|
|
|
|
14-08-2004, 03:54 AM
|
#1 |
|
(حلا نشِـط )
 
|
فهد وسارة ..........قصة محزنة ادخل حلوه مره
السلام عليكم ورحمة الله وبركاته
فهد طالب في الصف الثاني متوسط ولد لعّاب يحب اللعب وخاصة مع بنت عمه سارة .. وكانوا ما يحسون بالوناسة وسعة الصدر الا اذا كانوا مع بعض برغم انهم صغار فانهم مافهموا ايش قصة هذا الشعور . كان فهد دائما في بيت عمه وكانوا اهله ما يزعلون اذا راح لبيت عمه .. وكانت ساره تحب فهد مو بس تحبه الا تموووت فيه وفهد يبادلها الشعور وكانوا يقولون لبعض هالمشاعر ويسطرونها لبعضهم لكن ببرائه الاطفال ما كانوا يهتمون بهالكلام .. همهم اللعب والوناسة . كانوا دائما يضحكون من بعض اذا تعورت سوسو بكى فهد وضاق صدره .. واذا تعور فهودي بكت ساره وتقطع قلبها من البكاء عليه . واستمروا على هالحال حتى وصلوا سن 18 سنه يعني صاروا بصف ثالث ثانوي وهم لحد الان ما ينفصلون عن بعضهم لكن طبعا بحكم كبر سنهم ما كانوا دائم مع بعض يعني بين الحزه والحزه يشوف فهد ساره . لكن في هالوقت صاروا كبار وفاهمين حقيقه هالمشاعر اللي بنفسهم .. لذا كانت ساره تخجل انها تقول لفهد احبك كذا بوجهه .. كانت تستخدم الرسائل علشان تقول لفهد هالكلام .. وتعوض هالمشاعر بالهدايا والرسائل الرومنسية جدا .. اللي منها هالرساله : بسم الله الرحمن الرحيم حبيبي فهد .. كم حبست هذه الكلمه في داخلي الى ان جاء هذا الوقت وهذه الأوراق التي استطعت عن طريقها تسطير هذه الكلمه لك يا اغلى حبيب في الدنيا .. محبتك ساره وكان فهد يرد على رسائلها .. برسائل احلى منها ملياانه بالحب والرومنسية حتى جاء ذاك اليوم اللي كان فهد في بيت عمه ابو ساره وكان فهد في الصاله الرئيسية للبيت ومثل ما الكل عارف دائم الناس بتحط الصور على الجدار .. وكان فيه صور لساره ومعها قرايبها لما كانوا بأول ثانوي .. وفيه احد الصور فيها ساره ، لمياء ، نوف . لمياء بنت خالت ساره .. ونوف بنت خالها .. فهد لما شاف لمياء انبهر بجمالها وتوقفت عنده قدرة التعبير عن هذا الجمال ودخل حب لمياء بقلب فهد وهنا المشكله .. فهد دارت برأسه الاسئلة .. ياربي كيف اوصل للمياء واقولها عن حقيقه مشاعري نحوها ؟؟ كيف اكلمها او اشوفها ؟؟ تذكر ان الطريقة الوحيده هي ساره .. وش الحل يا فهييد؟ قرر يصارح ساره ويقولها عن حبه للمياء .. ولما جائتة الرساله الاولى من بعد اللي صار .. انقلبت حياة فهد فوق تحت هو عارف انه اذا صارح ساره بهالكلام بكذا كأنه راح يقتل بنت عمه بيده .. وخاصه ان ساره محبوبته السابقه .. بعد لمياء قرر فهد يكتب لها واللي يصير يصير .. فكتب لها : بسم الله الرحمن الرحيم عزيزتي ساره " بعد ماكان يكتب لها حبيبتي ساره " كنت لا انوي ان اوصل هذا الكلام لك .. ولكن لم احب ان اتترك تعيشين نار الحب من طرف واحد .. ساره لقد رأيت صورة لمياء في بيتكم .. وحبيتها من كل قلبي رغم اني ما اعرفها ولا قد شفتها الا بالصور .. لكن الله اراد كذا . حبيت اقولك يا ساره عن هالكلام .. لأني اعرفك ما تخيبين رجاي فيك .. علشان كذا ياسوسو حابك تقولين للمياء عن كلامي هذا وتبينين لها عن هالحب اللي بقلبي .. الله يخليك يا ساره ما ابغاكي تزعلين لكن مابيدي شيء.. اخوكِ " بعد ان كان يكتب محبك " فهد وصلت هالرساله لساره اللي كانت متشوقه تفتحها وتقرى كلام فهد لها وحبه اللي يخليها ملكه الدنيا .. لكنها ماكانت تدري ان هالرساله بتقطع قلبها وتفتت حبها وتكرهّا في لمياء بنت خالتها .. ولما فتحت سارة الرسالة قرئتها زعلت وحز في نفسها اللي سواه ولد عمها فهد فيها لكن من محبتها له حاولت جاهدة مساعدته للوصول للمياء .. فكلمت لمياء عن فهد ومدحتومدت .. حتى امتلىء راس لمياء عن فهد .. قالت لها لمياء كلمية وقولي له اني حابة اتعرف عليه أول .. فوصلت ساره الكلام لفهد وفي قلبها حرقة وقهر عن اللي