|
|
|
|
10-09-2004, 06:03 PM
|
#1 |
|
(حلا نشِـط )
 
|
كسرت الكيبورد حقي بدون مادري بسبب كلمت خاين
السلام عليكم
اود ان ابدأ قصتي لكم على امل ان الاقي حل عند احدكم واريد ردودكم لان القصه حقيقيه واتمنى يستفيد صاحب هالقصه واتمنى اني اكون وفقت بكتابتها ونقلها على الوجه الصحيح من غير زياده كما ارسلت لي ابطال القصه نوال بتول ويلك= ماخذ دور صاحب القصه المكان شــــــــات قلبي الزمن قبل سنه تقريبا في يوم من الايام ويلك يضحك ومستانس بالشات كما العاده مفرفش مع زوار شات قلبي كانت معهم بنت اسمها نوال كانت بنت بس تضحك يعني وافق شن طبقه المهم كنا نضحك سوا ومع بعض وكل يوم يزود بينا الضحك الا ماصرنا ندش برايفت ونسطح ويا بعض يعني تعلقنا ببعض وكل واحد فينا وثق من الثاني وكن نشكي همومنا لبعض يعني صرنا تقريبا شخص واحد معها احس بعقارب الساعه تسابق بعضها البعض وكنت اشعر بغيابها ان ليس لي وجود تائه في دنيا البشر واذا شفته انسى من انا وهو ينسى مين هو كنت اشتاق لكلامه ودي اتم مستمع له وكنت احفظ كلامها بدون ما احاول اني احفظه وكان حبي لها يزيد لانها فتحت قلبها لي ووثقت فيني وكانت تقول لي عن أي شي عنها او يخصها وعن ضروفها وحياتها الخاصه كنت احاول اعبر لها عن اللي داخلي لكن عجزت ضاعت الكلمات مني كل يوم ويزيد شوقي لها جاء اليوم التي تقرع فيه اجراس الفراق لحظاتها وتوديع احلى الليالي الجميله واحلى الابتسامات والاحلام الورديه دخلت علي بيوم حسيت بظلاام يسكن عيناي تقول ويلك اعذرني اذا ضايقتك بيوم او زعلتك بشي مني تكفى اعذرني انا مادري شسالفه قلت لها لا عيوني ماراح ازعل منك وليش تقولي هالكلام قالت ويلك انا فيني مرض قلب ورايحه المانيا بسوي عمليه ومادري احتمال ما ارجع انا وقتها ضاقت فيني الدنيا وحاس انها دارت وقلبتني على راسي لاني ماحسبت حساب لليوم هذا نزلت دموعي من غير ماحس فيهم وبكيت عشانها كيف ترحل من فتحت لي قلبها وجعلت للايام حلاوه بوجودها كنت اودعها واقول لها سوي العمليه وانشاء الله تنجح العمليه ودموعي تنزل فوق خداي كأنها جمرات على قلبي المهم رحلت هذا الكلام قبل عيد رمضان تقريبا واهي قالت لي انها بترجع بعد شهر انا قلت لها لازم تطمنيني وعطيتها رقمي واهي قالت خلاص ولا يهمك من اول ما سويها والله بتصل عليك واطمنك انشاء الله قلت انشاء الله انا بأنتضار هذا اليوم والله بفرح من كل قلبي المهم طلعت وانا ضايقه فيني الدنيا راح يومين ولا حس ولا خبر انا اعرف صديقتها بشات ثاني رحت عشان بسئلها بتطمن عليها مالقيتها وصرت كل وقتي بالشات الثاني ادور صديقتها بتطمن عليها ولا حصلتها كل يوم صرت ادز مسج لها على الايميل ولا الاقي أي رد صار لي يمكن ست شهور وانا على هالحال ادز مسجات ولا احد يرد علي قلت بدز بطاقه غنائيه واشوف اذا فيه احد يفتح الايميل المهم صار لي فتره ولا حس ولا خبر انا خايف لايكون مانجحت العمليه هذا اللي حيرني واحرقني المهم كانت فيه وحده اسمها بتول بعد فرفوشه مثلي هم كانت بس تضحك ومافيها من الرومنسيه أي حاجه كنت انا اجي مرات اضحك معها بنفس الروم واطلع اغير الروم مادريت انها اهي ملاحظه وتقول بنفسها ويلك وشفيه كله روم مع البنات وكانت تدخل وتطلع للروم اللي انا فيه انا بصراحه مالاحظت هالشي اهي كانت تقول ماحبيتك بس مادري شنو يخليني ادخل عليك بنفس الروم المهم انا بيوم من الايام قلت لها ومن باب المزح والضحك اقول لها اني احبك وكانت تضحك وارد عليها