ولسة حبي ليك باقي الى محمد عمر

[عاشقة عمر]

متتصوروش بحبه قد ايه بس عمري ماشفت حد في قسوته كانت غلطة وندمت عليها هو عارف اني عمري ماخنته واني لقيت فيه كل حاجة حلمت بيها متتصوروش من يوم 17/5 وانا مش شايفة للحياة معنى بانتظر الموت في كل لحظة ساعات بيبقى هاين عليا اروحله وارمي نفسي في احضانه واقوله سامحني عمري ماعرفت معنى للحياة الا معاك بس انت نسيت قطتك رميتها بعتها مقدرتش تستحمل قلت لك انا مش مرام مش عارفة امتى هنساك واكمل حياتي كل حاجة حواليا بتفكرني بيك ساعات بحس اني بكرهك وساعات بشتاق لكلامك لضحكتك ايوة كنت في عز قسوتك كان بيزيد حبي ليك بس قسوتك كانت بتجرحني قوي ممكن انت متقراش كلامي بس انا عايزة افضفض وكانك جنبي على الكرسي وبتقولي والنبي يا توته بحبك يا توته بس انت قسيت قوي على توته .
كده بتقدر تغيب عني فاكر زمان مكنتش بتقدر تعدي ساعة من غير ماتسمع توته عايزة اسالك سؤال مهما كان اللي حصل تفتكر مفيش مساحة للتفاهم انا قلت من الاول دكتاتور بس بحبك والله بحبك وتعبانه جدا من فراقك هو احنا ليه لما نلاقي قلب متعلق بينا قوي كده نظلمه ونجرحه وبنفرح قوي لما بنشوف ضعفه ودموعه .
لو دموعي هترضي غرورك يا عمري انا راضية لو جرحي هيسعدك انا راضية طالما انت سعيد
لو فكرت في يوم ترتبط بواحده تانية بالله عليك متجرحاش وابقى اتسامح معاها اكتر من كده واوعي في يوم تجرح احساسها لان جرح القلوب ده شيء صعب .............
بحبك وهفضل احبك لاخر يوم في عمري ده غصب عني لاني لسة مراتك وحبيبتك وماظنش انك هتقدر تحب حد تاني قد ماحبتني .
ممكن اسالك سؤال انت بجد حبتني ولا حنيت لمرام معايا .
بس مش هي انا غيرها بعترف في الاول انا مكنتش حبيتك واول ماقلبي بدا يحس بيك بجد ويحبك كنت انت خلاص ضعت من ايدي ايوة غلطة ايوة كدبت بس انت السبب مكنتش بتتفاهم كنت ظالم قوي وقاسي قوي مع اني مكنتش بشوف فيك غير حنية وحب ملوش مثيل تخيلت اني لو عملت اكتر من كده هلاقي قلب كبير يسامحني ويضمني انت عارف انا كنت بنوتك وحبيبتك وقطتك وحشني كلامك وحشتني لمسة ايدك تعرف انت لما بتوحشني قوي بتجيلي في احلامي لدرجة اني ساعات بنام بس علشان اشوفك مش ممكن متكونش حاسس بيا بس لا اكيد مش حاسس لانك لو فعلا حاسس مش هترضى تعذبني ثانية واحدة اااااااااااااااه بموت في اليوم 100 مرة لما بفتكر ذكرياتنا اجمل 15 يوم شفتهم في حياتي كلها انت قلت كده وانا فعلا حسيت ده بس متاخر شوية كنت اصبر عليا شوية كمان والله بحبك تعرف ساعات بسال نفسي قبلك كنت عايشة ليه ولمين ودلوقتي عايشة علشان افضل افتكرك واحبك احبك احبك .
