيصل : وعليكم السلام ... ........: الاخ فيصل ... فيصل : معاك يا طويل العمر....انت مين ... .........: ما عليك من اسمي ....انا بس ابيك في كلمه .. فيصل : وشلوون تبيني اكلمك وانا ما ادري انت مين ... ........: مو مهم انت تعرفني ... اهم شي ...نجلاء تعرفني ... فيصل وهو يناظر وليد : نعم ... ........: خير يا خوووي ما تسمع انت ... فيصل وهو يبي يسووي نفسه غبي : ومن نجلاااء ذي ... ........: ههههههههههههه يعني تسووي نفسك ما تدري من نجلاء ذي ... فيصل : ............. ........: اووكي انا اقووولك ...من نجلاااء ... فيصل وهو حاط يده علي قلبه ويقووول يارب تصير موو نجلااء زوجتي يا رب يصير واحد غلطااان : يله قووول ... ........: هي نجلاء بنت عبدالله الـــ..... زوجتك حاليا وزوجتي مستقبلا ... فيصل لا لا لالالالالالالالالامو معقوووول موو معقوووول ... فيصل : ياربي يا شباب هاليووم .. والله ما عندكم سالفه .. فارق يا شيخ ... .......: ههههههههههههههههههه .. انت اللي ما عندك سالفه ... نجلاء هذي حبيبتي وعمري ... فيصل يصرخ : اسكت يا حيووووووووووان ... ........: نجلاء هي روحي وحياتي ... فيصل : اقووولك اسكت .........: تدري عااد يوميا انا وياهااا نكلم بعض .... فيصل ما قدر يسمع اكثر من كذا وسكر الخط ..ومسك راسه .... وليد : فيصل وش فيك من ذاااا ... فيصل : ................. وليد : قوول يا اخي خوفتني ... فيصل : وش اقول يا وليد وش اقووول ... وليد : قوووول ....تكلم من ذااا فيصل : حبيبهاااااااااااااا وليد وهو ما يدري وش السالفه : من فيصل : هههههههههههه هذا حبيب زوجتي المصونه الطيبه العاقله المتربيه وليد : وانت كل شي تصدقه .... فيصل : وليد انا من الاول قلت لك ان الموضووع فيه جوال ...شوووف هذا الجوال .... وليد : صااحي انت ... فيصل : ما عمري كنت صااحي اكثر من الحيييين ... وليد : لا بالله منتااب صااحي... فيصل : الحين مهووب انت قبل شوووي تقوووول تبي تعرف السبب الي خلاهاا تطلع ... وليد : ايه .... فيصل : هذا السبب اللي خلاهاا تطلع.. وليد : وشووو ... فيصل : حبيبهاااا حبيبهااااااا حبيبهاااااااااا وليد : فيصل خل عنك كلام البزران ....خل عنك الاوهااااااااام اللي عيشهاا فيك ذاااا اللي مدري منهوو .. فيصل : مهيب اوهااااام ..كل شي واضح قدامي ... ما يحتاج ...اي تفسير او شي كل شي واضح ... وليد : وش الحل طيب فيصل : والله ما يحلم هذا يتزوجهاااا ...والله لاعذابهااا واذلهااا بجيبهاا لبيتي واخليهاا تندم على اليووم اللي كلمة فيه ذا اللي مدري منهووو ... وليد : مهبوول انت .. فيصل : لاا منيب مهبووووول ... وقام فيصل ... وليد : وين بترووووح ... فيصل : مدري برووح اتمشى شووووي .. وبعدهاا برووح للبيت ... وليد : بتسووق وانت كذا ... فيصل : ايه وش فيني يعني انا بكامل قواي العقليه .. وليد : فيصل تراك عصبتبي ... فيصل : وش اسووي يعني يله فمان الله . وليد : فمان الله ... وانتبه لنفسك لا تسوووق بسرعه ... فيصل : طيب .... وطلع وهو في قمت عصيبته بس ما حب يبين لولييييييد ...لانه ما يبي يشوووف في عيووونه نظرة شفقه .... في بيت ابوو راشد ....في غرفة نجلاء...الساعه 12 ونص في الليل ريم : نجلاء ما عندك افلام جديده .... نجلاء : لااا ما عندي.... ريم : اوووف ملل ... نجلاء رووحي جيبي من غرفة مشااري ... ريم : طيب ... وراحت ريم نجلاء : وانا برووح تحت اجيب لنا شي ناكله ... رنا : وانا بتخلووني لحالي ... نجلاء : تعالي معي .. رنا : لاا مالي خلق انزل ... نجلاء : خلاااص طيب .. وطلعت نجلاء ... رنا جالسه على المكتب في غرفة نجلاء وتغني .. لقيت روحي بعد ما انا لقيتك .... بعد القى ارجوك لا لا تغيب .. صعب علي ابقى وانا مانسيتك ... احساسي كاني بين ربعي غريب .. كل ماتبي من عمري انا عطيتك .. حتى الخفوق ينطق بكلمة حبيبي ... نجلاء وين السيدي حقي ... رنا سمعت الصوووت والتفت ويا ليتهاا ما التفت لقت مشعل في وجهها ...بغت تموت من الحياااا ... مشعل ضل منصدم ...يا ربي ... مومعقووول رنااا ...اااااااه يا نااااااااس ....