|
|
|
|
|
|
20-08-2005, 04:25 AM
|
#1 |
|
][§¤حلا ذهبي ¤§][
 
|
مشاركة: عمق القلوب....قصة واقعية
*&*الجزء التاسع*&*
في دنيا تاني وفي عالم من عوالم الحزن والاكتئاب والضيق والدموع عالم ماجـــــــــــد....... ماجد كان زعلان على نفسه بيسافر بعد ساعتين وماهو قادر يكلم رهف ونفسه مررره يسمع صوتها..........وفجئـــــه خطر بباله انه بيتصل ويصير الي يصير ماجد:نوااااااااااااااااااااااااف نواف:ها ماجد خير فيك شي ماجد:لاء مافيني شي بس ابغا جوالك شويه نواف:ليه؟؟ ماجد:تبغا تعطيني هوا اعطيني هوا بدون اسأله ماتبغا براحتك نواف:طيب بشويش اكلتني هااا خد يالله ماجد:شكـراً ويجلس نواف على الكرسي الي جنب ماجد فيقوم ماجد يمسك الجوال ويحطه على الطاوله بقوووه....... نواف:ايش بك ماجد:ما اعرف اتكلم واحد معايا في الغرفه نواف:هههههههههههههههه طيب يالله انا بره لو تبغا شي ازهمني باي ماجد......... ماجد يفكر ايش يقولها يفكر ينهي الي بينهم بس يبغا يسمع صوتها للمره الاخيــــره وهوا يدري انه وجوده وعدمه عندها زي بعضه عندها<<<لكنه للأسف غلطااااان في اعتقاده وبعد تردد كبيـــر يقرر يتصل ويتصل فعلاً..... رهف:الووووووو ماجد:الووووو رهف تحس برعشه في جسمها الصوت مو غريب..... ماجد:رهف كيفك يارهف كيفك يابعد عمرري رهف عرفته وكانت جالسه فوقفت وبدأت الدموع تنزل من عينها لا شعورياً رهف:مااااااااجد ماااااجد معقوله فدييييييييتك يااااااااااربي يارب عساني ما انحرم من هالصوووت كيفك مااااجد ايش اخباااااااارك انت طيب فيك شي طمني عنك الله يخليك....... ماجد استغرب منها ومن طريقة كلامها باين انها خايفه عليه....... ماجد:رهف انتي خايفه عليا رهف.......... ماجد:والله وحشتيييييييييينييييييييييييييييييييييييييييييييييي يي يارهف وحشتينيييييييي رهف:وانت اكترررررررررررررررررررررررررر اشتقتلك مرررره ماجد!!!!!!!!!!!!!!!!!؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟ ماجد:اشتقتيلي انااااا وحشتك معقوووله يارهف معقوووله انا رهف:ايوه انت ياماجد انت شايفني بكلم احد غيرك ماجد........... ولأول مرررره رهف تضعف وقالت كلمه ما اتوقعت بتقولها لو ايش صار فيها....... رهف:ماااااااااااجد ماجد:عيوووووووونه رهف:احبـــــــــــــــــــــــــــــــــــــــــــ ــــــــــــــــــــك ماجد حس نفسه دايخ وقلبه يدق بقووووووووووه معقوله الي بيسمعه معقوله حب عمره اخيـراً نطق اخيراً عمره اعترف اخيراً لقا الحب من رهف اخيــــــــــراً يارهف اخيــــــــــــــــــــــراً وصارت دمووعه تنزززل لان هالحب مات قبل ما ينولد وصارت انفاسه تتصاعد بقوووه....... رهف:انت تبكي ياماجد ليييييييييييييييييييييييييييييه؟؟؟؟؟؟؟؟؟؟ ماجد:رهف انا مو بس احبك الا اموت فيك انت الدم الي يمشي في عروقي انتي حياتي الي راحت والي بتجي انتي الي الانسانه الي عايش عشانها والي اتنفس الهوى عشانها انتي الاسم الي انطبع على قلبي وانحفر فيه ولا يمكن ينمحي انتي يارهف آآآآآآآآآآآآآآه انتي عمري وحياتي وقلبي انتي يارهف تمشي في كل عرق وشريان بجسمي وكل شي في وجداني بس للأسف يارهف للأسف...... رهف:ليييييييييه للأسف ايش صار ماجد:انا ما انفعك يارهف انا ما استحقك رهف انصدمت من هالكلام ايش بيقول لها دا معقوله بيلعب عليها وخلاها تحبه ولمن اعترفت له يبغا يتركها......... رهف:مااااجد ليه تقول كدا ماصرت تحبني ولا ايش صار فيك ماجد:اموووووووت واندبح ولا انسى حبك يوم ولا انسى قلبك الي ضم قلبي ولا انسى هواكي الي دخل وجداني يارهف انا بدونك ما اقدر اعيش بس لازم علي وعليكي ننتهي..... رهف بدت الدموع تنزل منها بكتره وصارت تشهق بعد كل كلمه تقولها:ليييييييييه ياماااااجد ليه تقوووول كدا انت ماتدري ايش صار فيني من بعدك ماتدري انه اختباري السبت وانا ما فتحت كتاب عشانك خايفه عليك واسأل عنك ولا قادره اعرف شي عنك مانمت الليالي وانا افكر فيك واعترف واقر لنفسي بحبك وحاولت بدل المره الف عشان اوصلك انا رحت المستشفى وتعبت لمن صار لك الحادث... ماجد:ليييييييييييه ايش صار فيكي يارب فيني ولا فيكي رهف:لاتقول كدا حبيبي شي بسييييط وراح في حال سبيله...خوفي عليك خلاني زي المجنونه ومدري ايش صارلي ماجد بدت دمووعه تنززل بقوووه اول مره يسمع منها كلمة حبيبي وكمان ايش حس انه حبه دخل قلبها وانها تحبه من جد فخاف لو يقلها تنصدم بس هوا مو مستعد يبني حب فاشل ولاهوا مستعد يتعس هالقلب الصافي والحنون معاه ولا يربط حياته بحياتها فقرر يقلها........ ماجد:رهف انتي لازم تنسيني يارهف انا ما انفعك رهف:لييييييييه ياماجد تقول كدا لييييييييييييييه؟؟؟؟؟؟؟؟؟؟؟؟ ماجد:انا يارهف....انا....انا...انا مشلووووووووول عاااااااااااااجز يارهفففففففف انا انسان مريض ومقعد ما افيدك يارهف انا عاااااااجز........ رهف انصدمت لمن سمعت هالكلام وطاح الجوال من يدها وبدت تبكي بقوه اكبر وحست روحها بتطلع وتقول في نفسها لييييييييه يامنى لييييييييييييه تخبي عني يامنى ليييييه ماااااااجد لااااااااا ياماااااااجد حراااااااام ........ ماجد عرف انها انصدمت وقال احسن عشان ماتربط مصيرها بمصيري انا ما انفع لها..... وفي عالم تاني بعيييد كل البعد عن هالاحداث وعن هالناس في بيت ابو محمد...... لمـى:ماماااااا مامااااااا ام محمد:نعم يالمى ايش تبغي لمى:ابغا اروح اذاكر عند صحبتي ام محمد:تذاكري في عينك ماعندنا بنات يروحو عند صحباتهم لمى:ايش فيهاااا ام محمد:ذاكري في بيتك وخليها هيا تجيكي لمى:دايماً هيا الي تجيني خليني انا هالمره اروح لها ام محمد:لاء يعني لاء في عندك بنت عمك منى روحي لها خليها تفهمك احسن من صحبتك هادي لمى:لااااا ايش منى ما ابغااااا ماتدري انها في التوجيهي حرام خليها في حالها ام محمد:خلاص طيب براحتك بس انتي بتسألي عن بنات عمك ولالا؟؟ لمى:لا والله من بعد موت نهال ماكلمتهم ولا ادري عنهم الا ايش اخبارهم ام محمد:الله يهديكي يابنتي احد يقطع اهله كدا والله ياحراام مسااااكين حالهم ابدا ماهي تمام لمى:لييييه صار شي جديد؟؟ |
|
20-08-2005, 07:34 AM
|
#2 |
|
(حلا جديد )
|
مشاركة: عمق القلوب....قصة واقعية
مشكورة "البريئة" عالقصة الروعة...............