كان نفسي نخرج من الازمة باي شكل وباي طريقة اه كنت بغير عليك من كل اللي كانوا حواليك وبالذات (ــهــ) كانت مستفزة وانا عارفة انك كنت قاصد تغيظني اه كنت مفروسة بس مردتش ابين انت قلت لي من الاول مبحبش حد يغير على كنت بكتمها في قلبي قلبي اللي مش قادر ينساك فاكر يا مودي يوم ما كنت عيان ونزلت اجري مش شايفة قدامي كنت هموت ازاي نور عيني تعبان وانا بعيد عنه عارف كان نفسي في ايه اخدك اضمك في حضني للصبح لحد متخف مش متصور كنت ملهوفة قد ايه عليك بس كنت بخبي انا كده دايما بخبي شعوري بس غصب عني ولما رجعت معانا على البيت كنت طايرة من الفرح مش عايزاك تنزل ابدا كان نفسي افضل قصادك 24 ساعة في اليوم كنت بعشق عنيك ونظراتك . عارف كل مرة كان بيرن تليفوني كنت بقول خلاص هيقولي سامحتك يالا ننسى اللي فات ونبدا من جديد يالا نتجوز تعرف انا بندم لاني اجلت الجواز .........
محمد مكنتش مبين قسوة لو كنت اعرف انك ممكن في يوم تقسى عليا كده مكنتش حبيتك ولا قربت منك كنت هرفضك اه لو كنت اعلم الغيب مكنتش رحتلك برجليا من الاول في يوم 22/11 فاكره انا عارفة انه كان احلى يوم في حياتك حياتك اللي انا دمرتها بس والله مكنتش اقصد انت كنت قاسي مسبتليش فرصة كان كفاية بقالي 5 شهور نفسي انام نفسي اضحك نفسي اترمي في حضنك والله بحبك انت فعلا كنت بتربيني بس سبتني في نص الطريق مش عارفة ارجع زي ماكنت ولاعارفة اكمل من غيرك طب قولي اعمل ايه اعيش ازاي اكلم مين واسيب مين فقدت كل شيء وانا كنت عايزة اقف جنب سمر واقويها لكنها في اول ملف فتحت الباب ورمتني هي كمان كان كتير على قوي القسوة دي كلها اروح لمين يارب حبيبي واصحابي باعوني لا عرفت احافظ عليه ولا عرفت ارجع لهم ظهرت ليه في حياتي كنت راضية بحالي ليه ظهرت دخلت حياتي قلبتها ومشيت طب قولي اعمل ايه دلوقتي اروح لمين اعمل ايه ضاقت بي الدنيا بما رحبت اثق في مين بعد محمد محمد كل الدنيا مين يقوله انا بموت من غيره حاولت اه ادعي عليك لانك ظلمتني بس معرفتش حاولت اكرهك بس والله ماقدرت حد يقولي اعمل ايه اروح فين اعز اصحابي اللي كنت فاكراهم اصحابي باعوني وهو كمان باعني بقيت وحيدة بحس بغربة وسط اهلي وفي بيتنا كنت بحلم ببيتنا يا محمد وببنوتتنا وانت راجع بالليل وانا وهي بنتنط حواليك اه حلمت بيها وبيك وببيتنا .
حد يقوله حرام كده كفاية تعالي ارجع اعرف انه فيه قلب مجروح بسببك محمد انت اصلا حاسس بيا والله مابكدب ولا ببالغ بحلم باليوم اللي يرن فيه تليفوني واسمع صوتك وتقولي خلاص تعالي ننسى اللي فات بحبك ويالا نكمل حياتنا سوا انا هكون اسعد مخلوقة في الوجود.
ارجوك يوم ماتقرا رسالتي دي متخليش اللي عملته عقبة في طريق حبنا حاول تنسى وتسامح افتح قلبك لي انا وبس انا عارفة اني اقرب الطرق للاقناع هي الصدق وربنا وحده اللي عالم اني مكذبتش في ولا كلمة يوم ماتقرا الرسالة دي استحلفك بالله تنسى اللي فات وتكلمني انا هفضل في انتظار مكالمتك دي طول ايامي الجاية وهتكون هي الامل اللي هعيش عليه ارجوك متقساش على اكتر من كده انت عارف اني اخدت كفايتي مش هتعامل مع اي حد في الدنيا هعيش ليك وبس حتى اهلي هنساهم انت عندي الاهل والاصحاب والاحباب انا اختذلت الدنيا في كلمة واحدة محمد محمد محمد ..............................