وربي انا محظوووظ ... بس استوعب ... مشعل : معليش يا رنا وربي ما كنت ادري ان عند نجلاء احد ... وطلع .. وترك رنااااا وهي في حالة ذهوووول ... من الحياا جلست تصيح .. هنا دخلت ريم ...وبعدهاا نجلاء.. ريم : وش فييييييييك ... رنا : شااافني ... نجلاء: منهووو ... رنااا : وااااي فشله ... ريم : لا يكوووووون مشعل ... رنا : ايه ايه .. نجلاء : هههههههههههههههههههههههه ... ريم :واااااي حركات والله انتي وياااه هههههههههههههه ... نجلاء: والله فاااااااتنااا يا ريم ...يا ليتنا شفناهم ... ريم : ايه والله ... رنا : ايه اضحكوووا ... بدال ما تازروني وتواسوني جالسين تضحكووون ... ريم وهي ماسكه ضحكتهاااااا : اوكي اسفين ....ههههههههههههه..سوري ما اقدر ما اضحك ... نجلاء : اقوووول ... ريم : قوولي ... نجلاء: يا ليت العنود معنااا .. رنا : ايه والله عنوده ..يا ليتهاا معنااااا ... ريم: خلونا نكلم عليهااااا ... نجلاء وهي تاخذ جوالهاااا : طيب انا بكلم عليهااااا ... ودقت عليهااا : الووووو ... العنود : نجووووول ...هلا والله ...هلا وغلااا نجلاء: يا هلا فيك والله .. العنود : الحين ما تقولين لي وش اللي موديك بيت اهلك ..رحتي وخليتي لحالي ... نجلاء: والله ابي اغير جوو ... العنود : وتركتيني انا وفيصل لحالناااا .. نجلاء : فيصل .. العنود : ايه ...شوفيه لانك ما نمتي اليوم في البيت ما يبي يرجع .. ما يتخيل شكل الغرفه بدونك ....تخيلي لين الحين مارجع .. نجلاء ايه اكيد ما يبي يرجع تلقيته عندهاااا : المهم عنوده .. العنود : هلااا ... نجلاء: فواز عندك ... العنود : ايه اكيد انه فووق في غرفته ...ههههههههههه توه فاتح له موقع وشغال في المنتدى .. نجلاء : هههههههههه لا عااد حركاااات ....اكييد مشاري معه ... العنود : ايه يقول هوو مشاري سوا .... نجلاء : طيب رووحي قوولي له ... العنود : وش اقول ... نجلاء : قولي له ....يجيبك عندنا ... العنود : هههههههههههههههههه ..مجنونه انتي .. نجلاء: لاااا والله صدق ... العنود : الساعه 1 وشلوووون تبيني اجي .. نجلاء : عااادي ... العنود : لا لا فشله والله ... نجلاء : يله عاااد تكفين ... العنود : لا لا لا مستحييييييييل .. نجلاء : العنود عن المصاااله ...يله تكفيييين .. العنود : فشله والله يا نجلاء... نجلاء : تعالي شووفي رنا وريم عندنا ... العنود : كذاابه ... نجلاء : والله .. العنود : حطي على السبيكر خليني اصدق ... نجلاء وهي تحط على السبيكر ..: يله حطيته .. ريم : عنوووووده ... ... العنود : ريمووو اخبارك يا قلبي ... ريم : تماااااااااااام ..انتي اخبارك .. العنود : الحمد لله عاال لعاااااال .....رنوو يا العرووووس... رنا : يا هلا والله ... نجلاء : تعالي يله ... العنود : صاحيه انتي .. ريم : يله عنيد تعالي ...يله .... رنا : ايه والله العنود تعالي ... العنود : اصلا حتى فواز بيعيي .. ريم : لا ان شاااء الله ماا راح يعيي .. العنود : مدري بشووف بس ما اوعدكم ... نجلاء : اهم شي جربي .. العنود : طيب يله خلووني ارووح اقوووله ... سكرت العنود الخط وراحت لغرفة فواز طقت البااااب ... فواز : نعم .. العنود : ادخل .. فواز : ايه ... العنود دخلت .. فواز : وش هالادب اللي نازل عليك .. العنود : من اخوووووي حبيبي جبت الادب انا .. فواز : اخلصي وش تبين ... العنود : تكفى فواز الله يخليك جعل والديك في الجنه الله يوفقك ويرزقك البنت اللي تحلم فيهااا الله ينولك اللي تبي الله يخليك ويوفقك ... فواز يقاطعهاا : هيه هيه هيه هيه يكفي طراره ...بالعه مسجل انتي ..تقل كنك اللي يطرون عند المساجد ...وش تبين اخلصي .. العنود : فواز تكفى الله يخليك ودني لبيت عمي .. فواز : اذا جا بكره يحلها الف حلال ..الين جالسه تترجيني على شي لبكره .. العنود : لااا مووبكره .. فواز : اجل متى بعد بكره .. العنود : لاااا فواز : اجل متى الاسبوع الجاااي .. العنود : اقولك لااا ... فواز : اوووووف اجل متى ... العنود وهي خايفه من ردت فعله : الحين .. فواز : نعم نعم نعم .. العنود: الحييين... فواز : مهبووله انتي ... العنود : الله يخليك والله البنات مجتمعين هنااااااك .. فواز : مجتمعين ... العنود : ايه ... فواز : منهم .. العنود : يعني مين ....