|
|
21-08-2005, 03:11 AM
|
#3 |
|
][§¤حلا ذهبي ¤§][
|
مشاركة: عمق القلوب....قصة واقعية
ياهلااااااااااااااا وغلاااااااااااااا
واله انتي الي اكثر من حلوووووووووووووه انشاله الحين انزل لكم :D تحياتي لك : البريئة :cool: |
|
21-08-2005, 03:22 AM
|
#4 |
|
][§¤حلا ذهبي ¤§][
|
مشاركة: عمق القلوب....قصة واقعية
محمد:اشياااااااء خااالد الي مبهدلهم ومتعب العيله كلها اتغير وصار عدواني
لمى:خاااالد معقوله داك الولد الفرفوش الي زي القمر طب لييييه؟؟؟؟ ام محمد:من بعد نهال صار خالد تاني ودحين طلعلهم بشغله تانيه يبغا يسافر مع صاحبه لأمريكا عشان علاجه وزعل ابوه وامه ورايح يسافر بدون ما يودعهم لمى:ليه هوا ايش دخله في صاحبه ماعنده اهل دا الولد يعني ام محمد:لا مو كدا بس عشان خالد طرد الولد لمن جا له فطلع الولد معصب وسوا حادث قدام البيت وخالد مره متأثر ويحس انه السبب ويقولو دا صاحبه مرررره ومن زمان يعرفه يعني رفقة عمر لمى:اهااااااا هوا دحين سافر ولا لسه ام محمد:والله مدري بس دووووبها كلمتني ام خالد وتقولي وهيا تبكي والله قطعت قلبي لمى:الله يعينهم ام محمد:اميــن وترى الجمعه عندنا بكره لمى:نعممممممم ايششش وليييييييه؟؟؟؟؟؟؟ ام محمد:ايش الي نعم وايش وليه هادي ايش بك نسيتي الجمعه لازم تستمر وانقطعت شهرين بس عشان ظروف بيت ابو خالد لكن عمانك مقررين يرجوعها ومصرين كمان لمى:طيب حبكت دا الاسبوع ماتدرو انه عندنا اختبارات ودنيا ام محمد:والله عاد الي يبغا يذاكر ويدرس عنده السنه كلها ما حبكت على اخر يوم واخر لحظه لمى:اوفففففف طيب دحين ليه بتقوليلي مدام رأيي مامنه فايده ام محمد:عشان ترتبي البيت وتظبطي امورك لمى:اظبط اموري؟؟؟ ايت امووور ام محمد:ايش ايت امور يعني تنقي ملابسك واشيائك تظبطي غرفتك ومن هالاشياء لمى حست انه ورى امها شي.... لمى:في شي مخبيته عني ياماما صح؟؟ ام محمد:لاء ايش بيكون يعني ويلا قومي بلا كلام كتيـر زي الهنود روحي البسي عشان يوصلك رائد بعد الغدا لانه جي بعد شويه مع مرته لمى:يااااااي مشكووووره يا احلى ام يلا بااااي ................. ويوصل رائد ومي........ رائد:مامااااااااااا يا امييييييييي انا وصلت تترررااااااااااااااا ام محمد:هههههههههههههههههههه ياهلا والله بولدي حبيب قلبي رائد وهوا يسلم على امه:شفتي كيف نورت لكم البيت ام محمد:ههههههههههههههه انت ماتعقل ابداً مي:مااا عمره عقل ولا بيعقل هههههههههههههههه ام محمد:هههههههههههههه هلا والله بالغاليه كيفك يابنتي مي تسلم على مرة عمها:هلا بخير الله يسلمك كيفك انتي ياماما ام محمد:بشوفتكم تمام التمام رائد:بشووفة ميييين بالظبط؟؟؟؟ فهد:بشووفتي انا طبعاااا ام محمد:هههههههههههههههه ياسلاااام وطلعتلي انت كمان بالموضوع فهد يسلم على جدته:ايوه مو انا اساس الموضوع كله اصلاً هههههههههههههههههههه احمد:لاااااااااااااااااااااء ماااااااااااااااااااااااااافي انا احسن منك ام محمد:هلااا حموودي هلا بالعكروووت فهد:وانت محل ما اروح ورايااا انا ايش قلت عنك دحين احمد:انا مو وراك بس ابويه شالني وحطني في السياره وانا نايم عثان ازي معاكم الكل الا فهد:هههههههههههههههههههههههههههههههههههههه ام محمد:الله يحفظكم يااااارب ويقعدو يتغدو عيلة رائد ويخلصو من الغدى ويجلسو في غرفة الجلسى...... مي:تسلم يدك ياماما مره الاكل طعم ما شاء الله ام محمد:الله يسلمك يابنتي ابو محمد وهوا بيقعد:ياحياااا الله من جانا نور البيت اليوم والله رائد:منور فيك يابويا ابو محمد:فينك يابني ماتنشاف رائد:تدري يا بويه المشروع اخد كل وقتي مي:شفت ياعمي مو هالكنا الا دا المشروع ابو محمد:هههههههههههههه الله يهديك ياولدي لازم تفضي نفسك شويه بيتك واهلك لك عليهم حق رائد:ان شاء الله لمى:سافر اخوكي ولا لسه يا مي مي:اخويا مين؟؟ ام محمد:وي ليه كم واحد مسافر مي:والله انا مدري عن شي ام محمد:انا امك كلمتني اليوم وهيا تبكي وتقول خالد بيسافر مع صاحبه ومدري ايش والله مافهمت الموضوع تمام بس الي فهمته انه بيسافر مي انصدمت اخوها بيسافر وهيا ماتدري..... مي:صاحبه مين ماجد ام محمد:ايوه اعتقد ماجد الي سوا الحادث مي:اهاااا افتكرت الموضوع اكيد خالد حاس بالذنب وعشان كدا يبغا يسافر معاه... وتقوم مي تروح على التلفون وتتصل على جوال خالد....... مي:الووووو ......:ايوه نعم مي استغربت من الصوت الصوت كأنه صوت واحد عجوز او واحد مريض:خاااالد؟؟ .......:ايوه انا خالد مين انتي مي:خالد هلا والله خلووودي كيفك حبيبي خالد:مي مي:ايوه انا مي خالد:الحمدلله عايش كيفك انتي يامي مي:بخير دامك بخير خالد:آآآآآآه يا مي ايت بخيرالله يهديكي المهم فينك عني زمان ما شفتك ولا سمعت صوتك مي:موجوده ياحبيبي بس انتي الي ماتدري عني خالد........ مي:خلوودي حبيبي صح انك بتسافر خالد:انتي ايش دراكي؟؟ مي:سمعت وخلاص خالد يتنهد:ايوه مي:ايش فيك حبيبي من ايش متضايق خالد:مي انا دحين اصلاً مسافر انا في الرياض مي:من جد خالد:ايوه سافرت الساعه عشره الصبح مي:ليه ما بلغتني وليه مسافر خالد:انا والله نسيت ابلغك ولا كان نفسي اودعك واسلم عليكي بس حصل شي عكر مزاجي وخلاني اسافر بدون ما اودع او اسلم على اي احد تدري حتى امي وابويه ما سلمت عليهم مي:لييييييييييه؟؟ خالد:بس المهم انا مسافر عشان علاج ماجد ويمكن نطول في سفرنا مي:فين بتروح بعد الرياض خالد:ما ادري بس حنتنقل لكم مدينه بعدين بنستقر في لندن مي:اهااا طيب ممكن اطلب طلب؟؟ خالد:انتي تامري يامي مي:تسلم حبيبي ما يامر عليك ظالم...بس يعني قلت لو تقدر تكلمني كل ماتوصل مدينه او كل يومين تطمني عنك خالد:ان شاء الله مي:ايوه وكيف ماجد خالد:الحمدلله ماشي حاله مي حست ان خالد مره مضاايق:خالد حبيبي كل شي في هالدنيا قضاء وقدر ومو من حقنا نفرض نفسنا ونقول نحنا السبب كل شي بي إرادت الله سبحانه وتعالى واحنا مالنا يد فيه خالد......... مي شافت سكوته فحبت تكمل:وانت ياخالد رجال مؤمن بالله وتعرف هالاشياء فخليك دايماً مبتسم عشان الدنيا تبتسم لك ياحبيبي وبعدين صاحبك دا انت بدال ما تصير كدا محطم ومنكد المفروض العكس خليك مبتسم ومرتفع المعنويات عشان ترفع معنوياته وتساعده انت دحين سنده وصاحبه ورفيقه في رحلته خليك عون لاتكون عله عليه لاتزيد همه وهمك ياخالد خالد........ مي:شوف ياخالد الهموم احنا نصنعها واحنا ممكن نتركها لاتصنع لنفسك نسج من الاوهام والهموم والاحزان خليك مبتسم وسعيد حتى لو شو صار خليك خالد القوي الي الكل يعرفه بقوته وشموخه وعزته في هالمواقف تفتكر ياخالد لمن كنا صغار مين كان يقولي هالكلام مين الي كنت لمن ابكي يجيني ويقولي الدنيا مافيها شي يستاهل دمعه من عيوني او زعل من خاطري تفتكر ياخالد خالد:آآآآآآآآآآآآآآآآآآآآآه يا مي آآآآآآآآآآآآآآآآه يامي كل دا راح خالد الي تقولي عنه مااااااات ماااات من يوم ما مااات نهال ماااات من يوووم مافقد روحه وحياته وصار وحيد في هالدنيا مي:منت وحيد نحنا كلنا جنبك واذا نهال راحت فدا قرار ربنا مو قرارك ولا بيدك وبيدي نسوي شي واذا نهال ماتت انت لساتك حي وبعدين انت ناسي اهم شي في حياتك خالد:ايش هوا؟؟؟؟ مي:ولدك محمد الي ما اعتقد في يوم سألت عنه ولدك الشي الوحيد الي طلعت فيه من نهال كيف تتخلى عنه وتنساه تعتقد لو نهال كانت حيه ترضى انك تسوي كدا في ولدها تنساه وتتجاهله ولاتدري عنه ترضى تزعل نهال في قبراها وانت الي ماكنت ترضى انها تزعل في حياتها لاتصير كدا ياخالد لا تكون ابداً كدا انت اقوى من كدا بكتيـــــــــر انت خالد الجبل الي ماتهزه ريـح........ خالد ارتااااااااااااااح كتيـــــــــــــر بعد كلام اخته وحس انه في شي انفجر في داخله ومايدري ايش هوا بس عجبه كلام اخته وحسسه براحه كبيره وقرر يتغير من اليوم ورايح ويحاول يتحسن........ خالد:مي مي:يابعد روح مي خالد:تسلمي يالغاليه والله انا من دونك ما اسوى شي مي:لاتقول كدا ياخالد انت تسوى ونص وانا ما قلت الا الي انت تعرفه بس انت نااسيه ومتجاهله لا اكثر خالد:مادري ايش اقلك بس من جد الله لا يحرمني منك مي:امين ولا يحرمني منك... حبت مي تلطف الجو فقالت:اقول خالد الا سمعت اخر خبر خالد:ايش؟؟؟؟؟؟؟؟ مي:ما ادري ولا انا ما سمعته هههههههههههههههههههههههههه خالد ضحك غصبً عنه:ههههههههههههههههه ياحراميه صرقتي حركتي مي:يااااااااربي انا على هالضحكه تجننننننن وبعدين انا ما صرقتها انت سبتها او بمعنى اصح اتخليت عنها قمت جيت انا واتبنيتها ههههههههههههههههه خالد:ههههههههههه بس اقول ترى اعطيناكي وجه زياده عن اللزوم يلا ابغا اروح لماجد خاصره من اول فرحت مي حست اخوها اتغير حتى لو بنسبة واحد في الميه لانه ضحكته هادي نفس ضحكة خالد القديم وصارت تدعي في قلبها ربنا يصلحه..... خالد:بنت مي مي:هلا خالد:فين رحتي مي:موجوده |
|
21-08-2005, 03:29 AM
|
#5 |
|
][§¤حلا ذهبي ¤§][
|
مشاركة: عمق القلوب....قصة واقعية
خالد:طيب يلا مع السلامه ترى خسرتك وكمان اتأخرت على ماجد
مي:الله يوفقك يارب ولاتنسى تكلمني زي ما اتفقنا خالد:ان شااء الله تامرين امر ويلا بايوووووو مي:بايوووووو رائد وهوا ينط ويجي يلصق في مي:ميييييييييييييييييييييييييييييييييييييييييييي مي: بسم الله الرحمن الرحيم نعم ايش في رائد بعصبيه مصتنعه:مين كنتي تكلمي كل دا وكمان كل كلمه والتانيه حبيبي ومو حبيبي ها مين تكلمي؟؟؟؟؟؟ مي تحب تقهر رائد وتدري انه مايحبها تقول حبيبي حتى لي ابوها او اخوها وهوا يدري انها كانت تكلم واحد فيهم.... مي:عايدي كنت اكلم حبيبي ايش فيها رائد:؟؟؟؟؟؟؟؟؟؟؟؟ مافي غير هنا حبيب قولي مين كنتي تكلمي مي:ماني قايله ويلا احمد تعال اوديك الحمام ما رحت من الصبح لمى:هههههههههههههههههههههه ياحرااام انقهر رائد اقوول رائد يلا وديني عند صحبتي ابغا اروح اذاكر رائد:مو وقتك دحين اول شي ابغا اعرف مين حبيب الاخت هادي<<<يأشر عليها مي تطالع عليه بنظرة غرور وتمشي وتخصره......... ام محمد:بلا بياخه رائد مين بيكون يعني يا ابوها يا اخوها لاتسويلنا فيها العاشق الغيران رائد انقهررررررر وحس انه مررره متفشل هوا اصلا يدري انها كانت تكلم خالد من كلامها معاه بس حب يمزح معاها لكن مو توصل انها تفشله كدا قدام اهله وتمشي وتخصره....... لمى:هااااا بتوصلني ولالا رائد:لاء لمى:ماما شفتي لو كان خليتيني اروح مع السواق ام محمد:مافي روحه مع السواق رائد بيوديكي رائد:لا والله قررتو عني خلاص ام محمد:لا ما قررنا ياقلبي بس انت اخوها ولازم توديها يلا يلا قووم رائد زااااد قهره ويقول في نفسه ايش شايفيني بزره صغير عندهم يتحكمو فيا على كيفهم... رائد:اوففففف طيب يلا قومي انا في السياره مي كانت بره الغرفه وبتمووووت من الضحك على حركات زوجهااا وغيرته البايخه مي:هههههههههههههههه احمد:ليه تضحكي مي:انت مالك دخل احمد:واااء كدا تقولوي انا ايث ثوتلك هادا بابا مو انا مي:ههههههههههههه والله انك مصيبه اقول اسكت ويلا غسل يدك احمد بزعل:طيب مي في قلبها الله يستر ما يكون زعل من جد والله دا زعلاته تجيب مرض القلب..... وبعد ما وصل رائد لمى يرجع بيت اهله عشان ياخده حرمته وبزورته ويرجع بيته..... ام محمد:مي جا رائد يقول انزلي عشان تروحو بيتكم مي:ليييه ما يدخل؟ ام محمد:انا ادري عنه عاملي فيها زعلان خليه ينفلق كبر على دي الحركات مي وهيا تسلم على مرة عمها:هههههههههههه طيب يلا نشوفكم على خير وياااااااا احمد وفهــــــــــد امشو جا بابا يلا حنروح احمد:ماما ليه بدري دوبنا زينا فهد:بدري في عينك احنا هنا من الضهر احمد:ايث فيها نقعد كمان فهد:اوووففففففف منك غبي مي:ماما فهد محد يقول هالكلام يلا امشو وانتو ساكتين ويمشو الاتنين ويركبو السياره حقت ابوهم ولي كان شكله مررره معصب وتدخل مي وتركب قدام طبعا.... مي:السلام عليكم ......... مي:رائد رد السلام رائد بعصبيه وهوا يحرك السياره:انا حر ما ابغا ارد مي:يلا رئوودي ما صارت زعله على ايش كل دا رائد:ماصارت ها ومين الي يفشلني قدامي اهلي ويطلعني زي الاهبل قدامهم مي:الللللللله صرت اهبل عشان مزحه بايخه رائد:هادي مو مزحه مي:يعني بالله ماكنت تدري بكلم مين رائد:...........الا ادري وبعدين انا كنت ابغا امزح الا كلكم قلبتو عليا مي تسمك يده:ههههههههههههه خلاص حبيبي ما يحتاج كل هالزعل رائد......... مي تشوف سكوته وفي نفسها يااااربي ايش يفكني من زعله دا.........