|
|
|
|
17-07-2005, 04:55 PM
|
#1 |
|
¨¤¨دلوعة المنتدى¨¤¨
 
|
تبين تقهرين اخوكي تعالي اعلمك كيف
:) السلام عليكم ورحمة الله وبركاتــه
شوفو اللي مقهوره, واللي تبي تنتقم , واللي تبي ترفع ضغط اخوها تتبع هالخطوات والله يقويكم...... :d +:.+:.+:.+:. *** عند التلفزيون *** لا صارت فيه مباراه , والاخ متحمس اقطعي هالحماس وشلون؟! انا اقولك .. شوفي اذا صار مبقق عويناته وماهو يم احد يعني لو تجيبين صاروخ تفجرينه قدامه مالتفت لك اعرفي انه منسجم , هنا بس تقومين بشغلك.. وتسوين نفسك بنت سنعه وروحي جيبي قطعة قماش وبخاخ للتنظيف واوقفي عند التلفزيون وامسحي الشاشه ولا تعطينه فرصه يشوف زين , لا قال: ابعدي. قولي مانيب فاضيتلك بنظف وامسح ، وبعدين روحي جيبي المكنسه واكنسي المكان اللي هو فيه وحاولي من لحظه للحظه تكنسين قدام التلفزيون وغطي عليه.. ولا يهمك احد.. :d واذا قال: ابعدي لااصقعك على وجهك بالكاس قولي معصي بيجون ضيوف . . العبي عليه حتى لو مو جايكم احد , والا سوي نفسك جالسه وتذكرتي ان الكيك بالفرن احترق ناقزي لين توصلين للفيش وامصعيه برجولك ولا تلتفتين وراكِ.. +:.+:.+:.+:.+:. *** عند النوم *** لا صار التمساح يشخر.. نكدي عليه نومه وشلون؟! دخلي عليه بزارينكم على بزارين جيرانكم وصكي الباب عليهم وخليهم يلعبون بغرفته ويناقزون على راسه .. تخبرين اطفالنا احباب الله خخخخخخخ والا تعالي وهو في سابع نومه وارجفيه ذيك الرجفه اللي يفز مايدري عن نفسه الا وهو جالس وبكل برود قوليله نبي نخرج .. +:.+:.+:.+:.+:. *** اذا المزاج صفر *** اذا شفتيه ماله خلق ومو رايق ومقفله معه لا تخافين بالعكس هذي فرصتك تنتقمين منه يعني تحرشي فيه خلي دمك ثقيييييييييل بالمزح :d بس انتبهي في هاللحظه راقبي حركات يده لان ممكن يصك أي شيء قدامه بوجهك ولازم تصيرين مجهزه مفتاح الغرفه.. ماتدرين السالفه يا غالب يا مغلوب خخخخخخخخ المهم.. اضحكي على شكله والا على جلسته والا على لبسه .. هو بيقول ترى مانيب رايق اذلفي عني , انتي لا تسكتين قوليله واذا ماذلفت وجهي وش بيصير عاد هو بيقوم ويوريك وش بيصير على سنع انتي في هالوقت اقضبي اول درجتين توصلك لغرفتك وطلي عليه من فوق وقوليله ههههههههههههاااااي اهم شيء رفعت ضغطك وقومتك من جلستك عادي .. عادي ولا صرتي بزر وش فيها اهم شيء تحقيق الغايه اللي هي (( تفجير الامبير )) واهم شي بعد الاخلاق لاهنتي سحليتي خخخخخخخ +:.+:.+:.+:.+:. *** وقت الطقاق *** لا جاء يوم وبراسك حرش وتبين تطاققين انتي والتمساح لازم تجهزين نفسك من كل ناحيه: 1/ اللبس: لازم تلبسين ترنك خخخخخخخخخ علشان يسهل الركض 2/ الشوشه لازم تلمينها وتسوين حفله براسك ذاك اليوم تحطين انواع الشباصات والمغاطات وانتبهي ولا خصله تنزل منك وياليت يكون ذاك اليوم حاطه براسك حناء علشان مايتجرأ ويلمس شعرك <==== ابن أمه يجيب مثل هالتفكير 3/ مفتاح الغرفه ولميه الاحتياط واجب اذا بدت المعركه حطي راسك براسه ولا تبينين له انك خايفه وبققي عويناتك فيه وقوليله وش براسك عاد هو هنا بيقولك هذا اللي براسي طراااااااااااخ الا ومخمس مصفي طبلونه , لا تستسلمين عطيه بوكككككككس على عيونه الثنتين علشان مايشوف الدرب وحطي رجلك. وعلى طووووووووول لغرفتك اللي مجهزة مفتاحها من قبل واقفلي عليك .. ويادار مادخلك شر بس نصيحه اقعدي يومين لايشوفك ولا تشوفينه لانه يبي ينتقم لكرامته وبيوريك النجوم في القايله .. :d |
|
|
|
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| كيف تقهرين أخوِك .... ((فقط للبنـــات)) | princesslove | مجلس حلا للضحك والفرفشة | 10 | 03-03-2006 06:12 PM |
| لغة الجسد.. تبين لك إذا كان إعجاب أم مجاملة؟ | الزهيري | مجلس حلا العام | 6 | 07-11-2005 05:09 PM |
| تبين تعرفين الشاب يحبك ولالا******* تعالي | رنيم | مجلس حلا العام | 6 | 25-08-2005 09:43 PM |
| لبسيه الي تبين من الهدوم ؟؟؟؟ | عاافك الخااطر | مجلس حلا لعذب الكلام | 8 | 02-03-2005 02:59 AM |
العرض الشجري