نجلاء وريم ورنااا .. فواز : اهااااا .. العنود : يله فواز ... فواز : لااا ما فيه ... العنود : تكفى .. فواز : لااا ... العنود ترفع جوالها وتكلم على نجلاء ... العنود : الوووووو ... نجلاء : هلااا .. العنود انا بحط على السبيكر وانتي بعد ..طيب نجلاء : طيب ... وحطوو كلهم على السبيكر ... العنود : نجلاء فواز رفض .. ريم طبعاا اللي ما تدري ان فواز جنب العنود ويسمع ... ريم : لااا فواز حبوب يا العنود قولي له ومهووب قايل شي.. العنود فيهااا الضحكه : يا ريم قلت له والله .. ريم : لا لا ترجيه هوو طيب مهووب قايل شي ... فواز : ههههههههههههههه ...العنود قومي البسي عبايتك .. ريم تشهق وتحط يدها على فمهاااا ... العنود : واااااااااي شكرا ريمووو ... فواز : يله يا العنود شفتي انا وشلون طيب وحبوب يله قومي خليني اوديك .. نجلاء : هههههههههههههه فواز من متى وانت عند العنود ... فواز : من اول ما حطيتوا على السبيكر ... نجلاء : ههههههههههههههههههههه .. والله الاجرام يمشي في دمك .. فواز : والله ترا .....والا اقوووول ..العنود ..رجعي عبايتك هونت ... ريم تصرخ : لااااا .. فواز عرف انها ريم ...: خلااص العنود تعاالي.. ريم اوووف وانا ما اقدر امسك لسااااني.. وعلى طوول بحركه سريعه سكرت السماعه .. نجلاء: ليش كذا .. ريم : مدري نرفزني ... رنا : اصلا انتي مدري وشلوون ...يعني من متى المعرفه ..استحي يا بنت ..والله عيب ..لوو تدري عنك امي كان تذبحك ...لوو انه اخووك على ذا المياانه .. ريم : اوووف رنا وانا وش يدريني انه كانت يسمع ..العند ما قالت شي بس انا اوريك فيهاااا ... وخذت الجوال ن نجلاء وكلمت على العنود .. العنود اللي رن جوالهااا .. العنود : ههههههههههههههه ريم .. فواز : حطي على السبيكر ... العنود : لا والله بتذبحني .. فواز : اقوولك حطي على السبيكر .. العنود : منيييييييب ... فواز : والله ترا ما اوديك ... العنود : طيب .....اوف شفت سكرت .. فواز : اذا تبيك بتدق الحييين .. وفعلاا ريم رجعت تدق مره ثاانيه .. العنود ردت حطت على السبيكر ... العنود : الووو.. ريم : انطمي يالخايسه ...يالحيوانه اوووريك ..بس خلك تجين .. العنود : هييييييه هيييييييييه وش فيك .. ريم : ابد سلامتك ...بس ليش ما قلتي لي ان اخوووك يسمع .. العنود والله لو تدرين انه الحييين جالس يسمعك بعد .. العنود : طيب اعصابك ..عادي ما قلتي شي .. ريم : اقووول هوو طيب وحبووب وما قلت شي ... فواز : ههههههههههههههههههه بسرعه يالله العنود جيبي عبايتك .. ريم تشهق فواز : لاا تخافين انا طيب وحبووب ما اسوووي شي ... ريم وهي عصبت ان العنود لعبت عليهاا مره ثاانيه: بس انت موو طيب ولا حبووب .. فواز: انا عاررف اني طيب وحبووووب بدون ما تقووولين .. ريم : ايه بس لا تصدق نفسك ...لان فيه شي اسمه مجامله .. فواز : اووووووووه وفيلسوفه بعد .. نجلاء تسحب الجوال من ريم : اقووول فواز بسرعه متى بتجيب العنود .. فواز : يله الحين بنطلع من البيت .. نجلاء : طيب بس لا تتاخروون .. فواز: طيب اوامر ثانيه .. نجلاء : هههههههه لا يله بااااااي .. فواز : بااااي .. العنود : يله فواز .. فواز : اووووف وش شايفتني جالس اسووي ... وهم عند الباب قابلهم فيصل... فيصل وهو معصب من الاحداث اللي صارت معه اليووم : خيير ن شااء الله على وين .. فواز : انت ما تعرف تسلم ... فيصل : انا سالتك سوال رد علي على قد السؤال .. فواز : بل بل بل بل موولع اشووفك ... فيصل : اللهم طولك يا رووح ..اقوولك (ويصرخ )وين بترووح انت ويااهاااا .. فواز وهو مستغرب من فيصل : اعصابك يا اخووي حناا مو اصغر عياالك اووكي ...وبعدين انا برح اودي العنود لبيت عمي .. فيصل يرفع يده ويناظر الساعه ويكلم فواز وهو رافع حواجبه : الساعه وحده ونص .. فواز : ايه والله نجلاء مصره ان العنود تجي عندها الحين .. فيصل يضحك ضحكت قهر : هههههههههههههههههههههههه ..ونجلاء ذي ما تخلي احد في حاله .. العنود وفواز مستغربين : نعم .. فيصل استوعب الوضع : هههههههه وش فيكم ..