ايووووووه لقيتهااا........وتمسك مي كست وتحطه وتطلع هالاغنيه حقت عيضه المنهالي ((تدري اني موت احبك واني مالي غير حبك والي ينبض في ضلوعي ماهو قلبي هادا قلبك)) مي تردد مع الاغنيه بصوتها السااااحر:والي ينبض في ضلوعي ماهو قلبي هادا قلبك<<<وتأشر على قلبها فيبتسم رائد غصبً عنه على حركات زوجته الخطيره:ههههههههههههههههههه مي:ياااربي فديت هالضحكه رائد:قلبتي امارتيه مي:ليه؟؟؟؟ رائد:عشان الامارتيين يقولو فديت ههههههههه مي:لا مو بس هما وبعدين انا حره اقول الي ابغا ويلا فديتك وفديت ضحكتك وفديت روحك ما يخصني رائد:ههههههههههههههههههههه مي:هااا خلاص راح الزعل رائد:رااح هوا انا اصلاً اقدر ازعل منك مي:احم احم ادري ههههههههههههههههههه رائد:ياشين الثقه بس ههههههههههههههه مي:هههههههههههههههه بس ياحلوها لمن تكون مني هههههههههههههااااي رائد:ههههههههههه انتي محد يعرف يصيدك ابداً مي:ابداً ابداً ابداً ويكملو مشوارهم وهما مبسوطين......... وفي عالم اخرغير العالم ودنيا غير الدنيا...... طوني:هي يو شوووو فيك رامي:مافيني شي بس انت حل عني طوني:الا فيك شي إطلع في المرايه هيك وشوف شوفيه شكلك<<<<طوني صديق رامي طوني لبناني الاصل امريكي الجنسيه عايش ومستقر بأمريكا له عشره سنين هناك وهوا انسان طيب مره ويحب رامي كتير...... رامي وهوا يتنهد:الاهل وحشوني يا طوني طوني:انت الي اخترت هايدا الطريق وكنت مبسوط فيه شو غيرك رامي:ماغيرني الا شوقي لأهلي ما اعتقدت بيوم اني بشتاق لهم كدا طوني:ياخي مالك تلات شهور واتشقت لهم اجل لو جلست عشره سنين متلي شو بتعمل رامي:بنتحرررررر طوني:هههههههههههه بعيد الشر عنك يارجال يلا قووم خلنا نروح نرقص ونفرفش رامي:مافيا هناك البنات مررره يتلزقووو في الواحد ما ابغا اروح طوني:شو يعني يتلزقوو ؟؟؟ رامي:يعني يلصقوو فيك بالقوه طوني:هههههههههههههه يارجال احمد ربك انا بدي وحده بنت مافي حد راضي يعطيني وجه رامي:لو تبي خد كل الوجوه الي عندي بس فكني الله يخليك طوني:براحتك انا بدي روح باي رامي:بايات تامر:هاااي رااامي رامي في نفسه ياااربي يروح واحد يجي التاني... رامي بدون نفس:هلا تامر:تامر شو فيك يابن الحلال مبوز<<<<تامر من الامارات وجي يدرس زي رامي رامي:ولا شي تامر:شووو هالرمسه زعلانه وتقولي مافيك شي رامي والي اتعود على الكلام الاماراتي:مافيني شي ياحبيب قلبي بس مضايق وابغا اقعد لحالي تامر:برايك مابزعجك لو تبي شي كلمني على الموبايل باي رامي........ ويمسك رامي جواله ويتصل... رامي:الوووووووو .......:هلا والله مين معي رامي:كيفك يابويه ابو رامي:هلااااا والله بولدي حبيب قلبي هلا وحشتني موووت يالغالي رامي:وحشتك العافيه ياارب ابو رامي:كدا ما كلمتنا لك شهرين رامي:تدري يالغالي انشغلت اول شهرين لسه ما استقريت تمام ابو رامي:الله يوفقك ياارب رامي:امييين ولاتنساني من دعواتك يابويه ابو رامي:الله يعينك ويسعدك يارب والله مابنساك ليه كم رامي او ولد عندي افا عليك بس رامي:الله يخليك لي يارب مدري اذا الوالده قريبه ابو رامي:والله هيا تحت في السياره بتستناني تدري رايحين الجمعه في بيت ابو محمد رامي:اهااا اوكي الله يسعدكم خلاص اكلمها وقت....تاني يالله تامرني بشي ابو رامي:سلامتك وانتبي على نفسك رامي:ان شاء الله وسلملي على الوالده ابو رامي:الله يسلمك يلا مع السلامه رامي:مع السلامه وارتاح رامي بعد ماسمع صوت ابوه وقرر يطلع مع الشباب بدال ما يحبس نفسه في دي الشقه..... رامي:الوووووووو تامر:هلا ولله .. مرحبا مليون ولا يسدن وان زادن لا باس رامي:ههههههههههههههههه اقوول تموور يلا تعلي تامر:سبحان مغير الاحوال يلا جيييييييك على طوووووول رامي:هههههههه اوكي بس لاتتاخر ولا اغير رأيي تامر:مسافة الطريق وانا عند الباب هههههههههه يالله انزل انا تحت رامي:نعممممم لحقت ما شاء الله تامر:ايه انا الحين تحت عند الباب بتنزل ولا اروح رامي:لا يالله نازل باي تامر:باااااي |
|
21-08-2005, 03:33 AM
|
#6 |
|
][§¤حلا ذهبي ¤§][
|
مشاركة: عمق القلوب....قصة واقعية
*&*الجزء العاشر*&*
في غرفة الحزن والبكاء والدموع في غرفة رهـف..... رهف جالسه وبتموت نفسها من البكا تحس نفسها مطعونه في قلبها تقول في نفسها ليه ياربي لمن الاقي نفسي وحبي واعرف حياتي وطريقي فين اضيعه واتوه فيه مره تانيه لييييييييه لييييييييه لمن لقيت قلبي وحبي وعمري وحياتي ومصيري وذاتي وكل دينتي يضيع مني تاني ليييييييه.....آآآآآه ياقلبي المسكين مالحقت تبدا في حبك الا جا احد وطعنك آآآآآآآآآآه ياقلبي آآآآآآآآآآآآه.....وبين كل دمعه ودمعه الم ودمعه وبين كل الم ودمعه نزف وطعنه رهف صارت تحس نفسها هيا الي عاجزه صارت تحس نفسها جسد بدون روح صارت تحس انه احد خطف قلبها ورااااااااااااااااااح وانه صدرها خالي من القلب والشعور والاحساس صارت ماتحس ولاتشعر الا بالدموع الي على خدها وبالجرح الي في قلبها وروحها وجسمها......صار نهارها وليلها دموووع وهيا هايمه فيها حتى مستواها الدراسي نزل دحين صار لها اكثر من اسبوع وهيا تروح الاختبار وتخبص وترجع وصار لها اسبوع عازله نفسها في غرفتها حتى منى صديقة عمرها قطعت علاقتها فيها لانها كم مره حاولت تسألها عن ماجد وماتقلها ولمن تسألها عن خالد تقلها مسافر وعلى كدا زعلت منها وما صار تكلمها....... طق طق طق......<<<احد يدق الباب رهف تمسح دموعها وتعدل من صوتها:نعمممم ........:فكي الباب يارهف انا مازن رهف تفتح له الباب... رهف:نعم خير مازن:ولاشي بس حاب اتكلم معاكي شويه ممكن رهف:معليه مازن اانا دحين تعبانه وابغا انام مازن:كل يوم تعبانه وكل يوم تبي تنامي انا ابغا اكلمك حتى لو تبي تموتي رهف الي خلاص استسلمت:طيب ايش عندك مازن:هنا من عند الباب ايش عندي رهف تفك له الباب...... مازن يجلس على سريرها ويشوف مخدتها الي باين من شكلها انها مليانه دموع....... مازن:كيف حالك يارهف رهف بقلة صبر:مازن ايش دا السؤال البايخ وايش عندك؟؟ مازن:شوفي شكلك زي الاموات مافيها شي لمن اسألك عن صحتك رهف:والله صحتي زي منت شايف يعني ماله داعي السؤال مازن:ايش فيكي يارهف ممكن اعرف ايش صار لك من بعد داك اليوم الي رحتي فيه المستشفى وحالك اتغير ودراستك اهملتيها ماتلاحظي انك نسيتي انك توجيهي واخر ترم وتحتاجي لربع الدرجه وانتي مو مهتمه...... رهف............. مازن:ممكن اعرف ايش الي مضايقك ومخليكي حابسه نفسك في غرفتك وقاعده تبكي ليل ونهار رهف:مين قلك اني ابكي انا بس بجلس لوحدي عشان اذاكر مازن:مو عليا يارهف انا اعرفك مظبوط وبعدين ايش حكاية منى المسكينه في اليوم تتصل عليكي الف مره ولاتردي عليها حرااام عليكي ايش سوتلك رهف الي خلاااص فقدة اعصابها:مااااازن لاتتدخل في الي مالك فيه لوسمحت واذا جيني عشان حبيبة قلبك منى ولأنك زعلان عليها فرحلها هيا في بيتها وفكني منك ومن كلامك الفاضي انا مو فاضيتلك تعبااااااااااااانه وابغا اناااااام ماتفهم حرااااااام عليك ارحمنيييييييي مازن؟؟؟؟؟؟؟؟؟؟؟؟؟؟!!!!!!!!!!!!!!!!! اول مره في حياتها رهف تكلمه بدي الطريقه.... مازن:....انا...... وتقاطعه رهف:مازن لو سمحت ابغا ارتااااااح مازن هوا كمان فقد اعصابه:رهفففف انا من اول بعاملك بالطيب ومحترمك لكن ما توصل اني اسمح لك ترفعي صوتك عليا انتي فاهمه ولالا وبعدين انا مو جي هنا عندك وجي اكلمك عشان منى ولا غيرها انا جي عشنك اختي حبيبتي ومالي غيرها وخايف عليها وعلى حالها وماعمري في يوم اتوقعت انك بتقابلي خوفي وزعلي عليكي بدي الطريقه للأسف يارهف ما اتوقعتك كدا وبعدين لو خسرتي اي شي لاتخسري كل شي مره وحده خليها في بالك لاتخسري كل شي...... ويطلع مازن من الغرفه معصببببببببب......وتقفل رهف وراه الباب وترجع لدموعها الي صارت اغزر من اول وهيا الي ماصدقت انها بدت تخف الا جا اخوها وزود عليها جرحها ودموعها وحزنها....وبعد كل دا في كلمه قعد صداها يتكرر في بال رهف اكتر من الف مره((اذا خسرتي شي فلا تخسري كل شي مره وحده.....اذا خسرتي شي فلا تخسري كل شي مره وحده....اذا خسرتي شي فلا تخسري كل شي مره وحده))قعدت تكررها في بالها وتقول انا كيف سمحت لنفسي اخسر كل شي خسرت حبيب قلبي....ونفسي....ودراستي....وصديقة عمري ......واخويه...واهلي.....وصحتي....ايش بقيلي كمان عشان اخسر من جد اني غبيه والف غبيه آآآآآآآآآه ياربي آآآآآآآه.....وقطعت افكارها ونطت على كتابها تذاكر على الاقل تحفظ لها كلمتين تعوض فيها الدرجات الي راحت عليها....... وبعد كم يوم في المدرسه((مدرسة منى ورهف)).... رهف جالسه لوحدها في الفسحه على واحد من الكراسي... .....:ممكن اخد من وقتك شويه رهف:تلف راسها عشان تشوف مين الي بيكلمها وتستحقره لمن تعرف انها منى وتدير وجهها بسرعه منى:طيب انا شو عملت قوليلي رهف:سويتي انج ماتستحي على وجهك وماعندك ذرة دم او شعور بالانسانيه ولو سمحتي ممكن تفارقي منى:مو من حقك تقولي دا الكلام انا ابداً ماليا دخل في الموضوع رهف:اصلاً انتي السبب لو كان قولتيلي من البدايه ماكان صارت اشياء كتيـره يلا ممكن تفارقي ماني طايقه اشوف وجهك منى......... رهف وهيا قايمه من محلها:اوفففففففففففففف منك من جد ماعندج دم وتقعد منى في محلها بكل حزن ويأس على الي صار بينها وبين رهف.... وفي وقت تاني..... لجين:رهف رهف رهف رهف............. لجين:رهفففففففففففففففففف رهف:بسم الله هااا نعم ايش في لجين:ايش بك يابنت فين وصلتي رهف:ولا لمكان نعم ايش تبغي لجين:بس شايفتك جالسه لوحدك حزينه ومضايقه قلت اجي اسليكي رهف:لاشكراً انا حابه اني اجلس لوحدي لجين:امممم رهف حبيبتي ادري انك تعتقدي اني مزعجه وحركاتي بايخه بس ترى انا افهم وعندي عقل استغربت رهف من تصرف لجين بس ما علقت...... لجين:يمكن مالي حق اتدخل بس انا حابه اقلك شي رهف....... لجين:حالك دا ابدا مو صح صحيح انك في الايام الاخيره بديتي تشدي حالك في الدراسه وفي الاسبوع الي فات اهملتيها بس دا مايعني انك اتحسنتي رهف:نعممم ايش بتقولي؟؟؟!!! لجين:الدراسه مو كل شي في الدنيا وصحيح انه حلوو انك تتفوقي فيها عشان مستقبلك بس انتي ونفسيتك اهم من اي شي رهف؟؟؟؟؟؟؟؟:ليه بتقولولي دا الكلام يالجين لجين:لاني اعتبر نفسي صديقتك واخاف عليكي رهف استغربت من متى لجين صديقتي وانا ما ادري صحيح انها دايما تكلمني بس انا اعتبرها مجرد زميله...... لجين وبدون سابق انذار:منى رهف:نعممممم؟؟؟؟؟؟؟ لجين:منى صحبتك ماتعرفيها رهف:الا اعرفها بس ايش دخلها في الموضوع دحين لجين:حرااااام عليكي شوفي ايش صار فيها والله من جد حرام عليكي كم مره جلست تبكي البنت وصاارت حالتها مررره زفت ماتلاحظي انها ما تشارك في الحصص وانها تجي متأخره وانها دايماً زعلانه ومكتئبه وجالسه لوحدها رهف استغربت كل دا في منى..... لجين:منتي مصدقه يحقلك منتي داريه عن الدنيا شوفيها في داك الركن جالسه لوحدها وشكلها كمان بتبكي رهف تطالع عليها وتنصدم هادي منى مو معقول دي شكلها وحده تانيه اكيد لجين غلطانه...... لجين شافت علامات الاستفهام الي على وجهها فمسكت يدهااا واخدتها معاها.... رهف:على فين اخدتني يالجين لجين.............. وشويه تلاقي رهف نفسها قدام منى وجها لوجه.......!!!!!!!!!!!!! رهف ومنى!!!!!!!!!!!!!!!!!!!!؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟ لجين:يلا مع السلامه رهف:لحظه لجين استنيني ابغا اجـ...... وتقطع رهف كلامها لمن تشوف منى ترخي راسها بيأس وتنزل دمعه من عينها...........رهف مرررررررره عورهااااااااا قلبها على صحبتها ليييه صاير لها كل دا.....تفوق رهف من الشبه اغماء الي هيا فيه على صوت بكا منى العالي وتلاقي نفسها قدامها وجهاً لوجه......رهف في نفسها يااااربي انا ايش وقفني هناا الله يهديكي يالجين كدا توقعيني في دي المصيبه انا اعتقد اني رحت مع لجين ايش الي رجعني هنا ياااااااربي ايش الي بيصير.....بس آآآآآآآآه شكل منى مره تعبانه ما اتحمل يصير فيها كدا هادي الغاليه ومحد غيرها صحيح اني قسيت عليها وتركتها في الفتره الاخيره بس ما ارضى مهما كان تنزل دمعه من عينها ويصير دا حالها........... منى تقطع جدار الصمت بصوتها الحزين والباكي:ليييييييه يارهف ليييييييه انا ايش سويتلك يارهف حراام عليكي والله مالي دخل ولا يد في الموضوع حرااام عليكي رهف انصـــــــدمت ايش بتقول هادي...... منى تشوف تعابير وجه رهف الغريبه فتقرر تقوم ما تحب ابداً انها تذل نفسها لمين كان وماهي مستعده تخلي رهف تشفق عليها ولا على دموعها وتقووم تجري وتروووووووح.......... رهف قعدت واقفه في محلهااا مصدومه مستغربه......