ابي رايكم

[DEVIL_GIRL]

السلام عليكم

اولاً احب اهنيك على هذا الموقع الي اظن اني عرفته متأخرو اتمنى اني اكون عرفته من قبل

و ثانياً عندي موضوع صار بواحد من ربعي و احب اعرف رايكم فيه و بكل صراحه

الموضوع ان رفيجي اسمه يوسف حب وحده اسمها دلال و اهي اكبر منه بثلاث سنوات حبها حب لدرجت انها لو تطلب عيونه عطاها وبس كان في عيب شرعي انه عصبي وايد مايتحمل كلمه و يموت قهر لو عاندته او كسرت له كلمه و للأسف ان عرف واحد من ربعه عليها و اسمه محمد كان يظن انه مخلص له و عده من اعز ربعه و فجأه اكتشف ان المشاكل بدت من يوم ما ريجه دش بحياتهم و مرت الايام والمشاكل كثرة و و بيوم من الايام تهاوشو و ما طاف يوم جان يردون لبعض و صاحبنا هذا قال حق رفيجته مالج شغل بمحمد و اذا دق عليج لا تردين عليه لأن محمد الولد الشاطر كان يطيح بينهم و كان يتكلم بعرض لبنت بالدوانيه و من غباء يوسف لما سألته دلال ليش قالها ان متكلم عنها و بعصبيه دقت على محمد و تهاوشت معاه و قالت له انت ما تعرفني ليش تطلع علي كلام و تهاوشو و سدت التلفون و ما طافتة خمس دقايق الا و محمد داق على يوسف و قاله ليش تقولها المهم يوسف ما تمالك نفسه و سده بويه محمد و دق على رفيجته و قالها ليش تدقين عليه خلي ينفعج و سده بويها و مر اليوم و لما استوعب اهو شسوى جان يدق على دلال و بس اهي ما ردت عليه و دزت له مسج و قالت له ليش تشك فيني و طولت الموضوع و قالت له احنا ما نصلح لبعض

من عصبية يوسف قالها خلي محمد ينفعج و نسى الموضوع اسبوع و عقبها صار يدز لها مسجان و اثاري ان علاقتها ردت بمحمد عناد بيوسف و محمد ما راعى يوسف و صار يحش في بكل طريقه و يطلعه شين و ان اهو الزين و من كثر ما وثقت في قالت له عن كل شي بينها و بين يوسف و وكل ما دق عليها او دز لها مسج قالت لمحمد و بيوم قدر يوسف يقنعها انها ترد عليه و لما قالها على كل شي ردت علاقتهم و لكن متغيره عن الاول كان اهو الي يدق عليها و اهي ما تدق يدز لها مسجات و اهي نادر ما تدز و لما سألها اذا بتتغير و لا لأ قالت له انشالله بس اهي ما تغيرت ومر اسبوع جان يدق عليها يوسف الساعه 12 بليل و لا يلقاها تكلم احد
دز لها مسج قالها من تكلمين

جان تدز له مسج تقوله رفيجتي

جان يدز لها يقولها شبكيني

جان تقوله لو ما شبكتك تتوقع شنو

جان يرد و يقول شبكيني

جان تقوله خل شكوكك تنفعك

المهم طاف يومين جان يدزلها يقول ليلحين زعلانه

جان ترد بمسج تقول اي انت شكيت فيني مرتين

جان يقولها نتي الي تحطيني بهل موقف

جان تقوله لأ انت متوهم و شكاك و ما يشرفني اكلمك

جان يقولها و انا كرامتي ما تسمح لي اني اكلم او احب وحده ما تراعي شعوري و ما تتشرف فيني

المهم طلعته غلطان و انا يا اخواني ابيكم تساعدوني بحل مشكلة رفيجي

و يرجى انكم تردون على هذي الاسأله
1- منو الغلطان ؟
2-شرايكم بيوسف ؟
3-شرايكم بدلال ؟
4-شرايكم بمحمد ؟

مع الشكر

و على فكره الاسامي الي كتبتها مجرد لتوضيح القصه و ليست الاسامي الحقيقيه مع الشكر مره اخرى
منقول