انا اقصد ما يكفي انهاا راحت وخلتني الحين بتاخذ اختي.. فواز : ههههههههههههههه مشتاااق اجل ..كلهاا يووم وتجي .. فيصل يضحك باستهزاء : ههههههههههههههه .. يووم .. فواز: ايه يووم .. فيصل : اقوول روووح الله يستر علينا وعليك ...رح ود اختك .. فواز : طيب فمااان الله ... فيصل : فماان الله .. وراح فيصل فووق لغرفته ...دخل الغرفه ..وشاف كل شي مكانه ..الشناط حقت الشرقيه والسرير حووسه ..وكل شي زي ما تركه الظهر ... وراح وجلس على السرير ومسك جواله .. فيصل : هههههههههههههه من اليووم بيبدا العذاب يا نجلاااء ...والله والله والله والله ان تندمييين ..شووي بس اخليك تستانسين مع العنود ..وبعدهااا اوريك شغلك ...بس عسا جوالك يكوون مفتوح ... عند البنات ... نجلاء : انا برووح لمشااري عشاان يفتح الباب .. رنا : بس خلينا ننزل معه عشاان العنود مسكينه بتستحي .. ريم : احسن تستااهل .. نجلاء: حرام عليك .. رناا : يله بس .. اكيد انهم قريبين .. وطلعت نجلاء وريم ورنا (وطبعا رنا معهاا جلال ) وراحت نجلااء لغرفة مشااري وريم ورنا نزلوا .. نجلااء وهي تدخل غرفة مشااري : مشاااري .. مشااري : هلاا .. نجلاء : تعال انزل معي نفتح الباب .. مشاري وهي يحرك نظارته وعيوونه على الاب توب : لا تقولين انك طالبه من المطعم في ذا الوقت .. نجلااء : لاا بس العنود ..بتجي.. مشاري يلتفت : وشووو .. نجلاء : العنود بيجيبهاا فواز الحين .. واخااف انزل افتح الباب .. مشاري : بس غالي والطلب رخيص ..يله ......والا اقوولك لحظه .. وراح مشااري عند المرايه وجلس يزين شعره ..وتعطر نجلاء : اوووه اوووه وش ذا كله.. مشاري : عيب تبيني اطلع عند فواز مبهذل . نجلاء : هههههههههه عند فواز وعند ال.. مشاري : ال ايييييش .. نجلاء: ال ... ال .. مشاري : لاا مو ال .. ال .. نجلاء : علي يعني .. مشاري : هههههههههههه يله بس تكفين يا السوسه .. نزلوا مشاري ونجلاء تحت ... وجلسووا في الصاله شووي يمكن 5 دقايق الا والعنود تدق على نجلاء .. طلع مشاري يفتح الباب وهو يت من الفرح .. فتح الباب ودخلت العنود .. مشاري : يا هلا والله .. طبعا العنود مستحيه ... مشاري : اخبارك ... العنود : تمام .. مشاري استوعب الوضع وطلع برا عشان فواز ..ك بس لقاه رايح .. ودخل لقى العنود واقفه ومحد طلع لهااا .. مشاري : ليش واقفه .. العنود : وش اسوووي اخااف فيه احد جوا .. مشاري : هههههههه تعالي كلهم جوا يستنونك .. مشا مشاري والعنود وراه ... ودخلووا .. وجت ريم ومسكتهااا : اوريك يا الخاايسه . مشاري : وش فيك عليهااا .. ريم : هاااه لا بد ..بس اشتقت لهاااااا مشاري: ايه صح ..غبي انا صح .. ريم : هههههههههههههه ..اسكت تكفى .. مشاري : هههههههههه بسكت خلااص يله ...تصبحون على خير.. الكل : وانت اهله ... ورقوا البنات فوووق ..وطبعا كا العاده ...هبال ووناسه وكل شي ممكن يخطر على بالكم سووه ..وبعدهاا بساعه رن جوال نجلاء رساله.. فتحت الرساله كانت رساله وسائط .. مكتوب في الرساله .. وش فيك يا نجلاء .. وش صار .. وبعدها اغنية انتهينا لعبدالله الرويشد .. لحظه .. لحظه ... من عطاق الحق تنساني وتروح .. لحظه .. لحظه ... من عطاك الحق تنساني وتروح ... وتنهي احلامي معك ..وكل عمري واللي شفته من سنيني.. وحده وحده ..خلني استوعب كلامك والجروح .. انت فاهم شنهو يعني انتهينا بكلمين .. .. بكل اسهوله انتهينا ..كلمه قالتها وراحت .. وانا ماني قادر افهم شنهو يعني انتهينا.. يعني ما عدنا حبايب ...وانهدم كل شي فينا .. المحبه والاماني ..والسنين اللي قضينا .. وشنهو يعني انتهينا.. .. ليش ما قلتي من الاول ترا هالرحله قصيره .. ومهما طال الحب فينا ..اعتبرنا ما ابتدينا .. آآآآه لو قلتي من الاول قبل لاتغرق تعلم .. المحبه بحر لكن ..بحرهاا من غير مينا .. وشنهو يعني انتهينا... .. لحظه الفرقه حبيبي ..وشلون ما مرت في بالي.. وانك انت مثل غيرك ...والقدر ماهو بيدينا .. ليت يا اجمل واغلا من عرفته في حياتي .. ما عرفنا هالمحبه ..