|
|
|
|
03-08-2007, 10:07 PM
|
#1 |
|
مراقب الضحك والفرفشة
 
|
Җ۞Җ۞ فيلم رد قلبي بشكل جديدҖ۞Җ۞
  كنت قاعد من كام يوم باتفرج على فيلم رد قلبى والراحل حسين رياض قاعد على الكرسى المتحرك وفجاءة تجمد المشهد بتاع الفيلم وتخيلت نفسى مخرج من اياهم من مخرجين افلام الروائع .. ايه النظام وماشابه.. وبدءت اتخيل الفيلم بالصورة اللى تناسب الوقت اللى احنا عايشين فيه مع الاحتفاظ بالابطال بتوع الفيلم وقلت اغير مريم فخر الدين بهيفاء وهبى علشان بس النيولوك بتاع القصة وخصوصا اسم هيفاء واوا.. قصدى وهبى.. حايشجع الناس موش حاطول خلينا نعيد صياغة الجزء الاخير مع الاعتذار طبعا لثورة 23يوليو حسين رياض عم عبد الواحد الجانينى اللى كان شغال فى عزبة يوسف باشا وفى يوم من الايام عم عبد الواحد تجرء على سيده البيه وطلب سلكة توصيل يعنى بس لو الباشا يوسف يسمح لعم عبد الواحد ياخد توصيلة سلك من artعلشان بس الاولاد فى البيت يتفرجوا على ماتشات كاس العالم والافلام العربي زى بقية خلق ربنا طبعا الباشا هاج وماج وثار وتوعد وشخط فيه وقالوه ..عبد الواحد انت اكيد اتجننت وبتخرف بقى عايزنى انا اسمحلك توصل سلكة من الديكودر بتاعى لحد بيتك علشان تشوف كاس العالم ببلاش ياأخى عنك ماشوفت ولاتشوف اطلع بره ياكلب... ونده بصوت عالى.... يا هيثم ..ياتامر..(دول البودى جارد اللى بقوا مكان البواب والطباخ فى الفيلم كانوا عثمان وادريس) ..تعالوا خدوا الراجل اللى بيخرف ده حسين رياض صعبت عليه نفسه رجع البيت مهموم حزين كانت فردوس محمد مستنيه متمكيجة وكمان دلقة على روحها ازازة برفان بحالها وواقفة تغنيله... ليك الواوا... بوس الواوا... خلى الواوا... تصح بص لها حسين رياض بأسى وقلها كان زمان ياشابة ماعدش ينفع روحى غيرى هدومك المسخرة دى ...واتحشمى انا جوزك ..موش غريب واغسلى وشك وهاتى لى صحن الفول علشان اتغدى رديت عليه فردوس محمد وقالت له سلامتك ياراجل فول ايه ده انا عاملة لك بفتيك ولحمة مشوية وفراخ محمرة ____ وجاتنا منين الفراخ واللحمة ده احنا فى سنة 2007موش 1952لطفك يارب.. لطفك يارب.. وواقع ماحطش منطق مسكين مااقدرش يستحمل المصايب دي كلها ماعلينا... عمنا حسين رياض اتشل فيها وفى يوم من ايام الصيف الطرية وعمنا حسين رياض قاعد فى الفرانده على الكرسى ابوعجل وفى ايده كوز درة وهوب دخلت عليه انجى بنت الباشا واللى بتقوم بدورها هيفاء وهبى بص لها حسين رياض وبص لكوز الدرة اللى فى ايده ومااقدرش يتكلم ماهو اخرس انتوا نسيتوا والا ايه بس قلها مئ مئ...يعنى تاخدى حتة؟ هزت دماغها على طريقة روبى وهى قاعدة عالبسكيلتة ....ونزلت دمعة على خدودها وراحت قاعدة جنب حسين رياض وحطت راسها على رجله طبطب عليها حسين رياض وفجاءة ..رفعت راسها ..وبصت لحسين رياض وقالت له..رجب حوش صاحبك عنى ...رجب صاحبك جننى قوم حسين رياض رد عليه وقلها أمئ أمئ .. أمئ أمئ ..