:: أتصل بنا ::

 

::+: الواجهه الرئيسيه :+:: ::+: البحث في الاقسام والمواضيع :+::

العودة   منتديات حــلا > +:::::[ الأقسام الشبابية والترفيهيه]:::::+ > مجلس حلا للضحك والفرفشة

إضافة رد
 
أدوات الموضوع انواع عرض الموضوع
قديم 06-06-2010, 05:27 PM   #1
تونا
][§¤حلا ذهبي ¤§][
 
الصورة الرمزية تونا
 
الملف الشخصي:
تاريخ التسجيل: Nov 2006
رقم العضوية: 29606
المشاركات: 3,671
عدد المواضيع: 826
عدد الردود: 2845


مزاجي اليوم:


تقييم العضو:
تونا is on a distinguished road

تونا غير متصل
افتراضي تعالى اضحك على ايام 2060 هههههههه

تعالى اضحك على ايام 2060 هههههههه

--------------------------------------------------------------------------------

المكان .. أي حتة فى اى مكان
الزمان.. يوم من أيام عام 2060م

الحفيده

جدو تامر إزيك .. حلو البدي اللي انت لابسه ده .. بس ده موضة قديمة قوي يا جدو ..


:الجد

يا بنتي أنا راجل دقة قديمة وبلبس زي ما جيلنا اتعود وحسب التقاليد القديمة بتاعتنا ..



الحفيدة :

أيوه بس مش حاسس إنك مخنوق وانت لابسه كده .....؟



الجد :

أبداً ده هو ده اللبس المحتشم اللي مفروض الكل يلبسه ويحافظ عليه .. فين أيام زمااااااااااااااان لما كنا نلبس البدياللي مبين البطن والظهر مع البنطلون الاسترتش الجلد والجوانتي الجلد كانت حاجة آخر روشنة .....!


الحفيدة :

يااااااا ه يا جدو .. ده انتو كان ليكم تقاليد وحاجات غريبة خالص


الجد :

وهو انتي فاكرة إن أيامكم دي أيام....؟ يا بنتي أيامكو دي ما يعلم بيها إلا ربنا .. فين أيام سنة 2000 ، وهو الواحد فينا كان يستجري يشرب سيجارة البانجو ولا يسحب له سطر بودرة قدام أبوه؟ طب ده الدنيا كانت تتقلب ساعتها وما تتعدلش .. أمال إيه .. كان فيه حاجة اسمها أخلاق ....


الحفيدة :

معقوووول يا جدو ..؟ للدرجة دي.......!!؟؟


الجد :أمال انتي فاكرة إيه .. وبعدين كانت الست من دول ما تلبسش اللبس الخليع بتاع اليومين دول .. يعني الجيبة كان لا يقل طولهاعن شبر كده شبر ونص .. وكانوا الستات يلبسوا فوقيها بلوزة باستمرار مش زي دلوقتي .....


الحفيدة :

يا خبر .. وإيه كمان ياجدو ..........


الجد :أقلك إيه ولا إيه .. يعني خدي عندك مثلاً .. زمان كنا نسمع الطرب الأصيل لمطربين حقيقيين زي مصطفى قمر ، وعمرو دياب ، وكانت الأغنية مدتها أكثر من دقيقتين متواصلتين من الطرب الأصيل والموسيقى الهادية الراسية اللي تعمر النافوخ بصحيح كانوا مطربين روشين وآخر طحن ,,,,,,,


الحفيدة :

وبعدين ياجـدو .......


الجد :وبعدين كنا نسمع على حاجة اسمها اسطوانات ليزر ، ودي صحيح تعتبر متأخرة دلوقتي بس كان ليها طعم عن دلوقتي ، يا سلام لما كنا نحطها في الووكمان ونعلقه في حزام البنطلون ونمشي في الشارع كده ،، كانت أيام جميلة


الحفيدة :

حكاويك ممتعة قوي يا جدو .. ثانية واحدة بس لما أصحي سوسو صاحبي لأنه بايت معايا في الأوضه من امبارح ..
(بعد عدة دقائق)
هيه يا جدو .. وبعدين ....!!!!!


