|
|
|
|
12-08-2005, 02:55 AM
|
#1 |
|
(حلا متميز)
 
|
الولد [ ابوي امي تغازل ].....هههههههههههههههههه
هذه كلمات مسروقة من دفتر طفل كتبها بعامية اللغة..ودهشة السؤال.!
السبت:فتحت عيوني..أدور عن نور..أمروني: غمض ..و...غمضت..بعدها ما شفت لا ابيض ولا اسود! الأحد : كنت أسمعهم يقولون: ألعن أبوك ! , يا حمار , يا حيوان , يا ثور , يا بقرة , يا لوح , يا جدار ...فتوقعت إني في حديقة حيوانات .. فتحت عيوني أبغى أشوف الحيوانات .. قالوا لي : " ما يصلح تشوف قلة أدب " سألتهم : طيب .. في عصفور؟؟ صرخوا في وجهي: انطم وغمض ..!! الاثنين : سمحوا لي أشوف التلفزيون .. كنت لحالي منسجم مع أفلام كرتون..دخلت أمي .. وكان ابو عائلة ادمز (يبوس) أمهم .. ركضت أمي .. غيرت القناة .. وصرخت بأعلى صوتها .. "عيب عليك..قاعد تشوف قلة أدب ..!! " ناظرتها بكل براءة وانا متعجب من اللي صار : "طيب وش صار؟؟أبوهم يبوس أمهم !! " قالت لي وهي معصبه مرررررررررررره ( التبويس..قلة حياء!! ) بعدها بأسبوع..شفت امي تسلم على ام الجيران و(تبوووووسها)..قلت لها وانا كلي أسى"يا ماما..التبويس قلة حياء!!.." الثلاثاء:كانوا بنات خالتي عندنا.. وكنت الولد الوحيد اللي يلعب معهم .. وأبوي بس يبحلق عيونه فيني وين ما رحت ووين ما جيت.. بعد ما راحوا .. ناداني أبوي وقال : "عيب الواحد يجلس مع بنات..قلة أدب..!" بعدها بكم يوم .. كان أبوي جالس مع عماتي .. ناظرته بطرف عين ( وتبون الصدق نقدت عليه) .. وقلت له : "اللي يجلس مع بنات..قليل أدب!!" الأربعاء:كنت اسمعهم يقولون (صدام قوي) .. وأعجبني ... بعد الأزمه..قالوا (حرامي ومجرم) .. سألتهم:كيف؟؟!!..قالوا :"حرامي ومجرم..وبس..واسكت..!" وكنت أسمعهم بعد يقولون ( جيم كاري .. فاسد ) .. فكرهته على طول .. وكانوا يشوفون أفلامه.. ويضحكووووووون..كنت أسألهم"ليه تضحكون ؟!.. ما تقولون انه فاسد "...قالوا..ورا ما تنطم بس.!؟؟ الخميس : أبوي يقول التتن حرام .. واللي يدخن يدخل النار.. وفي يوم شفت ابوي جالس مع صديقه أبو حمد .. وأبو حمد ماسك السيجاره بيده .. وقفت وسألت ابوي "طيب اللي يجلس مع اللي يدخنون .. يدخل النار بعد ؟!!! " الجمعة:أسمعهم يقولون..ان اللي يطول في مكالمته يغازل..واللي يروح للسوق يغازل..واللي يعرف انترنت يغازل...وامي تطول على التلفون,,وتروح للسوق,,وتطقطق على الكمبيوتر..رحت لأبوي وانا مصدوووووووووم "" أبووووووووي الحق ....................... أمي تغازل "" منقول |
|
|
|
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| --->>> كيف يرفع الولد ضغط دم البنت؟؟؟؟ | sammido | مجلس حلا للضحك والفرفشة | 8 | 02-03-2006 09:05 PM |
| انواع البنات بالمدراس هههههههههههههههههه | الجنااح | مجلس حلا للضحك والفرفشة | 2 | 03-10-2005 06:40 AM |
| قصت بنت تغازل صديق خوها | بنت السلطنه | مجلس حلا للقصص والروايات | 2 | 02-02-2005 03:22 PM |
| امك تغازل!! | بحر التولّه | مجلس حلا للشعر وهمس القوافي | 1 | 02-02-2005 12:40 PM |
| هههههههههههههههههه | اسيرالحب | مجلس حلا للضحك والفرفشة | 2 | 21-12-2004 12:24 AM |
العرض الشجري