يعنى ياستى انا موش رجب كان واضح ان هيفاء موش فاهمة أمئ أمئ .. أمئ أمئ وبينما عم عبد الواحد غرقان مع هيفاء واوا.... فى حوار من طرف واحد اذا بالباب ينفتح على مصرعيه ويدخل علي وحسين يعني صلاح ذو الفقار مع شكرى سرحان ممكن نبدلهم بمصطفي قمر ورامز جلال ويتهلل وجه رامز جلال بالبشر ويهلل صائحا ..ويكا ياويكا يرد حسين رياض..أمئ أمئ .. أمئ أمئ.. يعنى انا موش ويكا حسين يستغرب ويقول ماله ده؟ ترد هيفاء وتقوله مسكين عنده واوا.. اخرس يعنى عنها وينط رامز جلال(حسين يعني) زى يونس شلبى فى مدرسة المشاغبين ويصقف ويقول ...ابويا اتخرس.. ها..ابويا اتخرس.. ها.. علي يغير مجرى الحديث ويفتح شنطة اللاب توب ويطلعه ويديه لابوه اللى بيرد عليه ويقوله....أمئ أمئ .. أمئ أمئ..يعنى شكرا ياعلى انا معايا كوز الذرة يقوله لا يابا..(مش معقول مصطفي قمر يقول يابا ) نخليها بابي..انا خدت المركز الاول في نيد فور سبيد...وخدت المجانية للدورة الجاية...واشتراك نت شهرين مجاني الاب يفرح ويقول أمي أمي...يعني احمدك يارب.. وبينما هم على هذه الحالة اذا بمظاهرة فى الشارع صاخبة طبعا مش هينفع تبقي مظاهرة 23 يوليو نخليها ثورة بالعفو عن تامر حسني والافراج عنه... والمظاهرة بتصرخ بالنداء التقليدى لأى مظاهرة الكباب الكباب لنخلى عيشتكوا هباب...بالروح بالدم نفديك ياتامر.... حسين رياض بدء يترعش وحاول يقف... صلاح ذو الفقار قصدي رامز جلال حاول يساعد ابوه علشان يقف لكن عم عبد الواحد زقه وسحب البنت اللى زى لهفة القشطة هيفاء واوا ....واتسند عليها وبدء يشاور بكوز الدرة اللى فى ايده ويقول... كاس العالم ياكلاب ...لنخلى عيشتكوا هباب تااامررررر تااامررر اوو اووو وعلى (مصطفى قمر) لما شاف ابوه نطق وقام من قعدته وردت فيه الصحة وقال: أليه.أليه أليه ودخل لبس شورت وفانلة وجاب الكورة وقعد ينطق دخل عليهم علاء أبن الباشا بالبندقية (اكيد هيبقي هاني رمزي أحمد مظهر سابقاً) وقال: يعنى عملتلهم ياانجي أشتراك فى art ابن الجناينى بقى بيتفرج على الـ art زينا... وناقص كمان تشتركلهم في الاوربت.. طاخ طاخ طش راح مكسر لهم التلفزيون  عم عبد الواحد قال: ما دام حب أنجى ح ينسيك كأس العالم يبقى طز فى كاس العالم وطز فى أنجى رحمتك يااااااااااااااااارب
|
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| الواير لس Wireless طريقه عمل شبكه انترنت لاسلكيه | شموع هادئه | مجلس حلا للكمبيوتر والبرامج | 11 | 27-03-2008 10:00 PM |
| Җ۞Җ۞ منتـــــــــــهي الحــــب!! Җ۞Җ۞ | كنافهcinema | مجلس كـــل مــاهــو مــثـــيـــر | 12 | 25-08-2007 10:16 PM |
| مسجات (شوق ، ذكرى ، حب ، فراق ، غيره ، زعل ، حزن ، أعياد ، ترحيب ، مدح ، صباح ، إلخ) | رحيق الزهور | مجلس حلا للموبايل | 4 | 19-08-2007 10:21 PM |
| Җ۞Җ۞ خاص للبنـــات فقط..Җ۞Җ۞ | كنافهcinema | مجلس حلا للصور | 24 | 07-08-2007 09:51 PM |
| Җ۞Җ۞ روحتو مصيف ولأ لســــــه.......Җ۞Җ۞ | كنافهcinema | مجلس حلا للصور | 21 | 27-07-2007 04:49 PM |
العرض الشجري