يسوي فيها فهد .. ومن زود " ثقل دم فهد " كان يجلس مع ساره ويقعد يمدح في جمال لمياء وساره المسكينة تغلي من داخلها نار الغيره والحقد لكن المحبة والوفاء لأبن عمها اكبر من الغيره .. وصارت ساره مرسال بين لمياء وفهد لمده سنتين وهم على ذا الحال .. وفهد كان يأخذ رأي ساره في كل شيء يكتبة للمياء .. وهالشيء يزيد القهر والغيره والحقد بقلب ساره الي بدت تجف دموعها من القهر والغير من كثر ما ذرفت الدمع على فهد حبيبها .. كانت ساره تصلح أخطاء فهد اللي كانت من الممكن انها تنهي حب لمياء وفهد ففي بعض الرسائل جمل يحسبها فهد جمل حب واخلاص لكنها بالنسبة للمياء جمل خيانه فكانت ساره تنبهه وتعدل وتراجع رسائله حتى تنقذ هالحب .. اللي هي الضحية الوحيده فيه .. وكانت تسوي هالشيء عن طيبة قلب واخلاص لفهد حبيبها .. لأنها ما تبغى أي شيء يزعجه .. ففهد يترك الرساله عن ساره يوم او يومين قبل ما يرسلها للمياء وكانت ساره تعدلهم بدمع العين ودم القلب الجريح .. باكية وهي تعدلها .. دامعه العين ..جريحة القلب .. دخل سن الزواج للمياء وساره .. وفهد ابتدى يفكر يخطب لمياء زوجة له وبالفعل خطبها وملك عليها وكل هذا من فضائل ساره الي طرحت الفكره لخالتها ومدحت فهد عندها حتى وافقوا عليه .. وسعت في اختيار شبكتهم والسبب طبعا في الأةول حبها لفهد وثانيا ان فهد ماعنده اخوات ويعتبرها اخت له بعد ان كانت حبيبة عمره ..تزوج فهد لمياء وانجبوا اول طفل لهم وعاشت ساره ترفض الخطاب الواحد تلو الاخر .. حتى فاتها قطار الزواج وعنست ساره في بيت اهلها وهي باكية حزينه مكسورة القلب.. وبعد 15 سنه صار عند لمياء وفهد 4 اولا ثنين شباب وثنتين بنات .. وصاب ساره مرض خطييييير .. تقدر ساره تتعالج منه بإذن الله لكن لابد من تحسن حالتها النفسيه المتردية جدا وهذا كلام الطبيب .. لكن ما طرأ أي تحسن في حالة ساره النفسيه والسبب طبعا نكران فهد لجمايلها وجحده لها ونسيانها .. وفي يوم من الأيان اشتد المرض وانتشر بشكل مخيف في جسم ساره .. ونقلتها امها بسررررعه للمستشفى التخصصي بالرياض .. حاولوا الاطباء انهم يلحقوا على ساره لكن المرض .. قضى عليها .. والتهم جسدها النحييييل وبقيت ساره الورده المتفتحة سابقا .. مجرد غصن متيبس لا اكثر .. وانتهت احلامها الى سرير ابيض في المستشفى التخصصي بالرياض .. وهي تنتظر حبيب القلب فهد .. يزورها او يسأل على الأقل عنها ومتأكده انه لو سأل كان تحسنت حالتها لو قليل لكن فهد نسى ان عنده بنت عم اسمها ساره .. حتى جاء يومها واشتد المرض عليها جدا … مسك الله روحها وقبضها .. وتوفيت ساره على سرير ابيض بوجود اخوانها عندها .. حيث انهم اكدوا ان اخر كلمها قالتها هي " فهد " هذي الكلمة اللي ما وفى صاحبها بوفاء ساره له .. وما قدّر حبها له .. وتوفيت ساره ووجدوا وصيتها هذا الكلام : بسم الله الرحمن الرحيم ابن عمي العزيز .. فهد اعرف انك لن تذرف دمعة واحده برحيلي .. لكني والله ذرفت الدمع الغزييير بحياتك . فهد لقد مزقتني يا فهد .. قتلتني يافهد .. سكنت روحي وقلبي لكنك ما قدّرت اللي سويته لك كله .. فهد انا ما ابغى اخرب عليك عيشتك لكن .. انتبه لبيتك .. وانتبه لزوجتك وهذي تحتها خطين يافهد .. رب ابنائك على التقوى والصلاح بأذن الله لأنهم ابنائي واعتبرهم ابنائي لأنهم ابناء فهد .. محبتك … ساره قرأ فهد وصية ساره .. وقعد يفكر في كلمتها " انتبه لزوجتك يا فهد وهذي تحتها خطين ؟! " ايش فيها لمياء؟ اكتشف فهد في الأخير خيانه لمياء له .. ايام شبابهم وانها كانت تتسلى به وما وافقت عليه الا بعد الحاح ساره وترغيبها بفهد .. فهد طلق لمياء .. لكن بعد ايش بعد خسارة لمياء وساره كلهم .؟؟ وامضى حياته يدعي لساره .. ويبكي على قبرها ،،، |
|
|
|
|
14-08-2004, 09:23 AM
|
#2 |
|
(حلا فعّال)
|
والله القصه محزنه وااااااايد ..
