ياحبيبي ... ايش ... اسوي ..دام ..

[غلاالروح]

بـــسم الــلـــه

ياحبيبي ايش اسوي دام قلبي مات فيك
ماقدر ينساك قلبي طول وقته يتبعك

من رحيلك عن عيوني وانا قلبي يحتريك
لو دريت انك بترحل كان والله لأمنعك

انت في قمة فؤادي ومنهو اللي يعتليك
لو تغيب سنين عني ثابت(ن) في موقعك

انت غير الناس عندي وفيك زين(ن) مكتسيك
ولاّ غيرك في جماله مايساوي اصبعك

خذ عيوني لك هديه دامها عيوني تبيك
مايهم اشوف يكفي ياحبيبي اسمعك

انت جزء(ن) من حياتي انت اكبر من شريك
انت افراحي وحزني كيف اقدر اقنعك


ملت عيوني دموعي ومل دمعي يشتكيك
وانت مايوم بحياتك هل منّك مدمعك

بلتهي في حب ذاتي دام وصلي مبتليك
وكانها بلوى وصالي ياعسى الله يقلعك

لا تنادي لو تنادي لاتظن اني بجيك
ولو نويت اجيك بنثر فيك ذاتك واجمعك

بأرفضك ثم اطلبك وبخسرك ثم اشتريك
ولا شريتك بمنحك امن(ن) يجور ويخدعك

والله اني من غلاتك مابي اقسى عليك
ولو اقول اللي جرالي من من سواتك افجعك

السعادة في زمانك ماتدوم الله يهديك
تبتسم لك بالبدايه وفالنهايه توجعك

ذاك باب(ن) للتجافي وشفت مفتاحه بيديك
خل مفتاح التجافي لا نسيتك ينفعك فــــ أمان الله ـــــي

[شمس القوايل]

[فؤاد وجد]

اسجل اعجابي بنبض قلمك..
لك تحياتي ومودتي...

[ضحى النهار]

غلا الروح
حروف معبره واحساس جميل
الف شكر على ما قدمته من اعذب الكلام
مع ارق تحياتي

[غلاالروح]

الف شكر عى مروركم الرائع
دمتم بالف خير

[دينا احمد]

	غلا الروح سلمت يداك وسلم قلمك وسلم حرفك وكما تعودنا منك مميزه في كل ماتقدميه وما تخطه يداك والى الامام دائمآ و ننتظر كل ماتخطه يدك من تميز وابدع تقبلى مرورى