عارف انك ماتعرفي الحب واهي تقول أي والله انا ما اعرف للحب ولا ابيه قلت لها بيجي يوم تحبيني وبعد اضيفك عندي بالايميل ضحكت وقالت والله واثق ضحكت انا وقلت بذكرك فيها انا قلتها ومادري شلون طلعت للحين هالكلمه المهم كل يوم ويوم يزيد هالحب ويزيد شوقنا لبعض صرنا كل يوم عن يوم نزود بالجلسه ويا بعض جاء يوم من الايام وويلك في حيره من امره خايف محتار شلون يبدي ضاعت الكلمات ضاع التعبير ضاع كل شي منه مايدري كيف يبدي المهم جمع ويلك قواه وتكلم وقال ومايدري كيف بدا بتــــــــــــــــــول انا احبك اهي انصدمت يمكن لكن حاس انها متوقعتها مني اهي بصراحه ماكانت تبي الحب وكانت تضحك على أي شخص يقول احب وكانت تقول الله لايبلانا ومو مقتنعه منه اساسا المهم اهي قالت انا معطيه نفسي وعد اني اذا حسيت اني حبيت شخص او بقرب من شخص كثير بترك النت وخلاص انا بترك النت انا جلست اتكلم عن حبي لها وعن اسبابه مع اني مالقيت له اسباب واللي محيرني انها ماكانت رومنسيه بالعكس كانت بنت تحب تضحك الله لايحرمها من هالابتسامه بصراحه سحرتني ضحكتها سحرتني عفويتها سحرتني طيبة قلبها عطفها مع انها ماتقول لي أي كلام رومنسي الا انها سكنت قلبي بدون اسباب اهي استصعبت الامر بالاول لكن بعدين حتى اهي حست انها بدت تحبني وماتتخلى عني المهم ضفتها عندي بالايميل وصرت اعلق نكي بالشات وكنت دايم اجلس بروم وحدي وكله معها بالماسنجر حتى اهي ماكانت تدش الشات كنا نجلس مع بعض اكثر من ثمان ساعات بدون مانمل بالعكس ونحس ان الوقت ضيق بعد هي من دخلت قلبي بدون استأذان سحبتني اليها بدون شعور قدمت لها الحب على اوراق الورد حملتني الا عالم الاحلام حولت حياتي الا عالم الخرافات رجعتني الى ايام قيس وليلى حسستني اني مهم بالنسبه لها بدون ماتبوح لي ولاتقول لي كلمة احبك تجاوبت معي كانت تجرعني جرعات الحب التي كنت انتظرها مثل المدمن علمتني الوفاء والصدق والصبر والاخلاص والحب الذي كانت تعطيني اياه بصمت عجيب حولت سوادي الى بياض حولت ظلامي وليلي الا شمس تصبح قلبي فيها كل يوم كانت تحبني بصمتها بعيونها كنت اقرا اسمي داخل عينيها علمتني معنى الضحكه والابتسامه مرت عليها ضروف صعبه وصارت كل شوي تغيب عن عيني انا ماكنت اتحمل غيابها دقيقه لكن حبها خلاني اتحمل كل فترات غيابها تحملنا مرار الايام سوى كانت تقوم بدور الام الحنونه و الحبيبه المخلصه لي كنت ابوح لها بحبي لها وهي تبادلني بصمت عجيب لكنها كانت تضمني الا ممتلكات قلبها بأسم الحب حاصرتني غيرتها كانت اهي الدنيا بعيوني حبتني بصدق وحبيتها بكل معاني الحب ومايحمله من اخلاص ووفاء عاملتني معاملة الود كانت تحبني بينها وبين نفسها دون ان تبوح لي او تسمعني لا كلمة حب وانا كنت عارف انها تحبني لكن اهي خايفه تبوح لي لانها كانت معطيه نفسها وعد انها ماتحب أي شخص لكن قلبها حبني كانت تحتفظ فيني في قلبها تريد ان تخبيني عن جميع البنات كنت احاصرها بسيل من المشاعر وكانت تبادلني بصمت انا راضي بحبها لي مع انه كان بصمت الا اني حسيت اني ملكت الدنيا مابي منها شي الا رضا بتــــــول كانت الشمس بالنسبة لي افكر فيها اينما اذهب حتى من حبها اشتريت قلب كان عليه حرفها وعلقته بمراية سيارتي كنت احبها الى حد الجنون نسيت البنات لان قلبي كان مشغول فيها مافكرت اني اخونها مع ان البنات واجد والشات مليان بنات الا ان حبها نساني كل شي الا اني افتكر شي واحد هو قلبي لانها سكنت فيه وبعد فتره سكنت بنفس