معقوله الي في منى بسببي معقوله منى تهما علاقتنا لي دي الدرجه وزعلانه عشان كدا.......معقوله انا صرت انانيه لي هالدرجه............آآآآآآآآآآآآآآآه ياربي ما اتوقعت بيوم اكون سبب في الم اعز صديقه عندي.... اعز صديقه..؟؟؟ كيف انا بقول كدا وليا وجه كمان بعد كل الي سويته فيها من جد انا بايخه من جد هيا مالها دخل في كل الي صار.... حرااام والله بيصير لنا احنا الاتنين بس انا مو بيدي ظروفي وقلبي وعقلي اتحكموو فيني مافي شي ملكي..... آآآآه يامنى يا اعز صديقه وانسانه بالكون انا متأكده اني آلمتج كتيـــــر والله مسكينه يامنى ماتستاهلي ياحبيبتي...... لجين:رهفففففففففففففففففففف رهف...... لجين:رهفففففففففففف رهف:هاا نعم لجين:انا جبتك هنا عشان تتفاهمي معاها وتتصالحوو مو تزعليها وتخليها تبكي لي هالدرجه رهف زاد آلمها كمان بكيتها زياده يااااااااااربي........ لجين:والله من جد حرام عليكي....وعلى العموم الله يهديكي وخلاص بس خلي في بالك انه حرام يارهف تضيعي صداقة كم سنه في كم يوم..... رهف....... لجين:اوفففف مامنك فايده اقول يلا بس امشي الحصه بدأت وتروح رهف مع لجين وتدخل الفصل وعينها تدور على منى وماتلاقيها.... رهف تجلس في مكانها مستغربه فين راحت هادي..... وتعدي الحصه والحصتين ومنى مادخلت الفصل وماهي موجوده رهف خافت يكون صار فيها شي البنت وقاعده تلوووم نفسهااا...وقطع عليها تفكيرها دخول منى الي كان شكلها مره يفجع وكان شكلها يدل انها كانت بتبكي... الاستاذه:فينك يامنى فين كنتي منى بصوت مخنوق:كنت عند المشرفه الاجتماعيه عشني تعبانه الاستاذه:اهاا طيب سلامتك ويلا اتفضلي ورهف مافارق نظرها منى دقيقه وفي قلبها ياربي انا مررررره وقحه ونذله لييه بسوي كدا في صحبتي الغاليه لييييييييييييه...... الاستاذه:رهف قوومي جاوبي رهف:هااا ايش السؤال الاستاذه:لا والله دحين كم مره سألنا السؤال جاوبي بسرعه رهف........ الاستاذه:ايوه طبعا مو عقلك مو معاكي بس مسرحه رهف.......... الاستاذه:ايش صار فيكي يارهف كنتي اشطر بنت في الفصل ليه سرتي كدا وبعدين مو بس انتي في كم وحده ومن ضمنهم منى كمان ايش صار لكم يابنات رهف حست بلاحراااااج وخصوصاً لمن دخلت الابله اسم منى في الموضووع.... طبعا الكل شايف التوتر في العلاقه بين رهف ومنى بس ما اتوقعوو يوصل الزعل للدراسه فالكل استغرب لمن نزل |
|
21-08-2005, 03:35 AM
|
#7 |
|
][§¤حلا ذهبي ¤§][
|
مشاركة: عمق القلوب....قصة واقعية
مستوى الاتنين مررره وحده ولمن علقت الابله ونبهتم بشكل اكبر للموضوع...........
وفي سياره بتمشي على الكرونيش في جده........وبأعلى صوت اغنية دلوعه حقت نبيل شعيل....(( http://music.*****.com/nabeel..dalloo3a.ram )) ((مدام حلوه ياقلبي دلوعه لازم تصير ياقلبي سير عليها تستاهل انك تجيها مدام اهيا ما تسأل روح انتَ واسأل عليها ياقلبي انت الكبير صالحها يعني شصير مدام حلوه ياقلبي دلوعه لازم تصير ياقلبي سير عليها تستاهل انك تجيها مدام اهيا ما تسأل روح انت واسأل عليها صالحها في نظرتين وخذ لها وردتين ياقلبي والله البنات تسحرهم بكلمتين ياقلبي سير عليها تستاهل انك تجيها مدام اهيا ما تسأل روح انت واسأل عليها )) هااااايم مازن في هالاغنيه وهوا يشوف علاقته بأخته وبلي صاير بينهم صار لهم كم يوم ما اتكلمو مع بعض كلمه وحده ودا شي صعب مره على مازن لان رهف اخته الوحيده ودلووعته وحبيبة قلبه وما اتوقع بيوم بتوصل علاقتهم لدى المستوى....فلمن سمع دي الاغنيه حركت شي في نفسه فقعد يغني معاها ويقوول.....ياقلبي انت الكبير صالحها يعني شصير مدام حلوه ياقلبي دلوعه لازم تصير......ولمن جا مقطع ((صالحها في نظرتين وخذ لها وردتين ياقلبي والله البنات تسحرهم بكلمتين))قال فكره ليه ما اصالحها بطريقه حلووه انا والله ما اقدر على زعل اختي...... وراااح طيراااان على مشوااااار لاااازم يسويه ومفاجئه محضرها لأخته بتخليها غصبً عنها وعن الي خلفوها بترضا......... وبعد يومين في المدرسه.... .رهف قررت تصالح منى لأنه مستحيل تخليها على دا الوضع ومنى ما تستاهل كل دا والموضوع ماعاد صار متحمل اكثر من كدا مستقلبهم وصداقتهم اهم من انهم يضيعوها من شان موضوع يمكن في نظر الناس تافه بس عند رهف كبيرررر وكبيرر مرره كماااان بس خلاص ماعاد له قيمه قدام صداقتهم الصادقه والقويه....المهم رهف قررت تصالح منى بأي طريقه وبأي وسيله واتفقت مع لجين لمن ينزلو البنات للفسحه تخلي منى في الفصل وتقلها انها تبغا تكلمها كلمتين بعيد عن البنات وفعلاً كلمت لجين منى واتفقت معاها...... لجين:رهفففف خلاص يالله بسررررعه روحي انا قلتلها دحين اجي روحي لها قبل ماتغير رأيها رهف:طيب مع السلامه وتروح رهف للفصل وتدخل وتسك الباب وراها......وطبعا منى مو منتبها لانها منزله راسها على الطاوله وماهي منتبهه لشي واصلاً في بالها انه لجين هيا الي بتكلمها مو رهف....... تروح رهف الين عندها وتمسح على شعرها بيدها....منى ترفع راسها وتنصـــــــدم بقووووووووه لمن تشوفهاااا رهف...... رهف بصوت حنوون وناااعم:كيفج وشخبارج يامنى<<<منى تموووت على لهجة رهف الامارتيه فحبت تبسطها لمن كلمتها منى استغربت ايش صار فيها هادي اليوم...... رهف:انا اسألج كيفج منى الي دوبها استوعبت:هااا الحمدلله عايشه منى.......... رهف:طيب ما بتسأليني كيفي منى استغربت ايش تبغا هادي اليوم:ما يحتاج شايفه حالك انصدمت رهف منها بس برضو مصره تكمل..... فجابت كرسي وقعدت قدامها... وطااال السكوووت وقعدة رهف تقول في نفسها ياااربي مو لازم اضيع هالفرصه يااربي ايش اقلها......وفجئه قطعت جدار الصمت بكلمه ماكانت تتوقع تسمعها منى.... رهف:وحشتيننننييييييييي ياوحشـــــــه منى؟؟؟؟؟!!!!!!!!!!!!!!!!!!!!!!!!!!!!!!!!!؟؟؟؟؟؟؟؟؟ ؟؟؟؟؟؟؟؟؟؟؟؟ منى حست بالفرح من محاولة رهف لتعديل الوضع بس قالت بتحفظ غرورها وكرامتها الي باقيه لها ماهي ناقصه تنهان منها زي كل يوم.... رهف:يعني انا ما وحشتج صح منى بدون ماتفكر:الا طبعــ....