والا اصلا ما التقينا.. وشنهو يعني انتهينا .. سمعت نجلاء الاغنيه وانهبلت ..معقووله يا فيصل متاثر ..والا بس تلعب علي ..تبي تكسبني ..بس انا موو مهمه عندك ..يعني ليش هالرساله ..يا ربيه طيب الحين وش اقوله ارسل له اوو لاا .. لا برسل مثلي مثله ..اووف يا ربيه وش ارسل له ... ورفعت راسهااا تشووف البنات ..لقت هم يضحكوون ولا على بالهم ... نجلاء: يابنات .. التفتوا عليهاا .. ريم : وش فك .. نجلاء : انا .. ريم : ايه وش فيك .. نجلاء: ابد ما فيني شي .. العنود : وانتي وش عليك منهاا .. ريم : هههههههههههه لقافه .. نجلاء: اقوول احد منكم عنده اغنية ما فيني شي .. رنا : الظاهر عند ريم .. ريم : مدري والله يمكن مسحتهاااا.. نجلاء: لاااا .. ريم : اصبري خليني اشووووف .. وناظرت ريم جوالهااا ولقتهااا ريم : نجلاء..لقيتهاااا .. نجلاء : بسرعه ارسليهاا لي ... ارسلت ريم لنجلاء اغنية مافيني شي ...لذكرى .. ما فيني شي ...ما فيني شي .. حبيبي لا تقلق علي ...ما فيني شي .. جرح في طرف اصبعي بيطيب ويمكن يختفي .. لمى يدك تلمس يدي ..لمى يدك تلمس يدي.. ضحكتني .....ضحكتني ... لو تشووف جروح قلبي وش تقوول ... لو تشووف اهمومي واثقال الحمول .. لو تحس بضما روحي لفرحه .. كان صابك من مقاومتي ذهول .. ما فيني شي ..ما فيني شي .. .. اللي شفته في حياتي مو قليل .. لاتغرك ضحكتي حزني اصيل .. ما يفارقني ابد لو حتى لحظه .. ما عطى احبابي من وصله بخيل .. ما فيني شي ..ما فيني شي .. .. العذر منك حبيبي والسمووح ... غار جرح القلب واجبرني ابوح .. لاتلومه من عذابه حن نفسه .. وختلط الجد مع بعض المزوح .. ما فيني شي ..ما فيني شي .. حبيبي لا تقلق علي .. جرح في طرف اصبعي ..بيطيب ويمكن يختفي .. لمى يدك تلمس يدي ... ما فيني شي..ما فيني شي.. عند فيصل ... اللي جته الاغنيه .. وضل منصدم ..معقوله كل ذا يطلع من نجلاء...مستحيييييل مستحيييييييييل ..يعني تحسبيني بزر يا نجلاء تلعبين عليه بذا الكلمتين ..والله والله اللي في بالي راح اسويه ...يعني مستحيل اتنازل عن حقي ..انتي انسانه واطيه وبتظلين واطيه ...موو فيصل اللي تلعبين عليه بكلمتين ...عارفه ..والله واوريك منهو فيصل ..وبتشوفين ..اكرهك اكرهك ..على قد ما كنت احبك الحين اكرهك ... قام فيصل وهو مال من التفكير في ذا الموضوع حس راسه بينفجر... فيصل : اوووف خليني ارووح لفواز ابرك لي... وطلع فيصل وراح لغرفة فواز ... فيصل وهو يدخل الغرفه : فواز ....فواز ... بس فواز لا حياة لمن تنادي ... فيصل : اعووذ بالله معقوووله ..وين راح ذا .. بس سمع فيصل صوت فواز وهو يون .. فيصل يصرخ : فواز ....فواز .. وشافه طايح جنب السرير ... وراح له ومسكه : فواز ..قوم وش فيك .. فواز : ااااه ...اااااه ...راسي ... فيصل : قوم ..قوم معي ... فواز : لااا ما ابي.. فيصل : قوم شووف وجهك كيف اصفر ..يا الله قم معاااي.. فواز : ما ابي .. فيصل : مو على كيفك ..طاوعناك لين قلنا بس... فواز : طيب ..طيب .. قام فيصل هو وفواز ... ونزلوا تحت وركبوا االسياره وراحوا لاقرب مستوصف .. دخلوا عند الدكتور وقال لهم لازم تحيليل دم ...وسوا تحليل وقالوا بعد ساعه النتيجه ..طلعوا فيصل وفواز وجلسوا في السياره ينتظرون النتيجه ... فواز : فيصل وش تتوقع فيني .. فيصل يتنهد : والله ما ادري يا فواز .. فواز : عند احساس ان فيني شي خطير .. فيصل : تعوذ من بليس ..ان شااء الله ما فيك الا العافيه .. فواز : اعوذ بالله من الشيطان الرجيم .. فيصل : يله خلينا ننزل .. فواز : طيب ..بس تعال امسكني احس اني دايخ .. فيصل : يله طيب جييت ... ونزلوا ودخلوا وراحوا عند الدكتور .. الدكتور : معاك فقر دم حاد جدا جدا .. فيصل يتنهد بارتيااااااح : الحمد لله .. فواز وهو يناظر فيصل ويبتسم : طيب دكتور وبعدين .. الدكتور : راح نعطيك علاج وفيتامينات لازم تستمر عليهاا اوكي . فواز : اووكي ... الدكتور : وابيك بين فتره وفتره تسووي تحليل دم .. فيصل : ان شاء الله دكتوور انا معاه وراح اهتم فيه .. الساعه 11 في بيت ابو راشد ... في غرفة مشعل .. مشعل : هدوول قوومي يكفي نوم .. هدوول : بابا ابي انوم .. مشعل وهو يشيلهاا ويجلسهااا : لاا ما فيه نوم ..