تنال اعجابكم ان شاء الله

[أبوبندر]

احبتى رواد هذا الصرح
بعد السلام والتحيه والاحترام
بويتات علها تنال الرضا




المترف اللـى كلمـا زان جـوه
يتلنى بيـن الرجـا والمشاريـه
يقول أنا طفلٍ على الحـب تـوه
وأقول أنا قلبٍ يبي طفـل يحييـه
يـا ناهـبٍ قلبـي فدلـك لهـوه
ضمه على قلـبٍ يحبـه ويغليـه
وإلعب وخرب ما تريـده بقـوه
ما دمت نبض القلب وشلون تذيه
قلبي فداك اللى تبي فيـه سـوه
وأنا بموت بكـل شـيٍ تسويـه
وأنته تصرف خل عندك جـروه
وخدرنى بقولك ليـا قلـت لبيـه
فكرى معك لاجيت يعلـن خلـوه
وقلبي معك ليـا مكـانٍ توديـه
شاعرك لاجاء الضيق يعلن دنوه
يتذكرك حتـى السعـاده تباريـه
إترك شعّرك يعلمه عـن هـدوه
وإطعن بعينك كان ودك تصحيـه
بيني وبينـك بالمشاعـر عنـوة
وإحساسك الشاعر وحرفي قوافيه
والشاعر اللى فيك ماهـو مفـوه
يترك مجال الشعر لايشتقي فيـه
فى طلتك غيث الغمـام وعلـوه
والسحر والتأثير والورد والتيـه
الذوق فى هرجتك يأخـذ سمـوه
والزين كنك من وصوفك تغذيـه
والعطر ماهو عطر يحسب مشوه
لانك بعطـرك لاتعطـرت تعميـه
هذا القمر وألا أنت تعطيه ضـوه
ولو تشتهى تطلع مكانه وتلغيـه
ما ألوم قلبٍ فيـك معلـن غلـوه
صحيت فيه الشوق وأعذب معانيه
واليوم أنا طالبك لاأجـل الاخـوه
ولاأجل فوادٍ منحرم من محانيـه
أعلم ترا بعـدك فـوادى عـدوه
وأكره كره الزرق وأمـل طاريـه
وأحرص دخيلك خل عندك مروه
منهو يحبك كيـف قلـي تخليـه



اخوكم: بوبندر

[أنسانه]

يعطيك العافيه...أخوي أبوبندرولاتحرمنامن أبداعك....
ودمت لغاليتك

[نجمه مخاويتك]

جميل الكلام

ابو بندر

تسلم يازين على كلامك الزين

ولك مني باقه من التحيات

[عبق_الياسمين]

ابو بندر

هلا بيك

نورت المنتدى بحروفك الجميله

وبحسك الباهي

سلمت على هذا الفن الجميل

وعلى هذا الحس البديع

لك ارق التحيات

[un know]

ابداع حقيقى اخى


صدقت وصدق بوحك


ما اجمل مشاعرك


تقبل مرورى ولك كل التحيه


un know