ووقفت ماكملت الكلمه نسيت انها زعلانه وماتبغا تبين انها تبا تتصالح معاها.... رهف:هههههههههههههههههههههههههه ادري اني وحشتك اصلاً غصبً عنك لازم اوحشك منى حست انه رهف تبغا تراضيها من جد بس منى حبت تكابر.... منى:ايش تبغي يارهف؟؟ رهف:ابغا صديقتي منى ممكن اكلمها لو سمحتي منى:وانا ايش شايفتني خيالها رهف:امممم لامو خيالها بس يمكن ظلها ههههههههههههااااااي منى:ياخفة دممممك رهف:انا دحين بـأتكلم من جد ممكن اكلم صحبتي وحبيبتي ورفيقة دربي وحياتي منــــــــى منى:دحين صارت حبيبتك ورفيقة دربك وحياتك هااا.....؟؟؟؟؟؟؟؟ رهف:من زمااااااان بس الي صار كان اقوى مني ومنها وانا دحين ماراح اسمح للي صار بأنه يستمر لانه بصراحه ما اقدر اعيش بدون منى ولاهيا تقدر تعيش بدوني منى:بالله شووو مين قلك اني ما اقدر اعيش بدونك رهف تأشر على قلبها وعيونها وتقول:قلبي وعيوني...الدموع الي اشوفها في وجهك كل يوم والالم الي احس فيه واحاسيسي ومشاعري تجاه اغلى انسانه عندي عمرها ماتخيب منى ماقدرت تستحمل حست نفسها بتبكي اخيـــراً فهمتها رهف....... رهف:والله العظيم والله والله هيا شوفي كم مره احلف واللللللللللله ماااااااااا اقدر ااعيش بدوووووووونك احبــــــــج يابنت اللذينا ايش اسوووي في نفسييي ما اقدر اتحكم في قلبي منى شويه وبتمووووت من الضحك على حركاات رهف والطريقه الي تتكلم فيها....... منى:هههههههههههههههههههههههههههاااااي رهف:اللللللللللللللللللللللللللللللللللللللللللللل للللله زمااااااااااااااااااااااان ما سمعت دي الضحكه الحلوووووووه يااااااااربيييي فدييييييتج وفديتتتتتتت ضحكتج الحلوووووووه وتقوم منى لاشعورياً وتحضن صحبتها....... منى:اشتقتلج بكل مالي الكلمه من معنى ههههههههههههههههه رهف:حلووه اشتقتلج منك زي العسل وبعدين افاااا عليك كم رهف عندك اكيييييييد لازم تشتاقيلي<<<ياحبهم هالبنات للغرور وتضرب منى رهف ضربه بسيطه على كتفها:عندي الففففففففففف بدل الوحده رهف:بس كلهم ما يسووني هههههههههههههههه صح<<<ياشين الثقه بس منى تغمز لها:صحححييييييين ههههههههههههههههههههه منى:الله يخليك لي ولا يحرمني منك يااااااارب رهف:امين ولامنك......ها خلاص راح الزعل مو كدا منى:راح من عندي بس الاهم يكون راح من عندك رهف تتنهد:من جهتك رااح من زماااان بس غرورك هوا الي قاتلنا منى:اي غرور رهف:مدري عنك المهم منى:لحظه قبل المهم حقتك هادي اذا بتسأليني عن....ماعندي جواب وترفع رهف حاجبها وتقول في نفسها رجعناااااااا ياطير للي رهف:منىىىى ما بسألك خلاص اوكي الموضوع دا انا نسيته وانتهى الموضوع منى:من جد......... رهف:اجل من عم ايوه من جدين كمان انا كنت بسألك ايش سويتي في اختباراتك منى:زفــــــــــــــــــــت رهف:ليييييييييييييييييه؟؟؟؟؟؟؟؟؟ منى:بس كدا كانت نفسيتي ايام الاختبارات مرررررره تعباانه....وانتي شو عملتي رهف:برضوووو زفت في الاسبوع الاول اما التاني فالحمدلله منى:رهف ابغا منك وعد رهف:وعد ايش منى:ابغاكي توعديني انه مهما صار ما تتأثر صداقتنا ابداً وماتعلقي وتربطي صداقتنا بأشياء تانيه ونقعد اصدقاء طوووول العمرررر ممـــــــكن رهف تبتسم:ممكنين يالغاليه ويلا امشي جيعااااانه ابغا اروح اشتريلي شي اكله منى وهيا مبسووووووطه:يلاااااااااا وينتهي اليوم في المدرسه على خيـر....... وترجع رهف البيت وتدخل ماتلاقي احد تدور وتدور مافي احد..... رهف:فييييينكم يا اهل البيت غريبه فين اختفو دول بس يلا احسن خليني ارتاح وتروح على غرفتها وتفتح النور...........وتتفاجــــــــــــــــــئ بي........ |
|
21-08-2005, 03:36 AM
|
#8 |
|
][§¤حلا ذهبي ¤§][
|
مشاركة: عمق القلوب....قصة واقعية
*&*الجزء الحادي عشر*&*
دخلت رهف غرفتها وهيا مستغربه من اهل البيت فين اختفو وتوصل لغرفتها وتفتح الانوار وتتفاجئ.........بالدباديب الرهيبه والقلوب الحمره وباقات الورود الحمره المنتشره في كل مكان.... كانت الغرفه رووووووووووعه وشي جناااااان بنسبى لرهف لانها تمووووت على الدباديب والورود الحمره الرهيبه الي زي المحطوطه في الغرفه دخلت اول خطوه للغرفه وهيا بكامل الذهول والاندهاش.......ومن يوم تحط رجلها داخل الغرفه تسمع اغنيه احد شغلها على الاستريو....وكانت هيا اغنية طلال سلامه رضا والله وراضيناك.... ((http://songs.*****.com/salamah..ratheenak.ram)) فدخلت الغرفه على انغام هالاغنيه الي تحبها رهف موووت وقعدت تشوف الاشياء المحطوطه وهيا مسحوورره على الاخر وفي بالها مين الي جاب كل دا معقووله يكون مازن حاب يراضيني فعملي هالحركات بس ما اعتقد هوا ما غلط في شي وانا الغلطانه ليه يراضيني..... رهف بصوت مسموع:غريبه من سوا كل دا......ويقطع عليها كلامها اغنيه تانيه الله لايجيب الزعل بينك وبيني لراشد الماجد((http://songs.*****.com/rashid..alla....ram))......رهف مين دا الي بيتحكم في الاستريوو اكيييد بالرمووت......رهف خصرت الاغنيه وخصرت الدباديب وقررت تعرف مين الي بيسويلها هالحركات وقعدت تدور وتشوف من فين بيتحكم الشخص دا من الاستريو وهيا في نفسها متأكده انه مازن لان اولاد اخوانها مايجو عندهم هالايام وهما صحيح يحبوها ويحبو يفاجئوها ويسوولها حركات بس ماتعتقد انهم هما ومافي غيره مازن....وفي الاخر تاهت ومالقته....... رهف:مااااااازن اطلللع خلاااااص عارفه انه انتا مافي احد غيرك يسوي دي الحركات ..........:ها راح الزعل رهف؟؟؟؟؟؟؟؟؟؟؟؟؟!!!!!!!!!!!!!!!!!!!!! من فين بتتكلم ..........:من الاستريو هههههههههههههههااااااي رهف:وي كيف بتكلمني منه .......:هههههههههه بالمكرفون الا سلكي ياغبيه رهف:لا والله طيب ليه ماتوريني وجهك الحلوو البشوش مازن وهوا يطلع من وسط دولاب الملابس:من جد انا وجهي حلو وبشوش......