من مشيتك اعرف شخصيتك

[حبيب الرحمن]

أكيد كل حد فينا بيحب يتعرف على الناس ويعرف أصحاب كتير جداد
وأكيد ناس كتير مننا بيحبوا يعرفوا عن صحابهم كل حاجه بطريقه مباشره (أسألهم).. أو مش مباشره (أفضل أركز فى كل تصرفاتهم وحركاتهم)

بس الغريب إن ساعات كتيره بننسى السبب الأصلي للتعرف على شخصية اللى حاولينا وهو إزاى أعرف أتعامل معاهم؟

وكمان كتير مننا بيحب يقرا عن الشخصيه وخاصة ..عن نفسه ..

أما المره ديه هنسأل نفسنا سؤال وهو إنك عمرك كنت رايح تكلم حد أو تفتح موضوع يعنى مش لذيذ شويتين تلاته ومش عارف الوقت مناسب ولا لأ؟ إسأل نفسك شكله إيه؟

طيب شخص ما .. أول مره هتشوفوه ومتعرفش عنه كتير وعاوز تعرفوه قبل ما يكلمك حاول تعرف

ماشى إزاى؟؟

• لو ماشى ببطء وخطوه خطوه وإيديه ورا ضهره وبيبص لتحت = يبقى دماغه مشغوله بحاجه نصيحه مش واقته

• لو ماشى ببطء وإيده ورا ضهره وماسك إيده من ورا عشان عاوز يهدى شويه = يبقى متضايق ومضغوط أو متوتر حاول تخلى دخلتك حلوه

• لو ماشى براحه خالص وماسك إيده بإيده التانيه بأى شكل = يبقى محبط أو فيه حاجه وحشه حصلت ( خسر ، مخاصم حد ) هون عليه الأول

• لو ماشى ضهره مفرود ودقنه لفوق وإيده بتتحرك كتير = شخصيه واثقه فى نفسها خد بكلامه وإديله إحترامه

• لو ماشى ببطء وبيبص حاوليه كتير وإيديه فى جيوبه = شخصيه لها رأى بس يمكن يكون ناقد شويه

• لو ماشى بسرعة خفيفة مع دفع الذراعين للجنب بجامد وطريقته محدده = شخصيه أنانيه (وبتاع مصلحته) خلى بالك منه

• لو ماشى بسرعة ورجله خفيفة على الأرض = شخصيه متفائلة ومبسوط أدخل وخد راحتك

• لو ماشى براحه وتقيل على الأرض وكتفه نازل لتحت شويه = شخصيه متشائمة و زعلان أبعد عنه الساعه دى

م/ن

حبيب الرحمن