|
|
|
|
27-09-2005, 11:29 PM
|
#16 |
|
(حلا متميز)
 
|
مشاركة: ((مشااااااااااااااااااعر لا تنتهي))
ام محمد: والله هالولد مخوفني
ابومحمد: والله انا بعد لو صار مايبي البنت وش اقولهم اقولهم والله ولدي هون بعد ماعلقنا البنت ام محمد: والله يكفي يوم الحادث وشلون وقفوا معنا وشلون هي كل يومين تكلمني تطمن عليه الله يستر بس عبد الله وهو يكلم نفسه: يالله كيييف انا نسيييت سهى يالله هذا الوجه الحسن والجمال الحيا حتى وانا اكلمها يالله تطلع الكلمه من حياها كيف صرت معد ارد عليها وهي كانت يوما تطمن علي من اهلي معقله اخذلها واقولها مابييك لو قلبي سمحلي اسوي فيها كذا عقلي رجولتي ماتسمح اني اكون مو قد الكلمه وقد الموقف واتلاعب بالبنت ومشاعرها طيب وامل كل وحده فيها مميزات حلوه بس قلبي حبب امل وعقلي مستحيل يتخلى عن سهى ياربي وش اسويييي مادري انا برجع اكلم سهوى للالالالالا بكلم امل مو سهى بس وش اقول لثنيتن لو كلمتهم اقول لسهى اني حبيت الدكتوره الي عالجتني وابيها ولا اقول لامل اني كنت خاطب ونسيت خطيبتي لانها بعديه عني ولقيتك قدامي والحين برجعلها وش اقوول مادري وين عقلي يوم حطيت نفسي بهالموقف ياربي ساعدني طيب اقول لمين اقول لهيفا لالا ميانفع ذي تقب بزجهي شرانيه ومحمد بيقولي ارضي ابوي مافي الا مشااعل بس وش اقولها اقولها والله اني كلمت وحدها واحبها بكيفه المهم ماقعد بحيرتي ابومحمد: مشاعل اسمعني ترا ناصر بيجي وبيشوفك مشاعل خافت: يبه وش يشوفني طول عمري مرتزه بوجهه ابو محمد: مرتزه بحجاب بيشوفك شوفت السنه مشاعل: يبهه وش الي يشووف لا مافيه من الحين بدى يتشرط ابو محمد: اقول اعقلي هو ماتشرط ولا قال شي انا الي قلتله مشاعل: يبه لا لا ليش تقوله اول مره اشوف ابو يسوي فبنته كذا ابومحمد: وانا اول مره اشوف بنت تقول لابها لا وتقوله كذا مشاعل: يبه مو القصد بس مابي استحي محمد: وشو تقولون ابو محمد: تعال اسمع اختك وشتقول محمد: اكيد زعلتكك وشتقول ابو محمد : لا ياليته بس كذا اقولها ناصر بيجي عشان يشوفك تقولي طول عمري مرتزه مو لازم يشوفني وعيه ماتبي محمد: وش ذا الكلام لا يبه هي يمكن مستحيه مشاعل: ياربي سوو الي تبون محمد: يبه ماعليك منها بس هي تستحي تذكر هيفا يوم قلتلها فهد بيشوفك ابو محمد: الله يعين الله يوفقها والله ان قلبي يعورني على هالبنت مدري ليش احس ان بقلبها اشياء بس ماتبي تقول لاحد محمد: يبه لاتخاف على مشاعل والحمد الله صارت تنتبه لنفسه وصايره احسن من اول ابو محمد: انشالله اببومحمد: هلا ناصر ناصر: هلا عمي وشلونك ابومحمد: الحمد الله بخيير انت وشلونك ناصر : بخير ابو محمد: ناصر بكره بعد المغرب ابيك تجي عشان تشوف مشاعل ناصر تنح ::............ ابومحمد: ناصر وينك ناصر : موجود بس عمي انا ابي مشاعل ومو لازم اشوفها ابو محمد: انت شايفها بحجابه اولا وثانيا هذي شوفة السنه ومن حقك ناصر وهي بيتششقق من الوناسه: الي تشوفه ياعمي ابومحمد: خلاص على وعدنا بكره باذن الله ناصر: انشالله ناااصر مو مصددددق انا بحلم ولا بعلم يالله بكره بملي عيوني من حبيبتي بشوف شعرها وججهاا وكلها يالله مو مصدق انها وافقت علي ياربي ودي اتزوج اليوم قبل بكره انا بعد ماشوف مشاعل بقول لعمي نملك مو قادر اصبر ابي اكلمها ابي ابي اقعد معها ياربي متى يامشااعل تصيرن عندي ولي واوريك حبك وادلعك وادللك وافرشلك الدنيا كلها ورد وحرير اه ياحبيبتي ليتك تحسين بحبي وشوقي لك ومن الطرف الثاني مشاعل ياربي وش اسوي الحين ذا الي يبي يشوفني الحين كنه يعني ماشاف وجهي شافه وش يبي يشوف شعري كنه بيغير شكلي مثلا ياربي وشولن بكلمه شلون بمشي قدامه احس بيغمى علي لالالا بقول لابي لا يوووه لو اقوله لا المره الثانيه اخاف يهاوشنيي الباب يطق مشاعل: ادخل يبه الباب مفتوح ابومحمد: ياحبيبتي انشالهل ناصر بيجي بكره بعد المغرب مشاعل: مسررع ابومحمد: جهزي نفسك مشاعل: بس يبه بكره خلها على الاقل بعده ابو محمد: خلاص انا وعدته عبد الله: السلام ابومحمد+مشاعل: وعليكم السلام ابومحمد: ها وش عندك عبد الله: ابد جيب ابي مشاعل تسويلي اشاياء ابومحمد: زين انا اخليكم لاني طالع مشاعل+ عبد الله: الله يحفظك يبه مشاعل: هلا عبدالله امر وشبغييت عبد الله : البسي عبايتك ويلا نبي نطلع مشاعل: وين وين وين بروح عبد الله: عن اللقافه البسي عبايتك وبس مشاعل: طيب وين بنروح عبد الله: مادري يمكن لاي قهوه ولا بالسياره بس ابي اكلمك بموضوع مشاعل: زين زين 5 دقايق مشاعل: عبد الله وشفيه عبد الله قااااااااااااااااال القصه من اولها لاخرها لاخته عبد الله: والحين مدري وش اسوي يامشاعل مشااعل : الي سويته بسهى حرام بس حتى امل مالها ذنب لان من كلامك واخلاقها انها لو درت انك خاطب كان حتى هي ماسمحت هالشي يصير كل الغلط منك ياعبد الله بس اسمعني انا ماقدر احدد العلاقه الي بينك وبين امل ولا حجم حبكم بس صدقني كل الصفات الي عجبتك بامل بتلقى احسن منها بسهى وغير كذا انا اقول انك تحكي الامل السالفه وتقولها بصدق هي صح بتتاذى مشاعرها بس قولها وهي تقولك ايش تسوي عبد الله: وشتتوقعني بتقول بتقول تعالي انا ماراح تقول مشاعل: اناالي فهمته من سؤالك انك تبي سهى عبد الله : ابي الثنتين مشاعل: متاكد ان امل تحببك الحب الخيالي الي تقول عليه عبد الله : متاكد مشاعل: وسهى عبد الله : مدري مشاعل: انا اقولك هي تحبببك اكثر من امل والدليل انك يوم كنت بالمستشفى كل يوم وهي تدق علي وعلى امي وكانت تدق عليك بس بالبدايه كان جوالك مقفل وبعدين ماكنت ترد عليها ومع هذا بقت تدق من وقت لوقت وعلى فكره ترا يوم صارلك الحادث ابوي كلم ابوها وقال بيفك الخطبه لان ماكان يدري اذا انت بتطيب او لا وابوها كان يبي يفك بس هي الي عييت وقالت حتى لو صار مايشمي ولا يحرك فيه ولا شي انا ابيه تتوقع لو سوييت بامل نفس الشي ولا دقيت عليها ولا رديت عليها بتستمر تدق زي سهى اكثر من شهريين عبد الله: معقوله سهى سوت كل هذاااا مشاعل: الحب يسوي اكثر سرحت مشااعل وتذكرت ايامها مع بدر ايام لما يتهاوشون ايام لما يحملها كل غلط ويهاوشها على كل شي وكانت من حبها تساامح تذكرت قدييش ضحت وضحت عشان الحب وبالنهايه الحب قابلها بالخيانه مسكينه