|
27-10-2005, 01:11 PM | #1 |
عضو مميز
|
الفروق العشره بين الشاب الخليجي والشاب الاوروبي... بنوتات تعالوا .
الفروق العشره بين الشاب الخليجي والشاب الاوروبي
أولا : الطفل الخليجي من صغره يعني في عمر أربع سنين يلعب بالتراب ويتراجم بالحصى .. بينما الطفل الأوروبي يلعب بالثلج ويسوي رجل الثلج واذا بيلعب مع ربعه يرشهم بالمويه • ثانيا :الطفل الخليجي اذا بدا يروح للمدرسة يصحى وهو يصيح ويصارخ وما يرضى الا يعطونه شيكولاته كل شوي ..بينما الطفل الأوروبي يا حياتي أول يوم يروح للمدرسة وهو يضحك ويغني ومبتسم .. ويرجع يعلم أهله شنو سوى في المدرسة • ثالثا : الطفل الخليجي في سن عشر سنين جاحد أم البنت ومشكل بجدتها ..يلعب كورة .. واذا جت البنت يا حياتي تبي تشاركه صارخ في وجهها ( وخري هذي لعبة أولاد مو لعبة بنات روحي العبي بعرايسك ) بينما الطفل الأوروبي في سن عشر سنين يحسب حساب البنت معه قبل أي شي... ولا عمره يقول لها روحي العبي بعرايسك • رابعا : في سن 16- 20 الشاب الاوروبي اذا اعجبته بنت يروح يعطيها وردة ولا قطعة شوكولاته أو اسطوانة موسيقية يعني كرمز للأعجاب .. بينما الشاب الخليجي اذا فرضنا أنه أعجبته بنت مع أنه ما يشوف الا عباية ما يندرى شنو تحتها .. يعطيها ورقة مشقوقة .. مكتوب عليها رقم >>>قمة الرومانسية • خامسا : الشاب الأوروبي اذا حب بنت يقوم يعلم أهله وناسه أن فلانة حبيبته ويصير ما يروح ولا يجي الا معاها .. بينما الشاب الخليجي اذا حب وحدة يكتم الامر ليه مو علشان التقاليد لا علشان يقدر يغازل غيرها .. واذا علم أحد يعلم ربعه الجحلط يعني انني مطيح بنات • سادسا : الشاب الأوروبي اذا ذبحته الرومانسية خذ حبيبته في قارب على النهر وقام يجدف ويطالع فيها .. بينما الشاب الخليجي اذا ازعجوه ربعه بأنه نصاب ولا يعرف بنات يصير همه يركب حبيبته في سيارة ويمر فيها بشارع مظلم ويوقف عند بقاله كل ربعه ناطرين هناك يعني شوفوني مركب بنت .. وعلى فكرة بعضهم يركبون شغالاتهم ويلبسونوهم عبايات الشكوى لله المظاهر خداعة. • سابعا : الشاب الأوروبي يجيب لحبيبته هدايا يا ورد يا ساعة يا عطر أو لعبة .. ويفرح اذا شاف حبيبته تستخدمهم .. بينما الشاب الخليجي ما يعطي البنت الا قطعة الورقة اللي قلنا عنها من أول ( الرقم ) وبعدين يصير ياخذ منها وهي على نياتها تحط له كل يومين هدية في محل باسمه وهو يجي ياخذها . • ثامنا : الشاب الأوروبي لا سمح الله لو تزاعل هو وحبيبته ولا تفارقوا تلقاه يتحطم ويقول أنا السبب انا اللي ماعرفت أصونها بينما الشاب الخليجي .. اذا حبيبته انخطبت ولا طنشته وهو أصلا ماعنده نية يتزوجها يبدا يهدد ترى بأنشر رقمك ترى بأفضحك .. غير الازعاجات كل يوم وكل ليلة ..على نقال الضعيفة. • تاسعا : الشاب الأوروبي دايما يسأل حبيبته .. حبيبتي شنو رايج أسوي كذا ولا أشتغل كذا ولا أدرس كذا بينما المحروس الشاب الخليجي ما يسأل البنت الا سؤالين .. تحبيني ولا لا .. والسؤال الأبيخ ..صديقي يبي يتعرف على بنت ما عندك واحدة من صديقاتج أعرفها على صديقي .. تراه عجيب. • عاشرا .. وآخرا وليس أخيرا: الشاب الأوروبي ينهي علاقته بالفتاة اللي يحبها بالزواج ويكونون أسرة سعيدة .. بينما الشاب الخليجي .. لا يمكن و مستحيل وسابع المعجزات يحب بنت كان يعرفها الا يشطب على اسم عايلتها من البشرية .. ما بقى الا هي يتزوج بنت كانت تعرف عيال .. هذه قد تعتبر اهم الفروق بين الشاب الخليجي والأوروبي ولا لو بنحصي كان نعد ونغلط .. وفوق هذا كله لهم وجه يحكون فيه ويقولون ليه ما تحبوننا .. من شقارهم ولا عيونهم الزرق ولا وسامتهم |
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
الشاب الخليجي المسلم والقسيس | الــــجــــنــــي | مجلس حلا للقصص والروايات | 4 | 19-04-2006 04:49 PM |
الفرق بين البنت والشاب | ~القيصر~ | مجلس حلا للضحك والفرفشة | 8 | 17-01-2006 09:02 PM |
قصة البنت والشاب ومطعم كنتاكي | Gad | مجلس حلا للقصص والروايات | 18 | 03-01-2006 12:34 PM |
ليفربول فى تحدى ضد سيسكا موسكو لتحديد بطل السوبر الاوروبى... | محمد البيلى | مجلس حــلا الــريــاضـي | 0 | 26-08-2005 08:25 PM |
الفروق بين صلاة الجمعة والظهر | ღاوراق الوردღ | ۞ مجلس حــلا الاسلامي ۞ | 6 | 08-05-2005 12:38 AM |