قومي يالله .. هدوول تفتح عيونهاا شوي شوي : طيب انا ابي انوم .. مشعل : قومي شووفي ماما رنا فيه .. هدوول : دووول والله (قول والله ) مشعل : والله .. هدوول وقفت تبي تطلع من الغرفه .. مشعل يمسكهااا : تعالي تعالي ..بتروحين كذا .. هدوول تناظر ملابسهااا ..وتناظر ابوهااا مشعل : ايه لازم تغسلين اول وتغيرين ملابسك .. هدوول : طيب يله يله بسرعه .. وغسل مشعل هدوول ولبسهاا .. وبعدها طلعت هدوول وراحت لغرفة نجلاء .. ودخلت الغرفه وراحت عند السرير ..جلست تقووم .. هدوول : ماما ماما رنا .. ريم : اوووف انا ريم موو رنا رنا تحت على الارض .. هدوول : طيب .. وراحت للارض وجلست جنب رنا .. هدوول ترفع اللحاف وتطل عشاان تتاكد انها رنا .. هدوول : يث (يس) ماما ..ماما رنا ..دومي ..(قومي ) رنا ترفع اللحاف : هدوول .. هدوول :ماما دومي .. رنا : انتي ليش قايمه بدري.. هدوول : بابا دومني ..يقول حلاث (خلاص ) رنا : طيب تعالي تنومين معي .. هدوول : لااا.. رنا : ليش .. هدوول : انتي دومي معي.. رنا : ههههههه ..طيب ... هدوول : بس اول غثلي ودهك (غسلي وجهك ) رنا : ههههههههههههه ..طيب ..بس انتي اجلسي هنا استني لحد ما اخلص .. هدوول : طيب ... غسلت رنا ووقفت عند الرايه وزينت شعرهاا وحطت لهاا وحطت لها مكياج خفيف وخذت لهاا جلال ونزلت هي وهدوول .. اول ما دخلت للصاله كانت ام راشد ومشاري جالسين .. رنا : صباح الخير .. ام راشد : صباح النور والسرور ... مشاري : أي صباح الساعه 12 ...قولي مساء الخير .. رنا : ههههههههههه مساء الخير يا استاذ مشاري .. مشاري : مساء النور .. جلست رنا هي وهدوول جنب ام راشد .. هنا دخل مشعل .. ورنا ويوم شافته شهقت .. ومشاري مات من الضحك .. ومشعل طبعا سمعهاااا ..وابتسم ...وجا وجلس جنب امه من الجهه الثانيه ... مشعل : صباح الخييييييير .. مشاري : ترا ازعجتونا بصباح الخيييييييير .. مشعل : ههههههههههههههههه اجل وش اقول .. مشاري : قوول مساء الخييييير .. مشعل : ههههههههه مساء الخييير .. هدوول توقف : ماما .انا دوعانه ..(جوعانه ) مشاري : ههههههههههههههههههه اااااه يا بطني ..هههههههههههههههههههههههههههه .. مشعل : خيييييييير وش فيك ... مشاري : ههههههههههههههههههه .. من الحييين ..ماما اجل بعدين وش بقووول جدتي .. مشعل : هههههههههه الله يقطع بليسك احسب عندك سالفه ..ههههههههههههه هدوول : يله ماما .. رنا : طيب .. مشاري : هيه هيه ...والله انتي معطيتهاا وجه ... رنا تلتفت ..: انا .. مشاري : لا امي ...ايه انتي ... رنا مستحيه وما ودهاا تتكلم خاصة ان مشعل مطير عيونه فيهااا : وش فيني .. مشاري : صقهى انتي ...اقوول انتي معطيه ذا البزقه وجهه .. رنا : من البزقه...هدوول .. مشاري : وش جاك انتي صرتي غبيه ...ايه هدوول .. رنا سفهته وطلعت من الصاله .. مشعل : ههههههههههههههههههههههههههههههههههه ..ااااااه يا بطني ... مشاري : يا شين التقليييييد ....بس قلي هاااااه وش اللي يضحكك ... مشعل : هههههههههههههههههههههههه لقط وجهك لقط لقط ههههههههههههههههههه .. مشاري : لا بالله منتاب صاحي .. مشعل : والله ان خطيبتي سنعه ..عرفت وشلون تسكتك .. مشاري : فرحان انت بخطيبتك ... مشعل : ههههههههههه وليش ما افرح .. مشاري : يا شين اللي ما قد شافوا خييير ..هاذا وانت ثاني مره تتزوج ..اجل اللي اول مره وش بيسوووي .. مشعل : نشوووف عاااد انت وش بتسوووي .. مشاااري : هههههههههههه والله مهيب شينه ...ابي اعرس انا ترا .. مشعل : هههههههه انت توظف اول ... مشاري : طيب والله لاقوول لامي .. مشاري وهو يناظر امه : يمه ...يمه .. ام راشد اللي كانت تكلم بالتليفووون : الحين ورا ما تسكت وتخليني اسمع ..ما يحلالك الحكي الا اذا صرت اكلم ... مشعل : هههههههههههههههههههههههههههههههههههه مشاري : لا اليوم الناس مهوب طبيعين طايحين فيني تفشل .. مشعل : هههههههههههههههههههههههه لا ما اقدر انااااا هههههههههههههههههههه .. مشاري : والله الشرهه على اللي يعطيك وجه ..