ياسهىى لو عبد الله اختار امل عبد الله: مشاعلل انا قاعد اكلمك انتي معي مشااعل/ ها اييه عبد الله : وين كنتي مشاعل : سرحت شوي معلييش عبدالله: كل ذا حب لنااصر مشاعل: ابتسسمت لو تدري اني اخون ناصر بتفكيري لما افكر فبدر ياربي شيله من عقلي وقلبي عبدالله: رجعت تسرح مره ثانيه مشاعل: خلاص انا معك يلا وش قررت عبدالله: انتي قلتي لو اسوي بامل نفس الس سيوته بسهى انها بتقعد تنتظرني ووتدق وتدور علي وانا اقولك ايه هي بتسوي ويمكن اككثر من سهى مشاعل: جرب وشوف وبعدين عشان ترريح ضمييرك ارجع كلمها وقولها بعد تجربتك الصراحه ووقتها انت اختار عبد الله: بجرب واشوف وشيصير مشاعل: عبد الله هذي حياتك وانت الي لازم تقرر وتشوف سعادتك ويين لاتنسى ان الي بتختارها بتكون شريكة حياتك وبتكون ام عيالك لازم تكون متاكد من اختباررك زيين عبد الله : كلامك صح انا بصراحه مابي امل تكمل شغل لو بتزوجها مشاعل: ليه خايف تحب غيرك زي ماحبتك عبد الله:........... عبد الله: ابيها تهتم فبيتها وزوجها مشاعل: يمكن بس اذا مانت واثق منها ميه بالميه لاتضر نفسك وتضر غيرك عبد الله وشقصدك مشاعل: اذا اخذتها وانت مو واثق منها ماراح تكون سعديد ويمكن تتركون بعض ووقتها بتكون جرحت نفسك وامل وسهىىوبتكون خسرت الثنيتين عبدالله: كلامك صح انا بقولها اني مابيها تشتغل اذا وافقت وقتها بقرر واذا لا بتركها مشاعل: انت حر وانشالله يكون اختيارك صحيح مشاعل: وين الي بيديني القهوه حتى قهوه وانا بالسياره ماشريتلي عبد الله: معلييييييييش نسييت نسييت ولايهمك انتي ساعدتيني كثيير الله لايخليني منك ياغلى اخت بالدنيا مشاعل: وشدعوه يااخوي حنا لبعض المهم ترى ستار بكس عديناه بس لف على الثلاثين ابي كفي تايم عيد الله: مشالله وشدراك وشلون قدرتي تنتبهين مشاعل: عادي انا مافوت شي اذا هو بمزاجي عبد الله: الله يعين ناصر اجل مراح يقدر يلعب عليك ولا يخف عليك مشاعل: اجل وش تحسب وهو يقدر اصلا عبد الله: والله طلعتي مو هينه ياختي مشاعل: وشتحسب اجل عبد الله: مااحسب شي عبد الله : طيب وشاسوي الحيين مشاعل: والله مدري عنك سو الي تبي والي يريحك انا قلتلك الي مفروض تسوي وانت فكر وسو الي يريحك عبد الله: زين وشتبين قهوه مشاعل: اي شي على ذوقك ولا اقول لا مابي شي حار جيبلي موكا كراش عبد الله: بتسمنين ترا وعرسك قريب مشاعل: مو على كيفك اول شي انا مو دبه ولو اسمن لين 4كيلو وثانيا عرسي مو قريب وثالثت بكيفه ناصر راضي وشعليك انت عبدالله: اخس اخس بدينا نحامي من الحيين ناصر راضي انت وشعلييك مشاعل:........... استحت عبد الله: خلاص بس شوفي وجهك وشلون صار يلا وانا باخذ زيك وشورانا عبد الله: مشاعل وش الي خلاك توافقين على ناصر مشاعل وشرييييط الاحدااث يرجع لها : ماعرف يمكن كلامك الي قبل له دور عبد الله : كنت حاس بس صدقيني لو لفيتي الدنيا كلها ماراح تلقين انسان يحبك ويقدرك ويسوي زي ناصر مشاعل بنفسها والله انك صادق الانسان الي عطيته قلبي حبني والانسان الي يبي بس قبوول مافكرت فيه عبد الله: وين رحتي مشاعل: معك معك بس افكر عبد الله : طيب امسكي يدي عورتني وانا مادها مشاعل: اه سوري معليش عبد الله: الي ماخذ عقلك يتهنابه مشاعل اكتفت بابتسامه ام محمد: هلا بنيتي هيفا: هلا يمه ام محمد: ووشلونك ووشلون فهد هيفا: الحمد الله كلنا بخييرانتم شخباركم ام محمد: الحمد الله كلنا بخيير ايه قبل لانسى بكره ابيك تجين عشان تقعدين مع اختك لان بيحي ناصر بعد المغرب يشوفها وابيك تقعدين معها وتجسرينا تعرفينها خوافه وتستحي بدون شي اختك هيفا : الله الله الله ايش هالتطورات ام محمد: الله يعطينا خير هالتطورات هيفا: يمه وشفيه فيه شي ام محمد: مدري البنت فيها شي مو عاجبني مو هذي نظرة ولا فرفشة مشاعل هيفا تذكرت موقف يوم عيد ميلادها: يمه لاتقلقين بس عشان الدراسه مافيها شي وخذيها مني كلمه امحمد: انشالله عبد الله راح لغرفته وبدى يفكر بكلام اخت و بامل وبسهى وقرر انه يكلم سهى ويشوف وشردت فعلها من القطعه المفاجئه سهى: الو عبد الله: السلام عليكم سهى: وعليكم السلام سهى بصوت كله فرح وشوق: وعليكم السلام ياهلا عبد الله: كيف حالك سهى : انا بخيير انت طمني عنك وشخبارك وكيفك بعد المستشفى عبد الله: بخيير كثيير احسن سهى: حمد الله على سلامتك اسفه جت متاخره عبد الله: لاعادي انتي سويتي الي علييك سهى: والله ياحبي....... سكتت واستحت وماعرفت وشتقول عبد الله حس بالكلمه وحس بالموقف: سهى معليش سامحيني اني ماكنت ارد بس انتي تعرفين الي مريت فيه سهى: اهم شي انك بخيير وبصحه وبسلامه وانشالله تعوضني عن غياابك الي كان مره صعب علي عبد الله حس بتانيب الضمير حس ان انسان اناني بدون مشااعر وخصوصا بعد كلمتها تعوضني عن غيباك الي كان مره صعب علي دمعت عيون عبد الله مايعرف وشيقول وشيتكلم لهلملاك الي قدامه سهى: عبد الله فيك شي اذا تعبان روح ارتاح وكلمني باي وقت ثاني عبدالله وهو يحس بكل كلمه تقولها هالانسانه الي ظلمها انها تقتله : ايه شوي ودي اروح ارتاح اليوم كان دوامي طوويل اعذريني سهى: وشدعوه اهم شي راحتك تعشييت؟ عبد الله: مالي نفس سهى: توك تقول انك تعبان عشان خاطري روح اتعشىى او كل اي حاجه لاتنسى انك طالع من عمليه وعلاج طبيعي ولازم تتغذى كويس وبعدهاا نام لازم تتغذىى عشاني عبدالله: انشالله ولايهمك سهى: اوكي نوم العوافي تصبح على خيير عبد الله: وانتي من اهله عبدالله قعد يفكر بالمكالمه وكيف كان اسلوبها حتى الاكل كانت تبيني اكل والدكتوره ماتسالني انا اكلت او لا |
|
|
|
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| المرأة والرجل قصة لا تنتهي | انا انا انا | مجلس حلا العام | 6 | 17-03-2006 03:49 AM |
| هل تنتهي الحياة عندما نخطئ ...!!! | أبو المجد | مجلس حلا العام | 8 | 12-03-2006 08:58 PM |
| الحرمان المميت(دمهوعا لا تنتهى) | الحرمان المميت | مجلس حلا لعذب الكلام | 3 | 04-01-2006 10:20 PM |
| الاختبارات تنتهي قبل المونديال | *عابر سبيل* | مجلس حــلا الــريــاضـي | 4 | 18-11-2005 12:49 PM |
| هل تنتهي الحياة عندما نخطئ.. | لو على قلبى | مجلس حلا العام | 6 | 01-09-2005 01:00 AM |
العرض الشجري