منطقتي وقالت لي بأي حي ساكنه الا اني مادري وين بالضبط صار كل انشغالي ذاك الحي كنت حاس اني الاقي بيتها من اول ما امر من عنده قالت اهي ان بيتهم دور ارضي ورفضت تقول لي أي شي ثاني انا ماقلت شي ولا زعلت ولا تضايقت من كلامها بالعكس هذا حقها ولازم تحافظ على نفسها ومهما كان هذي خصوصياتها المهم كنت اروح للحي بكل وقت وبكل لحظه مريت بأحد الايام من عند بيت مادري جاني شعور والله غريب انه هذا بيتها ومو مصدق نفسي مع ان البيت كان دورين وبدون ما اعرف أي شي عن البيت او تواصيف أي شي الا ذلك الشعور يجيني كل مامريت من عند البيت تعجبت من نفسي بعد فتره صرت ما امر الا ذاك البيت وارجع مادري كأن متأكد الف بالميه ان هذا بيتهم سئلتها ان هذا بيتكم قالت لا انا حلفت لها وبدون ما حس قلت والله ان هذا بيتكم اهي قالت ليش تحلف قلت والله مادري لكن ماني مصدق راح انجن من هذا البيت ابي اعرف ليش شاغلني هالبيت قالت لي ترى شلون عرفت انه بيتنا قلت والله مدري لكن قلبي وصدق حبي اهم اللي قالو لي قالت انتبه من قلبك لايدهورك انا قلت والله حاس انه بيتكم وكأني متأكد انه هو المهم انا للحين مستغرب كيف دليت بيتهم شنو دلني غير حبي واخلاصي لها مرت الايام وحبنا لبعض يزيد وجـــــــــــــــــــــــــــــــاء اليوم اللي لم يكن بالحسبان اليوم الذي شلني فرحه مع حزن مع ربكه مع خوف مادري شنو جاني جاني مسج ان ايميل نوال البنت اللي ذكرتها بأول القصه ودزيت مسج لها بتطمن عليها ردت اختها علي بمسج تقول مستغربه منو انت وليش ترسل للايميل هذا مع انه من زمان ما انفتح ويوم دشيت مالقيت غير مسجاتك انت منو انت وليش تدز قلت لها انا منو ودزت لي مسج تقول فيه ان نوال سوت العمليه ونجحت الا انها تعبت بأسباب الايميل هذا وانها خلاص ماراح تدش النت انا قلت الحمدلله على سلامتها قالت اهي لاتدز مسجات قلت انا كنت ادز لاني كنت مشغول فيها وقلت لها ولايهمك ماراح ادز المهم مادري سمعت نوال اني داز لها مسج وبعدها بكم يوم كنت جالس بالاستراحه الا ورقم غريب يتصل مارديت اول مره دق مره ثانيه رديت قالت ويلك قلت ايه نعم منو معي قالت ماعرفتني قلت لا منو انتي قالت انت مو وحده وعدتك انها تتصل عليك قلت والله انا مو مواعد أي وحده تتصل علي قالت شكلك ناسي قلت منو انتي قالت انا نوال فرحت بدون مادري وبدون احساس وقلت لها الحمدلله على السلامه كيفك اخبارك قلت الحمدلله قالت شفت ايميلاتك ومشكور عليهم وانا اسفه لان ضروفي كانت صعبه ماقدرت لا اتصل ولا اشبك النت لكن مانسيتك كل هالفتره وقالت بشوفك اليوم على الماسنجر قلت خلاص مع اني كنت خايف شنو اقول لبتول اقول لها والا ماقول بصراحه ضاقت فيني الدنيا تقابلنا انا وياها على الماسنجر وتكلمنا وطلعت اهي قالت فتره شوي وبرجع للنت مثل اول وراح نتقابل قلت على خير غابت فتره ورجعت مثل ماقالت انا محتار بين نارين هل اصدم نوال واقول انا احب وحده ثانيه واهي فيها مرض قلب والا اقول لبتول اني كنت احب نوال وكلمتني جوال بصراحه مادري احترت وكل مافيني بكى واحتار شنو الحل مادري شنو كنت بسوي المهم عرفت بتول قبل انا ماقول لها وانصدمت ان ويلك اللي كان مصدر الصدق والحب والوفاء والاخلاص يخوني ماصدقت وكانت راح تنجن مو مصدقه وضاقت فيها الدنيا ماتدري ليش طاحت بالحب وندمت على هالحب كيف ويلك الانسان اللي حبها وقال وحلف انه مايخونها الحين مع وحده غيرها ويحبها اهي عرفت عن طريق الصدفه تعرفت على نوال وقالت لها