ويرسم ابتساااامه كبييررره على وجهه<<<بس هالابتسامه تقهر رهف وتسميها الابتسامه الصفرا رهف:مين قال انك بشوش وحلو وبعدين شيل هالابتسامه الصفرا وووووععععععععع شكلك يصير فيها تحفه تقول شويه وينشق فمك هههههههههههههههههااااااي مازن:يؤ يعني طلعت من مخبئي على الفاضي رهف:لا والله وانت اصلا مين سمحلك تدخل دولابي هاااا مازن:اقوول انا من الصبح وانا اظبط لك في الغرفه وارتب واحووس وفي الاخير تقوليلي كدا بدل ماتشكريني وتبوسي يدي على الاشياء الي لو تموتي محد يسوها لج حتى زوجك المستقبلي تلاقيه بيشيلك ويحذفك من الطاقه لو زعلتي رهف ماتدري:هههههههههههههههه لا والله ما اموت انا بس أأشر والكل يلبي هههههههههههههااااي مازن يغير من ملاحمه ويصير جدي:بجد رهف عجبتج الاشياء ولالا رهف تبغا تقهره:لااااااا وععععععع ايش دا ذوقك مو حلووو مررره مازن انقهر:طيييييييب انا الغلطان الي اعبرك اصلا وبعدين دا مو ذوقي دا ذوقج انا جبتلك الاشياء الي تحبيها وتعجبج يعني المفروض تطيري من الفرح مو تبوزيلي كدا وجع تقهرررري رهف:هههههههههههههههههههههههااااي مازن؟؟؟؟؟؟؟؟؟؟؟:وبعد الهههاي هادي ايش رهف:بعدها....ويقطع عليها كلام رنة جوالها...... رهف وهيا ترد على الجوال:بعدها الوووو .........:شو بعدها الووو هادي رهف:هههههههههههاااييي بعد الههههاي .......يؤ ماني فاهمه شي رهف:احسن لاتفهمي شي مازن:بتكلمي مين انتي رهف:انت مالك دخل مازن مررره مقهوور منها سوا لها كل دا وما قلتله شكرا حتى وبعدين تقعد تهزئه كدا قدام الي بتكلمه......... رهف:ههههههههههههههههههه والله انك رهيبه يامنـــــــــــــــــــــــى<<<تقولها بطريقه غريبه عشان توضح بس لمازن مازن نط من مكانه لمن سمع منى وفتح عيونه وفمه على الاخر...... رهف:ههههههههههههههههههههههههاااااايييي دقيقه منى الادمي الي هنا اتخبل خليني اشوفه.....هيييييييي انت ايش صار لك مت ولا لسه مازن:يؤ وليه امووت؟؟؟!! رهف:وانا ادري شوف كيف صار شكلك لمن قلتلك منى مازن:هااا لا انا بس استغربت...مو هوا انتي كنتي متزاعله معاها كيف صرتي تكلميها رهف:زي ما انا بكلمك دحين مازن مافهمها في البدايه بس في الاخر فهم انها خلاص ماهي زعلانه ففرح وراح باس راسها وطلع من الغرفه..... رهف؟؟؟؟؟؟؟؟؟؟؟؟؟؟؟!!!!!!!!!!!!!!!!!!!.......... رهف:اتخبل الولد بسم الله عليه منى:هييييي انتي سايبتني ملطوعه ساعه ولا تردي رهف:معليه بس اخويا اتجنن اليوم منى والفضول اكلها بعد ما سمعت اسم مازن بالموضوع:وليه يعني شو عمل؟؟؟ رهف:هههههههههههههه انا اول كنت متزاعله ومتخاصمه معاه هوا كمان واليوم لمن رجعت من المدرسه دخلت غرفتي وفتحت النور لقيت الغرفه ملياااااااانه دبايب كبيره وصغيره و اشكالها تجنننننننننن وباقات ورود حمرررره خطييرررررره وكم قلب احمررر يعني الغرفه كان شكلها جنااااان منى:واااااااااااااااااااااااو رهف:اصبري بعدين لمن دخلت الغرفه من يوم ماحطيت رجلي جوتها اشتغل الاستريو بأغنيه رضا والله وراضيناك تعرفيها صح منى:ايوه وبعدين رهف:بس قعدت احوس في الغرفه واشوف الاشياء وفجئه تتطلعي اغنيه تانيه حقت الله لايجيب الزعل بينك وبيني امممم مين يغنيها ايوه راشد الماجد وبعدين قعدت اقول مازن اطلع ومدري ايش فصار يتكلم من الاستريو منى:كيف يتكلم من الاستريو رهف:يعني متخبي في الغرفه ويتكلم بمكروفن لا سلكي منى:اهاااا ايوه وبعدين رهف:وبس في الاخر طلعلي من دولاب ملابسي وقعد يتريق ومدري ايش ودوبه باس راسي وراح ههههههههههههه منى:واااااااااااااااااااااااااااااااااو فيري كوووووول رهف:ايوه والله فيري كوول تدري هالولد خطيررر رومنسي وعاطفي بشكل رهييب يالله الله يهني فيه زوجة المستقبل ولو انها يعني بتاخد مني احسن اخو واااااء<<<<تقول هالكلام بطريقه شوي شوي فيها تلميييح منى حست انه رهف بتلمح على حاجه بس ما علقت..... منى:طيب ما قولتيلي على شو مناسبة كل دا رهف:ههههههههههههه يبغا يراضيني بس انا ما عطيته وجه منى:يؤ حراااام عليكي بعد كل دا والله انا لو مكانك اقوم احضنه وابوسه<<<انتبهت رهف للكلمتين الاخيره بس منى تقصد لو اخوها يعني رهف:ههههههههههههههههههههههه منى:شو يلي بيضحكك رهف:ههههههههههههههه ماشي بس افتكرت شي يضحك منى:هههههههه شو يعني ماشي هادي انا اعرف الناس يقولو ولا شي رهف:ههههههههه يعني مافي شي يضحك منى:اهاااا فهمتك يالمزدوجه رهف:ايش مزدوجه هادي منى:ههههههههه يعني 60% سعوديه و40% امارتيه يعني لهجتين في وحده ههههههههااااي رهف:ايه انا اصلاً حركااات منى:ادري واحلى شي فيك لمن تتكلمي اماراتي بس الله يهديك ماتتكلمي كتيـر رهف:عاد ولا يهمج من اليوم ورايح ما اروم اتكلم الا اماراتي هههههههههههههه منى:ههههههههههه شطوره اقلك دقيقه رهف:طيب منى:هااا نعم ايش تبغى امجد:جي اتلقف انا حر منى:لا والله امجد وهوا يجلس على سريرها:ايو والله من جد يلا خلصي مكالمتك وانا اتفرج عليكي منى:شايفني تلفزيون ولا فيلم لا لو سمحت اطلع برى ما اعرف اتكلم واحد معايا في الغرفه امجد:اقول اقلبي وجهك يالله انا اخوكي وحر اسوي الي ابغا منى:وخير ياطير اخويا يعني ملكتني امجد:لا مو ملكتك بس مسؤول عنك وحر اسوي فيك الي ابغا منى:بالله شوووو طيييييب يالمسؤول عني فارق بكلم صحبتي امجد:ايش اسمها؟؟؟؟؟؟ منى:وانت ايش دخلك بأسمها!!!!!! امجد:بس كدا يمكن احبها ولا اتزوجها مستقبلاً ههههههههههه منى:هههههههههههههه لا والله طيب يالحبيب فاااارق امجد:لوتموتي على قلبك |
|
22-08-2005, 02:37 AM
|
#9 |
|
][§¤حلا ذهبي ¤§][
|
مشاركة: عمق القلوب....قصة واقعية
الحلووووووووووووووه
الشكر لك انت على مرورك لك تحياتي : البريئة :cool: |
|
22-08-2005, 02:39 AM
|
#10 |
|
][§¤حلا ذهبي ¤§][
|
مشاركة: عمق القلوب....قصة واقعية
ياهلاااااااااااااااااااااااااا فيك
بنوتة ابوها :D نورتي لك تحياتي : البريئة :cool: |
 |
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| قصة واقعية | حزينه^وحيده | مجلس حلا للقصص والروايات | 4 | 15-11-2005 10:42 PM |
| قصة واقعية | smaaelhaq | مجلس حلا للقصص والروايات | 3 | 24-08-2005 11:03 AM |
| قصة واقعية | SARAH539 | مجلس حلا للقصص والروايات | 7 | 09-07-2005 10:08 AM |
| قصه واقعية | الريـــــــــــــــــــم | مجلس حلا للقصص والروايات | 2 | 19-04-2005 11:18 AM |
| معاناه واقعية | هاجر العدواني | مجلس حلا للشعر وهمس القوافي | 3 | 30-03-2005 03:29 PM |
العرض المتطور