الجد :

أحلى أيام بقى كانت أيام الدراسة ، الفصل كان على أيامنا رايق وعدد التلاميذ فيه ما يزيدش عن ستين سبعين تلميذ ، وكنا ساعتها بنعرف نفهم الدرس كويس مش زي دلوقتي ، وكانت الشوارع أيامها فاضية لأن مصر كلها كان تعدادها 70 مليون مش أكثر ، تخيلي بقى الروقان اللي كنا فيه؟


الحفيدة :

70 مليون بس...........؟


الجد :أمال إيه .. علشان كده كانت كل حاجة رخيصة ، يعني مثلاً كيلو اللحمة يوم ما يضرب الدم كان يبقى بخمسة وعشرين جنيه أو بتلاتين جنيه ، وكان أتخن جوز جزمة ب 250 جنيه ، وكان الواحد يقدر يشتري شقة تمليك بـ 150 الف جنيه بس .. وكان الدولار بخمسة جنيه بس تخيلي بقى؟


الحفيدة :

ما هوعلشان كده كان الجواز على أيامكم كان سهل خالص


الجد :

أمال .. ده احنا الواحد مننا كان بمجرد ما يوصل سن 35 سنة يبتدي يفكر في الجواز على طول ، وما كنش عندناالأفكار الغريبة اللي بتعملوها دلوقتي زي إن البنت تعاشر الولد كام شهر قبل الجواز علشان يتعرفوا على بعض أكثر زيك انتي وسوسو صاحبك ، أنا شخصياً شايف إن ده وضع مش لطيف ، ده احنا يا بنتي على أيامنا كان لا يمكن البنت تتأخر بره البيت عن الساعة أربعة الصبح ، طب ده باباها كان ممكن ساعتها يخاصمها


الحفيدة :

ده انتوا كنتوا متزمتين خالص ياجدو


الجد :

يا بنتي إحنا اتربينا على الأخلاق والفضيلة والعادات والتقاليد .. يعني كان الواحد مننا زمان لما يدخل الأسانسير ويلاقي جاره في الأسانسير يروح مصبح عليه ، ومش بعيد كان يسأله عن أحواله .. وكانوا أهل الفن محتشمين جداً وكانوا دايماً يطلعوا بالكومبليزون والمايوهات البيكيني ، وكان لا يمكن التلفزيون يذيع أفلام جنسية في السهرة زي دلوقتي ، والمذيعات كانوا يقعدوا جنب الضيف مش على ركبته زي دلوقت ..
هيـ يـ يـ يـ ـه الله يرحم دي أيام .. دنيـــــــــــــــــــا ......!!


الحفيدة :

رايح فين يا جدو .........


الجد :أصلي كنت موصي الجزار على اتنين كيلو لحمة وأعطيته ثلاثة آلاف جنيه عربون وعايز أروح أطمن إذا كانت اللحمة وصلت ولا لأ .........


من غير ضـــــرب
التوقيع:
نقره لعرض الصورة في صفحة مستقلة

حكمة:يقول برنالدشو أفضل تدريب للأحتفاظ برشاقة جسمك ان تهز راسك من اليمين لليسار ومن اليسار لليمين كلما قدم اليك طبق شهي
نقره لعرض الصورة في صفحة مستقلة


اللهم زد من يحبني جنوناً بي, وإمنح من يكرهني نعمة العقل

" تـونـღ♥♥ ـا•● ♥ "


نقره لعرض الصورة في صفحة مستقلة
  رد مع اقتباس
إضافة رد

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
اضحك.. كركر..هههههههه ترنيمة حب مجلس حلا للضحك والفرفشة 0 05-09-2009 05:56 PM
اضحك تتحكلك الدنيا هههههههه a7mtoo مجلس حلا للضحك والفرفشة 1 09-02-2007 10:20 PM
تعالى اضحك معناااااااااا ريف العين مجلس حلا للضحك والفرفشة 9 23-11-2006 08:12 AM
أخبار سنة 2060 mada200661 مجلس حلا العام 7 16-10-2005 03:19 AM


الساعة الآن 01:44 PM


العاب فلاش
بلاك بيري
العاب ماريو
لعبة ماريو
العاب تلبيس
العاب طبخ
العاب باربي
لعبة باربي
سبونج بوب
العاب دورا
العاب سيارات
العاب ذكاء
صور 2014
صور شباب
فيسات بلاك بيري
نشر البن
العاب بنات
صور حب
صور ٢٠١٤
صور٢٠١٤
Powered by vBulletin® Version 3.8.6
Copyright ©2000 - 2010, Jelsoft Enterprises Ltd