انها تحبني واني احبها ودزت لها مسج مني والحين بتول مو مصدقه ماراح تستوعب كبر الصدمه ويلك يخونها مو معقول المهم كلمتني بالموضوع انا بصراحه انصدمت مو اني كنت اخونها لا والله يشهد على اني ماخنتها لكن ندمت ليش ماقلتها قبل ما عرفت وربي بكيت يوم قالت لي معقوله ويلك تطلع خاين انا طلعت وكسرت الكيبورد حقي بدون مادري لكن كلمت خاين حسيت انها ماتنقال لي مالمت بتول يوم قالتها لي لانها ماتدري وتشوف اللي قدامها للمعلوميه: نوال وبتول وويلك اسامي وهميه والحين حبايب قلبي اتمنى اللي قرا القصه انه يفيدني ويقول لي شنو الحل الصح ويلك اللي حب بكل اخلاص ووفاء طلع خاين اولا ؟ هل يستاهل كلمة خاين من بتول اولا؟ برايك ويلك يطلع خاين اولا؟ اتمنى كل من قراها يرد علي ويقول شنو رايه لان راعي القصه يبي حل واتمنى انكم تفيدوني لان اهي جتني من صديق لي وقال ويلك ابي منك الحل بصراحه انا احترت وقلت مالي غير انزلها بمنتدى قلبي لان اهم اللي راح يفيدوني وبكذا راح احصل على اكثر من حل شاكر لكم ولكل من قرى القصه واسف على الاطاله منقووووووووووووووووووووووول اخوكم/ خالد الحب |
|
11-09-2004, 11:37 PM
|
#2 |
|
(حلا متميز)
|
ويلك اللي حب بكل اخلاص ووفاء طلع خاين اولا ؟لا هومش خاين بس تاخر اخووي خاااالد تاخركثير0ليش ماخبرها من الاول0000شوف الصدف شوتسوي
هل يستاهل كلمة خاين من بتول اولا؟لامايستاهل لانهامافهمت السالفه برايك ويلك يطلع خاين اولا؟ بيكون بنظري خاين اذا تم يلعب على البنتين لازم يحط حد لهذ الموظوع ياانه يستمر مع نوال والا بتول00000لازم يتخذ قرار00واذا اختار نوال الله يعين بتول والعكس الصراااحه الاختيار مره صعب0بس الغلط منه اهو لازم مايردعلى بتوول مدامه حب نوال مهما كاااااااااااااان اللي يحب مايخووووووووون والانسان مش معصوم عن الغلط واهوغلط بس لازم يصلح غلطته0فاقوووول لازم يصلي صلاااه استخاااااااره ويشوووف منو احسن نوال والابتوووول واذا ماطلع خيررررر فالاحسن الابتعاد عنهم ثنتينهم000 من ترك شيئا لله عوضه الله 0000000000ماروم اكمل اخاف اخربط المووووهيم هذا رايي ونحن كلنااخووه ياخالد وهذا اختيارك الصح انك تعرض المشكله بدل ماتفكر وحدك انت وربيعك وتشوف الراي السليم سي يووووووووو واسمحلي على القصوووووور اذاقصرت |
|
|
|
|
18-09-2004, 09:04 PM
|
#3 |
|
(حلا جديد )
|
خالد القصه مره محزنه
الخيانه ما تنقال عن ويلك اهو بس لو قال لها من البدايه انه يعرف وحده يكون احسن بس تبي شوري في واحد اسمه رجل من عالم اخر عنده حلول وكلام وامور تفيد مره مره مره اسمه بشات حلا اسير الصمت اهو شاعر كمان هذا الادمي بحر من الحب شوف شوره شوف ايش يقلك ايميله abomanal2000@hotmail.com
هذا ايميله وخذ رايي واسأله والسلام عليكم |
|
05-10-2004, 06:04 PM
|
#4 |
|
عضو شرف
|
خالد الحب كما عودتنا دأما تأتي بالجديد والمفيد
يسلموووووووووووو ايديك ومزيدا من التقدم ولاتحرمنا طلتك |
 |
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| خاين يا زمن مالك صاحب | ماهر فلسطين | مجلس حلا لعذب الكلام | 3 | 06-02-2006 03:59 AM |
| كلمةٌ كسرت جدار الصمت .. | اسيرالحب | مجلس حلا لعذب الكلام | 4 | 22-01-2006 01:37 AM |
| جاين تراضيني | درع الوفاء | مجلس حلا للشعر وهمس القوافي | 0 | 24-06-2005 07:22 PM |
| انسان خاين الحب | العين الحزينة | مجلس حلا لعذب الكلام | 1 | 17-10-2004 11:19 AM |
العرض العادي