بس اليوم انا مكلم امي مكلمهاااااااا مشعل : ترا بتفشلك مره ثانيه .. مشاري : لا منيب مكلمها الحييييييين ...بعدين .. مشعل :" اهم شي اكوون موجود عشاااان اضحك ... هنا جت هدوول تركض : بابا ...بابا .. مشعل : وشوووو .. هدوول : ماما رنا طاحت ... مشعل : وشو .. مشاري : ههههههههههههههههههههههه (ووقف )انا لازم ارووووووووح اشوفهااا ابي اضحك ....ههههههههههههههههه ..والله العقووبه ما تطوول .. هدوول : وهي تثيييييييييح (تصيح ).. مشعل : طيب تعالي نرووح نشووف .. مشاري : لحظه خذووني معكم ..ابي اضحك ..ههههههههههههههههه .. وراح يركض معهم بس من العجله طرااااااااااااااخ طاح على وجهه وصرخ .. مشعل يلتفت : ههههههههههههههههههههههههههههههههههههههههههههه ههههه هههههههههههههههههههههههه... مشاري : حسبي الله عليكم اليووووووووووووووووووووووم .. مشعل : ههههههههههههههههههههههههههههههههههههههههههههه ههههه هه ..العقوووبه ما تطوول صح .. هدوول تمسك يد ابوهاا : يله .. راح مشعل وهدوول ووراهم مشاري .. ودوروا رنا في المطبخ وما لقوها .. مشعل : وينهاااا .. هدول : ثااااااااادوه ..(صادوه ) مشاري : هههههههههههههههههههههههههههههههههههههههههههه الله ياخذ عدوناااااااك يا الدوباااااا .. هدوول تضحك فرحانه ان مقلبهاا هي مشى عليهاا.. مشعل : والله انك يا هدوول رهيبه قوولي ليش .. هدوول طبعا ما تدري وش السالفه : ليث .. مشعل : لانك طيحتي مشااري ..ورنا من الاساس ما طاحت ... مشاري : ههههههههههههههههههههههههههههههههههههههه فرحان يعني .. مشعل :اكيييييييد فرحااااااااان .. مشاري : هدوول من اللي قالك سووي كذا .. هدوول: اميمه ريم واميمه نجلاء واميمه العنود وماما رنا .. مشاري : اوريك فيهم .. مشعل : هههههههههههههههههههه والله اني بروح اشكرهم الصراحه .. مشاري : طيب ....اوريهم .. مشعل راح للصاله لقى البنات جالسين مع ام راشد ..وجلس معهم وقالهم عن مشااري يوم يطيح ...وطبعا ماتوا من الضحك .. اما مشاري للي طلع براا ...وراح للحديقه ..وفتح القفص حق الحمام اللي عندهم .. وخذا حمامتين ...ورجع للبيت .. دخل عند البنات وهو مخبي الحمام ورا ظهره .. مشاري : يا هلا والله بالبنات الحلوين ..منورين يا اموورات .. ريم : ههههههههههههههههههههه يا هلا بك عسى بس ما جاك شي .. مشاري : ابد ابد انا حتى لوو يجيني شي ..سليم دامني اشووفكم .. نجلاء اللي تناظر يده وقفت : انا بروح فوووق .. مشاري يوقف في وجهها : ليش يا نجلاء فرحانين حناا .. نجلاء وهي مته خووف وحاسه ان فيه شي معه .. نجلاء : لا بس بروح اجيب جوالي .. مشاري وهو يطلع يده رووحي بس خذي ذي معك .. نجلاء تصرخ وتنحااااااااااااااااااش .... والباقين رما عليهم مشااري الثاانيه .. ريم وراح وتزت ورى مشعل اللي ميت من الضحك .. ورنا توزت ورا الكنب ومعهاا هدوول اللي خايفه ... والعنود جالسه مكانهاا وتصرخ ..ارحمتهااا ام راشد وجلست جنبهاا .. وراح مشااري ومسك الثااانيه وقرب من العنود .. العنود : يـــــــــــــمـــــــــه .. مشاري يقرب اكثر .. العنود وهي تتوزا ورا ام راشد : خالتي تكفين خليه يوخر عني .. مشاري : ههههههههههههههههه صادوه هاااااااااه .. ام راشد : اقوول وخر ..جالس تتقوا على ذا المسيكينه ...رح لام لسانين شفهاا ورا مشعل .. مشاري يلتفت ..ولقى ريم ورا مشعل ..وراح لهاا .. ريم وهي تتمسك في مشعل : مشعل تكفى اذا رجال قله يوخر .. مشعل :هههههههههههههههههه ومن قالك اني رجال . مشاري : هههههههههههههههههههههههههههههه جيتك ...جيتك .. مشعل وهو يوقف وريم توقف معه ..: ريمووه وخري عني..ابعدي هنااااااك .. ريم : لااااااااااااااا ...يا ماااااااااامي .. مشاري : شفتي وشلووون لوو انك ما سويتي فيني المقلب .... ريم : لاااا يمه وخر عني وخر عني .. هنا سمعوا صرخة نجلاء .. وراح لهاا مشعل ... مشعل : وش فيك .. نجلاء: شوووف الثاانيه ..تقوول كان ما فيه الا انااااااااا ...وخرهاا عني .. مشعل وهو يحاول يمسك الحمامه ..: طيب .. وجلس يحاول لحد ما مسكهاااا ... وراح لعند مشاري وخذا الثانيه منه .. مشاري :ليش .. مشعل : خلااص مزحنا ولعبنا ...