مشكووور الحنووون ع القصه الماثره .. |
|
14-08-2004, 09:37 AM
|
#3 |
|
(حلا فعّال)
|
والله قصة محزنة الله يعطيك العافية على هذه القصة.
|
|
|
|
|
14-08-2004, 04:26 PM
|
#4 |
|
(حلا فعّال)
|
يعطييك الف الف عافيه ..
قصه محزنه جدا جدا ... لكنها جميله مشكوور وما تقصر :( :( :( |
|
15-08-2004, 10:04 AM
|
#5 |
|
(حلا فعّال)
|
يسلمووو أخوي الحنون على هالقصة بس محزنة صج واااايد
وتسلم يمناك... والله يعطيك ألف ألف عافية ماتقصر بانتظار منك المزيد بفارغ الصبر والى الامام دومــاً مع احلى تحية من جوهرة البحرين,, |
|
|
|
|
23-09-2004, 07:00 PM
|
#6 |
|
عضو شرف
 
|
  اخي العزيز... ¨°o.O ( ..^ الحنون ^.. ) O.o°¨  جزاك الله خير اخي الغالي وشكرا اخي على كل المشاركات الحلوه تقبل مني اخلص تحياتي وأطيبها ودمت دائما بود ودمت صديقا رائعا... أوصيكم ونفسي بتقوى الله وهي الخوف من الجليل والعمل بالتنزيل والقناعة بالقليل والاستعداد ليوم الرحيل جعلني الله وإياكم من المتقين سبحان الله وبحمدة استغرف الله رب العالمين الهم صلي وسلمي على سيدنا وحبيبنا محمد وعلى الهي وصحبة اجمعين رضيت بالله ربا وبلإسلام دينا وبمحمد صلى الله عليه وسلم نبيا ورسولا الهم اني استغفوك واتوب اليك اللهم انك سلطت علينا عدوا عليما بعيوبنا يرانا هو وقبيله من حيث لا نراهم اللهم آيسه منا كما آيستـه من رحمتك وقنطه منا كما قنطـته من عـفوك وباعــد بيننا وبينه كما باعـدت بينه وبين رحمتك وجنتك اللهم اعني على ذكرك وشكرك وحسن عبادتك سبحان الله و الحمد لله و لا اله الا الله و الله اكبر سبحان الله و بحمده سبحان الله العظيم اللهم لك أسلمت وبك آمنت وعليك توكلت واليك انبت وبك خاصمت اللهم اني اعوذ بعزتك ,لا اله الا انت الحي الذي لا يموت.. اعوذ بكلمات الله التامات من شر ما خلق لم يضره شيء حتى يرتحل من منزله ذلك اللهم مصرف القلوب صرف قلوبنا على طاعتك اللهم اني اسالك العافية في الدنيا والاخرة اللهم اني اعوذ بك من شر سمعي ؛ ومن شر بصري ؛ ومن شر لساني ومن شر قلبي ؛ ومن شر منيي لااله الا الله العضيم الحليم لااله الا الله رب العرش العضيم لااله الا الله رب السموات ورب الأرض ورب العرش الكريم لااله الا انت سبحانك اني كنت من الضالمين يا حي يا قيوم برحمتك استغيث اصلح لي شأني كله ولا تكلني الى نفسي طرفة عين اللهم إني استودعك ما علمتني إياه وما توفيقي إلا بالله عليه توكلت وإليه أنيب اللهم إني توكلت عليك وأسلمت أمري إليك ربي أدخلني مدخل صدق وأخرجني مخرج صدق واجعل لي من لدنك سلطانا نصيرا ربي اشرح لي صدري ويسر لي أمري واحلل عقدة من لساني يفقهوا قولي بسم الله ال**اح اللهم لا سهل إلا ما جعلته سهلا وأنت تجعل الحزن إذا شئت سهلا يا ارحم الراحمين. لا اله إلا أنت سبحانك إني كنت من الظالمين يا حي يا قيوم برحمتك استغيث. الحمد الله الذي هدانا لهذا وما كنا لنهتدي, لولا أن هدانا الله  ~¤ô¦¦§¦¦ô¤~ أسير الشوق ~¤ô¦¦§¦¦ô¤~  |
 |
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| واحد حصل اخته مع اعز اصدقائة ( قصة محزنة) | وحـــدانـــي | مجلس حلا للقصص والروايات | 3 | 23-10-2005 12:43 AM |
| قصة محزنة.. | @@بنت ابوها@@ | مجلس حلا للقصص والروايات | 5 | 20-10-2005 06:00 AM |
| قصة حب: فهد وسارة | الوافـــي | مجلس حلا للقصص والروايات | 0 | 12-09-2005 02:35 AM |
| ازياء حلوه حلوه جنان | تعب قلبي | مجلس بنات حلا | 6 | 25-08-2005 12:55 PM |
العرض العادي