يكفي الحين .. مشاري : طيب ..يله ودها وتعال عشان افتح الموضوع مع امي .. مشعل : طيب ..بس يا ويلك لو قلت كلمه قبل ما اجي.. مشاري :.طيب .. وراح مشعل وودا الحمام وجاا ..وجلس جنب مشاري .. مشاري : احم احم ...يمه .. ام راشد : لا تكلمني دام ذي سواتك ... مشعل : ههههههههههههههههههههههه هذا اولهاااا .. مشاري : اقوول انطم خلني اكمل .. مشعل : ههههههههههههه طيب .. ومشاري وهو يناظر البنات ويضحك .. مشاري: يمه .. ام راشد : نعم ..اخلص ادوشتني .. مشعل : ههههههههههههههههه ..الثانيه ... مشاري : يمه ابي اعرس.. مشعل : هههههههههههههههههههه .. مشاري يهمس له : اسكت .. ام راشد :: هوووو ...بتعرس وانت ما بعد توظفت .. مشاري وهو يناظر العنود : يمه الوظيفه بتوظف عند ابوووووي في الشركه .. العنود طبعا اللي دقات قلبهاا واصله للسماء ...ودهاا تموت ولا تسمع ذا الكلام خصوصا انها تعرف ان مشاري يقصدهااا .. مشاري : يله يمه .. ام راشد : اذا اعرس مشعل ...خطبت لك .. مشاري يلتفت على مشعل : يا اخوووووي اعرس بسرعه .. مشعل وهو يرفع عيوونه ويناظرنا : لو الود ودي اليوم قبل بكره ... ريم تصرخ : يااااااا نااااااااس ما اقدر انا ترااا ..الكل حب ..والكل بيعرس ..الا انااااااااا ..مشكله ترا .. مشعل : ههههههههههههههههه ..والله بنات الحين مشكله .. مشاري: ههههههههههههه ما فيه حيااا .. ام راشد خلو عنكم الحكي اللي ماله طعم ..(وتلتفت على نجلاء) نجلاء يمه قوومي دقي على فيصل يجي يتغدى عندنا ... نجلاء : هاااااااااه ... مشاري : من قال هاااااااه سمع ... ام راشد : دقي على فيصل يجي يتغدا .. يتبع انتظر الردود تحياتي |
|
|
|
|
|
|
29-06-2007, 03:47 AM
|
#5 |
|
نائبة الإدارة
|
رد: غرور وكبرياء ( قصة سعودية ) لا تفوتكم روعه تهبل **صدقوني ما راح تندمون**
الرتاج
غاليتي سلمت يمناج طرح رائع واسلوب مميز دمتي لنا ودام نزف قلمج ننتظر الباقي لاتطيلي علينا تقبلي مروري |
|
|
|
|
|
|
30-06-2007, 06:31 AM
|
#6 |
|
(حلا فعّال)
|
رد: غرور وكبرياء ( قصة سعودية ) لا تفوتكم روعه تهبل **صدقوني ما راح تندمون**
مشكوره أختي الرتاج
في انتظار الباقي بس لاتطولي علينا الله يخليك اختك مسألة وقت |
|
|
|
30-06-2007, 07:16 AM
|
#7 |
|
(حلا جديد )
|
رد: غرور وكبرياء ( قصة سعودية ) لا تفوتكم روعه تهبل **صدقوني ما راح تندمون**
الرتاج
الله يعطيك الف عافيه وفي انتظر الباقي ولك خالص وارق التحايا |
|
|
|
01-07-2007, 01:29 AM
|
#8 |
|
(حلا فعّال)
|
مشاركة: غرور وكبرياء ( قصة سعودية ) لا تفوتكم روعه تهبل **صدقوني ما راح تندمون**
يسلمو على المرور وأشكر لكم متابعتكم ...
وابشروا بنزل لكم البارتات ..... تحياتي |
|
|
|
|
|
|
10-07-2007, 08:14 PM
|
#9 |
|
نائبة الإدارة
|
رد: غرور وكبرياء ( قصة سعودية ) لا تفوتكم روعه تهبل **صدقوني ما راح تندمون**
اختي الرتاج
وين باقي الحلقات لاتبطين علينا ترانا ننتظرج |
|
|
|
|
|
|
15-07-2007, 10:54 AM
|
#10 |
|
(حلا فعّال)
|
مشاركة: غرور وكبرياء ( قصة سعودية ) لا تفوتكم روعه تهبل **صدقوني ما راح تندمون**
يا قلبي أنتوا أدري طولت عليكم بس شسوي المنتدى يعلق عندي
شاكره لكم المتابعه لبى قلوبكم تستاهلون لعيونكم بنزل تحياتي |
|
|
|
|
|
|
| مواقع النشر (المفضلة) |
| الذين يشاهدون محتوى الموضوع الآن : 19 ( الأعضاء 0 والزوار 19) | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| اد خلوا وصدقوني صدقوني مارح تندمون،، | براءه | ۞ مجلس حــلا الاسلامي ۞ | 13 | 18-04-2007 09:26 AM |
| قام: غرور الورد بالإنضمام إلينا... | إدارة شبكة حلا | مجلس حلا للترحيب والإهداءات | 5 | 29-05-2006 06:20 PM |
| مجموعة تصاميم .....تهبل..تهبل ....وحلوين | ملك الأحلام | مجلس حلا للتصاميم والجرافيكس | 8 | 24-10-2005 02:26 AM |
| شنط تهبل تجنن بعمري لا تفوتكم | NOOR ELHOODA | مجلس حلا للأسرة والطفل | 5 | 10-10-2005 02:22 PM |
| والله ماراح تندمون | بنوته | مجلس حلا للأسرة والطفل | 4 | 21-07-2004 10:53 PM |
العرض المتطور
